ತಲೆನೋವು ಇದ್ಯಾ? ಹಾಗಾದ್ರೆ ಸಣ್ಣ ತುಂಡು ಶುಂಠಿ ಬಳಸಿ ನೋಡಿ....

• ಶುಂಠಿಯ ಸಾಧಾರಣ ಬೇರಿನಲ್ಲಿ ಸುಮಾರು 200 ಬಗೆಯ ಔಷಧೀಯ ಅಂಶಗಳಿವೆ. ಹಾಗಾಗಿ ಇದು ನಮ್ಮ ದೇಹದಲ್ಲಿ ನೈಸರ್ಗಿಕವಾಗಿ ನಮ್ಮ ದೇಹದ ಉರಿಯೂತವನ್ನು ನಿವಾರಣೆ ಮಾಡುವಲ್ಲಿ ನಮ್ಮ ದೇಹಕ್ಕೆ
• ಅಗತ್ಯತೆಗೆ ತಕ್ಕಂತೆ ಹಾರ್ಮೋನುಗಳನ್ನು ಬಿಡುಗಡೆ ಮಾಡಲು ಅನುಕೂಲ ಮಾಡಿಕೊಡುವಲ್ಲಿ ಶುಂಠಿಯ ಪಾತ್ರವನ್ನು ಮರೆಯುವಂತಿಲ್ಲ. ಕೇವಲ ತಲೆನೋವಿಗೆ ಮಾತ್ರವಲ್ಲದೆ ಮೈಕೈ ನೋವಿಗೂ ಸಹ ಶುಂಠಿ ಒಂದು ಅತ್ಯುತ್ತಮ ಪರಿಹಾರ ಆಗಬಲ್ಲದು.

ಮೈಗ್ರೇನ್ ತಲೆನೋವು ಮಹಿಳೆಯರಿಗೇ ಜಾಸ್ತಿ ಕಾಡುವುದು ಯಾಕೆ?

• ಆಯುರ್ವೇದ ಪದ್ಧತಿಯಲ್ಲಿ ಶುಂಠಿಗೆ ವಿಶೇಷವಾದ ಸ್ಥಾನಮಾನವಿದೆ. ಆಗಿನ ಕಾಲದಿಂದಲೂ ಸಹ ಶುಂಠಿಯನ್ನು ತಲೆ ನೋವಿನ ಪರಿಹಾರಕ್ಕಾಗಿ ಆಯುರ್ವೇದ ಪಂಡಿತರು ಬಳಕೆ ಮಾಡುತ್ತಿದ್ದರು.
• ನಮ್ಮ ದೇಶದ ಆಯುರ್ವೇದ ಪದ್ಧತಿಯಿಂದ ಪ್ರಭಾವಿತರಾಗಿ ಬೇರೆ ದೇಶದ ಜನರು ಸಹ ಶುಂಠಿಯನ್ನು ತಲೆ ನೋವಿನ ಸಮಸ್ಯೆಗೆ ಬೇರೆ ಔಷಧೀಯ ಪದಾರ್ಥಗಳ ಜೊತೆಗೆ ಮಿಶ್ರಣ ಮಾಡಿ ಬಳಕೆ ಮಾಡುತ್ತಿದ್ದಾರೆ. ಹಲವರಿಗೆ ಜೀರ್ಣಾಂಗ ವ್ಯವಸ್ಥೆಯ ಅಸ್ವಸ್ಥತೆಯಿಂದ ತಲೆ ನೋವು ಬರಬಹುದು.

ಶುಂಠಿ ಚಹಾ ಕುಡಿಯೋದರ ಪ್ರಯೋಜನ ಏನು ಗೊತ್ತಾ?

• ಮುಖ್ಯವಾಗಿ ಇದು ನಾವು ಸೇವಿಸಿದ ಆಹಾರವನ್ನು ಅಚ್ಚುಕಟ್ಟಾಗಿ ಜೀರ್ಣ ಮಾಡುವ ಕಡೆಗೆ ಒಲವು ತೋರುತ್ತದೆ. ಹೀಗಾಗಿ ವಾಕರಿಕೆ, ವಾಂತಿ, ಹೊಟ್ಟೆ ಕೆಟ್ಟು ಹೋಗುವ ಸಮಸ್ಯೆ ಇರುವುದಿಲ್ಲ. ನಮ್ಮ ಹೃದಯ ಪಂಪ್ ಮಾಡುವ ರಕ್ತ ನಮ್ಮ ದೇಹದ ಎಲ್ಲಾ ಕಡೆಗೆ ಹರಡುತ್ತದೆ ಮತ್ತು ತಲುಪುತ್ತದೆ.
• ನಮ್ಮ ಹೊಟ್ಟೆಯನ್ನು ಅನಾರೋಗ್ಯಕರ ಆಹಾರದಿಂದ ರಕ್ಷಣೆ ಮಾಡುವ ಕೆಲಸವನ್ನು ಶುಂಠಿ ಮಾಡುತ್ತದೆ. ಹೊಟ್ಟೆಯಲ್ಲಿ ಉಂಟಾಗುವ ಹುಣ್ಣುಗಳು ಸಹ ಮಾಯವಾಗುತ್ತವೆ.
• ಗಂಟಲಿನ ಭಾಗದಲ್ಲಿ ಕಂಡುಬರುವ ಹಲವಾರು ಸಮಸ್ಯೆಗಳಿಗೆ ಶುಂಠಿ ಉತ್ತಮ ಪರಿಹಾರವಾಗಬಲ್ಲದು. ಬಹಳಷ್ಟು ಸುಲಭವಾಗಿ ನಿಮ್ಮ ತಲೆನೋವಿನ ಸಮಸ್ಯೆಯನ್ನು ದೂರ ಮಾಡಿಕೊಳ್ಳಲು ಶುಂಠಿಯನ್ನು ನೀವು ಈ ಕೆಳಗಿನಂತೆ ಬಳಕೆ ಮಾಡಿ ನೋಡಿ.

• ತಲೆ ನೋವಿನ ನಿವಾರಣೆಗೆ ಶುಂಠಿಯನ್ನು ಅರ್ಧ ಅಥವಾ ಒಂದು ಇಂಚು ತೆಗೆದುಕೊಂಡು ಅದನ್ನು ಚೆನ್ನಾಗಿ ಜಜ್ಜಿ, ಬಿಸಿ ನೀರಿನಲ್ಲಿ ಚೆನ್ನಾಗಿ ಕುದಿಸಿ, ಸೋಸಿಕೊಂಡು ಉಗುರು ಬೆಚ್ಚಗೆ ಇರುವಾಗ ಕುಡಿಯುವ ಅಭ್ಯಾಸ ಮಾಡಿಕೊಂಡರೆ ತಲೆನೋವಿನ ಸಮಸ್ಯೆ ಮಾಯವಾಗುತ್ತದೆ.
• ತಲೆ ನೋವಿನ ಸಮಸ್ಯೆಗೆ ಇನ್ನೊಂದು ಪರಿಹಾರವೆಂದರೆ ಶುಂಠಿ ರಸದ ಬಳಕೆ ಮಾಡುವುದು. ನೀರನ್ನು ಮೊದಲು ಚೆನ್ನಾಗಿ ಕುದಿಸಿಕೊಂಡು ಒಂದು ಅಗಲವಾದ ಪಾತ್ರೆಗೆ ಹಾಕಿ ಅದಕ್ಕೆ ಶುಂಠಿಯನ್ನು ಜಜ್ಜಿ ಪೇಸ್ಟ್ ರೀತಿ ಮಾಡಿಕೊಂಡು ನೀರಿನಲ್ಲಿ ಹಾಕಬೇಕು.
• ನಿಮ್ಮ ಬಳಿ ಒಣಗಿದ ಶುಂಠಿಯ ಪುಡಿ ಇದ್ದರೆ ಅದು ಕೂಡ ನಿಮ್ಮ ಆರೋಗ್ಯಕ್ಕೆ ಒಳ್ಳೆಯ ಪ್ರಭಾವವನ್ನು ಬೀರುತ್ತದೆ. ಹಾಗಾಗಿ ಕುದಿಯುವ ನೀರಿನಲ್ಲಿ ಒಣ ಶುಂಠಿ ಪುಡಿಯನ್ನು ಬೇಕಾದರೂ ಹಾಕಬಹುದು.
• ಇದರಿಂದ ಬರುವ ನೀರಿನ ಆವಿಯನ್ನು ಸ್ವಲ್ಪ ಹೊತ್ತು ತೆಗೆದುಕೊಂಡರೆ ತಲೆನೋವಿನ ಸಮಸ್ಯೆ ಶಾಶ್ವತವಾಗಿ ಮಾಯವಾಗುತ್ತದೆ.

• ಇನ್ನೊಂದು ಪ್ರಮುಖವಾದ ಮತ್ತು ಸರಳವಾದ ಮನೆ ಮದ್ದು ಎಂದರೆ ಶುಂಠಿಯನ್ನು ಜಜ್ಜಿ ಪೇಸ್ಟ್ ಮಾಡಿಕೊಂಡು ಅದನ್ನು ಹಣೆಯ ಮೇಲೆ ಲೇಪನ ಮಾಡುವುದು.
• ಒಂದು ವೇಳೆ ನಿಮ್ಮ ಬಳಿ ಒಣಶುಂಠಿ ಪುಡಿ ಇದ್ದರೆ ಅದನ್ನು ಸ್ವಲ್ಪ ಉಗುರು ಬೆಚ್ಚಗಿನ ನೀರಿನಲ್ಲಿ ಹಾಕಿ ಚೆನ್ನಾಗಿ ಕದಡಿ ಗಟ್ಟಿಯಾದ ಪೇಸ್ಟ್ ಮಾಡಿಕೊಂಡು ಹಣೆಗೆ ಹಚ್ಚಬೇಕು.
• ಒಂದು ಶಾಂತವಾದ ಸ್ಥಳದಲ್ಲಿ ಕಣ್ಣುಮುಚ್ಚಿಕೊಂಡು ಮಲಗಿದ ಸಂದರ್ಭದಲ್ಲಿ ನೀವು ಈ ರೀತಿ ಮಾಡಿದರೆ ತಲೆ ನೋವಿನ ಸಮಸ್ಯೆಯಿಂದ ಬಹಳ ಬೇಗನೆ ಮುಕ್ತಿ ಪಡೆದುಕೊಳ್ಳಬಹುದು.