World Heart Day: ವಾಕಥಾನ್‌ ಕೂಡ ಅಪಾಯಕಾರಿ!

'ವಾರ್ಮ್‌ ಅಪ್‌'ನಿಂದ ರಕ್ತ ಸಂಚಾರದ ವೇಗವನ್ನು ಹೆಚ್ಚಿಸದೆ ಒಂದೇ ಬಾರಿಗೆ ವ್ಯಾಯಾಮ ಮಾಡಿದಾಗ ಹೃದಯಾಘಾತವಾಗುವ ಸಂಭವ ಹೆಚ್ಚು ಎನ್ನುತ್ತಾರೆ ಡಾ.ಶ್ರೀವತ್ಸ ನಾಡಿಗ್‌.

ವಿಶ್ವ ಹೃದಯ ದಿನಾಚರಣೆ ಅಂಗವಾಗಿ 'ವಿಜಯ ಕರ್ನಾಟಕ' ನೇರ ಫೋನ್‌-ಇನ್‌ ಕಾರ್ಯಕ್ರಮದಲ್ಲಿ ಅವರು ಮಾತನ್ನಾಡುತ್ತಿದ್ದ ಹೃದ್ರೋಗ ತಜ್ಞ ವಾತ್ಸವ್, ''ಯಕ್ಷಗಾನದಲ್ಲಿ ಕುಣಿಯುವವರು ಕೂಡ ಹೃದಯಾಘಾತಕ್ಕೊಳಗಾಗಿ ಸಾವನ್ನಪ್ಪುತ್ತಿದ್ದಾರೆ. ಪ್ರತಿ ದಿನ ನಿಯಮಿತ ವ್ಯಾಯಾಮ ಮಾಡದೆ ಒಂದೇ ಬಾರಿಗೆ ಹೆಚ್ಚಿನ ಚಟುವಟಿಕೆಗಳಿಗೆ ದೇಹವನ್ನು ಒಳಪಡಿಸಿದಾಗ ಹೃದಯಕ್ಕೆ ಹಾನಿಯಾಗುತ್ತದೆ. ಬೆಂಗಳೂರಿನಲ್ಲಿ ಆಗಾಗ್ಗೆ ವಾಕಥಾನ್‌, ಮ್ಯಾರಥಾನ್‌ ನಡೆಸಲಾಗುತ್ತದೆ. ಯಾವಾಗಲೂ ಓಡದವರು ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಒಂದೇ ಬಾರಿಗೆ ಓಡಿದರೆ ಹೃದಯಾಘಾತವಾಗುವ ಸಾಧ್ಯತೆ ಇರುತ್ತದೆ. ಬ್ಯಾಡ್ಮಿಂಟನ್‌, ಫುಟ್‌ಬಾಲ್‌ ಕ್ರೀಡೆಗಳಿಗೂ ಇದು ಅನ್ವಯಿಸುತ್ತದೆ. ಇಂತಹ ಯಾವುದೇ ಚಟುವಟಿಕೆ ಮಾಡುವ ಮುನ್ನ ಸಣ್ಣ ವ್ಯಾಯಾಮ ಮಾಡಿ ದೇಹವನ್ನು ವಾರ್ಮ್‌ ಅಪ್‌ ಮಾಡಬೇಕು. ಆಗ ಯಾವುದೇ ಸಮಸ್ಯೆಯಾಗುವುದಿಲ್ಲ,'' ಎಂದರು.

''ಕೆಲಸದ ಒತ್ತಡ ಕೂಡ ಹೃದಯಾಘಾತಕ್ಕೆ ಕಾರಣವಾಗುತ್ತದೆ. ಅದರಲ್ಲೂ ಐಟಿ, ಬಿಟಿ ಉದ್ಯೋಗಿಗಳು ಹಗಲು ರಾತ್ರಿ ಎನ್ನದೆ ದುಡಿದಾಗ ಅತಿಯಾದ ಒತ್ತಡಕ್ಕೊಳಗಾಗುತ್ತಾರೆ. ಇಂತಹ ಸಮಯದಲ್ಲಿ ಮಾನಸಿಕ ಸ್ಥಿಮಿತವನ್ನು ಕಾಪಾಡಿಕೊಳ್ಳಬೇಕು,'' ಎಂದು ಸಲಹೆ ನೀಡಿದರು.