ತೂಕ ಇಳಿಕೆಗೆ ಸಹಕಾರಿ ಈ ಡಿಟಾಕ್ಸ್ ನೀರು

ಅಧಿಕವಾಗಿರುವ ಮೈ ತೂಕವನ್ನು ಇಳಿಸಿ ಸಮತೂಕದ ಮೈ ತೂಕವನ್ನು ಪಡೆಯಬೇಕೆಂದು ಬಯಸಿದರೆ ನೀರನ್ನು ಹಾಗೇ ಕುಡಿಯುವ ಬದಲು ಈ ಡಿಟಾಕ್ಸ್ ನೀರು ಕುಡಿಯಿರಿ.

ಡಿಟಾಕ್ಸ್ ನೀರು ಕುಡಿಯಲಾರಂಭಿಸಿದರೆ ಒಂದು ವಾರದಲ್ಲಿ ನಿಮಗೆ ದೇಹದಲ್ಲಿ ಬದಲಾವಣೆ ಗಮನಕ್ಕೆ ಬರುವುದು. ಡಿಟಾಕ್ಸ್ ನೀರು ಕುಡಿದರೆ ಆಯಾಸ ಅನಿಸುವುದಿಲ್ಲ, ದಿನಪೂರ್ತಿ ಲವಲವಿಕೆಯಿಂದ ಕೆಲಸದಲ್ಲಿ ತೊಡಗಿಸಿಕೊಳ್ಳುತ್ತೀರಿ.

ಡಿಟಾಕ್ಸ್ ನೀರು ಕುಡಿದಾಗ ಅದು ದೇಹದಲ್ಲಿ ನೀರಿನಂಶ ಕಾಪಾಡಿ, ದೇಹದಲ್ಲಿರುವ ಕಶ್ಮಲಗಳನ್ನು ಹೊರಹಾಕುತ್ತದೆ ಅಲ್ಲದೆ ಮೈ ಬೊಜ್ಜು ಕೂಡ ಕರಗಿಸುತ್ತದೆ.

ತೂಕ ಇಳಿಸಬೇಕಾದರೆ ದಿನದಲ್ಲಿ ಎಷ್ಟು ಬಾರಿ ಆಹಾರ ಸೇವಿಸಬೇಕು?

ಏನಿದು ಡಿಟಾಕ್ಸ್ ನೀರು?
ಎರಡು ಸೌತೆಕಾಯಿ, ಒಂದು ನಿಂಬೆ ಹಣ್ಣು, ಒಂದು ಬಾಟಲಿ ಬಿಸಿ ನೀರಿಗೆ ಹಾಕಿ, ಎರಡು ಎಲೆ ಪುದೀನಾ ಹಾಕಿ ಆ ನೀರನ್ನು ಆಗಾಗ ಕುಡಿಯಿರಿ.
ಈ ಡಿಟಾಕ್ಸ್ ನೀರನ್ನು ಬೆಳಗ್ಗೆ ಎದ್ದ ತಕ್ಷಣ ಖಾಲಿ ಹೊಟ್ಟೆಯಲ್ಲಿ ಕುಡಿಯಿರಿ, ಇದು ಮಲವಿಸರ್ಜನೆಗೆ ಸಹಕಾರಿ.
ಸೌತೆಕಾಯಿಯಲ್ಲಿ ಜೀರ್ಣಕ್ರಿಯೆಗೆ ಸಹಾಯ ಮಾಡುವ ಎಂಜೈಮ್ಸ್ ಇರುವುದರಿಂದ ಜೀರ್ಣಕ್ರಿಯೆ ಸರಾಗವಾಗಿ ನಡೆಯುವುದು. ಇದನ್ನು ಕುಡಿಯುವುದರಿಂದ ಮೊಡವೆ ಸಮಸ್ಯೆ ಕಡಿಮೆಯಾಗುವುದು.
ಇನ್ನು ಈ ಡಿಟಾಕ್ಸ್ ನೀರು ಕುಡಿಯುವುದರಿಂದ ತ್ವಚೆ ಕಾಂತಿ ಹೆಚ್ಚುವುದು. ಅಲ್ಲದೆ ದಿನ ಪೂರ್ತಿ ಫ್ರೆಶ್‌ ಆಗಿ ಕಾಣುವಿರಿ. ಡಿಟಾಕ್ಸ್ ನೀರು ಒಂದು ಗುಟುಕು ಕುಡಿದರೂ ನಿಮ್ಮಲ್ಲಿ ಚೈತನ್ಯ ತುಂಬುವುದು.