ಹೆಚ್ಚಾಗಿ ಜನರು ಹಲ್ಲುಜ್ಜಲು ತುಂಬಾ ಉದಾಸೀನತೆ ಮಾಡುವರು. ಅದರಲ್ಲೂ ದಿನದಲ್ಲಿ ಎರಡು ಸಲ ಹಲ್ಲುಜ್ಜಬೇಕು ಎಂದು ವೈದ್ಯಕೀಯ ಲೋಕವು ಹೇಳುತ್ತಿದ್ದರೂ ನಾವು ಅದನ್ನು ಸಂಪೂರ್ಣವಾಗಿ ಕಡೆಗಣಿಸುತ್ತೇವೆ. ಇದರಿಂದಾಗಿ ಹಲ್ಲುಗಳ ಬಣ್ಣ ಕೆಡುವುದು ಮತ್ತು ದಂತಕುಳಿ ಕಾಣಿಸುವುದು.
ಇಂತಹ ಸಮಸ್ಯೆಗಳನ್ನು ನಿವಾರಣೆ ಮಾಡಲು ನೀವು ದಂತವೈದ್ಯರ ಬಳಿಗೆ ಹೋದರೆ, ಆಗ ಖಂಡಿತವಾಗಿಯೂ ಅವರು ನಿಮ್ಮ ಹಲ್ಲುಗಳನ್ನು ನೋಡಿ ಕೆಲವೊಂದು ವಿಚಾರಗಳನ್ನು ಹೇಳಿಯೇ ಬಿಡುವರು. ಅಂತಹ ಕೆಲವು ವಿಚಾರಗಳು ಯಾವುದು ಎಂದು ನೀವು ತಿಳಿಯಿರಿ.
ಸಕ್ಕರೆಯುಕ್ತ ತಂಪು ಪಾನೀಯ ಸೇವನೆ
ಕೆಲವರಿಗೆ ಪ್ರತಿಯೊಂದು ಗಂಟೆಗೂ ತಂಪು ಪಾನೀಯ, ಎನರ್ಜಿ ಡ್ರಿಂಕ್ ಮತ್ತು ಲಿಂಬೆ ಸೋಡಾ ಇತ್ಯಾದಿಗಳನ್ನು ಕುಡಿಯುತ್ತಿರುವರು. ನಿಮಗೆ ಕೂಡ ಇಂತಹ ಅಭ್ಯಾಸಗಳೂ ಇದ್ದರೆ, ಆಗ ನೀವು ದಂತ ವೈದ್ಯರ ಬಳಿಗೆ ಹೋದರೆ, ಅವರು ಕೂಡಲೇ ನಿಮ್ಮ ಈ ಅಭ್ಯಾಸದ ಬಗ್ಗೆ ತಿಳಿಸುವರು.
ನೀವು ಪ್ರತಿನಿತ್ಯವೂ ಸಕ್ಕರೆಯುಕ್ತ ತಂಪು ಪಾನೀಯಗಳನ್ನು ಕುಡಿಯುತ್ತಲಿದ್ದರೆ, ಆಗ ದಂತಕವಚವು ದಿನದಿಂದ ದಿನಕ್ಕೆ ಕೆಡುತ್ತಲೇ ಇರುವುದು ಮತ್ತು ಹಲ್ಲುಗಳು ತುಂಬಾ ಮೆತ್ತಾಗುವುದು. ನಿಮ್ಮ ಹಲ್ಲಿನ ಆರೋಗ್ಯದ ಬಗ್ಗೆ ವೈದ್ಯರ ಬಳಿಕ ಕೇಳಬಹುದು ಮತ್ತು ಅವರು ನಿಮಗೆ ಇದರ ಬಗ್ಗೆ ಸಲಹೆ ನೀಡಬಹುದು.
ನಿಯಮಿತವಾಗಿ ಹಲ್ಲುಜ್ಜದೆ ಇರುವುದು
ನೀವು ನಿಯಮಿತವಾಗಿ ಹಲ್ಲುಜ್ಜದೆ ಇದ್ದರೆ ಆಗ ನೀವು ಅದನ್ನು ದಂತವೈದ್ಯರ ಬಳಿ ಹೇಳದೆ ತಪ್ಪಿಸಿಕೊಳ್ಳಬಹುದು. ಆದರೆ ನೀವು ಸುಳ್ಳು ಹೇಳಿದರೂ ಅದು ದಂತವೈದ್ಯರಿಗೆ ತಿಳಿಯುವುದು. ನಿಮ್ಮ ಹಲ್ಲುಗಳನ್ನು ನೋಡಿದ ಕೂಡಲೇ ಅವರಿಗೆ ನಿಮಗೆ ಯಾವ ರೀತಿಯ ಅಭ್ಯಾಸಗಳು ಇವೆ ಎಂದು ಕೂಡಲೇ ಹೇಳೂವರು.
ನಿಯಮಿತವಾಗಿ ಹಲ್ಲುಜ್ಜದೆ ಇರುವಂತಹ ಜನರ ಹಲ್ಲಿನ ಆರೋಗ್ಯ ಮತ್ತು ಹಲ್ಲು ಹಳದಿ ಆಗುವುದು ಸಂಪೂರ್ಣ ಭಿನ್ನವಾಗಿರುವುದು. ಬಾಯಿಯ ಸ್ವಚ್ಛತೆಗಾಗಿ ನೀವು ಯಾವಾಗಲೂ ಬಾಯಿ ಮುಕ್ಕಳಿಸಿಕೊಂಡು ಇರಬೇಕು. ಇದರಿಂದ ಹಲ್ಲುಗಳಲ್ಲಿ ಪದರ ನಿಲ್ಲುವುದು ಮತ್ತು ಹಲ್ಲುಗಳ ಮಧ್ಯೆ ಆಹಾರವು ನಿಲ್ಲುವುದು ತಪ್ಪುವುದು. ಬಾಯಿ ಮುಕ್ಕಳಿಸುತ್ತಾ ಇದ್ದರೆ ಆಗ ದಂತಕುಳಿ ಇತ್ಯಾದಿ ಸಮಸ್ಯೆ ನಿವಾರಣೆ ಮಾಡಬಹುದು.
ಧೂಮಪಾನ
- ಧೂಮಪಾನ ಅಭ್ಯಾಸವು ನಿಮಗಿದ್ದರೆ, ಅದನ್ನು ನೀವು ಪೋಷಕರು ಅಥವಾ ಸಂಗಾತಿಗೆ ಹೇಳದೆ ಹಾಗೆ ತಪ್ಪಿಸಿಕೊಳ್ಳಬಹುದು. ಆದರೆ ದಂತ ವೈದ್ಯರಿಗೆ ಇದು ಖಂಡಿತವಾಗಿಯೂ ತಿಳಿದುಬರುವುದು. ಹಲ್ಲುಗಳನ್ನು ನೋಡಿದ ಕೂಡಲೇ ನೀವು ಧೂಮಪಾನಿ ಎಂದು ದಂತ ವೈದ್ಯರಿಗೆ ತಿಳಿದುಬರುವುದು.
- ನೀವು ಧೂಮಪಾನ ಮಾಡಿದ ಬಳಿಕ ಯಾವುದೇ ರೀತಿಯ ಮೌಥ್ ಫ್ರೆಶ್ನರ್ ಬಳಸಿದರೂ ಅದು ದಂತ ವೈದ್ಯರಿಗೆ ತಿಳಿಯುವುದು. ಧೂಮಪಾನ ನಿಮ್ಮ ಆರೋಘ್ಯಕ್ಕೆ ಮಾತ್ರವಲ್ಲದೆ, ಹಲ್ಲು ಹಾಗೂ ಒಸಡಿಗೂ ಹಾನಿ ಉಂಟು ಮಾಡುವುದು. ಇದು ಬಾಯಿ ಮತ್ತು ಗಂಟಲಿನ ಕ್ಯಾನ್ಸರ್ ಗೆ ಕಾರಣವಾಗುವುದು.
ಧೂಮಪಾನ ಬಿಟ್ಟ ಬಳಿಕ, ನಿಮ್ಮ ಆರೋಗ್ಯ ಹೇಗಿರುತ್ತೆ ನೋಡಿ
ಹಲ್ಲುಗಳನ್ನು ಕಡಿಯುವ ಅಭ್ಯಾಸ
ಹಲ್ಲುಗಳ ಬಗ್ಗೆ ನಿಮಗೆ ಇರುವಂತಹ ಯಾವುದೇ ಅಭ್ಯಾಸವನ್ನು ಕೂಡ ವೈದ್ಯರಿಂದ ತಪ್ಪಿಸಲು ಆಗದು. ಕೆಲವರಿಗೆ ಹಲ್ಲುಗಳನ್ನು ಕಡಿಯುವಂತಹ ಅಭ್ಯಾಸವು ಇರುವುದು. ನೀವು ಹಲ್ಲುಗಳನ್ನು ಕಡಿಯುತ್ತಲಿದ್ದರೆ ಅದರಿಂದ ಒಸಡು ನಾಶ, ಊತ, ಹಲ್ಲುಗಳು ತಮ್ಮ ಜಾಗದಲ್ಲಿ ಇಲ್ಲದೆ ಇರುವುದು. ಹಲ್ಲುಗಳ ಪರಿಸ್ಥಿತಿ ನೋಡಿಕೊಂಡು ನಿಮ್ಮ ಈ ಅಭ್ಯಾಸದ ಬಗ್ಗೆ ಹೇಳುವರು. ಇದು ನಿಜವಾಗಿದ್ದರೆ, ಆಗ ನೀವು ಚಿಕಿತ್ಸೆ ಪಡೆಯಬಹುದು.
ಮನೆಯಲ್ಲಿನ ಮಕ್ಕಳು ಕೂಡ ನಿದ್ರೆಯಲ್ಲಿ ಹಲ್ಲು ಕಡಿಯುತ್ತಾರೆಯೇ ?
ಬಾಯಿಯ ಕ್ಯಾನ್ಸರ್
ನಿಮಗೆ ಬಾಯಿಯ ಕ್ಯಾನ್ಸರ್ ಬರಬಹುದೇ ಎನ್ನುವುದನ್ನು ದಂತ ವೈದ್ಯರು ಸೂಚಿಸಬಹುದು. ಬಾಯಿಯ ಕ್ಯಾನ್ಸರ್ ನ ಕೆಲವೊಂದು ಲಕ್ಷಣಗಳನ್ನು ಅವರು ಗುರುತಿಸಬಹುದು, ಇದರಲ್ಲಿ ಮುಖ್ಯವಾಗಿ ಬಾಯಿಯಲ್ಲಿ ಊತ, ದಂತಪಕ್ತಿಯು ಬಿಗಡಾಯಿಸಿರುವುದು, ಗಡ್ಡೆ ಇತ್ಯಾದಿಗಳು. ಇದೆಲ್ಲವೂ ಬಾಯಿಯ ಕ್ಯಾನ್ಸರ್ ನ ಕೆಲವು ಲಕ್ಷಣಗಳು. ನೀವು ಬಾಯಿಯನ್ನು ಸ್ವಚ್ಛವಾಗಿಟ್ಟುಕೊಳ್ಳಿ ಮತ್ತು ಆಗಾಗ ದಂತವೈದ್ಯರ ಬಳಿಗೆ ಹೋಗಿ ಬಾಯಿಯ ಹಾಗೂ ಹಲ್ಲುಗಳ ಪರೀಕ್ಷೆ ಮಾಡಿಸಿ.