ಕಚ್ಚಾ ಬೆಳ್ಳುಳ್ಳಿ
ಬೆಳ್ಳುಳ್ಳಿ ನೈಸರ್ಗಿಕವಾಗಿಯೇ ಗಾಢವಾದ ಪರಿಮಳ ಹಾಗೂ ಸ್ವಲ್ಪ ಖಾರದ ರುಚಿಯಿಂದ ಕೂಡಿರುತ್ತದೆ. ಇದನ್ನು ಕಚ್ಚಾ ಆಹಾರವಾಗಿ ಸೇವಿಸುವುದು ಸ್ವಲ್ಪ ಕಷ್ಟ. ಆರೋಗ್ಯಕ್ಕೆ ಇದು ಉತ್ತಮವಾಗಿದ್ದರೂ ಇದನ್ನು ಮಿತವಾದ ಪ್ರಮಾಣದಲ್ಲಿ ಸೇವಿಸಬೇಕು. ಇಲ್ಲವಾದರೆ ದೇಹಕ್ಕೆ ಉಷ್ಣ ಆಗುವ ಸಂಭವವು ಹೆಚ್ಚು. ಹಾಗಾಗಿ ಕಚ್ಚಾ ಬೆಳ್ಳುಳ್ಳಿಯನ್ನು ಆಹಾರ ಪದಾರ್ಥಗಳಿಗೆ ನೇರವಾಗಿ ಬಳಸುವುದು ಕಡಿಮೆ ಎಂದೇ ಹೇಳಲಾಗುವುದು.
ಬೇಯಿಸಿದ ಬೆಳ್ಳುಳ್ಳಿ
ಬೇಯಿಸಿದ ಬೆಳ್ಳುಳ್ಳಿಯನ್ನು ಜೀರ್ಣಿಸಿಕೊಳ್ಳುವುದು ಸುಲಭ. ಅಲ್ಲದೆ ಆರೋಗ್ಯಕರ ಜೀರ್ಣಕ್ರಿಯೆಗೆ ಮತ್ತು ಕರುಳಿನ ಆರೋಗ್ಯಕ್ಕೆ ಸಹಾಯ ಮಾಡುವುದು. ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುವುದರ ಜೊತೆಗೆ, ನೆಗಡಿ, ತಂಡಿ, ಜ್ವರ ಸೇರಿದಂತೆ ಇನ್ನಿತರ ಸಣ್ಣಪುಟ್ಟ ಆರೋಗ್ಯ ಸಮಸ್ಯೆಯ ಸುಧಾರಣೆಗೆ ಸಹಾಯ ಮಾಡುವುದು. ಆಂಟಿ ಆಕ್ಸಿಡೆಂಟ್ಗಳಿಂದ ಕೂಡಿರುವ ಇದು ದೇಹದಲ್ಲಿ ಇರುವ ವಿಷಕಾರಿ ಅಂಶವನ್ನು ಹೊರ ಹಾಕಲು ಸಹಾಯ ಮಾಡುವುದು. ರಕ್ತವನ್ನು ಶುದ್ಧೀಕರಿಸುವುದರ ಜೊತೆಗೆ ಸೋಂಕುಗಳಿಂದ ರಕ್ಷಣೆ ಮಾಡುವುದು.
ಓವನ್ ಅಲ್ಲಿ ಬೆಳ್ಳುಳ್ಳಿ ಹುರಿಯುವ ವಿಧಾನ
ಬೆಳ್ಳುಳ್ಳಿಯನ್ನು ಓವನ್ ಅಲ್ಲಿ ಹುರಿಯಲು ಸ್ವಲ್ಪ ಆಲಿವ್ ಎಣ್ಣೆ ಮತ್ತು ಗುಲಾಬಿ ಉಪ್ಪು ಬೇಕಾಗುವುದು.
ವಿಧಾನ:
- ಒಂದು ಬೆಳ್ಳುಳ್ಳಿಯ ಗಡ್ಡೆಯನ್ನು ತೆಗೆದುಕೊಂಡು, ಅದರ ಸುತ್ತಲಿನ ಸಿಪ್ಪೆ ಮತ್ತು ತಲೆಯ ಭಾಗವನ್ನು ತೆಗೆದುಕೊಳ್ಳಿ.
- ನಂತರ ಬೇಕಿಂಗ್ ಟ್ರೇಯಲ್ಲಿ ಸಿಪ್ಪೆ ತೆಗೆದ ಬೆಳ್ಳುಳ್ಳಿ, ಸ್ವಲ್ಪ ಆಲಿವ್ ಎಣ್ಣೆ ಮತ್ತು ಪಿಂಕ್ ಉಪ್ಪನ್ನು ಸೇರಿಸಿ, ಮಿಶ್ರಗೊಳಿಸಿ.
- ನಂತರ ಫಾಯಿಲ್ ಪೇಪರ್ನಿಂದ ಮುಚ್ಚಿ, ಪೂರ್ವದಲ್ಲಿಯೇ ಬಿಸಿ ಮಾಡಿಕೊಂಡ ಓವನ್ ಅಲ್ಲಿ 45 ನಿಮಿಷಗಳ ಕಾಲ ಬೇಯಿಸಿ.
- ಬಳಿಕ ಒಂದು ಗಾಜಿನ ಬಾಟಲ್ ಅಥವಾ ಬೌಲ್ಗೆ ವರ್ಗಾಯಿಸಿ.
ರಾತ್ರಿ ಊಟದ ಬದಲು ಬರೀ ಹಣ್ಣು ತಿಂದು ಮಲಗ್ತೀರಾ ?
ಒಲೆಯಲ್ಲಿ ಬೆಳ್ಳುಳ್ಳಿ ಹುರಿಯುವುದು
ಗ್ಯಾಸ್ ಉರಿಯಲ್ಲಿ ಬೆಳ್ಳುಳ್ಳಿಯನ್ನು ಹುರಿದು ಕೊಳ್ಳಲು ಸಾಸಿವೆ ಎಣ್ಣೆ ಮತ್ತು ಪಿಂಕ್ ಸಾಲ್ಟ್ ಅತ್ಯವಾಗಿರುತ್ತದೆ.
ವಿಧಾನ:
- ಮೊದಲು ನಿಮಗೆ ಅಗತ್ಯವಿರುವಷ್ಟು ಬೆಳ್ಳುಳ್ಳಿಯನ್ನು ತೆಗೆದುಕೊಂಡು ಸಿಪ್ಪೆಯನ್ನು ತೆಗೆಯಿರಿ.
- ನಂತರ ಉರಿಯ ಮೇಲೆ ಒಂದು ಬಾಣಲೆಯನ್ನು ಇಟ್ಟು ಸ್ವಲ್ಪ ಸಾಸಿವೆ ಎಣ್ಣೆ ಸೇರಿಸಿ, ಬಿಸಿ ಮಾಡಿ.
- ಬಿಸಿಯಾದ ಎಣ್ಣೆಗೆ ಬಿಡಿಸಿಕೊಂಡ ಬೆಳ್ಳುಳ್ಳಿ ಮತ್ತು ಸ್ವಲ್ಪ ಪಿಂಕ್ ಉಪ್ಪನ್ನು ಸೇರಿಸಿ.
- ಬೆಳ್ಳುಳ್ಳಿ ಮೃದುವಾಗಿ ಬೆಂದು ಹೊಂಬಣ್ಣಕ್ಕೆ ತಿರುಗುವ ತನಕ ಹುರಿಯಿರಿ.
- ಬಳಿಕ ಪ್ರತ್ಯೇಕ ಬೌಲ್ಗೆ ವರ್ಗಾಯಿಸಿ.
ಬೆಳ್ಳುಳ್ಳಿಯ ಸಂಗ್ರಹ
ಬೆಳ್ಳುಳ್ಳಿಯನ್ನು ಹುರಿದು ಇಟ್ಟುಕೊಳ್ಳುವುದಿರಿಂದ ಅಗತ್ಯ ಇರುವಾಗ ವೇಗವಾಗಿ ಬೆಳ್ಳುಳ್ಳಿಯನ್ನು ಬಳಸಬಹುದು. ಜಿಪ್-ಲಾಕ್ ಚೀಲದಲ್ಲಿ ಸಂಗ್ರಹಿಸಿ ಇಡುವುದರ ಮೂಲಕ 3-4 ದಿನಗಳ ಕಾಲ ಕೆಡದಂತೆ ಇಡಬಹುದು. ಗ್ಲಾಸ್ ಜಾರ್ನಲ್ಲಿ ಸ್ವಲ್ಪ ಎಣ್ಣೆಯನ್ನು ಸೇರಿಸಿ, ಬೆಳ್ಳುಳ್ಳಿಯನ್ನು ಇಟ್ಟರೆ ಆ ಎಣ್ಣೆಯನ್ನು ಬೆಳ್ಳುಳ್ಳಿ ಎಣ್ಣೆಯಾಗಿ ಅಗತ್ಯವಾದ ಆಹಾರ ಪದಾರ್ಥಗಳಿಗೆ ಸೇರಿಸಿಕೊಳ್ಳಬಹುದು. ಹುರಿದ ಬೆಳ್ಳುಳ್ಳಿಯನ್ನು ಬೇಕೆನಿಸಿದಾಗ ನೇರವಾಗಿ ಸವಿಯಬಹುದು. ಫ್ರಿಜ್ ಅಲ್ಲಿ ಸಂಗ್ರಹಿಸಿ ಇಡುವುದರ ಮೂಲಕ ಅನೇಕ ದಿನಗಳ ಕಾಲ ಕಾಯ್ದಿರಿಸಬಹುದು.
ಟೊಮ್ಯಾಟೋ ತಿನ್ನುವುದರಿಂದ ನಂಬಲಾಗದಷ್ಟು ಆರೋಗ್ಯ ಪ್ರಯೋಜನಗಳಿವೆ
ಊಟದಲ್ಲಿ ಬೆಳ್ಳುಳ್ಳಿಯ ಬಳಕೆ ಹೇಗೆ?
ಆಹಾರ ಪದಾರ್ಥದಲ್ಲಿ ಬೆಳ್ಳುಳ್ಳಿಯನ್ನು ಬಳಸುವುದರಿಂದ ಅದರ ಪರಿಮಳ ದ್ವಿಗುಣವಾಗುವುದು. ಹೆಚ್ಚುವರಿ ವರ್ಜಿನ್ ಎಣ್ಣೆಗಳಿಗೆ ಸೇರಿಸುವುದರಿಂದ ಸಲಾಡ್ಗಳಲ್ಲಿ ಬಳಸಬಹುದು. ಬೇಯಿಸಿದ ಬೆಳ್ಳುಳ್ಳಿ ಎಣ್ಣೆ, ಬೆಳ್ಳುಳ್ಳಿ ಪೇಸ್ಟ್ ಅನ್ನು ಬ್ರೆಡ್, ಸಲಾಡ್ ಹಾಗೂ ಇನ್ನಿತರ ಆಹಾರ ಪದಾರ್ಥಗಳಲ್ಲಿ ಸೇರಿಸಿಕೊಳ್ಳಬಹುದು. ಅಗತ್ಯ ಇರುವಾಗ ತ್ವರಿತವಾಗಿ ಸೂಪ್ಗಳಿಗೆ, ಮಾಂಸದ ಆಹಾರಗಳಿಗೆ ಬಳಸಬಹುದು.