ಟ್ರಾವೆಲ್ ಮಾಡುವ ಸಂದರ್ಭದಲ್ಲಿ ಇವುಗಳನ್ನು ಮಾತ್ರ ತಿನ್ನಬೇಡಿ!

• ನೀವು ಟ್ರಾವೆಲ್ ಮಾಡುವಾಗ ಅಪ್ಪಿತಪ್ಪಿ ಹಣ್ಣುಗಳನ್ನು ತಿನ್ನಬೇಕು ಎಂದುಕೊಂಡರೆ, ಯಾವುದೇ ಕಾರಣಕ್ಕೂ ಸೇಬು ಹಣ್ಣು ಮತ್ತು ಬೆರ್ರಿ ಹಣ್ಣುಗಳನ್ನು ಸೇವನೆ ಮಾಡಬೇಡಿ. ಇವು ನಿಮಗೆ ವಾಂತಿ ತರಿಸುವ ಸಾಧ್ಯತೆ ಹೆಚ್ಚಾಗಿರುತ್ತದೆ.
• ಇದರ ಬದಲು ಬಾಳೆಹಣ್ಣು ಅಥವಾ ಕಿತ್ತಳೆ ಹಣ್ಣು ಸೇವನೆ ಮಾಡಬಹುದು. ಕಿತ್ತಳೆ ಹಣ್ಣಿನ ಜ್ಯೂಸ್ ಸಹ ಕುಡಿಯಬಹುದು. ಬೆರ್ರಿ ಹಣ್ಣುಗಳು ಮತ್ತು ಸೇಬು ಹಣ್ಣುಗಳು ಬ್ಯಾಕ್ಟೀರಿಯಾಗಳಿಗೆ ಗುರಿಯಾಗಿರುವ ಸಾಧ್ಯತೆ ಇರುತ್ತದೆ. ಹಾಗಾಗಿ ಇವುಗಳನ್ನು ಸೇವನೆ ಮಾಡಿದ ನಂತರ, ಹೊಟ್ಟೆಯ ಭಾಗದಲ್ಲಿ ಸೋಂಕು ಉಂಟಾಗುವ ಸಾಧ್ಯತೆ ಇರುತ್ತದೆ.

• ಪ್ರವಾಸ ಸಂದರ್ಭದಲ್ಲಿ ಡೈರಿ ಉತ್ಪನ್ನಗಳನ್ನು ಅಥವಾ ಮಾಂಸಾಹಾರ ಪದಾರ್ಥಗಳನ್ನು ಸೇವನೆ ಮಾಡದಿರುವುದು ಒಳ್ಳೆಯದು. ಏಕೆಂದರೆ ಇವುಗಳನ್ನು ಯಾವ ರೀತಿ ಶೇಖರಣೆ ಮಾಡಿರುತ್ತಾರೆ ಎಂದು ಹೇಳಲು ಬರುವುದಿಲ್ಲ.
• ಇವುಗಳಿಂದ ನಮಗೆ ಸೋಂಕು ಹಬ್ಬುವ ಸಾಧ್ಯತೆ ಹೆಚ್ಚಾಗಿರುತ್ತದೆ. ಹೀಗಾಗಿ ಸಾಧ್ಯವಾದಷ್ಟು ಹೆಚ್ಚು ಬಿಸಿ ಮಾಡಿದ ಆಹಾರಪದಾರ್ಥಗಳನ್ನು ಸೇವನೆ ಮಾಡುವುದು ಒಳ್ಳೆಯದು. ಉದಾಹರಣೆಗೆ ದಾಲ್, ಪರೋಟ ಇತ್ಯಾದಿಗಳು.

• ಬೇಕರಿಯಲ್ಲಿ ಸಿಗುವ ಬಹುತೇಕ ಆಹಾರ ಪದಾರ್ಥಗಳು ಸಂಸ್ಕರಣೆ ಮಾಡಿರುತ್ತವೆ ಮತ್ತು ರಿಫೈನ್ ಮಾಡಿದ ಹಿಟ್ಟಿನಿಂದ ತಯಾರು ಮಾಡಲ್ಪಟ್ಟಿರುತ್ತವೆ.
• ಹೀಗಾಗಿ ಟ್ರಾವೆಲ್ ಮಾಡುವ ಸಂದರ್ಭದಲ್ಲಿ ಬಿಸ್ಕೆಟ್, ಬ್ರೆಡ್, ಎಣ್ಣೆ ಅಂಶ ಹೆಚ್ಚಾಗಿರುವ ಆಹಾರ ಪದಾರ್ಥಗಳು ಇವುಗಳನ್ನು ಸೇವನೆ ಮಾಡಬೇಡಿ. ಇವುಗಳಿಂದ ಹೊಟ್ಟೆ ಉಬ್ಬರ ಉಂಟಾಗುತ್ತದೆ ಮತ್ತು ಆರೋಗ್ಯದ ಅಸ್ವಸ್ಥತೆ ಎದುರಾಗುತ್ತದೆ.

ಹಸಿ ಹಣ್ಣು ಮತ್ತು ತರಕಾರಿಗಳು ಆರೋಗ್ಯಕ್ಕೆ ಒಳ್ಳೆಯದು ನಿಜ. ಆದರೆ ಚೆನ್ನಾಗಿ ಸ್ವಚ್ಛಮಾಡಿ ತಿನ್ನಬೇಕು ಅಷ್ಟೆ. ಜೊತೆಗೆ ಇವುಗಳಲ್ಲಿ ಬ್ಯಾಕ್ಟೀರಿಯಗಳು ಇರುವುದರಿಂದ ತರಕಾರಿಗಳನ್ನು ಸ್ವಲ್ಪ ಹೆಚ್ಚು ಬೇಯಿಸಿ ತಿನ್ನುವುದು ವಾಸಿ. ಇದರಿಂದ ಹೊಟ್ಟೆಯ ಭಾಗಕ್ಕೆ ಸೋಂಕು ಉಂಟಾಗುವ ಸಾಧ್ಯತೆ ಇರುವುದಿಲ್ಲ.

ಈ ರೀತಿ ಸಂಪೂರ್ಣವಾದ ಸಮತೋಲನ ಆಹಾರ ಪದಾರ್ಥವನ್ನು ಸೇವನೆ ಮಾಡುವುದು ಒಳ್ಳೆಯದು. ಇದು ನಿಮ್ಮ ಹೊಟ್ಟೆಗೆ ಹಗುರವಾದ ಆಹಾರವಾಗಿರುತ್ತದೆ ಮತ್ತು ನಿಮಗೆ ಯಾವುದೇ ಆರೋಗ್ಯದ ಅಸ್ವಸ್ಥತೆಯನ್ನು ಉಂಟು ಮಾಡುವುದಿಲ್ಲ.

ಕರಿದ ಆಹಾರ ಪದಾರ್ಥಗಳಲ್ಲಿ ಸೋಡಿಯಂ ಅಂಶ ಹೆಚ್ಚಾಗಿರುತ್ತದೆ ಮತ್ತು ಎಣ್ಣೆಯ ಅಂಶ ಕೂಡ ತುಂಬಾ ಇರುತ್ತದೆ. ಹೀಗಾಗಿ ಸಂಜೆಯ ಸ್ನ್ಯಾಕ್ಸ್ ಸಮಯದಲ್ಲಿ ಇವುಗಳನ್ನು ಸೇವನೆ ಮಾಡದೆ ಇರುವುದು ಒಳ್ಳೆಯದು. ಇದರ ಬದಲು ಕೆಲವು ಡ್ರೈಫ್ರೂಟ್ಸ್ ಗಳನ್ನು ಇಟ್ಟುಕೊಂಡರೆ ನಿಮಗೆ ಹೊಟ್ಟೆ ಹಸಿವಾದಾಗ ತಿಂದು ತಕ್ಷಣವೇ ನಿಮ್ಮ ದೇಹಕ್ಕೆ ಶಕ್ತಿ ಮತ್ತು ಚೈತನ್ಯವನ್ನು ತಂದುಕೊಳ್ಳಬಹುದು.