ಮನಸ್ಸು ರಿಲ್ಯಾಕ್ಸ್‌ ಆಗಬೇಕೆ? ಈ ಪರಿಮಳ ಆಘ್ರಾಣಿಸಿ

ಒತ್ತಡದ ಜೀವನಶೈಲಿ, ಕೆಲಸದ ಒತ್ತಡ ಇವೆಲ್ಲಾ ಸೇರಿ ನಮ್ಮನ್ನು ಹಿಂಡಿ ಹಿಪ್ಪೆ ಮಾಡಿ ಬಿಡುತ್ತದೆ. ಮಾನಸಿಕ ಒತ್ತಡ ಅಧಿಕವಾದಾಗ ಸುಸ್ತು, ತಲೆನೋವು, ಮೈಕೈ ನೋವು, ಅಜೀರ್ಣ ಮುಂತಾದ ಸಮಸ್ಯೆ ಕಂಡು ಬರುತ್ತದೆ. ಆದ್ದರಿಂದ ಮಾನಸಿಕ ಹಾಗೂ ದೈಹಿಕ ಆರೋಗ್ಯದ ದೃಷ್ಟಿಯಿಂದ ಮೈ-ಮನಸ್ಸು ಎರಡನ್ನೂ ರಿಲ್ಯಾಕ್ಸ್‌ ಮಾಡಬೇಕು. ಇದಕ್ಕೆ ಅರೋಮಾಥೆರಪಿ ಬೆಸ್ಟ್‌. ಇದಕ್ಕಾಗಿ ಸ್ಪಾಗೆ ಹೋಗಬೇಕಾಗಿಲ್ಲ. ಈ ಮೂರು ಬಗೆಯ ಎಣ್ಣೆ ನಿಮ್ಮ ಮನೆಯಲ್ಲಿದ್ದರೆ ಸಾಕು.

ಲ್ಯಾವೆಂಡರ್‌ ಎಣ್ಣೆ
ಶೀತ, ಮೈಗ್ರೇನ್‌ ಸಮಸ್ಯೆ ಗುಣಪಡಿಸುವಲ್ಲಿ ಇದು ತುಂಬಾ ಸಹಕಾರಿ. ಈ ಎಣ್ಣೆಯಿಂದ ಮಸಾಜ್‌ ಮಾಡಿದರೆ ಮೈ-ಮನಸ್ಸು ರಿಲ್ಯಾಕ್ಸ್‌ ಆಗುವುದು.

ಬೆರ್ಗಾಮೊಟ್‌ ಬೇಸಿಕ್ಸ್ (BERGAMOT BASICS)
ಮೊಡವೆ, ಖಿನ್ನತೆ, ಮಾನಸಿಕ ಒತ್ತಡ, ಶೀತ, ಗಂಟಲು ಕೆರೆತ ಮುಂತಾದ ಸಮಸ್ಯೆಗಳ ನಿವಾರಣೆಗೆ ಈ ಎಣ್ಣೆ ಸಹಕಾರಿ.

ಇದನ್ನುತೆಂಗಿನೆಣ್ಣೆ ಜತೆ ಮಿಶ್ರ ಮಾಡಿ ತಲೆ ಹಾಗೂ ದೇಹಕ್ಕೆ ಮಸಾಜ್ ಮಾಡಿದರೆ ಒಳ್ಳೆಯದು. ರಾತ್ರಿ ಮಲಗುವಾಗ ಈ ಎಣ್ಣೆಯಿಂದ ಪಾದಕ್ಕೆ ಮಸಾಜ್‌ ಮಾಡುವುದರಿಂದ ಸವಿನಿದ್ದೆಗೆ ಸಹಕಾರಿ.

ರೋಸ್‌ಮೆರಿ ಎಣ್ಣೆ
3-4 ಹನಿ ರೋಸ್‌ಮೆರಿ ಎಣ್ಣೆಗೆ 1 ಚಮಚ ಜೊಜೊಬಾ ಎಣ್ಣೆ ಹಾಕಿ ತಲೆಗೆ ಹಚ್ಚಿ, ಇದನ್ನು ಪೆಪ್ಪರ್‌ಮಿಂಟ್‌ ಎಣ್ಣೆ ಜತೆ ಮಿಶ್ರ ಮಾಡಿ ತಲೆಗೆ ಹಚ್ಚಿದರೆ ಕೂದಲು ಚೆನ್ನಾಗಿ ಬೆಳೆಯುವುದು.