ಕುತ್ತಿಗೆ ನೋವಿನ ಉಪಶಮನಕ್ಕಾಗಿ 4 ಫಿಜಿಯೋಥೆರಪಿ ವ್ಯಾಯಾಮಗಳು

ಕುತ್ತಿಗೆ ನೋವು ಎನ್ನುವುದು ಇಂದು ಕೇವಲ ವಯಸ್ಸಾದವರನ್ನು ಮಾತ್ರ ಕಾಡುತ್ತಿಲ್ಲ. ಶಾಲೆಗೆ ಹೋಗುವ ಮಕ್ಕಳನ್ನು, ಕಚೇರಿ ಕೆಲಸಕ್ಕೆ ಹೋಗುವ ವಯಸ್ಕರನ್ನು, ಗರ್ಭಿಣಿಯರನ್ನು ವಿಪರೀತವಾಗಿ ಕಾಡುತ್ತಿದೆ.

ಅದಲ್ಲೂ ಮಳೆಗಾಲ ಮತ್ತು ಚಳಿಗಾಲ ಬಂದರಂತೂ ಕೈ ಕಾಲುಗಳು ಹಿಡಿದುಕೊಳ್ಳುವುದರ ಜೊತೆಗೆ ರಾತ್ರಿ ಮಲಗಿ ಬೆಳಗ್ಗೆ ಮೇಲೇಳುವ ಸಮಯದಲ್ಲಿ ಕುತ್ತಿಗೆ ಕೂಡ ಹಿಡಿದುಕೊಂಡಿರುತ್ತದೆ. ಯಾವುದಾದರೂ ಒಂದು ಕಡೆ ಕತ್ತು ತಿರುಗಿಸಿ ದೃಷ್ಟಿ ಹಾಯಿಸಲು ಮುಂದಾಗಬೇಕಾದರೆ ಸಂಪೂರ್ಣವಾಗಿ ನಾವೇ ಒಂದು ಸುತ್ತು ಹಾಕಬೇಕು. ಅಷ್ಟರ ಮಟ್ಟಿಗೆ ನೋವು ಬಾಧೆ ಕೊಡುತ್ತದೆ.

ಕುತ್ತಿಗೆಯ ನೋವಿಗೆ ಹಲವಾರು ಕಾರಣಗಳು ಇರಬಹುದು. ಸದಾ ಒಂದೇ ಕಡೆ ಕತ್ತು ಇಟ್ಟು ಮಲಗುವುದು, ನಿರಂತರವಾಗಿ ಒಂದೇ ಕಡೆ ನೋಡುತ್ತಿರುವುದು, ಮಕ್ಕಳು ಯಾವಾಗಲೂ ತಲೆ ಬಗ್ಗಿಸಿ ಓದುತ್ತಿರುವುದು ಇತ್ಯಾದಿ ಎಂದು ಊಹಿಸಬಹುದು. ಇದರ ಜೊತೆಗೆ ಮಾನಸಿಕ ಆರೋಗ್ಯ ಮತ್ತು ಮಾಂಸ - ಖಂಡಗಳ ಸೆಳೆತ ಕೂಡ ಕೆಲವು ಕಾರಣಗಳೆಂದು ವೈದ್ಯರು ಹೇಳುತ್ತಾರೆ.

ದೀರ್ಘ ಕಾಲದಿಂದ ಕಾಡುತ್ತಿರುವ ಕುತ್ತಿಗೆಯ ನೋವಿಗೆ ಆಸ್ಪತ್ರೆಯಲ್ಲಿ ಕೆಲವು ಚಿಕಿತ್ಸೆಗಳನ್ನು ಮಾಡಿದ ನಂತರ ಬಹಳ ಬೇಗನೆ ಪರಿಹಾರ ಕಾಣಲು ಮನೆಯಲ್ಲಿ ಫಿಸಿತೆರಪಿ ವ್ಯಾಯಾಮಗಳನ್ನು ಮಾಡಲು ತೋರಿಸಿ ಕೊಟ್ಟಿರುತ್ತಾರೆ. ಫಿಜಿಯೋಥೆರಪಿ ವ್ಯಾಯಾಮಕ್ಕೆ ಬಹಳ ಹಿಂದಿನಿಂದ ಒಳ್ಳೆಯ ಪ್ರಶಂಸೆ ಸಿಕ್ಕಿದೆ.

ಏಕೆಂದರೆ ನೋವು ನಿವಾರಣೆಯಲ್ಲಿ ಇದಕ್ಕಿಂತಲೂ ಸುಲಭವಾದ ಮತ್ತು ಸರಳವಾದ ಪರಿಹಾರ ಬೇರೆ ಇಲ್ಲ. ಮೊದಲು ನಿಧಾನವಾಗಿ ಫಿಸಿತೆರಪಿ ವ್ಯಾಯಾಮಗಳನ್ನು ಪ್ರಾರಂಭ ಮಾಡುವುದರಿಂದ ನಂತರ ಸ್ವಲ್ಪ ಕಠಿಣವಾದ ವ್ಯಾಯಾಮಗಳಿಗೆ ಮುಂದಾಗಬಹುದು. ಈ ಲೇಖನದಲ್ಲಿ ಕುತ್ತಿಗೆಯ ನೋವಿಗೆ ಪರಿಹಾರ ಕಾಣಲು ಯಾವ ಪಿಜಿಯೋತೆರಪಿ ವ್ಯಾಯಾಮಗಳು ತುಂಬಾ ಸಹಕಾರಿ ಎಂದು ತಿಳಿಸಿ ಕೊಡಲಾಗಿದೆ

ಕುತ್ತಿಗೆಯನ್ನು ತಿರುಗಿಸಿ
ನಿಮ್ಮ ಕುತ್ತಿಗೆಯನ್ನು ಯಾವುದಾದರೂ ಒಂದು ಬದಿಗೆ ತಿರುಗಿಸಿ 5 ರಿಂದ 7 ಸೆಕೆಂಡ್ ಗಳ ಕಾಲ ಹಾಗೆ ಇರಿ.
ಈ ಸಮಯದಲ್ಲಿ ಯಾವುದೇ ಕಾರಣಕ್ಕೂ ನಿಮ್ಮ ದವಡೆ ಭಾಗ ಅಲ್ಲಾಡದಂತೆ ಇರಬೇಕು.
7 ಸೆಕೆಂಡ್ ಕಳೆದ ನಂತರ ನಿಧಾನವಾಗಿ ನಿಮ್ಮ ಕುತ್ತಿಗೆಯನ್ನು ಇನ್ನೊಂದು ಬದಿಯ ಕಡೆಗೆ ತಿರುಗಿಸಿ ಮತ್ತೆ 5 ರಿಂದ 7 ಸೆಕೆಂಡ್ ಗಳ ಕಾಲ ಹಾಗೆ ಇರಿ.ಈ ಫಿಸಿಯೋಥೆರಪಿ ವ್ಯಾಯಾಮವನ್ನು 5 ಬಾರಿ ಮಾಡಿ.

ಕುತ್ತಿಗೆ ಭಾಗ ಕಪ್ಪಾಗಿದ್ದರೆ, ಈಗಲೇ ಈ ಮನೆಮದ್ದುಗಳನ್ನು ಟ್ರೈ ಮಾಡಿ

ಕುತ್ತಿಗೆಯನ್ನು ಬಾಗಿಸಿ

• ಸಾಧನವಾಗಿ ಕುತ್ತಿಗೆ ನೋವಿನಿಂದ ಪಾರಾಗಲು ಇದೊಂದು ಸರಳವಾದ ವ್ಯಾಯಾಮ ಎಂದು ತಿಳಿಯಬಹುದು.
• ನಿಮ್ಮ ಕುತ್ತಿಗೆಯಲ್ಲಿ ನೋವು ಕಂಡು ಬಂದ ಸಂದರ್ಭದಲ್ಲಿ ನಿಮ್ಮ ಕುತ್ತಿಗೆಯನ್ನು ನಿಧಾನವಾಗಿ ನೆಲದ ಕಡೆಗೆ ಭಾಗಿಸಿ, ನಿಮ್ಮ ಗಲ್ಲ ನಿಮ್ಮ ಎದೆಗೆ ತಾಗುವಂತೆ ಇಟ್ಟುಕೊಳ್ಳಿ.
• 5 ಸೆಕೆಂಡ್ ಗಳು ಕಳೆದ ನಂತರ ಮತ್ತೊಮ್ಮೆ ಸಹಜ ಸ್ಥಿತಿಗೆ ಬನ್ನಿ
• 5 ಬಾರಿ ಇದೇ ರೀತಿ ಮಾಡಿ.

ಕುತ್ತಿಗೆಯನ್ನು ಪಕ್ಕಕ್ಕೆ ತಿರುಗಿಸಿ

• ನಿಮ್ಮ ಗಲ್ಲ ನಿಮ್ಮ ಭುಜದ ಮೇಲೆ ಬರುವಂತೆ ನಿಮ್ಮ ಕುತ್ತಿಗೆಯನ್ನು ಯಾವುದಾದರೂ ಒಂದು ಕಡೆಗೆ ತಿರುಗಿಸಿ.
• 5 ಸೆಕೆಂಡ್ ಗಳ ಕಾಲ ಹಾಗೆ ಇರಿ.
• ನಂತರ ಇನ್ನೊಂದು ಬದಿಯ ಭುಜದ ಕಡೆಗೆ ನಿಮ್ಮ ಕುತ್ತಿಗೆಯನ್ನು ನಿಧಾನವಾಗಿ ತಿರುಗಿಸಿ. 5 ಸೆಕೆಂಡ್ ಗಳು ಕಳೆಯಿರಿ.
• ಒಂದೊಂದು ಬದಿಯ ಕಡೆಗೆ ಕನಿಷ್ಠ 5 ಬಾರಿ ಇದೇ ರೀತಿ ಮಾಡಿ.

ಕುತ್ತಿಗೆ ನೋವು ಶಮನಕ್ಕೆ ಸರಳ ವ್ಯಾಯಾಮ

ಭುಜಗಳನ್ನು ವಿಸ್ತರಿಸಿ
ಈ ಫಿಜಿಯೋಥೆರಪಿ ವ್ಯಾಯಾಮವನ್ನು ಮಾಡುವ ಮುಂಚೆ ಮೊದಲು ನೀವು ನೇರವಾಗಿ ನಿಂತುಕೊಳ್ಳಬೇಕು. ಈಗ ನಿಮ್ಮ ಕುತ್ತಿಗೆಯನ್ನು ಮುಂಭಾಗಕ್ಕೆ ಬರುವಂತೆ ಮಾಡಿ. ನಿಮ್ಮ ಎರಡೂ ಬದಿಯ ಭುಜಗಳನ್ನು ನೇರವಾಗಿ ಒಂದೇ ಸಾಲಿನಲ್ಲಿ ಬರುವಂತೆ ಇಟ್ಟುಕೊಳ್ಳಿ.
5 ಸೆಕೆಂಡ್ ಗಳು ಹಾಗೆ ಇದ್ದು ನಿಮ್ಮ ಕುತ್ತಿಗೆ ಭಾಗದ ಮಾಂಸಖಂಡಗಳನ್ನು ಹಿಗ್ಗಿಸಿ.
ನಿಧಾನವಾಗಿ ನಿಮ್ಮ ಮೊದಲಿನ ಸ್ಥಿತಿಗೆ ಬನ್ನಿ.
ಇದೇ ವ್ಯಾಯಾಮವನ್ನು 5 ಬಾರಿ ಪ್ರಯತ್ನಿಸಿ.

ಭುಜದ ನೋವು ನಿವಾರಣೆಗೆ ಸರಳ ವ್ಯಾಯಾಮಗಳು

ಕೊನೆ ಮಾತು
ಒಂದು ವೇಳೆ ನಿಮ್ಮ ಕುತ್ತಿಗೆ ನೋವು ಒಂದು ತಿಂಗಳು ಅಥವಾ ಎರಡು ತಿಂಗಳಾದರೂ ಕಡಿಮೆ ಆಗದಿದ್ದರೆ ಒಬ್ಬ ಅನುಭವಿ ಫಿಸಿತೆರಪಿಸ್ಟ್ ಬಳಿ ನಿಮ್ಮ ಸಮಸ್ಯೆಯನ್ನು ತಿಳಿಸಿ. ಕೇವಲ 2 ರಿಂದ 4 ವಾರಗಳಲ್ಲಿ ನಿಮ್ಮ ಸಮಸ್ಯೆ ಪರಿಹಾರ ಆಗುತ್ತದೆ.

ನೀವು ನಿಮ್ಮ ಜೀವನದಲ್ಲಿ ಅನುಸರಿಸುವ ಕೆಲವೊಂದು ಆಹಾರ ಪದ್ಧತಿ ಮತ್ತು ಜೀವನ ಶೈಲಿ ಕೂಡ ನಿಮ್ಮ ಕುತ್ತಿಗೆ ನೋವಿಗೆ ಕಾರಣ ಆಗುತ್ತದೆ ಎಂದು ಹೇಳಬಹುದು. ಉದಾಹರಣೆಗೆ ಹೆಚ್ಚಾಗಿ ಕಂಪ್ಯೂಟರ್ ಮುಂದೆ ಕೂರುವುದು, ಕಣ್ಣುಗಳಿಗೆ ತುಂಬಾ ಹತ್ತಿರವಾಗಿ ಮೊಬೈಲ್ ಹಿಡಿಯುವುದು ಇತ್ಯಾದಿ. ಹಾಗಾಗಿ ಇಂತಹ ಅಭ್ಯಾಸಗಳನ್ನು ಸಾಧ್ಯವಾದಷ್ಟು ತಪ್ಪಿಸಿ.
Read in english
Neck pain? 4 physiotherapy exercises you can do at home