ಆರೋಗ್ಯಕರ ಚಳಿಗಾಲಕ್ಕೆ ಆದ್ಯತೆ ನೀಡಿ

ಚಳಿಗಾಲದಲ್ಲಿಆರೋಗ್ಯಕರ ಲೈಫ್‌ಸ್ಟೈಲ್‌ ರೂಢಿಸಿಕೊಳ್ಳುವುದರಿಂದ ಪ್ರತಿನಿತ್ಯದ ರೂಟಿನ್‌ ಆರಾಮದಾಯಕ ವಾಗುವುದು. ಇತರೇ ಸೀಸನ್‌ಗೆ ಹೋಲಿಸಿದಲ್ಲಿ ವಿಂಟರ್‌ನಲ್ಲಿ ಅತಿ ಹೆಚ್ಚು ಆರೋಗ್ಯ ಸಮಸ್ಯೆಗಳು ಕಾಡುತ್ತವೆ. ರೋಗ ನಿರೋಧಕ ಶಕ್ತಿ ಕಡಿಮೆಯಾದಂತೆ ಅನಿಸುತ್ತದೆ. ಆಲಸಿತನ, ನಿರಾಸಕ್ತಿ ಹೆಚ್ಚಾಗುತ್ತದೆ. ಸೋ, ಇಂತಹ ಚಳಿಗಾಲವನ್ನು ಆರೋಗ್ಯಕರವಾಗಿ ಸಾಗಿಸಲು ಎಕ್ಸ್‌ಪರ್ಟ್ಸ್ ಒಂದಿಷ್ಟು ಸಲಹೆಗಳನ್ನು ನೀಡಿದ್ದಾರೆ.

ವಿಟಮಿನ್‌ ಆಹಾರ ಸೇವನೆ ಮಾಡಿ
ಚಳಿಗಾಲದಲ್ಲಿರೋಗ ನಿರೋಧಕ ಶಕ್ತಿಯ ಅವಶ್ಯಕತೆ ಹೆಚ್ಚು. ವಿಟಮಿನ್‌ ಆಹಾರ ಸೇವನೆಯು ದೇಹಕ್ಕೆ ಎನರ್ಜಿ ನೀಡುತ್ತದೆ. ಯಾರಲ್ಲಿಪ್ರೋಟೀನ್‌ ಅಂಶ ಕಡಿಮೆಯಿರುತ್ತದೋ ಅವರಲ್ಲಿರೋಗ ನಿರೋಧಕತೆ ಕಡಿಮೆಯಾಗುತ್ತದೆ, ಬೇಗ ಶೀತ ಸಮಸ್ಯೆಗಳಿಗೆ ತುತ್ತಾಗುತ್ತಾರೆ. ಚಳಿಗಾಲದಲ್ಲಿಶೀತದಿಂದಾಗುವ ಸಮಸ್ಯೆಗಳಿಂದ ದೂರಾಗಲು ಗಿಡಮೂಲಿಕೆಗಳಿಂದ ಮಾಡುವ ಕಷಾಯವನ್ನು ಸೇವಿಸುವುದು ಉತ್ತಮ. ಇದರಿಂದ ರೋಗನಿರೋಧಕ ಶಕ್ತಿ ವೃದ್ಧಿಸುತ್ತದೆ. ಶೀತ ಕಡಿಮೆಯಾಗುತ್ತದೆ. ಇನ್ನು ಚಳಿಗಾಲದಲ್ಲಿ ಬೆಚ್ಚಗಿರುವುದು ಅಗತ್ಯ. ತರಕಾರಿ ಸೂಪ್‌, ಪ್ರೋಟೀನ್‌ಯುಕ್ತ ಆಹಾರ ಸೇವನೆ ಹೆಚ್ಚಾಗಬೇಕು.

ವ್ಯಾಯಾಮ ಮರೆಯಬೇಡಿ
ಚಳಿಗಾಲ ಎಂದು ಬೆಚ್ಚಗೆ ಮಲಗಿ ಲೇಟಾಗಿ ಏಳುವುದು ಸರಿಯಲ್ಲಎನ್ನುತ್ತಾರೆ ಫಿಟ್ನೆಸ್‌ ಎಕ್ಸ್‌ಪರ್ಟ್‌. ದೇಹವನ್ನು ಸದಾ ಚಟುವಟಿಕೆಯಿಂದಿರಿಸಲು ಪ್ರಯತ್ನಿಸಿ. ಕ್ರಮವಾದ ಯೋಗ, ವ್ಯಾಯಾಮ ನಡಿಗೆ ಇದಕ್ಕೆ ಸಹಾಯಕ. ಸಂಶೋಧನೆಯ ಪ್ರಕಾರ, ಚಳಿಗಾಲದಲ್ಲಿಚಟುವಟಿಕೆಯಿಂದಿರುವ ಜನರಲ್ಲಿ ಕೇವಲ ಶೇಕಡಾ 25 ರಷ್ಟು ಮಂದಿ ಮಾತ್ರ ಶ್ವಾಸ ಸಂಬಂಧಿ ಕಾಯಿಲೆಗೆ ಶೀತ ಬಾಧೆಗೆ ಒಳಗಾಗುತ್ತಾರಂತೆ. ಹಾಗಾಗಿ ವ್ಯಾಯಾಮ ಕೂಡ ಆರೋಗ್ಯವಾಗಿರಲು ಸಹಕರಿಸುತ್ತದೆ.

ಒತ್ತಡ ಕಡಿಮೆಮಾಡಿಕೊಳ್ಳಿ
ಚಳಿಗಾಲದಲ್ಲಿ ದಿನ ನಿತ್ಯದ ಕೆಲಸ ಕಾರ್ಯಗಳು ಪ್ರಾರಂಭವಾದ ನಂತರ ಹೆಚ್ಚಿನ ಒತ್ತಡ ದೇಹದಲ್ಲಿನ ಶಕ್ತಿಯನ್ನು ಕುಗ್ಗಿಸುತ್ತದೆ. ಇಂತಹ ಸಮಯದಲ್ಲಿಮಾನಸಿಕ ಒತ್ತಡವನ್ನು ಕಡಿಮೆ ಮಾಡಿಕೊಳ್ಳುವುದು ಅತ್ಯವಶ್ಯ. ಅದಕ್ಕಾಗಿ ಉತ್ತಮ ಹವ್ಯಾಸಗಳನ್ನು ಬೆಳೆಸಿಕೊಳ್ಳಿ. ಮನಸ್ಸಿಗೆ ಖುಷಿ ನೀಡುವಂತ ಚಟುವಟಿಕೆಗಳನ್ನು ರೂಢಿಸಿಕೊಳ್ಳಿ. ಚಳಿಗಾಲದಲ್ಲಿ ಆರೋಗ್ಯಕರ ಡಯಟ್‌ ರುಟೀನ್‌ ಪಾಲಿಸುವುದರೊಂದಿಗೆ ಆದಷ್ಟೂ ಚಟುವಟಿಕೆಯಿಂದಿರುವುದು ಅಗತ್ಯ.

- ಮಥುರಾ, ಡಯಟೀಶಿಯನ್‌