ಇವೆರಡು ಬಂದರೆ ಅದರೊಂದಿಗೆ ಇನ್ನು ಕೆಲವೊಂದು ಕಾಯಿಲೆಗಳು ಬಳುವಳಿಯಾಗಿ ಬರುವುದು. ಅದರಲ್ಲಿ ಅಧಿಕ ರಕ್ತದೊತ್ತಡದ ಜತೆಗೆ ಹೃದಯದ ಕಾಯಿಲೆಗಳು, ಪಾರ್ಶ್ವವಾಯು, ಕಿಡ್ನಿ ವೈಫಲ್ಯ ಇತ್ಯಾದಿಗಳು ಬರುವುದು.
ರಕ್ತದೊತ್ತಡವೆಂದರೆ ಅದು ವಯೋವೃದ್ಧರಿಗೆ ಬರುವಂತಹ ಕಾಯಿಲೆ ಎಂದು ಪರಿಗಣಿಸ ಲಾಗುತ್ತಿತ್ತು. ಆದರೆ ಇಂದಿನ ಜೀವನಶೈಲಿ, ಆಹಾರ ಕ್ರಮ ಇತ್ಯಾದಿಗಳಿಂದಾಗಿ ರಕ್ತದೊತ್ತಡ ಬರಲು ವಯಸ್ಸಾಗಬೇಕೆಂದಿಲ್ಲ.
ಅದು ಯಾರಿಗೂ ಬರಬಹುದು ಎನ್ನುವಂತಾಗಿದೆ. ಆಹಾರ ಕ್ರಮ ಸರಿಯಾಗಿ ಇಲ್ಲದೆ ಇರುವುದು, ಜಡ ಜೀವನ ಶೈಲಿ, ಒತ್ತಡ ಇತ್ಯಾದಿಗಳು ಅಧಿಕ ರಕ್ತದೊತ್ತಡಕ್ಕೆ ಪ್ರಮುಖ ಕಾರಣಗಳು. ಅಧಿಕ ರಕ್ತದೊತ್ತಡದ ಸಮಸ್ಯೆಯಿದ್ದರೆ ಆಗ ಅದು ರಕ್ತನಾಳಗಳಿಗೆ ಹಾನಿ ಉಂಟು ಮಾಡುವುದು.
ಜೀವನಶೈಲಿ ಸರಿಯಾಗಿಸಿಕೊಂಡು ಸರಿಯಾದ ಆಹಾರ ಕ್ರಮವನ್ನು ಪಾಲಿಸಿಕೊಂಡು ಹೋದರೆ ಆಗ ಖಂಡಿತವಾಗಿಯೂ ಅಧಿಕ ರಕ್ತದೊತ್ತಡ ಸಮಸ್ಯೆ ನಿಯಂತ್ರಣ ಮಾಡಬಹುದು.
ಅಧಿಕ ರಕ್ತದೊತ್ತಡಕ್ಕೆ ಆಹಾರ ಕ್ರಮ
ನಾವು ನಿಮಗೆ ಈ ಲೇಖನದಲ್ಲಿ ಆರು ಆಹಾರ ಕ್ರಮಗಳ ಬಗ್ಗೆ ತಿಳಿಸಿಕೊಡಲಿದ್ದೇವೆ. ಇದನ್ನು ನೀವು ತಿಳಿದುಕೊಂಡು ಅಧಿಕ ರಕ್ತದೊತ್ತಡ ಸಮಸ್ಯೆಯನ್ನು ನಿಯಂತ್ರಣದಲ್ಲಿ ಇಟ್ಟುಕೊಳ್ಳಬಹುದು.
ನೇರಳೆ
ಅಧಿಕ ರಕ್ತದೊತ್ತಡ ಸಮಸ್ಯೆ ಇದ್ದರೆ ಆಗ ನೀವು ನೇರಳೆಯಂತಹ ಹಣ್ಣುಗಳನ್ನು ಸೇವನೆ ಮಾಡಿ. ಇದರಲ್ಲಿ ಉನ್ನತ ಮಟ್ಟದ ಆಂಟಿಆಕ್ಸಿಡೆಂಟ್ ಗಳು ಇವೆ ಮತ್ತು ಅಧಿಕ ರಕ್ತದೊತ್ತಡ ತಡೆಯುವುದು ಹಾಗೂ ಹೃದಯ ಸಂಬಂಧಿ ಕಾಯಿಲೆಗಳು ಬರದಂತೆ ತಡೆಯುವುದು.
ಬ್ಲೂ ಬೆರ್ರಿಗಳನ್ನು ಸೇವನೆ ಮಾಡಿದರೆ ಅದರಿಂದ ಕ್ಯಾನ್ಸರ್ ಅಪಾಯವು ಕಡಿಮೆ ಆಗುವುದು ಎಂದು ಕೆಲವೊಂದು ಅಧ್ಯಯನಗಳು ಕೂಡ ಕಂಡುಕೊಂಡಿವೆ. ಬ್ಲೂಬೆರ್ರಿ ಸೇವನೆ ಮಾಡಿದರೆ ಅದರಿಂದ ರಕ್ತನಾಳವು ಸರಿಯಾಗಿ ಕಾರ್ಯನಿರ್ವಹಿಸುವಂತೆ ಮಾಡುವುದು.
ನೇರಳೆ ಹಣ್ಣು ತಿಂದು ಬೀಜ ಬಿಸಾಡದಿರಿ, ಇದರಿಂದಲೂ ಹತ್ತಾರು ಪ್ರಯೋಜನಗಳಿವೆ
ಬೆಳ್ಳುಳ್ಳಿ
ಬೆಳ್ಳುಳ್ಳಿ ಸೇವನೆ ಮಾಡಿದರೆ ಅದರಿಂದ ಹದಲ್ಲಿ ನೈಟ್ರಿಕ್ ಆಕ್ಸೈಡ್ ಹೆಚ್ಚಾಗುತ್ತದೆ ಎಂದು ತಜ್ಞರು ಹೇಳುವರು. ದೇಹದಲ್ಲಿ ನೈಟ್ರಿಕ್ ಆಕ್ಸೈಡ್ ನಿಂದಾಗಿ ರಕ್ತವು ತೆಳುವಾಗುವುದು. ಇದರಿಂದಾಗಿ ಅಧಿಕ ರಕ್ತದೊತ್ತಡ ಸಮಸ್ಯೆಯು ಕಡಿಮೆ ಆಗುವುದು.
ರಕ್ತದೊತ್ತಡವು ಸಂಕೋಚನ ಮತ್ತು ವ್ಯಾಕೋಚನದಿಂದಾಗಿ ಬರುವುದು. ಬೆಳ್ಳುಳ್ಳಿಯು ಇವೆರಡು ಸಮಸ್ಯೆಯನ್ನು ನಿವಾರಣೆ ಮಾಡುವುದು. ಬೆಳ್ಳುಳ್ಳಿ ಎಸಲನ್ನು ಸ್ವಲ್ಪ ಜಗಿದು ತಿಂದರೆ ಅದು ಪರಿಣಾಮಕಾರಿ ಎಂದು ಹೇಳಲಾಗುತ್ತದೆ. ಬೆಳ್ಳುಳ್ಳಿ ಎಸಲಿನಲ್ಲಿ ಇರುವ ರಸದರಲ್ಲಿ ಎಲ್ಲಾ ಅಂಶಗಳು ಅಡಗಿವೆ.
ಡಾರ್ಕ್ ಚಾಕಲೇಟ್
ಚಾಕಲೇಟ್ ಎಂದರೆ ನಾವೆಲ್ಲರೂ ಇಷ್ಟಪಡುತ್ತೇವೆ. ಅದರಲ್ಲೂ ಇದರಲ್ಲಿ ಆರೋಗ್ಯಕಾರಿ ಗುಣಗಳು ಇವೆ ಎಂದು ತಿಳಿದರೆ ಆಗ ಖಂಡಿತವಾಗಿಯೂ ನಾವು ಇದನ್ನು ಇನ್ನಷ್ಟು ತಿನ್ನುತ್ತೇವೆ.
ಅದರಲ್ಲೂ ಅಧಿಕ ರಕ್ತದೊತ್ತಡ ಇರುವವರಿಗೆ ಡಾರ್ಕ್ ಚಾಕಲೇಟ್ ತುಂಬಾ ಪರಿಣಾಮಕಾರಿ. ಇದರಲ್ಲಿ ಆಂಟಿಆಕ್ಸಿಡೆಂಟ್ ಸಮೃದ್ಧವಾಗಿದ್ದು, ಒಳ್ಳೆಯ ಕೊಲೆಸ್ಟ್ರಾಲ್ ಮಟ್ಟವನ್ನು ರಕ್ಷಿಸುವುದು. ಇದರಿಂದಾಗಿ ರಕ್ತದೊತ್ತಡದ ಮಟ್ಟವನ್ನು ಕಾಪಾಡಲು ನೆರವಾಗುವುದು.
ಡಾರ್ಕ್ ಚಾಕಲೇಟ್ ತಿಂದರೆ ಆರೋಗ್ಯ, ಸೌಂದರ್ಯ ವೃದ್ಧಿ
ಪಿಸ್ತಾ
ಬೀಜಗಳು ನಮ್ಮ ಆರೋಗ್ಯವನ್ನು ಕಾಪಾಡುವಲ್ಲಿ ಪ್ರಮುಖ ಪಾತ್ರ ವಹಿಸುವುದು. ದಿನಕ್ಕೆ ಒಂದಿಷ್ಟು ಬೀಜಗಳ ಸೇವನೆ ಮಾಡಿದರೆ ಅದು ಆರೋಗ್ಯಕ್ಕೆ ಲಾಭಕಾರಿ ಎಂದು ಹೇಳಲಾಗುತ್ತದೆ. ಅಂತಹ ಬೀಜದಲ್ಲಿ ಒಂದಾಗಿರುವ ಪಿಸ್ತಾದಲ್ಲಿ ಪರ್ಯಾಪ್ತ ಕೊಬ್ಬಿನಾಮ್ಲವಿದೆ, ಏಕಪರ್ಯಾಪ್ತ ಕೊಬ್ಬಿನಾಮ್ಲ ಮತ್ತು ಬಹುಪರ್ಯಾಪ್ತ ಕೊಬ್ಬಿನಾಮ್ಲಗಳು, ಪ್ರೋಟ್ರೀನ್, ನಾರಿನಾಂಶ ಇತ್ಯಾದಿಗಳು ಇವೆ.
ಇದರಿಂದ ನಾವು ಇದನ್ನು ದೈನಂದಿನ ಆಹಾರ ಕ್ರಮದಲ್ಲಿ ಸೇರಿಸಿಕೊಳ್ಳಬೇಕು. ಇದು ನಮ್ಮ ಸಂಪೂರ್ಣ ಆರೋಗ್ಯಕ್ಕೆ ನೆರವಾಗುವುದು ಮಾತ್ರವಲ್ಲದೆ, ಹಲವಾರು ಕಾಯಿಲೆಗಳನ್ನು ದೂರವಿಡುವುದು.
ಈ ಬೀಜವು ಪದೇ ಪದೇ ಹಸಿವಾಗುವುದನ್ನು ಕಡಿಮೆ ಮಾಡುವುದು ಮತ್ತು ತೂಕ ಹೆಚ್ಚಳವಾಗದಂತೆ ಕಾಪಾಡುವುದು. ಬಾದಾಮಿ ಮತ್ತು ಪಿಸ್ತಾದ ಲಾಭಗಳೆಂದರೆ ಅದು ಕೊಲೆಸ್ಟ್ರಾಲ್ ಮತ್ತು ರಕ್ತದೊತ್ತಡ ಕಡಿಮೆ ಮಾಡುವುದು.
ಬಾಳೆಹಣ್ಣು
ಬಾಳೆಹಣ್ಣಿನಲ್ಲಿ ಇರುವಂತಹ ಅತ್ಯಧಿಕ ಮಟ್ಟದ ನಾರಿನಾಂಶವು ಜೀರ್ಣಕ್ರಿಯೆ ಸುಧಾರಣೆ ಮಾಡುವುದು. ನಮ್ಮ ದೇಹದಲ್ಲಿ ಹಿಮೋಗ್ಲೋಬಿನ್ ಮತ್ತು ಇನ್ಸುಲಿನ್ ಉತ್ಪತ್ತಿ ಮಾಡಲು ವಿಟಮಿನ್ ಬಿ6 ಅಗತ್ಯ ಮತ್ತು ಬಾಳೆಹಣ್ಣು ಇದಕ್ಕೆ ಸೂಕ್ತವಾಗಿದೆ.
ರಕ್ತದೊತ್ತಡ ನಿವಾರಣೆ ಮಾಡಲು ಬಾಳೆಹಣ್ಣು ಪರಿಣಾಮಕಾರಿ ಎಂದು ಅಧ್ಯಯನಗಳು ಹೇಳಿವೆ. ಬಾಳೆಹಣ್ಣಿನಲ್ಲಿ ಕಬ್ಬಿನಾಂಶವು ಉತ್ತಮವಾಗಿದೆ. ಇದು ರಕ್ತಸಂಚಾರವನ್ನು ಸುಧಾರಣೆ ಮಾಡುವ ಜತೆಗೆ, ರಕ್ತವನ್ನು ತೆಳುವಾಗಿಸುವುದು. ಬಾಳೆಹಣ್ಣು ತೂಕ ಹೆಚ್ಚಳ ಮಾಡುವುದು ಎಂದು ನೀವು ಅನಿಸಿದ್ದರೆ, ಅದು ತಪ್ಪು. ಯಾಕೆಂದರೆ ಇದು ಕೊಲೆಸ್ಟ್ರಾಲ್ ತಗ್ಗಿಸುವುದು.
ದಿನಕ್ಕೊಂದು ಬಾಳೆಹಣ್ಣು ತಿನ್ನಿ, ಯಾವ ಕಾಯಿಲೆಯೂ ಹತ್ತಿರಬರಲ್ಲ!
ಆಲಿವ್ ತೈಲ
ಆಲಿವ್ ತೈಲದಲ್ಲಿ ಇರುವಂತಹ ಆಂಟಿಆಕ್ಸಿಡೆಂಟ್ ಗಳಾಗಿರುವಂತಹ ಫ್ಲಾವನಾಯ್ಡ್ ಮತ್ತು ಪೋರ್ಫಿಸೀನ್ಗಳು ಫ್ರೀ ರ್ಯಾಡಿಕಲ್ ನಿಂದ ದೇಹಕ್ಕೆ ಆಗುವಂತಹ ಹಾನಿ ತಪ್ಪಿಸುವುದು. ಆಲಿವ್ ತೈಲವನ್ನು ಇತರ ಆಹಾರಗಳೊಂದಿಗೆ ಸೇವನೆ ಮಾಡಿದರೆ ದು ಹೃದಯವನ್ನು ಬಲಿಷ್ಠವಾಗಿಡುವುದು ಮತ್ತು ಹೃದಯಾಘಾತವಾಗದಂತೆ ತಡೆಯುವುದು.
ಆಲಿವ್ ತೈಲ ಸೇವಿಸಿದರೆ ಆಗ ರಕ್ತ ಸಂಚಾರವು ಸುಧಾರಣೆ ಆಗುವುದು ಮತ್ತು ರಕ್ತದೊತ್ತಡವು ನಿಯಂತ್ರಣದಲ್ಲಿ ಇರುವುದು. ಬೇರೆ ಅಡುಗೆ ತೈಲಗಳಿಗೆ ಹೋಲಿಕೆ ಮಾಡಿದರೆ ಆಲಿವ್ ತೈಲವು ತುಂಬಾ ಪರಿಣಾಮಕಾರಿಯಾಗಿದೆ.
ಈ ಎಲ್ಲಾ ಆಹಾರಗಳು ಪ್ರತಿರೋಧಕ ಶಕ್ತಿ ವೃದ್ಧಿಸುವುದು ಹಾಗೂ ರಕ್ತದೊತ್ತಡದ ಮಟ್ಟ ಕಡಿಮೆ ಮಾಡುವುದು. ಇದರಿಂದ ಈ ಆಹಾರ ಕ್ರಮಗಳನ್ನು ಸರಿಯಾದ ರೀತಿಯಲ್ಲಿ ಬಳಸಿಕೊಂಡರೆ ಆಗ ಅಧಿಕ ರಕ್ತದೊತ್ತಡದ ಅಪಾಯವು ಕಡಿಮೆ ಆಗುವುದು ಅಥವಾ ಇದನ್ನು ನಿರ್ವಹಿಸಲು ನಿಮಗೆ ತುಂಬಾ ಸಹಕಾರಿ ಆಗಿರುವುದು.