ದೀರ್ಘಕಾಲದ ಮಂಡಿ ನೋವಿನ ನಿವಾರಣೆಗೆ ಆಪಲ್ ಸೈಡರ್ ವಿನೆಗರ್‌ ಟ್ರೈ ಮಾಡಿ!

• ನಾವು ಸೇವನೆ ಮಾಡುವ ಆಹಾರದಲ್ಲಿ ಕಂಡುಬರುವ ಖನಿಜಾಂಶಗಳು ಕೆಲವೊಮ್ಮೆ ನಮ್ಮ ಮೂಳೆಗಳ ಕೀಲುಗಳ ಭಾಗದಲ್ಲಿ ದೀರ್ಘಕಾಲದವರೆಗೆ ವಿಷಕಾರಿ ಅಂಶಗಳ ರೂಪದಲ್ಲಿ ಶೇಖರಣೆ ಆಗಿರುತ್ತವೆ.
• ಯಾವಾಗ ನಮ್ಮ ದೇಹದ ಜೀರ್ಣ ಶಕ್ತಿ ಸರಿಯಾಗಿ ಕೆಲಸ ಮಾಡಲು ಆಗುವುದಿಲ್ಲ ಆ ಸಂದರ್ಭದಲ್ಲಿ ಈ ರೀತಿಯ ಸಮಸ್ಯೆ ಎದುರಾಗುತ್ತದೆ. ಹೀಗೆ ಶೇಖರಣೆಯಾದ ಖನಿಜಾಂಶಗಳು ಕೀಲುಗಳಿಗೆ ಸರಿಯಾಗಿ ಚಲಿಸಲು ಅನುಕೂಲ ಮಾಡಿಕೊಡುವುದಿಲ್ಲ.
• ಇದು ಸಾಧಾರಣವಾಗಿ ಮಂಡಿ ನೋವಿಗೆ ಕಾರಣವಾಗುತ್ತದೆ. ಇಂತಹ ಸಂದರ್ಭದಲ್ಲಿ ಆಪಲ್ ಸೈಡರ್ ವಿನೆಗರ್ ಆಮ್ಲಿಯ ಪ್ರಭಾವಕ್ಕೆ ವಿರುದ್ಧವಾದ ಗುಣಲಕ್ಷಣಗಳನ್ನು ಹೊಂದಿರುವುದರಿಂದ ಖನಿಜಾಂಶಗಳು ಕರಗುವಂತೆ ಮಾಡಿ ದೇಹದಿಂದ ಹೊರಹಾಕುತ್ತದೆ. ಇದರಿಂದ ಸರಾಗವಾಗಿ ಕೀಲುಗಳು ಆಡಲು ಅನುಕೂಲವಾಗುತ್ತದೆ. ನೋವು ಸಹ ಕ್ರಮೇಣವಾಗಿ ಕಡಿಮೆಯಾಗುತ್ತದೆ.

ರಾತ್ರಿ ಮಲಗುವ ಮೊದಲು ಒಂದು ಚಮಚ ಆಪಲ್ ಸೈಡರ್ ವಿನೆಗರ್ ಸೇವಿಸಿ ನೋಡಿ!

• ಆಪಲ್ ಸೈಡರ್ ವಿನೆಗರ್ ನಲ್ಲಿ ಆಂಟಿ ಇನ್ಫಾಮೇಟರಿ ಗುಣ ಲಕ್ಷಣಗಳು ಹೆಚ್ಚಾಗಿವೆ. ಇದರಿಂದ ಸಾಕಷ್ಟು ಬಗೆಯ ಆರೋಗ್ಯ ಸಮಸ್ಯೆಗಳಿಗೆ ಪರಿಹಾರ ಸಿಕ್ಕಿದಂತೆ ಆಗುತ್ತದೆ. ಉದಾಹರಣೆಗೆ ಮೂಳೆಗಳಿಗೆ ಸಂಬಂಧಪಟ್ಟ ಆರ್ಥರೈಟಿಸ್, ದೇಹಕ್ಕೆ ಸಂಬಂಧಪಟ್ಟ ತೂಕ ಹೆಚ್ಚಾಗುವಿಕೆ ಮತ್ತು ಗಂಟಲು ನೋವಿನ ಸಮಸ್ಯೆ ಇತ್ಯಾದಿ.
• ಆಪಲ್ ಸೈಡರ್ ವಿನೆಗರ್ ಮನುಷ್ಯನ ದೇಹಕ್ಕೆ ಕ್ಯಾಲ್ಸಿಯಂ, ಮೆಗ್ನೀಷಿಯಂ, ಪೊಟ್ಯಾಶಿಯಂ, ಫಾಸ್ಪರಸ್ ಮತ್ತು ಇತ್ಯಾದಿ ಖನಿಜಾಂಶಗಳನ್ನು ಒದಗಿಸಿ ಕೊಡುವುದರಿಂದ ಮೂಳೆಗಳು ದುರ್ಬಲವಾಗಿದ್ದರೂ ಸಹ ನಂತರದಲ್ಲಿ ಸದೃಢವಾಗುತ್ತವೆ.

• ನಿಮಗೆಲ್ಲ ಗೊತ್ತಿರುವ ಹಾಗೆ ಆಪಲ್ ಸೈಡರ್ ವಿನಗರ್ ಆಮ್ಲಿಯ ಪ್ರಭಾವವನ್ನು ಹೊಂದಿದೆ. ಹಾಗಾಗಿ ಇದನ್ನು ಬಳಸುವ ಮುಂಚೆ ನೀರಿನಲ್ಲಿ ಮಿಶ್ರಣ ಮಾಡಬೇಕಾಗುತ್ತದೆ.
• ನೀರಿನಲ್ಲಿ ಮಿಶ್ರಣ ಮಾಡದೆ ಆಪಲ್ ಸೈಡರ್ ವಿನೆಗರ್ ಸೇವನೆ ಮಾಡಲು ಮುಂದಾದರೆ ಅದರಿಂದ ಹಲ್ಲುಗಳ ಮೇಲ್ಭಾಗದ ಎನಾಮಲ್ ಹಾಳಾಗುತ್ತದೆ ಮತ್ತು ಅನ್ನನಾಳದ ಭಾಗದಲ್ಲಿ ಕಿರಿಕಿರಿ ಉಂಟಾಗುತ್ತದೆ.
• ಮಂಡಿ ನೋವಿನ ಸಮಸ್ಯೆ ಪರಿಹಾರ ಮಾಡಿಕೊಳ್ಳಲು ನೀವು 2 ಟೀ ಚಮಚ ಆಪಲ್ ಸೈಡರ್ ವಿನಿಗರ್ ಅನ್ನು 2 ಲೋಟ ಫಿಲ್ಟರ್ ಮಾಡಿದ ನೀರಿನಲ್ಲಿ ಮಿಶ್ರಣ ಮಾಡಿ ಇಡೀ ದಿನ ಆಗಾಗ ಕುಡಿಯಬೇಕು. ಅಥವಾ ನೀವು ರಾತ್ರಿ ಮಲಗುವ ಸಂದರ್ಭದಲ್ಲಿ ಮಲಗುವ ಮುಂಚೆ ಸೇವನೆ ಮಾಡಿದರೆ ಸಾಕಾಗುತ್ತದೆ.

ಕೂರಲು ಆಗಲ್ಲ, ನಿಲ್ಲಲೂ ಆಗಲ್ಲ, ಮಂಡಿ ನೋವಿಗೆ ಬೆಸ್ಟ್ ‌ ಮನೆಮದ್ದು

• ಒಂದು ವೇಳೆ ಅದು ಸಾಧ್ಯವಾಗದಿದ್ದರೆ, ಇನ್ನೊಂದು ಪರಿಹಾರವನ್ನು ಸುಲಭವಾಗಿ ಮಾಡಿಕೊಳ್ಳಬಹುದು. ಅದೇನೆಂದರೆ ನೀವು ಸ್ನಾನ ಮಾಡುವ ಮುಂಚೆ ಒಂದು ಬಕೆಟ್ ಉಗುರು ಬೆಚ್ಚಗಿನ ನೀರಿಗೆ ಸುಮಾರು ಎರಡು ಕಪ್ ಆಪಲ್ ಸೈಡರ್ ವಿನಿಗರ್ ಹಾಕಿ ಅದರಲ್ಲಿ ನಿಮ್ಮ ಮಂಡಿಗಳನ್ನು ಸುಮಾರು 30 ನಿಮಿಷಗಳ ಕಾಲ ನೆನೆಸಬೇಕು. ಸಂಪೂರ್ಣವಾಗಿ ನಿಮಗೆ ಮಂಡಿ ನೋವು ಹೋಗುವವರೆಗೆ ಪ್ರತಿ ದಿನ ಇದೇ ರೀತಿ ಮಾಡಿ.
• ಮೂರನೆಯ ಪರಿಹಾರ ಎಂದರೆ ನಿಮಗೆ ಮಂಡಿ ನೋವು ಕಂಡು ಬರುವ ಜಾಗದಲ್ಲಿ ಆಪಲ್ ಸೈಡರ್ ವಿನೆಗರ್ ಅನ್ನು ಅಷ್ಟೇ ಪ್ರಮಾಣದ ತೆಂಗಿನ ಎಣ್ಣೆ ಅಥವಾ ಆಲಿವ್ ಆಯಿಲ್ ಜೊತೆಗೆ ಮಿಶ್ರಣ ಮಾಡಿ ಅನ್ವಯಿಸಿ ಚೆನ್ನಾಗಿ ಮಸಾಜ್ ಮಾಡಿ. ದಿನಕ್ಕೆ ಒಂದು ಅಥವಾ ಎರಡು ಬಾರಿ ಈ ರೀತಿ ಮಾಡುವುದರಿಂದ ಕ್ರಮೇಣವಾಗಿ ಮಂಡಿ ನೋವು ಕಡಿಮೆಯಾಗುತ್ತದೆ.

• ಸಣ್ಣ ಪ್ರಮಾಣದಲ್ಲಿ ಅಥವಾ ಈಗತಾನೇ ಶುರುವಾಗಿರುವ ಮಂಡಿನೋವಿಗೆ ಮೇಲೆ ಹೇಳಿದ ಪರಿಹಾರಗಳು ಅತ್ಯಂತ ಪರಿಣಾಮಕಾರಿಯಾಗಿ ಕೆಲಸ ಮಾಡುತ್ತವೆ.
• ಆದರೆ ಒಂದು ವೇಳೆ ನಿಮ್ಮ ಮಂಡಿ ನೋವಿನ ಸಮಸ್ಯೆ ತುಂಬಾ ದೀರ್ಘ ಕಾಲದಿಂದ ಸ್ವಲ್ಪ ಹೆಚ್ಚಿನ ಪ್ರಮಾಣದಲ್ಲಿದ್ದರೆ ನಿಮ್ಮ ವೈದ್ಯರನ್ನು ಸಂಪರ್ಕಿಸಿ ಸರಿಯಾದ ರೋಗನಿರ್ಣಯ ಮಾಡಿ ಚಿಕಿತ್ಸೆಯನ್ನು ಪಡೆದುಕೊಳ್ಳಬಹುದು. ಮಂಡಿ ನೋವಿನ ಸಮಸ್ಯೆಗೆ ಹೊಂದಿಕೊಂಡಂತೆ ಮನೆಯಲ್ಲಿ ಮಾಡಬಹುದಾದ ಇನ್ನು ಕೆಲವು ಸುಲಭ ಪರಿಹಾರಗಳು ಎಂದರೆ....

• ಒಂದು ತೆಳುವಾದ ಕಾಟನ್ ಬಟ್ಟೆ ತೆಗೆದುಕೊಂಡು ಅದರಲ್ಲಿ ಐಸ್ ಕ್ಯೂಬ್ ಗಳನ್ನು ಹಾಕಿ ಬಟ್ಟೆಯನ್ನು ಸುತ್ತಿ ನಿಮಗೆ ಮಂಡಿ ನೋವು ಕಂಡು ಬರುವ ಜಾಗದಲ್ಲಿ ಇದರಿಂದ ಒತ್ತಿಕೊಳ್ಳಬೇಕು.
• ಇದು ರಕ್ತನಾಳಗಳ ಊದಿಕೊಳ್ಳುವಿಕೆ ಪ್ರಕ್ರಿಯೆಯನ್ನು ತಡೆದು ನೋವಿರುವ ಜಾಗಕ್ಕೆ ಅತಿಹೆಚ್ಚಿನ ಪ್ರಮಾಣದಲ್ಲಿ ರಕ್ತಸಂಚಾರ ಆಗುವುದನ್ನು ತಪ್ಪಿಸುತ್ತದೆ.
• ಇದರಿಂದ ಶೀಘ್ರವಾಗಿ ಮಂಡಿ ನೋವು ಪರಿಹಾರವಾಗುತ್ತದೆ. ದಿನದಲ್ಲಿ ಎರಡರಿಂದ ಮೂರು ಬಾರಿ ಈ ರೀತಿ ಮಾಡುವುದರಿಂದ ಆದಷ್ಟು ಬೇಗನೆ ನಿಮ್ಮ ಮಂಡಿನೋವು ವಾಸಿಯಾಗುತ್ತದೆ.

• ಸಾಧಾರಣವಾಗಿ ಎಲ್ಲರ ಮನೆಯಲ್ಲೂ ಶುಂಠಿ ಇದ್ದೇ ಇರುತ್ತದೆ. ಆರ್ಥ್ರೈಟಿಸ್ ಸಮಸ್ಯೆಗೆ ಇದೊಂದು ಶಕ್ತಿಯುತವಾದ ಪರಿಹಾರ ಎಂದು ಹೇಳುತ್ತಾರೆ.
• ಅದೇ ರೀತಿ ಮೈಕೈ ಸೆಳೆತ, ಮೂಳೆಗಳ ನೋವು, ಕೈಕಾಲುಗಳಲ್ಲಿ ಮುಳ್ಳು ಚುಚ್ಚಿದ ಅನುಭವ ಉಂಟಾಗುವುದು, ಮಾಂಸ ಖಂಡಗಳಿಗೆ ಗಾಯ ಉಂಟಾಗುವುದು ಹೀಗೆ ಹಲವಾರು ಸಮಸ್ಯೆಗಳಿಗೆ ಶುಂಠಿ ಪರಿಹಾರವಾಗಿ ಕೆಲಸ ಮಾಡುತ್ತದೆ.
• ಶುಂಠಿಯಲ್ಲಿ anti-inflammatory ಗುಣ ಲಕ್ಷಣಗಳು ಹೆಚ್ಚಾಗಿ ಸಿಗುವುದರಿಂದ ಊದಿಕೊಂಡಿರುವ ಮಂಡಿಯ ಭಾಗವನ್ನು ತನ್ನ ಪ್ರಭಾವದ ಮೂಲಕ ನಿಯಂತ್ರಣ ಮಾಡಿ ನೋವು ಕಡಿಮೆಯಾಗುವಂತೆ ಮಾಡುತ್ತದೆ. ಇದಕ್ಕಾಗಿ ಪ್ರತಿ ದಿನ ಎರಡರಿಂದ ಮೂರು ಕಪ್ ಶುಂಠಿ ಚಹಾ ಸೇವನೆ ಮಾಡುವ ಅಭ್ಯಾಸವನ್ನು ಮಾಡಿಕೊಳ್ಳಬೇಕು.
• ಒಂದು ವೇಳೆ ನಿಮ್ಮ ಬಳಿ ಶುಂಠಿಯ ಎಣ್ಣೆ ಇದ್ದರೆ ಅದರಿಂದ ನೋವಿರುವ ಜಾಗಕ್ಕೆ ಚೆನ್ನಾಗಿ ಮಸಾಜ್ ಮಾಡಿ. ಇದನ್ನು ಸಹ ದಿನದಲ್ಲಿ ಎರಡರಿಂದ ಮೂರು ಬಾರಿ ಮಾಡಬೇಕು.
• ಇದರ ಜೊತೆಗೆ ಇನ್ನೊಂದು ಪರಿಹಾರವೆಂದರೆ ಹಸಿಶುಂಠಿಯನ್ನು ನಾಲ್ಕೈದು ಬೆಳ್ಳುಳ್ಳಿ ಎಸಳುಗಳ ಜೊತೆ ಚೆನ್ನಾಗಿ ಜಜ್ಜಿ ಪೇಸ್ಟ್ ತಯಾರಿಸಿಕೊಂಡು ಅದನ್ನು ನೋವಿರುವ ಭಾಗದಲ್ಲಿ ಅನ್ವಯಿಸಿ ಮಸಾಜ್ ಮಾಡಬೇಕು. ಪ್ರತಿದಿನ ಕೇವಲ ಒಂದು ಬಾರಿ ಈ ರೀತಿ ಮಾಡುವುದರಿಂದ ಶೀಘ್ರವಾಗಿ ಮಂಡಿ ನೋವು ನಿವಾರಣೆಯಾಗುತ್ತದೆ.

ಶೀತ, ಕೆಮ್ಮು, ಅಜೀರ್ಣ, ಇನ್ನೂ ನಾನಾ ಸಮಸ್ಯೆಗಳಿಗೆ ಒಣ ಶುಂಠಿ ರಾಮಬಾಣ

• ಅರಿಶಿನದಲ್ಲಿ ನಿಮಗೆಲ್ಲ ಗೊತ್ತಿರುವ ಹಾಗೆ ' Curcumin'ಎಂಬ ಅಂಶ ಅಡಗಿದೆ. ಇದು anti-inflammatory ಗುಣಲಕ್ಷಣಗಳನ್ನು ಒಳಗೊಂಡಿದೆ. ಇದರಲ್ಲಿ ಆಂಟಿಆಕ್ಸಿಡೆಂಟ್ ಲಕ್ಷಣಗಳು ಸಹ ಕಂಡು ಬರುತ್ತವೆ.
• ಮಂಡಿ ನೋವು ನಿವಾರಣೆಯಲ್ಲಿ ಇದು ಬಹಳ ಪ್ರಮುಖವಾಗಿ ಕೆಲಸ ಮಾಡುತ್ತದೆ. ಮೂಳೆಗಳ ರೋಗ ತಜ್ಞರು ಹೇಳಿರುವ ಹಾಗೆ ಅರಿಶಿನ ಆರ್ಥ್ರೈಟಿಸ್ ಸಮಸ್ಯೆ ಹೆಚ್ಚಾಗುವ ಸಾಧ್ಯತೆಯನ್ನು ತಪ್ಪಿಸುತ್ತದೆ. ಇದರಿಂದ ನಂತರದಲ್ಲಿ ಉಂಟಾಗುವ ಮಂಡಿ ನೋವು ಸಮಸ್ಯೆ ಮೊದಲೇ ತಪ್ಪಿದಂತೆ ಆಗುತ್ತದೆ.
• ಬಹಳ ಹಿಂದಿನಿಂದ ವಿಪರೀತ ಮಂಡಿ ನೋವಿನ ಸಮಸ್ಯೆ ಇರುವವರು ಈ ರೀತಿ ಮಾಡಬಹುದು. ಅದೇನೆಂದರೆ ಅರ್ಧ ಟೀ ಚಮಚ ಶುಂಠಿ ತುರಿ ಮತ್ತು ಅರ್ಧ ಟೀ ಚಮಚ ಅರಿಶಿನವನ್ನು ಒಂದು ಕಪ್ ನೀರಿನಲ್ಲಿ ಹಾಕಿ ಚೆನ್ನಾಗಿ ಕುದಿಸಿ.
• ಸುಮಾರು ಹತ್ತು ನಿಮಿಷಗಳು ಕಳೆದ ಮೇಲೆ ಇದಕ್ಕೆ ನಿಂಬೆಹಣ್ಣಿನ ರಸ ಮತ್ತು ಜೇನುತುಪ್ಪವನ್ನು ಸೇರಿಸಿ. ಇದನ್ನು ಸೋಸಿ ಪ್ರತಿದಿನ ಎರಡು ಬಾರಿ ಸೇವನೆ ಮಾಡಬೇಕು. ರಾತ್ರಿ ಮಲಗುವ ಸಂದರ್ಭದಲ್ಲಿ ಒಂದು ಲೋಟ ಹಾಲಿಗೆ ಅರಿಶಿನವನ್ನು ಹಾಕಿ ಮಿಶ್ರಣ ಮಾಡಿ ಸೇವನೆ ಮಾಡುವ ಅಭ್ಯಾಸ ಮಾಡಿಕೊಳ್ಳಿ.
• ಈಗಾಗಲೇ ಯಾರಾದರೂ ದೇಹದಲ್ಲಿ ಕೊಲೆಸ್ಟ್ರಾಲ್ ಅಂಶವನ್ನು ಕಡಿಮೆ ಮಾಡುವ ಮಾತ್ರೆಗಳನ್ನು ಅಥವಾ ಔಷಧಗಳನ್ನು ತೆಗೆದುಕೊಳ್ಳುತ್ತಿದ್ದರೆ, ಅಂತಹವರು ಅರಿಶಿನದ ಪ್ರಯೋಗದಿಂದ ದೂರವುಳಿಯುವುದು ಒಳ್ಳೆಯದು. ಏಕೆಂದರೆ ಇದು ಸಹ ರಕ್ತವನ್ನು ಶುದ್ಧೀಕರಣ ಮಾಡುತ್ತದೆ ಎಂದು ಹೇಳುತ್ತಾರೆ. ಇದರಿಂದ ಆರೋಗ್ಯದ ಮೇಲೆ ಅಡ್ಡ ಪರಿಣಾಮ ಉಂಟಾಗುವ ಸಾಧ್ಯತೆ ಇದೆ.

ದಿನಾ ಒಂದು ಗ್ಲಾಸ್ ಅರಿಶಿನ ಹಾಲು ಕುಡಿದರೆ ಈ ಕಾಯಿಲೆಗಳೆಲ್ಲಾ ದೂರ