ಗಂಟಲು ನೋವು ಕಂಡು ಬಂದರೆ, ಅದಕ್ಕೆ ಶೀತ ಮತ್ತು ದೇಹಕ್ಕೆ ಉಂಟಾಗಿರುವ ತಂಪಿನ ಪ್ರಭಾವ ಕಾರಣ ಎಂದು ಹೇಳುತ್ತಾರೆ. ಬೇರೆ ಬೇರೆ ಕಾರಣಗಳಿಗೂ ಕೂಡ ಗಂಟಲು ನೋವು ಬರುತ್ತದೆ. ಹೆಚ್ಚಾಗಿ ಬ್ಯಾಕ್ಟೀರಿಯಾ ಹಾಗೂ ವೈರಸ್ ಸೋಂಕಿನಿಂದ ಗಂಟಲಿನ ಸಮಸ್ಯೆ ಉಂಟಾಗಬಹುದು.
ಆದರೆ ಇದಕ್ಕೆಲ್ಲ ಅತ್ಯುತ್ತಮ ಪರಿಹಾರ ಎಂದರೆ ಅದು ಅರಿಶಿನದಿಂದ ಸಾಧ್ಯ ಎಂದು ತಿಳಿದುಕೊಳ್ಳಬಹುದು. ಏಕೆಂದರೆ ಅರಿಶಿನದ ಪ್ರಭಾವ ಬಹಳ ಹಿಂದಿನಿಂದಲೂ ನಮ್ಮ ಆಯುರ್ವೇದ ಪದ್ಧತಿಯಲ್ಲಿ ಅನೇಕ ಔಷಧೀಯ ಲಕ್ಷಣಗಳನ್ನು ಒದಗಿಸುವ ಮೂಲಕ ಆಗಿದೆ.
ಈ ಲೇಖನದಲ್ಲಿ ಅರಿಶಿನದ ಹಲವಾರು ರೂಪದ ಉಪಯೋಗದಿಂದ ಆರೋಗ್ಯದ ಲಾಭಗಳನ್ನು ಹೇಗೆ ಪಡೆದುಕೊಳ್ಳಬಹುದು ಎಂಬುದನ್ನು ತಿಳಿದುಕೊಳ್ಳೋಣ.
ಆದರೆ ಇದಕ್ಕೆಲ್ಲ ಅತ್ಯುತ್ತಮ ಪರಿಹಾರ ಎಂದರೆ ಅದು ಅರಿಶಿನದಿಂದ ಸಾಧ್ಯ ಎಂದು ತಿಳಿದುಕೊಳ್ಳಬಹುದು. ಏಕೆಂದರೆ ಅರಿಶಿನದ ಪ್ರಭಾವ ಬಹಳ ಹಿಂದಿನಿಂದಲೂ ನಮ್ಮ ಆಯುರ್ವೇದ ಪದ್ಧತಿಯಲ್ಲಿ ಅನೇಕ ಔಷಧೀಯ ಲಕ್ಷಣಗಳನ್ನು ಒದಗಿಸುವ ಮೂಲಕ ಆಗಿದೆ.
ಈ ಲೇಖನದಲ್ಲಿ ಅರಿಶಿನದ ಹಲವಾರು ರೂಪದ ಉಪಯೋಗದಿಂದ ಆರೋಗ್ಯದ ಲಾಭಗಳನ್ನು ಹೇಗೆ ಪಡೆದುಕೊಳ್ಳಬಹುದು ಎಂಬುದನ್ನು ತಿಳಿದುಕೊಳ್ಳೋಣ.
ಅರಿಶಿನ ಹೇಗೆ ಕೆಲಸ ಮಾಡುತ್ತದೆ?
- ಪ್ರಮುಖವಾಗಿ ನಾವು ಗಮನಿಸಬೇಕಾದ ವಿಷಯಗಳು ಎಂದರೆ ಅರಿಶಿನದಲ್ಲಿ ಮೂರು ಬಗೆಯ ಅಂಶಗಳಿವೆ. ಕರ್ಕ್ಯುಮಿನ್, desmethoxycurcumin ಮತ್ತು bis-desmethoxycurcumin.
- ಇಷ್ಟೇ ಅಲ್ಲದೆ ಅರಿಶಿನ ಕೊಂಬು ನಮ್ಮ ದೇಹಕ್ಕೆ ಅಗತ್ಯವಾಗಿ ಬೇಕಾಗಿರುವ ಸಾಕಷ್ಟು ಒಳ್ಳೆಯ ಎಸೆನ್ಶಿಯಲ್ ಆಯಿಲ್ ಅಂಶವನ್ನು ಪಡೆದಿದೆ. ಇದು ವಾಸಿ ಮಾಡುವ ಗುಣ ಲಕ್ಷಣಗಳನ್ನು ಪಡೆದುಕೊಂಡಿದೆ.
- ಗಂಟಲು ನೋವಿನ ವಿರುದ್ಧ ಅರಿಶಿನ ಉತ್ತಮ ರೀತಿಯಲ್ಲಿ ಕೆಲಸ ಮಾಡುತ್ತದೆ. ಮುಖ್ಯವಾಗಿ ಗಂಟಲಿನ ಭಾಗದಲ್ಲಿ ಕಂಡು ಬರುವ ಉರಿಯೂತವನ್ನು ನಿವಾರಣೆ ಮಾಡುವ ಜೊತೆಗೆ ಗಂಟಲು ನೋವು, ಗಂಟಲು ಕೆರೆತ ಸಮಸ್ಯೆಯನ್ನು ದೂರಮಾಡುತ್ತದೆ.
ಗಂಟಲು ನೋವಿನ ಸಮಸ್ಯೆಗೆ ಅರಿಶಿನವನ್ನು ಈ ಕೆಳಗಿನ ರೀತಿ ಉಪಯೋಗಿಸಿ
- ಗಂಟಲಿನ ಊತವನ್ನು ಕಡಿಮೆ ಮಾಡಲು ನೀವು ಹರಿಶಿನ ಪುಡಿಯನ್ನು ತೆಗೆದುಕೊಂಡು ಸ್ವಲ್ಪ ನೀರು ಹಾಕಿ ಕಲಸಿ ಅದನ್ನು ಗಂಟಲಿನ ಮೇಲ್ಭಾಗದಲ್ಲಿ ಸ್ವಲ್ಪ ಪ್ರಮಾಣದಲ್ಲಿ ಲೇಪಿಸಿ.
- ಇದರಿಂದ ಬ್ಯಾಕ್ಟೀರಿಯಗಳ ನಿವಾರಣೆ ಆಗುವ ಜೊತೆಗೆ ಗಂಟಲು ನೋವು ನಿವಾರಣೆಯಾಗುತ್ತದೆ. ಇದಕ್ಕೆ ಸಂಬಂಧಪಟ್ಟ ರೋಗಲಕ್ಷಣಗಳು ಸಹ ಮಾಯವಾಗುವುದರಿಂದ ಅತ್ಯುತ್ತಮ ಪರಿಹಾರವನ್ನು ಇದರಿಂದ ನಿರೀಕ್ಷೆ ಮಾಡಬಹುದು. ಮೊದಲು ಅರ್ಧ ಕಪ್ ನೀರನ್ನು ಬಿಸಿಮಾಡಿಕೊಳ್ಳಿ.
- ಇದಕ್ಕೆ ಅರ್ಧ ಟೀ ಚಮಚ ಉಪ್ಪು ಮತ್ತು ಕಾಲು ಟೀ ಚಮಚ ಅರಿಶಿನ ಪುಡಿಯನ್ನು ಹಾಕಿ ಬೆಳಗಿನ ಸಮಯದಲ್ಲಿ ಬಾಯಿ ಮುಕ್ಕಳಿಸಿ.
- ಬಾಯಿ ಮುಕ್ಕಳಿಸಿದ ಅರ್ಧ ಗಂಟೆಯ ನಂತರ ಆಹಾರ ಸೇವನೆ ಮಾಡಬಹುದು. ಇದರಿಂದ ಅತ್ಯುತ್ತಮ ಪರಿಹಾರಗಳನ್ನು ಕಂಡುಕೊಳ್ಳುವ ನಿರೀಕ್ಷೆ ಇಟ್ಟುಕೊಳ್ಳಬಹುದು.
ಗಂಟಲು ನೋವು ಸಮಸ್ಯೆ ಇದ್ಯಾ? ಹಾಗಾದ್ರೆ ಆಪಲ್ ಸೀಡರ್ ವಿನೇಗರ್ ಟ್ರೈ ಮಾಡಿ!
ಅರಿಶಿನ ಮಿಶ್ರಿತ ಹಾಲು
- ಕೆಮ್ಮು, ಕಫ, ಶೀತ, ನೆಗಡಿ ಇತ್ಯಾದಿ ಸಮಸ್ಯೆಗಳಿಗೆ ಇದು ರಾಮಬಾಣ ಎಂದು ಹೇಳುತ್ತಾರೆ. ಏಕೆಂದರೆ ಇದರಲ್ಲಿ ಉರಿಯೂತವನ್ನು ಕಡಿಮೆ ಮಾಡುವ ಗುಣ ಲಕ್ಷಣಗಳು ಇರುವ ಕಾರಣ ರಾತ್ರಿ ಮಲಗುವ ಸಮಯದಲ್ಲಿ
- ಒಂದು ಲೋಟ ಬಿಸಿ ಹಾಲಿಗೆ ಒಂದು ಚಿಟಿಕೆ ಉಪ್ಪು ಹಾಕಿ ಸ್ವಲ್ಪ ಕಾಳುಮೆಣಸಿನ ಪುಡಿಯನ್ನು ಹಾಕಿ ಜೊತೆಗೆ ಅರಿಶಿನ ಪುಡಿಯನ್ನು ಹಾಕಿ ಕುಡಿಯುವ ಅಭ್ಯಾಸ ಮಾಡಿಕೊಳ್ಳಿ.
- ಸಾಧ್ಯ ಆದರೆ ಗಂಟಲು ನೋವಿನ ಸಮಸ್ಯೆಯಿಂದ ಪರಿಹಾರ ಕಾಣಲು ಬೆಳಗ್ಗೆ ಮತ್ತು ಸಂಜೆ ಅರಿಶಿನ ಮಿಶ್ರಿತ ಹಾಲನ್ನು ಕುಡಿಯುವ ಅಭ್ಯಾಸ ಮಾಡಿಕೊಳ್ಳಿ.
ದಿನಾ ಒಂದು ಗ್ಲಾಸ್ ಅರಿಶಿನ ಹಾಲು ಕುಡಿದರೆ ಈ ಕಾಯಿಲೆಗಳೆಲ್ಲಾ ದೂರ
ಅರಿಶಿನವನ್ನು ಮಿಶ್ರಣ ಮಾಡಿದ ಚಹಾ
- ಜೇನುತುಪ್ಪ ಮತ್ತು ನಿಂಬೆ ಹಣ್ಣಿನ ರಸದೊಂದಿಗೆ ತಯಾರು ಮಾಡುವ ಹರಿಶಿಣದ ಚಹಾ ಆರೋಗ್ಯಕ್ಕೆ ಅತ್ಯದ್ಭುತ ಡಿಕಾಕ್ಷನ್ ಎಂದು ತಿಳಿದುಕೊಳ್ಳಬಹುದು.
- ಸುಮಾರು 4 ಕಪ್ ಕುದಿಯುವ ನೀರಿಗೆ ಒಂದು ಟೇಬಲ್ ಚಮಚ ಅರಿಶಿನ ಪುಡಿಯನ್ನು ಹಾಕಿ ಸ್ವಲ್ಪ ಹೊತ್ತು ಚೆನ್ನಾಗಿ ಕುದಿಸಿ.
- ನಂತರ ಅದನ್ನು ಸೋಸಿಕೊಂಡು ಇದಕ್ಕೆ ಸ್ವಲ್ಪ ನಿಂಬೆ ಹಣ್ಣಿನ ರಸ ಮತ್ತು ಜೇನು ತುಪ್ಪವನ್ನು ಹಾಕಿ ಮಿಶ್ರಣ ಮಾಡಿ. ಇದು ಬಿಸಿಯಿರುವಾಗ ಕುಡಿಯುವ ಅಭ್ಯಾಸ ಮಾಡಿಕೊಂಡರೆ ಗಂಟಲು ನೋವಿನಿಂದ ಪರಿಹಾರ ಕಾಣಬಹುದು.
ಅರಿಶಿನದ ಸೂಪ್ ತಯಾರು ಮಾಡಿ
- ಇದು ಆಂಟಿ-ಬ್ಯಾಕ್ಟೀರಿಯಲ್ ಮತ್ತು ಆಂಟಿ ಇನ್ಫಾಮೇಟರಿ ಗುಣಲಕ್ಷಣಗಳನ್ನು ಒಳಗೊಂಡಿರುವುದರಿಂದ ಮತ್ತು ಇದರಲ್ಲಿ ಶುಂಠಿ, ಮೆಣಸು, ತುಳಸಿ, ಜೇನುತುಪ್ಪ ಮತ್ತು ಬೆಳ್ಳುಳ್ಳಿಯನ್ನು ಹಾಕಿ ಮಿಶ್ರಣ ಮಾಡುವುದರಿಂದ ಸಾಕಷ್ಟು ಔಷಧಿ ಪ್ರಭಾವಗಳು ಸಿಗುತ್ತವೆ ಎಂದು ಹೇಳಬಹುದು.
- ಎಲ್ಲ ಪದಾರ್ಥಗಳನ್ನು ಮಿಶ್ರಣಮಾಡಿ ನೀರನ್ನು ಚೆನ್ನಾಗಿ ಕುದಿಸಿ ನಂತರ ಸೋಸಿಕೊಂಡು ಕೆಮ್ಮಿನ ನಿವಾರಣೆಗೆ ಕುಡಿಯಬಹುದು.
- ಈಗಾಗಲೇ ಅತಿ ಹೆಚ್ಚು ಕೆಮ್ಮು ಮತ್ತು ಕಫ ಸಮಸ್ಯೆಯನ್ನು ಹೊಂದಿರುವವರು ಸ್ವಲ್ಪ ಬಿಸಿ ಇರುವ ಪಾನಿಯವನ್ನು ಕುಡಿಯುವುದು ಒಳ್ಳೆಯದು.