ಹೀಗಾಗಿ ನಿಮ್ಮ ಲೈಂಗಿಕ ಶಕ್ತಿಯನ್ನು ಹೆಚ್ಚು ಮಾಡಿಕೊಳ್ಳಲು ಕೆಲವೊಂದು ಹಣ್ಣುಗಳನ್ನು ಆಹಾರ ಪದ್ಧತಿಯಲ್ಲಿ ಸೇರಿಸಿಕೊಳ್ಳಬೇಕು ಎಂದು ಲೈಂಗಿಕ ತಜ್ಞರು ಅಭಿಪ್ರಾಯ ವ್ಯಕ್ತಪಡಿಸುತ್ತಾರೆ.
ಅತ್ಯುತ್ತಮವಾದ, ನಿಮ್ಮನ್ನು ಲೈಂಗಿಕ ಉತ್ತುಂಗಕ್ಕೆ ತಲುಪಿಸುವ ಮತ್ತು ನಿಮ್ಮ ಸಂಗಾತಿ ಎದುರು ಉತ್ತಮವಾದ ಲೈಂಗಿಕ ಪರ್ಫಾರ್ಮೆನ್ಸ್ ತೋರಿಸುವಂತೆ ಮಾಡುವ ಕೆಲವು ಹಣ್ಣುಗಳು ಇಲ್ಲಿವೆ. ಅವುಗಳ ಬಗ್ಗೆ ತಿಳಿದುಕೊಳ್ಳಿ.
ಬಾಳೆಹಣ್ಣು ಸೇವನೆ ಮಾಡುವುದು
ಬಾಳೆಹಣ್ಣಿನಲ್ಲಿ ಬ್ರೋಮೇಲೈನ್ ಎಂಬ ಅಂಶ ಸಾಕಷ್ಟಿದೆ. ಇದು ಪ್ರಮುಖವಾಗಿ ಪುರುಷರ ನಪುಂಸಕತ್ವವನ್ನು ದೂರಮಾಡುವ ಮತ್ತು ಲೈಂಗಿಕ ಶಕ್ತಿಯನ್ನು ಹಾಗೆ ದೈಹಿಕ ಸದೃಢತೆಯನ್ನು ಹೆಚ್ಚು ಮಾಡುವ ಒಂದು ಅಂಶವಾಗಿದೆ. ಇದು ಪ್ರಮುಖವಾಗಿ ಮೆದುಳಿನ ಭಾಗದಿಂದ ಹಾರ್ಮೋನುಗಳ ಬಿಡುಗಡೆ ಮಾಡಿ ಲೈಂಗಿಕ ಆಸಕ್ತಿಯನ್ನು ಕೆರಳಿಸುತ್ತದೆ.
ದಾಳಿಂಬೆ ಹಣ್ಣಿನ ಬೀಜಗಳು
- ಪ್ರತಿದಿನ ದಾಳಿಂಬೆ ಹಣ್ಣನ್ನು ಸೇವನೆ ಮಾಡುವುದರಿಂದ ಅಥವಾ ದಾಳಿಂಬೆ ಹಣ್ಣಿನ ಜ್ಯೂಸ್ ಕುಡಿಯುವುದರಿಂದ ಪುರುಷರಲ್ಲಿ ವೀರ್ಯಾಣುಗಳ ಗುಣಮಟ್ಟ ಹಾಗೂ ಸಂತತಿ ಹೆಚ್ಚಾಗುತ್ತದೆ ಎಂದು ಲೈಂಗಿಕ ತಜ್ಞರು ಹೇಳುತ್ತಾರೆ.
- ನೈಸರ್ಗಿಕವಾದ ರೀತಿಯಲ್ಲಿ ದೇಹದಲ್ಲಿ ಲೈಂಗಿಕ ಹಾರ್ಮೋನ್ ಎಂದು ಕರೆಸಿಕೊಂಡ ಟೆಸ್ಟೋಸ್ಟಿರೋನ್ ಪ್ರಮಾಣವನ್ನು ಕೂಡ ಇದು ಹೆಚ್ಚು ಮಾಡುವ ಸಾಧ್ಯತೆ ಇದೆ.
ಅಂಜೂರದ ಹಣ್ಣು
ಕೇವಲ ಯಾವುದಾದರೂ ಆರೋಗ್ಯ ಸಮಸ್ಯೆ ಉಂಟಾದಾಗ ಮಾತ್ರ ಇದನ್ನು ಸೇವನೆ ಮಾಡಬೇಕು ಎಂದೇನಿಲ್ಲ. ಇದರಲ್ಲಿ ಸಿಗುವಂತಹ ಮ್ಯಾಂಗನೀಸ್ ಜಿಂಕ್ ಮತ್ತು ಮೆಗ್ನೀಸಿಯಮ್ ಅಂಶಗಳು ಲೈಂಗಿಕ ಸದೃಢತೆಯನ್ನು ಹೆಚ್ಚು ಮಾಡುವ ಗುಣವನ್ನು ಪಡೆದುಕೊಂಡಿದೆ. ಹೀಗಾಗಿ ನಿಮ್ಮ ಸಂಪೂರ್ಣ ಜನನಾಂಗ ವ್ಯವಸ್ಥೆಯ ಆರೋಗ್ಯವನ್ನು ಕಾಪಾಡುವಲ್ಲಿ ಇದು ಪ್ರಮುಖ ಪಾತ್ರ ವಹಿಸುತ್ತದೆ.
ಸ್ಟ್ರಾಬೆರಿ ಹಣ್ಣುಗಳು
- ಸ್ಟ್ರಾಬೆರಿ ಹಣ್ಣುಗಳಲ್ಲಿ ಝಿಂಕ್ ಅಂಶ ಹೆಚ್ಚಾಗಿದೆ. ಆರೋಗ್ಯಕರವಾದ ಟೆಸ್ಟೋಸ್ಟಿರೋನ್ ಗುಣಮಟ್ಟವನ್ನು ವೃದ್ಧಿಸುವಲ್ಲಿ ಮತ್ತು ಮಹಿಳೆಯರಲ್ಲಿ ಲೈಂಗಿಕ ಸಾಮರ್ಥ್ಯವನ್ನು ಹೆಚ್ಚು ಮಾಡುವಲ್ಲಿ ಇದು ಪ್ರಮುಖ ಪಾತ್ರ ವಹಿಸುತ್ತದೆ.
- ಆಂಟಿಆಕ್ಸಿಡೆಂಟ್ ಅಂಶಗಳು ಹೆಚ್ಚಾಗಿರುವ ಮತ್ತು ಜನನಾಂಗದ ಭಾಗದಲ್ಲಿ ರಕ್ತಸಂಚಾರವನ್ನು ಹೆಚ್ಚು ಮಾಡುವ ಗುಣವನ್ನು ಇದು ಪಡೆದುಕೊಂಡಿದೆ. ಹೀಗಾಗಿ ಅತ್ಯುತ್ತಮ ಲೈಂಗಿಕ ಆರೋಗ್ಯ ಮತ್ತು ಸದೃಡತೆ ನಿಮಗೆ ಸಿಗುತ್ತದೆ.
ಲೈಂಗಿಕ ಆರೋಗ್ಯಕ್ಕೆ ಚೆರ್ರಿ ಹಣ್ಣುಗಳು
- ಚೆರ್ರಿ ಹಣ್ಣುಗಳಲ್ಲಿ ವಿಟಮಿನ್ ಎ ಮತ್ತು ವಿಟಮಿನ್ ಸಿ ಅಂಶ ಹೆಚ್ಚಾಗಿ ಸಿಗುತ್ತದೆ. ಇದು ಪುರುಷರ ಲೈಂಗಿಕ ಸಾಮರ್ಥ್ಯವನ್ನು ಹೆಚ್ಚು ಮಾಡುವುದು ಮಾತ್ರವಲ್ಲದೆ ಮಹಿಳೆಯರಿಗೂ ಕೂಡ ಅನುಕೂಲಕಾರಿ ಎಂದು ತಿಳಿದುಬಂದಿದೆ.
- ವಿಟಮಿನ್ ಎ ಅಂಶ ಹೆಚ್ಚಾಗಿರುವ ಇದು ಪುರುಷರ ದೇಹದಲ್ಲಿ ಟೆಸ್ಟೋಸ್ಟಿರೋನ್ ಮತ್ತು ಮಹಿಳೆಯರ ದೇಹದಲ್ಲಿ ಈಸ್ಟ್ರೋಜನ್ ಹಾರ್ಮೋನುಗಳ ಪ್ರಮಾಣವನ್ನು ಹೆಚ್ಚು ಮಾಡುತ್ತದೆ.
- ವಿಟಮಿನ್-ಸಿ ಅಂಶ ಲೈಂಗಿಕ ಆಸಕ್ತಿಯನ್ನು ಹೆಚ್ಚು ಮಾಡುತ್ತದೆ ಮತ್ತು ಪುರುಷರ ವೀರ್ಯಾಣುಗಳ ಸಂಖ್ಯೆ ಮತ್ತು ಗುಣಮಟ್ಟವನ್ನು ಕೂಡ ವೃದ್ಧಿಸುತ್ತದೆ.
ಬೆರ್ರಿ ಹಣ್ಣುಗಳು
ಪುರುಷರ ವೀರ್ಯಾಣುಗಳ ಸಂಖ್ಯೆಯನ್ನು ಹೆಚ್ಚು ಮಾಡುವಲ್ಲಿ ಬೆರ್ರಿ ಹಣ್ಣುಗಳು ಹೆಚ್ಚು ಪ್ರಭಾವಶಾಲಿ. ಇವುಗಳು ರಕ್ತ ಸಂಚಾರವನ್ನು ಉತ್ತಮ ಪಡಿಸುವುದರ ಜೊತೆಗೆ ಅತ್ಯುತ್ತಮ ಪ್ರಮಾಣದಲ್ಲಿ ಪುರುಷರ ವೃಷಣದ ಆರೋಗ್ಯವನ್ನು ವೃದ್ಧಿಸಿ ವೀರ್ಯಾಣುಗಳ ಸಂಖ್ಯೆಯನ್ನು ಹೆಚ್ಚು ಮಾಡುತ್ತದೆ.
ಹಲಸಿನ ಹಣ್ಣು
- ಇದು ಸೀಸನ್ ನಲ್ಲಿ ಮಾತ್ರ ಸಿಗುವಂತಹ ಹಣ್ಣು ಎಂದು ಎಲ್ಲರಿಗೂ ಗೊತ್ತು. ಆದರೆ ಲೈಂಗಿಕ ಅಸಾಮರ್ಥ್ಯದಿಂದ ಬಳಲುತ್ತಿರುವ ಪುರುಷರು ಹಲಸಿನ ಹಣ್ಣು ಸಿಕ್ಕಾಗ ಸುಮ್ಮನಿರುವುದು ಒಳ್ಳೆಯದಲ್ಲ.
- ಏಕೆಂದರೆ ಇದರಲ್ಲಿ ನಿಮ್ಮ ದೇಹದಲ್ಲಿ ಲೈಂಗಿಕ ಹಾರ್ಮೋನುಗಳನ್ನು ಅಭಿವೃದ್ಧಿಪಡಿಸಿ ವೀರ್ಯಾಣುಗಳ ಸಂತತಿಯನ್ನು ಹೆಚ್ಚು ಮಾಡುವ ಗುಣ ಲಕ್ಷಣಗಳು ಕಂಡುಬರುತ್ತವೆ.
ಸೇಬು ಹಣ್ಣು
ಹೃದಯದ ಆರೋಗ್ಯಕ್ಕೆ ಪ್ರತಿದಿನ ಒಂದೊಂದು ಸೇಬು ಹಣ್ಣು ತಿನ್ನುವುದು ಪ್ರಯೋಜನಕಾರಿ ಎಂದು ಹೇಳುತ್ತಾರೆ. ವಿಶೇಷವಾಗಿ ಮಹಿಳೆಯರಲ್ಲಿ ಲೈಂಗಿಕ ಆಸಕ್ತಿಯನ್ನು ಹೆಚ್ಚು ಮಾಡುವ ಹಾಗೂ ವೀರ್ಯಾಣುಗಳ ಸಂತತಿಯನ್ನು ಪುರುಷರಲ್ಲಿ ಅಭಿವೃದ್ಧಿಗೊಳಿಸುವ ಜೊತೆಗೆ ಲೈಂಗಿಕ ಕ್ರಿಯೆಯ ಸಂದರ್ಭದಲ್ಲಿ ಹೆಚ್ಚು ದೈಹಿಕ ಸದೃಢತೆ ಒದಗಿಸುವ ಕೆಲಸವನ್ನು ಸೇಬು ಹಣ್ಣು ಮಾಡುತ್ತದೆ.