ಕೊರೊನಾ ಎಚ್ಚರಿಕೆ: ನೀವೇನು ಮಾಡಬೇಕು, ಮಾಡಬಾರದು?

ಕೊರೊನಾ ವೈರಸ್ ಎನ್ನುವುದು ಚೀನಾದಲ್ಲಿ ಜನ್ಮ ಪಡೆದು ಇಂದು ವಿಶ್ವನ್ನೇ ಬೆಚ್ಚಿ ಬೀಳುವಂತೆ ಮಾಡಿದೆ. ವಿಶ್ವದ ಹೆಚ್ಚಿನ ಎಲ್ಲಾ ರಾಷ್ಟ್ರಗಳಿಗೆ ಇದು ಆವರಿಸಿದೆ ಮತ್ತು ಅಲ್ಲಿ ತನ್ನ ರುದ್ರತಾಂಡವವನ್ನು ನಡೆಸುತ್ತಿದೆ. ಇದರಿಂದ ಸಾವಿರಾರು ಮಂದಿ ಪ್ರಾಣ ಕಳೆದುಕೊಂಡಿದ್ದಾರೆ. ಈ ಸಂಖ್ಯೆಯು ದಿನದಿಂದ ದಿನಕ್ಕೆ ಹೆಚ್ಚುತ್ತಲೇ ಇದೆ.

ಭಾರತದಲ್ಲೂ ಕೊರೊನಾ ಸೋಂಕಿತರ ಸಂಖ್ಯೆಯು ದಿನದಿಂದ ದಿನಕ್ಕೆ ವೃದ್ಧಿಸುತ್ತಿದೆ. ಸರ್ಕಾರ ಕೆಲವೊಂದು ಜಿಲ್ಲೆಗಳಲ್ಲಿ ಸಂಪೂರ್ಣ ಲಾಕ್ ಡೌನ್ ಮಾಡಿದ್ದರೂ ಜನರು ಹಾಗೆ ಓಡಾಡುತ್ತಿರುವುದು ಮಾತ್ರ ಇನ್ನೂ ಜನರಿಗೆ ಇದರ ಬಗ್ಗೆ ಗಂಭೀರತೆ ಕಂಡುಬಂದಿಲ್ಲ ಎನ್ನುವುದನ್ನು ತೋರಿಸುತ್ತದೆ. ಇದೇ ರೀತಿ ಮುಂದುವರಿದರೆ ನಾವು ಕೂಡ ವಿದೇಶಗಳಂತೆ ಪರದಾಡಬೇಕಾಗುತ್ತದೆ. ಕೊರೋನಾ ವೈರಸ್ ಹರಡದಂತೆ ನೀವು ಮಾಡಬೇಕಾದ ಮತ್ತು ಮಾಡಬಾರದ ಕೆಲವು ವಿಚಾರಗಳನ್ನು ನಾವಿಲ್ಲಿ ನಿಮಗೆ ಇಲ್ಲಿ ತಿಳಿಸಿಕೊಡಲಿದ್ದೇವೆ.

ಕೊರೊನಾ ಭೀತಿ: ಕೈ ತೊಳೆಯುವಾಗ ಇವೆಲ್ಲಾ ಸಂಗತಿಗಳು ನೆನಪಿರಲಿ

ಈ ಸಂಗತಿಗಳನ್ನು ತಪ್ಪದೇ ಮಾಡಲೇಬೇಕು

• ಬಿಸಾಕುವ ಟಿಶ್ಯೂ ಅಥವಾ ಕರವಸ್ತ್ರದಿಂದ ಮುಖ ಮತ್ತು ಬಾಯಿ ಮುಚ್ಚಿಕೊಳ್ಳಿ.
• ಪದೇ ಪದೇ ಕೈಗಳನ್ನು ಸೋಪು ಮತ್ತು ನೀರಿನಿಂದ ತೊಳೆಯಿರಿ.
• ತುಂಬಾ ಜನಜಂಗುಳಿ ಇರುವ ಜಾಗಗಳಿಗೆ ಹೋಗಬೇಡಿ.
• ಅನಾರೋಗ್ಯ ಪೀಡಿತರಿದ್ದರೆ ಆಗ ಅವರು ಮನೆಯಲ್ಲೇ ಉಳಿದುಕೊಳ್ಳುವುದು ಒಲಿತು.
• ಜ್ವರ ಇರುವಂತಹ ವ್ಯಕ್ತಿಯಿಂದ ಒಂದು ಅಡಿ ದೂರದಲ್ಲಿರಿ.
• ಸರಿಯಾಗಿ ನಿದ್ರೆ ಮತ್ತು ವಿಶ್ರಾಂತಿ ಮಾಡಿ.
• ಹೆಚ್ಚಿನ ಪ್ರಮಾಣದಲ್ಲಿ ನೀರು ಮತ್ತು ದ್ರವಾಂಶ ಸೇವಿಸಿ. ಪೋಷಕಾಂಶಗಳು ಇರುವ ಆಹಾರ ಸೇವಿಸಿ.
• ಜ್ವರ ಲಕ್ಷಣಗಳು ಇರುವಂತಹ ಜನರು ವೈದ್ಯರನ್ನು ಭೇಟಿ ಮಾಡುವುದು ಅತೀ ಅಗತ್ಯ.

ತಪ್ಪಿಯೂ ಈಗೆಲ್ಲಾ ಮಾಡಲೇಬಾರದು

• ಕೆಮ್ಮು ಮತ್ತು ಶೀನಿನ ಬಳಿಕ ಕಣ್ಣು, ಮೂಗು ಮತ್ತು ಬಾಯಿಯನ್ನು ತೊಳೆಯದೆ ಇರುವ ಕೈಗಳಿಂದ ಮುಟ್ಟಬಾರದು.
• ಭೇಟಿಯ ವೇಳೆ ಅಪ್ಪಿಕೊಳ್ಳುವುದು, ಮುತ್ತಿಕ್ಕುವುದು, ಹಸ್ತಲಾಘವ ಮಾಡುವುದನ್ನು ಕಡೆಗಣಿಸಿ.
• ಸಾರ್ವಜನಿಕ ಸ್ಥಳಗಳಲ್ಲಿ ಉಗುಳುವುದು.
• ವೈದ್ಯರನ್ನು ಸಂಪರ್ಕಿಸದೆ ಔಷಧಿ ತೆಗೆದುಕೊಳ್ಳುವುದು.
• ತೆರೆದ ಜಾಗದಲ್ಲಿ ನ್ಯಾಪ್ಕಿನ್ ಮತ್ತು ಟಿಶ್ಯೂ ಬಿಸಾಕುವುದು.
• ಹೆಚ್ಚು ಜನರು ಬಳಸುವಂತಹ ವಸ್ತು(ರ್ಯಾಲಿಂಗ್, ಬಾಗಿಲು, ಗೇಟ್ ಇತ್ಯಾದಿ)ಗಳನ್ನು ಮುಟ್ಟುವುದು.