ನಾವು ಸೇವಿಸುವ ಹಲವಾರು ಆಹಾರಗಳಲ್ಲಿ ಯಾವುದು ಆರೋಗ್ಯಕರ ಮತ್ತು ಯಾವುದು ಅನಾರೋಗ್ಯಕರ ಎಂಬುದು ನಮಗೆ ತಿಳಿದಿರುತ್ತದೆ. ಆದರೂ ಕೂಡ ಅವರನ್ನು ನಮ್ಮ ದಿನನಿತ್ಯದ ಆಹಾರ ಪದ್ಧತಿಯಲ್ಲಿ ಅಭ್ಯಾಸವನ್ನಾಗಿ ರೂಡಿ ಮಾಡಿಕೊಂಡು ನಮ್ಮ ಆರೋಗ್ಯವನ್ನು ನಾವೇ ಕೈಯಾರೆ ಹಾಳು ಮಾಡಿಕೊಳ್ಳುತ್ತಿದ್ದೇವೆ.
ಹೃದಯದ ವಿಚಾರಕ್ಕೆ ಬರುವುದಾದರೆ ನಾವು ಅತಿ ಹೆಚ್ಚು ಸೂಕ್ಷ್ಮವಾಗಿ ನಮ್ಮ ಆರೋಗ್ಯವನ್ನು ಕಾಪಾಡಿಕೊಳ್ಳಬೇಕು. ಹೀಗೆ ಮಾಡಬೇಕು ಎಂದರೆ ಕಟ್ಟುನಿಟ್ಟಾಗಿ ನೋವು ಕೆಲವೊಂದು ಬದಲಾವಣೆಗಳನ್ನು ನಮ್ಮ ಆಹಾರ ಪದ್ಧತಿಯಲ್ಲಿ ತಂದುಕೊಳ್ಳಬೇಕು.
ಈ ಲೇಖನದಲ್ಲಿ ಅಂತಹ ಯಾವ ನಿಮಗೆ ಇಷ್ಟವಾದ ಆಹಾರಗಳನ್ನು ಮಿತವಾಗಿ ಸೇವನೆ ಮಾಡಬೇಕು ಅಥವಾ ಸಂಪೂರ್ಣವಾಗಿ ಕೈಬಿಡಬೇಕು ಎಂಬುದನ್ನು ನಿಮಗಾಗಿ ಮತ್ತು ನಿಮ್ಮ ಆರೋಗ್ಯಕ್ಕಾಗಿ ತಿಳಿಸಿಕೊಡಲಾಗಿದೆ.
ಕೆಂಪು ಮಾಂಸಾಹಾರ
ಹೃದಯಕ್ಕೆ ಸಂಬಂಧಪಟ್ಟ ಹಲವಾರು ಕಾಯಿಲೆಗಳಿಗೂ ಹಾಗೂ ಕೆಂಪು ಮಾಂಸಾಹಾರಕ್ಕೆ ಅವಿನಾಭಾವ ಸಂಬಂಧವಿದೆ ಎಂದು ಹೇಳುತ್ತಾರೆ. ಏಕೆಂದರೆ ಅತಿಯಾಗಿ ಯಾರು ಕೆಂಪು ಮಾಂಸಾಹಾರ ಸೇವನೆ ಮಾಡುತ್ತಾರೆ ಅವರ ದೇಹದಲ್ಲಿ ಸ್ಯಾಚುರೇಟೆಡ್ ಕೊಬ್ಬಿನ ಅಂಶ ಮತ್ತು ಕೊಲೆಸ್ಟ್ರಾಲ್ ಅಂಶ ಹೆಚ್ಚು ಸೇರುತ್ತದೆ.
ಹಾಗಾಗಿ ಇನ್ನು ಮುಂದಾದರೂ ಇಂತಹ ಆಹಾರ ಪದಾರ್ಥಗಳಿಗೆ ನೀವು ಗುಡ್ ಬೈ ಹೇಳಲೇಬೇಕು. ದೇಹದಲ್ಲಿ ಕೆಟ್ಟ ಕೊಲೆಸ್ಟ್ರಾಲ್ ಅಂಶ ಹೆಚ್ಚಾದರೆ ಯಾವುದೇ ಸಂದರ್ಭದಲ್ಲಿ ನಿಮಗೆ ಹೃದಯಘಾತ ಸಂಭವಿಸಬಹುದು.
ಇದರ ಜೊತೆಗೆ ಹೃದಯರಕ್ತನಾಳದ ಕಾಯಿಲೆಗಳು ಸಹ ಹೆಚ್ಚು ಕಾಡುವ ಸಾಧ್ಯತೆ ಇರುತ್ತದೆ. ಹಾಗಾಗಿ ಸಾಧ್ಯವಾದಷ್ಟು ಇನ್ನು ಮುಂದೆ ನಿಮ್ಮ ಆಹಾರ ಪದ್ಧತಿಯಲ್ಲಿ ರೋಸ್ಟ್ ಮಾಡಿದ ಪೌಲ್ಟ್ರಿ ಅಥವಾ ಚಿಕನ್ ಸೇರಿಸಿಕೊಂಡು ಸವಿಯುವ ಅಭ್ಯಾಸ ಮಾಡಿಕೊಳ್ಳಿ.
ಕೋಳಿ ಮೊಟ್ಟೆ
ಕೋಳಿ ಮೊಟ್ಟೆಗಳ ವಿಚಾರಕ್ಕೆ ಬರುವುದಾದರೆ ಮೊಟ್ಟೆಯ ಬಿಳಿ ಭಾಗ ಪ್ರೋಟಿನ್ ಅಂಶವನ್ನು ಹೊಂದಿರುತ್ತದೆ ಮತ್ತು ಹಳದಿ ಭಾಗ ಕೊಲೆಸ್ಟ್ರಾಲ್ ಅಂಶದ ಪ್ರಮಾಣವನ್ನು ಹೆಚ್ಚು ಹೊಂದಿರುತ್ತದೆ.
ಒಂದು ಮೀಡಿಯಂ ಗಾತ್ರದ ಕೋಳಿ ಮೊಟ್ಟೆಯಲ್ಲಿ ಸುಮಾರು 250 ರಿಂದ 300 ಮಿಲಿಗ್ರಾಂ ಕೊಲೆಸ್ಟ್ರಾಲ್ ಅಂಶ ಸಿಗುತ್ತದೆ. ಆದರೆ ಒಬ್ಬ ವ್ಯಕ್ತಿ ಪ್ರತಿದಿನ ಆತನ ದೇಹದ ಅವಶ್ಯಕತೆಗೆ ತಕ್ಕಂತೆ ಸೇವಿಸಬೇಕಾದ ಪ್ರಮಾಣ ಇದಕ್ಕಿಂತಲೂ ಕಡಿಮೆ ಇದೆ.
ಹಾಗಾಗಿ ಒಂದು ವೇಳೆ ನೀವು ಈಗಾಗಲೇ ಅತಿಯಾದ ಕೊಲೆಸ್ಟ್ರಾಲ್ ಅಂಶದಿಂದ ಬಳಲುತ್ತಿದ್ದರೆ, ಅಪ್ಪಿತಪ್ಪಿಯೂ ಒಂದಕ್ಕಿಂತ ಹೆಚ್ಚು ಕೋಳಿ ಮೊಟ್ಟೆಯನ್ನು ಒಂದು ದಿನಕ್ಕೆ ಸೇವಿಸಲು ಹೋಗಬೇಡಿ.
ಇದು ನಿಮ್ಮ ಕೊಲೆಸ್ಟ್ರಾಲ್ ಮಟ್ಟವನ್ನು ಹೆಚ್ಚು ಮಾಡುವುದು ಮಾತ್ರವಲ್ಲದೆ ನಿಮಗೆ ಇದುವರೆಗೂ ಒಂದು ವೇಳೆ ಯಾವುದೇ ಬಗೆಯ ಹೃದಯಕ್ಕೆ ಸಂಬಂಧಪಟ್ಟ ಸಮಸ್ಯೆ ಇಲ್ಲದೆ ಇದ್ದರೂ ಕೂಡ ಇನ್ನು ಮುಂದೆ ನಿಮಗೆ ಗೊತ್ತಿಲ್ಲದೆ ಹೃದಯದ ಸಮಸ್ಯೆಗಳನ್ನು ತಂದು ಕೊಡುವ ಸಾಧ್ಯತೆ ಇರುತ್ತದೆ.
ಅತಿಯಾದ ಕೊಲೆಸ್ಟ್ರಾಲ್ ಅಂಶದಿಂದ ಬೇಸತ್ತಿರುವ ಜನರು ಒಂದು ವಾರಕ್ಕೆ ಸುಮಾರು ಮೂರರಿಂದ ನಾಲ್ಕು ಕೋಳಿ ಮೊಟ್ಟೆಗಳನ್ನು ಮಾತ್ರ ಸೇವನೆ ಮಾಡಬೇಕು ಎಂದು ಹೇಳುತ್ತಾರೆ.
ದಿನಕ್ಕೊಂದು ಬೇಯಿಸಿದ ಮೊಟ್ಟೆ ತಿಂದ್ರೆ ಆರೋಗ್ಯವಾಗಿ ಹಾಗೂ ಫಿಟ್ ಆಗಿರುವಿರಿ
ಚೀಸ್
ಇದೊಂದು ಡೈರಿ ಪದಾರ್ಥವಾಗಿದ್ದು, ಸಂಸ್ಕರಿಸಿದ ಹಾಲಿನ ರೂಪವಾಗಿ ತನ್ನಲ್ಲಿ ಅತಿಯಾದ ಸ್ಯಾಚುರೇಟೆಡ್ ಕೊಬ್ಬಿನ ಪ್ರಮಾಣವನ್ನು ಒಳಗೊಂಡಿರುತ್ತದೆ. ಕೇವಲ ವಯಸ್ಕ ಮಂದಿ ಮಾತ್ರ ಮಿತ ಪ್ರಮಾಣದಲ್ಲಿ ಚೀಸ್ ಸೇವನೆ ಮಾಡಿ ಕರಗಿಸಿಕೊಳ್ಳಬಹುದು.
ಮಕ್ಕಳು ಹಾಗೂ ವಯಸ್ಸಾದವರು ಇಂತಹ ಆಹಾರ ಪದಾರ್ಥಗಳಿಂದ ದೂರವುಳಿಯುವುದು ಒಳ್ಳೆಯದು. ಆರೋಗ್ಯದ ವಿಚಾರದಲ್ಲಿ ಹಾಗೂ ಹೃದಯಕ್ಕೆ ಸಂಬಂಧಪಟ್ಟ ಕಾಯಿಲೆಗಳಿಗೆ ನೇರವಾದ ಸಂಬಂಧ ಹೊಂದಿರುತ್ತದೆ.
ಹಾಗಾಗಿ ಈಗಾಗಲೇ ಹೃದಯ ಶಸ್ತ್ರಚಿಕಿತ್ಸೆ ಮಾಡಿಸಿಕೊಂಡಿರುವ ಜನರು ತಮ್ಮನ್ನು ತಾವು ಆರೋಗ್ಯಕರವಾಗಿ ಕಾಪಾಡಿಕೊಳ್ಳಲು ಕೇವಲ ಅತ್ಯುತ್ತಮವಾದ ಆಹಾರ ಪದಾರ್ಥಗಳನ್ನು ಮಾತ್ರ ಸೇವನೆ ಮಾಡುವ ಹವ್ಯಾಸ ಇಟ್ಟುಕೊಳ್ಳುವುದು ಒಳ್ಳೆಯದು.
ಕೆಫಿನ್ ಅಂಶ ಹೊಂದಿದ ಪಾನೀಯಗಳು
ಈಗಂತೂ ಜನರಿಗೆ ಪ್ರತಿದಿನ ಬೆಳಗ್ಗೆ ಎದ್ದ ತಕ್ಷಣ ಬೆಡ್ ಕಾಫಿ ತುಂಬಾ ಅಗತ್ಯವಾಗಿರುತ್ತದೆ. ಕಾಫಿಯಲ್ಲಿ ಕೆಫಿನ್ ಅಂಶ ಹೆಚ್ಚಿನ ಪ್ರಮಾಣದಲ್ಲಿರುತ್ತದೆ ಎಂಬುದು ನೆನಪಿರಬೇಕು.
ಅತಿಯಾದ ಕೆಫಿನ್ ಅಂಶ ದೇಹ ಸೇರಿದರೆ ಮೆದುಳಿನ ಭಾಗದಲ್ಲಿ ಮಾನಸಿಕ ಒತ್ತಡವನ್ನು ಹೆಚ್ಚು ಮಾಡುವ ಕಾರ್ಟಿಸೋಲ್ ಹಾರ್ಮೋನಿನ ಪ್ರಮಾಣ ಅತಿ ಹೆಚ್ಚು ಬಿಡುಗಡೆಯಾಗುತ್ತದೆ. ಇದು ಹೃದಯದ ಮೇಲೆ ಒತ್ತಡವನ್ನು ಉಂಟು ಮಾಡುವುದು ಎಂದು ಹೇಳುತ್ತಾರೆ.
ಹೀಗಾಗಿ ದಿನದಲ್ಲಿ ಆಗಾಗ ಕಾಫಿ ಕುಡಿಯುವ ಅಭ್ಯಾಸವನ್ನು ಕೈಬಿಡಬೇಕಾಗುತ್ತದೆ. ಜೊತೆಗೆ ಕಾಫಿಯಲ್ಲಿ ಹೆಚ್ಚಿನ ಪ್ರಮಾಣದ ಹಾಲಿನ ಬಳಕೆಯಾಗುವುದರಿಂದ ಹೃದಯ ಬಡಿತದಲ್ಲಿ ಏರುಪೇರು ಉಂಟಾಗುವ ಸಾಧ್ಯತೆ ಕೂಡ ಇರುತ್ತದೆ.
ದಿನಕ್ಕೆ 3 ಕಪ್ ಕಾಫಿ ಕುಡಿದರೆ, ಕ್ಯಾನ್ಸರ್, ಡಯಾಬಿಟಿಸ್ ರೋಗದ ಭೀತಿ ಇಲ್ಲ!
ಒಣಕೊಬ್ಬರಿ, ತೆಂಗಿನಕಾಯಿ ಹಾಗೂ ತೆಂಗಿನಕಾಯಿ ಎಣ್ಣೆ
ಅಧಿಕ ರಕ್ತದೊತ್ತಡ ಇರುವವರಿಗೆ ಹಸಿ ತೆಂಗಿನಕಾಯಿ ಅಥವಾ ಕೊಬ್ಬರಿ ಎಣ್ಣೆ ಸೇವನೆ ಆರೋಗ್ಯಕ್ಕೆ ತುಂಬಾ ಹಾನಿಕರ ಎಂದು ಹೇಳುತ್ತಾರೆ. ಏಕೆಂದರೆ ಸುಮಾರು 100 ಗ್ರಾಂ ತೆಂಗಿನಕಾಯಿ ಎಣ್ಣೆಯಲ್ಲಿ ಬರೋಬ್ಬರಿ 14 ಗ್ರಾಂ ಕೊಬ್ಬಿನ ಅಂಶ ತುಂಬಿರುತ್ತದೆ.
ಇದು ಸ್ಯಾಚುರೇಟೆಡ್ ಕೊಬ್ಬಿನ ಅಂಶ ಆಗಿದ್ದು, ಹೃದಯದ ಆರೋಗ್ಯಕ್ಕೆ ಬಹಳಷ್ಟು ಹಾನಿಕಾರಕ ಎಂದು ವೈದ್ಯರು ಹೇಳುತ್ತಾರೆ.
ಪಾಮ್ ಆಯಿಲ್ ಮತ್ತು ತೆಂಗಿನ ಎಣ್ಣೆ ಎರಡು ಸಹ ಒಂದೇ ಪ್ರಮಾಣದಲ್ಲಿ ಕೊಬ್ಬಿನ ಅಂಶವನ್ನು ಒಳಗೊಂಡಿರುವುದರಿಂದ ಇವುಗಳ ಸೇವನೆಯ ವಿಚಾರದಲ್ಲಿ ಬಹಳಷ್ಟು ಎಚ್ಚರಿಕೆಯಿಂದ ಇರುವುದು ಒಳ್ಳೆಯದು.