ರೋಗ ನಿರೋಧಕ ಶಕ್ತಿ ಹೆಚ್ಚಿಸುವ ಟಾಪ್‌ ಫುಡ್‌

ರೋಗ ಕಾಣಿಸಿಕೊಂಡ ಮೇಲೆ ಚಿಕಿತ್ಸೆ ಪಡೆಯುವುದಕ್ಕಿಂತಲೂ ರೋಗ ಬಾರದಂತೆ ಎಚ್ಚರವಹಿಸಬೇಕು. ಇದಕ್ಕಾಗಿ ನಿಮ್ಮ ರೋಗ ನಿರೋಧಕ ವ್ಯವಸ್ಥೆ ಸಮರ್ಪಕವಾಗಿರಬೇಕು. ಇದಕ್ಕಾಗಿ ಯಾವುದೋ ಮಾತ್ರೆ, ಔಷಧ ಸೇವಿಸುವ ಬದಲು ನೈಸರ್ಗಿಕವಾಗಿ ಸಿಗುವ ಹಣ್ಣುಗಳನ್ನೇ ಸೇವಿಸಿ.

ಪಪ್ಪಾಯ: ಜೀರ್ಣ ಸಂಬಂಧಿ ಸಮಸ್ಯೆಯನ್ನು ನಿವಾರಿಸುತ್ತದೆ. ಇದರಲ್ಲಿಎ ವಿಟಮಿನ್‌ ಅಂಶವಿದ್ದು , ಕಣ್ಣು , ತ್ವಚೆ ಸಮಸ್ಯೆಗಳ ವಿರುದ್ಧ ಹೋರಾಡುತ್ತದೆ.

ಶುಂಠಿ: ಅಧ್ಯಯನಗಳ ಪ್ರಕಾರ, ಇದು ಒಳ್ಳೆಯ ಆ್ಯಂಟಿ ಬಯೋಟಿಕ್‌. ಇದು ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುವಲ್ಲಿಸಹಾಯಕ. ಸುಲಭ ಜೀರ್ಣಕಾರಿ.

ಬೆಳ್ಳುಳ್ಳಿ: ಸೋಂಕುಗಳಿಂದ ದೇಹವನ್ನು ಕಾಪಾಡುತ್ತದೆ. ಇದು ಹೃದಯದ ಆರೋಗ್ಯಕ್ಕೆ ಒಳ್ಳೆಯದು. ರಕ್ತದೊತ್ತಡ ಸಮಸ್ಯೆಗೆ ನಿಯಂತ್ರಣಕ್ಕೆ ಸಹಕಾರಿ.

ಪೈನಾಪಲ್‌: ಜೀರ್ಣ ಕ್ರಿಯೆ ಹಾಗೂ ನರ ಸಂಬಂಧಿ ಸಮಸ್ಸೆಯಿಂದ ದೂರ ಇಡುತ್ತದೆ.

ಕುಂಬಳಕಾಯಿ ಬೀಜ: ಜಿಂಕ್‌ ಅಂಶವಿರುವ ಇದರಲ್ಲಿ ರೋಗ ನಿರೋಧಕ ಶಕ್ತಿ ಹೆಚ್ಚಿಸುವ ಅಂಶವಿದೆ. ಸೋಂಕುಗಳನ್ನು ನಿವಾರಿಸುವ ಶಕ್ತಿ ಇದೆ.

ವೀಟ್‌ ಗ್ರಾಸ್‌: ಅತ್ಯಂತ ಪೌಷ್ಟಿಕಾಂಶ ಹೊಂದಿರುವ ಹುಲ್ಲು. ಬೀಟಾ ಕ್ಯಾರೋಟಿನ್‌, ವಿಟಮಿನ್‌ ಸಿ, ಅಮೈನೋ ಆಮ್ಲಗಳು, ಕ್ಯಾಲ್ಷಿಯಂ, ಪೊಟ್ಯಾಸಿಯಮ್‌ ಮತ್ತು ಮೆಗ್ನೀಸಿಯಮ್‌ ಹೊಂದಿರುವ ಇದು ದೇಹದ ವಿಷಕಾರಿ ಪದಾರ್ಥವನ್ನು ಹೊರ ಹಾಕುತ್ತದೆ.