ಗೆಳೆಯರ ಜೊತೆಗೂಡಿ ಮನೆಯ ಹೊರಗೆ ಮಾಡುವ ಪಾರ್ಟಿ, ಸೇವಿಸುವ ಜಂಕ್ ಫುಡ್ ಗಳು ಅನಾರೋಗ್ಯಕರ ವಾತಾವರಣವನ್ನು ಉಂಟು ಮಾಡುವುದು ಮಾತ್ರವಲ್ಲದೆ ದೇಹದ ತೂಕ ಹೆಚ್ಚಾಗುವಿಕೆಗೂ ಕಾರಣವಾಗುತ್ತವೆ. ಹೀಗೆ ಹೆಚ್ಚಾದ ದೇಹದ ತೂಕದಿಂದ ಇಲ್ಲದ ಸಮಸ್ಯೆಗಳು ಉದ್ಭವವಾಗುತ್ತವೆ. ಅದರಲ್ಲಿ ಹೃದಯದ ಸಮಸ್ಯೆ ಕೂಡ ಒಂದು. ದೇಹದಲ್ಲಿ ಬೊಜ್ಜಿನ ಪ್ರಮಾಣ ಜಾಸ್ತಿ ಆಗುತ್ತಿದ್ದಂತೆ ರಕ್ತ ಸಂಚಾರ ನಿಯಂತ್ರಣಗೊಂಡು ದೇಹದ ಮುಖ್ಯ ಅಂಗಾಂಗಗಳಿಗೆ ಆಮ್ಲಜನಕದ ಕೊರತೆ ಉಂಟಾಗಿ ದಿನೇ ದಿನೇ ದೈಹಿಕ ಕಾರ್ಯಕ್ಷಮತೆ ತಗ್ಗುತ್ತಾ ಹೋಗುತ್ತದೆ.
ಆರಂಭಿಕ ಹಂತದಲ್ಲಿ ನಿಮ್ಮ ದೇಹ ಎದುರಿಸುತ್ತಿರುವ ಇಂತಹ ಸಮಸ್ಯೆಗಳನ್ನು ಬಹಳ ಬೇಗನೆ ನಿವಾರಣೆ ಮಾಡಿಕೊಳ್ಳದೇ ಹೋದರೆ ಮುಂದೊಂದು ದಿನ ಬಹಳ ದೊಡ್ಡ ಸಮಸ್ಯೆಗೆ ಗುರಿಯಾಗಬೇಕಾಗುತ್ತದೆ. ಕೆಲವೊಂದು ಮನೆ ಮದ್ದುಗಳು ನಿಮಗೆ ಬಹಳ ಪರಿಣಾಮಕಾರಿಯಾಗಿ ನಿಮ್ಮ ದೇಹದ ತೂಕವನ್ನು ಕಡಿಮೆ ಮಾಡಬಲ್ಲವು. ಅವುಗಳಲ್ಲಿ ಈ ಕೆಳಗಿನ ಪಾನೀಯಗಳು ಕೂಡ ಸೇರಿವೆ.
ಗ್ರೀನ್ ಟೀ
ಗ್ರೀನ್ ಟೀಯಲ್ಲಿ ಹೆಚ್ಚಿನ ಪ್ರಮಾಣದ ' ಕೆಟಾಜಿನ್ ' ಎಂಬ ಆಂಟಿ - ಆಕ್ಸಿಡೆಂಟ್ ಅಂಶ ಕಂಡು ಬರುವುದರಿಂದ ನಿಮ್ಮ ಕೊಬ್ಬಿನ ಅಂಶವನ್ನು ಬಹಳ ಬೇಗನೆ ಕರಗಿಸಿ ಮೆಟಬಾಲಿಸಂ ಪ್ರಕ್ರಿಯೆಗೆ ನೆರವಾಗುತ್ತದೆ. ದೇಹದ ತೂಕ ಕಡಿಮೆ ಮಾಡಿಕೊಳ್ಳುವ ಆಸಕ್ತಿ ಇದ್ದವರು ' Matcha'ಎಂಬ ಗ್ರೀನ್ ಟೀ ಪ್ರತಿ ದಿನ ಸೇವನೆ ಮಾಡುವುದು ಒಳ್ಳೆಯದು.
ಏಕೆಂದರೆ ಬೇರೆ ಬಗೆಯ ಗ್ರೀನ್ ಟೀ ಗಳಿಗೆ ಹೋಲಿಸಿದರೆ ಇದರಲ್ಲಿ ಹೆಚ್ಚಿನ ಪ್ರಮಾಣದ ' ಕೆಟೆಚಿನ್ ' ಅಂಶ ಇರುತ್ತದೆ. ಹಾಗಾಗಿ ನಿಮ್ಮ ತೂಕ ಕಡಿಮೆ ಮಾಡಿಕೊಳ್ಳುವುದು ಇದರಿಂದ ಬಹಳ ಸುಲಭ. ಅದೂ ಅಲ್ಲದೆ ಗ್ರೀನ್ ಟೀ ನಲ್ಲಿ ಕೆಫಿನ್ ಅಂಶ ಹೆಚ್ಚಾಗಿರುವುದರಿಂದ ನಿಮ್ಮ ದೇಹದ ಶಕ್ತಿ ಸದೃಢತೆಯನ್ನು ಹೆಚ್ಚಾಗಿಸುವುದರ ಜೊತೆಗೆ ದೇಹದ ತೂಕವನ್ನು ಕಡಿಮೆ ಮಾಡಿ ವ್ಯಾಯಾಮ ಮಾಡುವ ಸಂದರ್ಭದಲ್ಲಿ ನಿಮ್ಮ ದೈಹಿಕ ಕಾರ್ಯಕ್ಷಮತೆಯನ್ನು ಹೆಚ್ಚು ಮಾಡುತ್ತದೆ.
ಕಾಫಿ
ಕಾಫಿ ಕುಡಿಯುವ ಅಭ್ಯಾಸ ಇಲ್ಲದೆ ಇರುವವರು ಈ ವಿಚಾರವನ್ನು ಚೆನ್ನಾಗಿ ತಿಳಿದುಕೊಳ್ಳಬೇಕು. ತಮಗೆ ಅರಿವಿಲ್ಲದೆ ತಮ್ಮ ದೇಹದ ತೂಕ ಒಂದು ವೇಳೆ ಈಗಾಗಲೇ ಹೆಚ್ಚಾಗಿದ್ದರೆ, ನಿಮ್ಮ ದೇಹದ ಮೆಟಬಾಲಿಸಂ ಪ್ರಕ್ರಿಯೆಯನ್ನು ಉತ್ತೇಜಿಸಿ ನಿಮ್ಮ ದೇಹಕ್ಕೆ ಹೆಚ್ಚಿನ ಶಕ್ತಿಯನ್ನು ಒದಗಿಸಿ ಅದೇ ಸಮಯದಲ್ಲಿ ನಿಮ್ಮ ದೇಹದ ತೂಕವನ್ನು ಮತ್ತು ಕೆಟ್ಟ ಕೊಲೆಸ್ಟ್ರಾಲ್ ಅಂಶವನ್ನು ಹಾಲು ರಹಿತ ಕಾಫಿ ಕಡಿಮೆ ಮಾಡುತ್ತದೆ. ಮೆಟಬಾಲಿಸಂ ಪ್ರಕ್ರಿಯೆ ಹೆಚ್ಚಾದಷ್ಟೂ ನಿಮ್ಮ ದೇಹದಲ್ಲಿ ಕೊಬ್ಬಿನ ಅಂಶ ಕರಗುತ್ತದೆ ಮತ್ತು ನಿಮ್ಮ ದೇಹದ ಸುತ್ತಳತೆ ಕೂಡ ಕಡಿಮೆ ಆಗುತ್ತದೆ.
ಶುಗರ್ಲೆಸ್ ಬ್ಲ್ಯಾಕ್ ಕಾಫಿ ಕುಡಿದರೆ ಸಿಗುವ ಆರೋಗ್ಯಕ್ಕೆ ಹತ್ತಾರು ಲಾಭಗಳಿವೆ!
ಶುಂಠಿ ಚಹಾ
ನೈಸರ್ಗಿಕ ಪದಾರ್ಥವಾದ ಶುಂಠಿಯಲ್ಲಿ ವಿವಿಧ ಬಗೆಯ ಆಂಟಿ - ಆಕ್ಸಿಡೆಂಟ್ ಅಂಶಗಳು ಮತ್ತು ಆಂಟಿ - ಇಂಪ್ಲಾಮೇಟರಿ ಗುಣ ಲಕ್ಷಣಗಳು ಇರುವುದರಿಂದ ನಿಮ್ಮ ಹೃದಯ ರಕ್ತ ನಾಳದ ಹಾನಿಯನ್ನು ತಪ್ಪಿಸಿ ನಿಮ್ಮ ದೇಹದ ತೂಕ ಹೆಚ್ಚಾಗುವಂತೆ ಮಾಡುವ ಇನ್ನಿತರ ಎಲ್ಲಾ ವಿಚಾರಗಳಿಗೆ ತಡೆ ಹಾಕುತ್ತದೆ. ಶುಂಠಿಯಲ್ಲಿ ' ಜಿಂಜೆರಾಲ್ ' ಎಂಬ ಅಂಶ ಇರುವ ಕಾರಣ ನಿಮ್ಮ ರಕ್ತದಲ್ಲಿನ ಸಕ್ಕರೆ ಪ್ರಮಾಣವನ್ನು ನಿಯಂತ್ರಣ ಮಾಡಿ ಕೆಟ್ಟ ಕೊಲೆಸ್ಟ್ರಾಲ್ ಅಂಶವನ್ನು ನಿಮ್ಮಿಂದ ದೂರ ಮಾಡುತ್ತದೆ.
ಶುಂಠಿ ಚಹಾ ಕುಡಿಯೋದರ ಪ್ರಯೋಜನ ಏನು ಗೊತ್ತಾ?
ಪ್ರೋಟೀನ್ ಭರಿತ ಪಾನೀಯಗಳು
ಪ್ರೋಟಿನ್ ಅಂಶಗಳನ್ನು ಹೆಚ್ಚಾಗಿ ಸೇವಿಸಿದರೆ ಹೊಟ್ಟೆ ಹಸಿವು ಕಡಿಮೆಯಾಗುತ್ತದೆ ಎಂಬ ಮಾತಿದೆ. ಅದರಂತೆ ಅತಿ ಹೆಚ್ಚು ಪ್ರೊಟೀನ್ ಅಂಶಗಳನ್ನು ಒಳಗೊಂಡ ಪಾನೀಯಗಳು ನಿಮ್ಮ ಹೊಟ್ಟೆ ಹಸಿವಿನ ನಿವಾರಣೆ ಮಾಡಿ ಹೊಟ್ಟೆ ತುಂಬಿದಂತಹ ಅನುಭವ ಉಂಟು ಮಾಡುವುದರಿಂದ ಬೇರೆ ಯಾವುದೇ ಬಗೆಯ ಆಹಾರಗಳನ್ನು ಸೇವನೆ ಮಾಡಬೇಕು ಎನ್ನುವ ಬಯಕೆ ನಿಮ್ಮಲ್ಲಿ ತಪ್ಪಿ ಹೋಗುತ್ತದೆ.
ಇದರಿಂದ ನಿಧಾನವಾಗಿ ನಿಮಗೆ ಗೊತ್ತಿಲ್ಲದಂತೆ ನಿಮ್ಮ ದೇಹದ ತೂಕ ಕಡಿಮೆ ಆಗುತ್ತಾ ಹೋಗುತ್ತದೆ. ಏಕೆಂದರೆ ನಿಮ್ಮ ದೇಹದಲ್ಲಿ ಈಗಾಗಲೇ ಇರುವ ಕೊಬ್ಬಿನ ಅಂಶ ನಿಮ್ಮ ದೇಹದ ಪ್ರತಿ ದಿನದ ಕಾರ್ಯ ನಿರ್ವಹಣೆಗೆ ಬಳಕೆ ಆಗುತ್ತದೆ.
ಹಾಗಾಗಿ ಬೊಜ್ಜಿನ ಪ್ರಮಾಣ ಕೊಡ ಕಡಿಮೆ ಆಗುವುದರ ಜೊತೆಗೆ ' GLP-1'ಎಂಬ ಹಾರ್ಮೋನ್ ಪ್ರಮಾಣ ಕೂಡ ದೇಹದಲ್ಲಿ ಹೆಚ್ಚಾಗುತ್ತದೆ. ಇದೊಂದು ಹಸಿವನ್ನು ಕಡಿಮೆ ಮಾಡುವ ಹಾರ್ಮೋನ್ ಆಗಿದ್ದು, ವೈದ್ಯಲೋಕದ ಪ್ರಕಾರ ಇದಕ್ಕೆ ' ghrelin'ಎಂಬ ಹೆಸರಿದೆ.
ಆಪಲ್ ಸೈಡರ್ ವಿನೆಗರ್
ಆಪಲ್ ಸೈಡರ್ ವಿನೆಗರ್ ನಲ್ಲಿ ' ಅಸಿಟಿಕ್ ಆಮ್ಲ ' ಎಂಬ ಸಂಯುಕ್ತ ಕಂಡು ಬಂದಿದ್ದು, ಇದು ನಿಮ್ಮ ದೇಹದ ತೂಕವನ್ನು ಕಡಿಮೆ ಮಾಡುವ ಅತ್ಯದ್ಭುತ ಅಂಶ ಎಂದು ಗುರುತಿಸಿಕೊಂಡಿದೆ. ಏಕೆಂದರೆ ದೇಹದಲ್ಲಿ ಇನ್ಸುಲಿನ್ ಪ್ರಮಾಣವನ್ನು ಕಡಿಮೆ ಮಾಡಿ ನಿಮ್ಮ ಮೆಟಬೋಲಿಸಂ ಪ್ರಕ್ರಿಯೆಯನ್ನು ಹೆಚ್ಚು ಮಾಡುತ್ತದೆ.
ಹೊಟ್ಟೆ ಹಸಿವಿನ ನಿಯಂತ್ರಣವಾಗಿ ನಿಮ್ಮ ದೇಹದ ಕೆಟ್ಟ ಕೊಬ್ಬಿನ ಅಂಶ ಮತ್ತು ಕೊಲೆಸ್ಟ್ರಾಲ್ ಅಂಶ ಕರಗುತ್ತದೆ. ನೀವು ಸೇವಿಸಿದ ಆಹಾರವನ್ನು ನಿಧಾನವಾಗಿ ಜೀರ್ಣ ಮಾಡುವ ಮೂಲಕ ನಿಮಗೆ ಬಹಳ ಹೊತ್ತಿನ ತನಕ ಹೊಟ್ಟೆ ಹಸಿವು ಆಗದಂತೆ ತಡೆದು ಬೇರೆ ಬಗೆಯ ಆಹಾರಗಳು, ರಸ್ತೆ ಬದಿಯ ಜಂಕ್ ಫುಡ್ ಗಳು ಹೆಚ್ಚಾಗಿ ನಿಮ್ಮ ದೇಹ ಸೇರದಂತೆ ಆಪಲ್ ಸೈಡರ್ ವಿನೆಗರ್ ನೋಡಿಕೊಳ್ಳುತ್ತದೆ.
ನೀರು
ಕೇವಲ ಹತ್ತೇ ನಿಮಿಷದಲ್ಲಿ ನೀವು ಕುಡಿಯುವ ಒಂದು ಗ್ಲಾಸ್ ನೀರು ನಿಮ್ಮ ದೇಹದ ಸರಿ ಸುಮಾರು 24 % ರಿಂದ 30 % ಕ್ಯಾಲರಿಗಳನ್ನು ಕಡಿಮೆ ಮಾಡುತ್ತದೆ ಎಂದರೆ ನೀವು ನಂಬುವುದಿಲ್ಲ. ಆದರೆ ಇದು ಸತ್ಯ.
ನೀರಿಗೆ ಕೇವಲ ನಿಮ್ಮ ದೇಹದ ಕಲ್ಮಶಗಳನ್ನು ದೂರ ಮಾಡುವ ಶಕ್ತಿ ಇರುವುದು ಮಾತ್ರವಲ್ಲದೆ ನಿಮ್ಮ ದೇಹದ ನಿರ್ಜಲೀಕರಣ ಸಮಸ್ಯೆಯನ್ನು ಇಲ್ಲವಾಗಿಸಿ ನಿಮ್ಮ ಮೂತ್ರ ಪಿಂಡಗಳು ಮತ್ತು ಲಿವರ್ ಕಾರ್ಯಕ್ಷಮತೆಯನ್ನು ಹೆಚ್ಚಿಸಿ ನಿಮ್ಮ ಹೊಟ್ಟೆ ಹಸಿವಿನ ನಿವಾರಣೆ ಮಾಡುತ್ತದೆ. ಈ ಪ್ರಕ್ರಿಯೆಯಲ್ಲಿ ನಿಮ್ಮ ದೇಹದ ಕೊಲೆಸ್ಟ್ರಾಲ್ ಅಂಶದ ಕೆಲವು ಭಾಗ ನೀರಿನಲ್ಲಿ ವಿಷಕಾರಿ ತ್ಯಾಜ್ಯದ ಮೂಲಕ ಹೊರ ಹೋಗುತ್ತದೆ ಎಂದು ಹೇಳುತ್ತಾರೆ.
ಸೋಂಪು ಕಾಳುಗಳ ನೀರು
ನಿಮಗೆ ಅಜೀರ್ಣತೆ ಎದುರಾದ ಸಂದರ್ಭದಲ್ಲಿ ಸೋಂಪು ಕಾಳುಗಳು ತಕ್ಷಣಕ್ಕೆ ನಿಮಗೆ ಪರಿಹಾರ ನೀಡುತ್ತವೆ ಎಂಬುದು ನಿಮಗೂ ಗೊತ್ತು. ಆದರೆ ಕೆಲವೊಂದು ಸಂದರ್ಭಗಳಲ್ಲಿ ಅಜೀರ್ಣತೆ ಎಂಬುದು ನಿಮ್ಮ ದೇಹದ ತೂಕ ಹೆಚ್ಚಾಗುವ ಪ್ರಕ್ರಿಯೆಯಲ್ಲಿ ಕೂಡ ಕಾರಣವಾಗುತ್ತದೆ ಎಂದು ಹೇಳುತ್ತಾರೆ.
ಹಾಗಾಗಿ ನೀವು ಮೊದಲು ಅಜೀರ್ಣತೆಯ ಸಮಸ್ಯೆಯನ್ನು ದೂರ ಮಾಡಿಕೊಳ್ಳುವ ಬಗ್ಗೆ ಆಲೋಚನೆ ಮಾಡಬೇಕು. ಆರೋಗ್ಯಕರವಾದ ಕರುಳು ಮತ್ತು ಜೀರ್ಣಾಂಗವನ್ನು ಹೊಂದಲು ಮತ್ತು ನಿಮ್ಮ ದೇಹದ ತೂಕವನ್ನು ನಿಯಂತ್ರಣ ಮಾಡಿಕೊಳ್ಳಲು ಸೋಂಪು ಕಾಳುಗಳನ್ನು ಇಡೀ ರಾತ್ರಿ ನೆನೆ ಹಾಕಿದ ನೀರು ನಿಮಗೆ ಸಹಾಯಕ್ಕೆ ಬರುತ್ತದೆ.
ಈಗಾಗಲೇ ತುಂಬಾ ದಪ್ಪ ಇರುವವರು ಬೆಳಗಿನ ಸಮಯದಲ್ಲಿ ಸೋಂಪು ಕಾಳುಗಳ ನೀರನ್ನು ಕುಡಿಯುವ ಅಭ್ಯಾಸ ಮಾಡಿಕೊಂಡರೆ ನಿಮ್ಮ ಹೃದಯದ ಆರೋಗ್ಯಕ್ಕೂ ತುಂಬಾ ಒಳ್ಳೆಯದು.
ಸೋಂಪು ಕಾಳಿನಿಂದ ತ್ವಚೆಗೆ ಮತ್ತು ಕೂದಲಿಗೆ ಎಷ್ಟೆಲ್ಲಾ ಲಾಭಗಳಿವೆ
ಬ್ಲಾಕ್ ಟೀ
ಹಾಲನ್ನು ಬೆರೆಸದೆ ಚಹಾ ಕುಡಿಯುವ ಅಭ್ಯಾಸ ನಿಮಗಿದ್ದರೆ ನಿಮ್ಮಷ್ಟು ಆರೋಗ್ಯವಂತ ವ್ಯಕ್ತಿ ಇನ್ನೊಬ್ಬರಿಲ್ಲ ಎಂದು ಹೇಳಬಹುದು. ಏಕೆಂದರೆ ಇದರಲ್ಲಿ ಪಾಲಿಫಿನಾಲಿಕ್ ಅಂಶಗಳು ಸಾಕಷ್ಟು ಇರುವ ಕಾರಣ ಫ್ಲೇವನಾಯ್ಡ್ ಅಂಶಗಳ ಲಾಭ ನಿಮಗೆ ಸಿಗುತ್ತವೆ.
ಅತ್ಯಂತ ಶಕ್ತಿಯುತವಾದ ಆಂಟಿ - ಆಕ್ಸಿಡೆಂಟ್ ಗಳು ಎಂದರೆ ಅದು ಫ್ಲೆವನೋಯ್ಡ್ ಗಳು. ನಿಮ್ಮ ದೇಹದ ತೂಕವನ್ನು ಬಹಳ ಬೇಗನೆ ಕಡಿಮೆ ಮಾಡುವ ಶಕ್ತಿ ಫ್ಲೆವನೋಯ್ಡ್ ಗಳಿಗೆ ಇದೆ. ಹಾಗಾಗಿ ಪ್ರತಿ ದಿನ ಆಗಾಗ ನಿಯಮಿತವಾಗಿ ಹಾಲು ರಹಿತ ಚಹಾ ಕುಡಿಯುವ ಅಭ್ಯಾಸ ಮಾಡಿಕೊಳ್ಳಿ ಮತ್ತು ಆರೋಗ್ಯದಿಂದಿರಿ.
Read in English: Want to burn fat and lose weight? Try these 8 drinks!