ಒಣ ಕೆಮ್ಮು ಮತ್ತು ಗಂಟಲು ನೋವಿಗೆ ಒಣ ಲವಂಗ ಪರಿಹಾರ! ಹೇಗೆ ಗೊತ್ತಾ?

• ಲವಂಗದಲ್ಲಿ ಫೇನೋಲಿಕ್ ಸಂಯುಕ್ತಗಳು ಸಾಕಷ್ಟು ಪ್ರಮಾಣದಲ್ಲಿ ಕಂಡುಬರುತ್ತವೆ. ಇವುಗಳು ವಿಶೇಷವಾಗಿ anti-inflammatoryಮತ್ತು ಆಂಟಿ ಬ್ಯಾಕ್ಟೀರಿಯಲ್ ಗುಣಸ್ವಭಾವಗಳನ್ನು ಹೊಂದಿರುತ್ತವೆ ಎಂದು ಹೇಳಬಹುದು.
• ಜೊತೆಗೆ ಔಷಧೀಯ ಗುಣ ಲಕ್ಷಣಗಳು ಕೂಡ ಇವುಗಳಲ್ಲಿ ಹೆಚ್ಚಾಗಿ ಕಂಡುಬರುತ್ತವೆ. ಗಂಟಲು ನೋವಿನ ಪರಿಹಾರಕ್ಕೆ ಲವಂಗ ಒಳ್ಳೆಯ ಪರಿಹಾರ ಎಂದು ತಿಳಿದುಬಂದಿದೆ.
• ಸಾಧಾರಣವಾಗಿ ದೇಹಕ್ಕೆ ಶೀತ ಮತ್ತು ಕೆಮ್ಮಿನ ಸಮಸ್ಯೆ ಉಂಟಾದಾಗ ಅದರಿಂದಲೇ ಗಂಟಲು ನೋವು ಬರುವ ಸಾಧ್ಯತೆ ಕೂಡ ಇರುತ್ತದೆ.

ದಿನಕ್ಕೆರಡು ಲವಂಗ ತಿಂದ್ರೆ ಏನೆಲ್ಲಾ ಪ್ರಯೋಜನಗಳಿವೆ ಗೊತ್ತೇ?

• ಲವಂಗದಲ್ಲಿ ಎಸೆನ್ಶಿಯಲ್ ಆಯಿಲ್ ಕಂಡುಬರುವ ಕಾರಣ ನೈಸರ್ಗಿಕವಾಗಿ ಇದೊಂದು ಉಸಿರಾಟದ ವ್ಯವಸ್ಥೆಯನ್ನು ಸ್ವಚ್ಛಮಾಡುವ ಗುಣವನ್ನು ಪಡೆದಿದೆ. ಇದರ ಜೊತೆಗೆ ಗಂಟಲಿನ ಭಾಗದಲ್ಲಿ ಕೆರೆತ ಮತ್ತು ಊತ ಉಂಟಾಗಿದ್ದರೂ ಸಹ ಅದರಿಂದಲೂ ಪರಿಹಾರವನ್ನು ಕಂಡುಕೊಳ್ಳಬಹುದು.
• ಆಂಟಿ ವೈರಲ್ ಮತ್ತು ಆಂಟಿ ಆಕ್ಸಿಡೆಂಟ್ ಲವಂಗದಲ್ಲಿ ಹೆಚ್ಚಾಗಿ ಕಂಡು ಬರುವುದರಿಂದ ನಮ್ಮ ದೇಹದಿಂದ ವಿಷಕಾರಿ ಅಂಶಗಳನ್ನು ಹೋಗಲಾಡಿಸುವಲ್ಲಿ ಮತ್ತು ಪರೋಕ್ಷವಾಗಿ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚು ಮಾಡಿ ನಮ್ಮನ್ನು ರೋಗ ಮುಕ್ತರನ್ನಾಗಿ ಮಾಡುವಲ್ಲಿ ಲವಂಗದ ಪಾತ್ರವನ್ನು ಮರೆಯುವಂತಿಲ್ಲ.

• ಒಂದು ಲವಂಗವನ್ನು ತೆಗೆದುಕೊಂಡು ಅದಕ್ಕೆ ಕಲ್ಲು ಉಪ್ಪು ಸೇರಿಸಿ. ಸೈಂಧವ ಲವಣ ಎನ್ನುವುದು ಇದಕ್ಕೆ ಇರುವ ಇನ್ನೊಂದು ಹೆಸರು.
• ಉಪ್ಪು ಮತ್ತು ಲವಂಗವನ್ನು ಚೆನ್ನಾಗಿ ಜಗಿಯಿರಿ
• ಗಂಟಲಿನ ಭಾಗಕ್ಕೆ ಇದರ ರಸ ಹೋಗಿ ತಲುಪುವಂತೆ ನೋಡಿಕೊಳ್ಳಿ
• ಸಂಪೂರ್ಣ ಉಸಿರಾಟ ನಾಳ ಯಾವುದೇ ಸೋಂಕಿನಿಂದ ತೊಂದರೆಗೆ ಒಳಗಾಗಿ ಉರಿಯೂತದ ಸಮಸ್ಯೆಯಿಂದ ಬಳಲುತ್ತಿದ್ದರೆ, ಆ ಸಮಯದಲ್ಲಿ ನಿಮಗೆ ಇದರಿಂದ ಪರಿಹಾರ ಸಿಗುತ್ತದೆ.
• ಅದರಲ್ಲೂ ಒಣ ಕೆಮ್ಮಿನ ಸಮಸ್ಯೆ ಇರುವವರಿಗೆ ಇದು ಅತ್ಯಂತ ಪರಿಣಾಮಕಾರಿ ಮನೆ ಮದ್ದು ಎಂದು ತಿಳಿದುಕೊಳ್ಳಬಹುದು.

• ಒಂದು ವೇಳೆ ನಿಮಗೆ ಈಗಾಗಲೇ ಅತಿಯಾದ ಕೆಮ್ಮು ಇದ್ದರೆ, ನೀವು ಲವಂಗವನ್ನು ಇನ್ನೊಂದು ರೂಪದಲ್ಲಿ ಸಹ ಬಳಕೆ ಮಾಡಬಹುದು.
• ಅದು ಹೇಗೆಂದರೆ ಲವಂಗವನ್ನು ಸ್ವಲ್ಪ ಬೆಂಕಿಯಲ್ಲಿ ಸುಟ್ಟು ಜಗಿದು ತಿನ್ನುವುದರಿಂದ ಒಣ ಕೆಮ್ಮಿನ ಸಮಸ್ಯೆಯಿಂದ ಪರಿಹಾರ ಮಾಡಿಕೊಳ್ಳಬಹುದು.
• ಲವಂಗದ ಎಣ್ಣೆಯನ್ನು ಸ್ವಲ್ಪ ಜೇನು ತುಪ್ಪದೊಂದಿಗೆ ಮಿಶ್ರಣ ಮಾಡಿ ಸೇವನೆ ಮಾಡಿದರೆ ನಿರಂತರವಾಗಿ ಬರುವ ಕೆಮ್ಮು ನಿಂತು ಹೋಗುವ ಸಾಧ್ಯತೆ ಇರುತ್ತದೆ.
• ಒಂದು ವೇಳೆ ನಿಮ್ಮ ಮನೆಯಲ್ಲಿ ಲವಂಗದ ಎಣ್ಣೆ ಇಲ್ಲದೆ ಇದ್ದರೆ ಲವಂಗವನ್ನು ಜೇನು ತುಪ್ಪದಲ್ಲಿ ಅದ್ದಿ ಜಗಿದು ತಿನ್ನಿ.
• ಇದರ ಆಂಟಿ ಇನ್ಫಾಮೇಟರಿ ಮತ್ತು ಔಷಧೀಯ ಗುಣ ಲಕ್ಷಣಗಳ ಪ್ರಭಾವ ನಿಮಗೆ ತಿಳಿಯುತ್ತದೆ.

ಶೀತ, ಕೆಮ್ಮು, ಅಜೀರ್ಣ, ಇನ್ನೂ ನಾನಾ ಸಮಸ್ಯೆಗಳಿಗೆ ಒಣ ಶುಂಠಿ ರಾಮಬಾಣ