ದೈಹಿಕ ಅಷ್ಟೇ ಅಲ್ಲ ಮಾನಸಿಕ ಆರೋಗ್ಯಕ್ಕೂ ಹಿತ ವಾಕಿಂಗ್

ನಡಿಗೆ ನಿಮ್ಮ ದೈಹಿಕ ಆರೋಗ್ಯಕ್ಕಷ್ಟೇ ಅಲ್ಲ. ಮಾನಸಿಕ ಆರೋಗ್ಯಕ್ಕೂ ಸಹಾಯಕ. ತೂಕ ಹೆಚ್ಚಿದ್ದವರು ಕ್ಯಾಲೋರಿ ಬರ್ನ್ ಮಾಡಿಕೊಳ್ಳಲು ವಾಕಿಂಗ್ ಮಾಡುವುದು ಸಾಮಾನ್ಯ. ನಿಮ್ಮ ದೇಹದ ಆಕಾರವನ್ನು ಸರಿಪಡಿಸಿಕೊಳ್ಳಲು ವ್ಯಾಯಾಮ ಮಾಡುವಿರಿ ಎಂದಾದರೆ ಅದಕ್ಕೆ ನಡಿಗೆಗಿಂತ ಉತ್ತಮ ಪರಿಹಾರ ಬೇರೊಂದಿಲ್ಲ ಎನ್ನುತ್ತಾರೆ ಫಿಟ್ನೆಸ್ ತಜ್ಞರು.

ವಾಕ್‌ ಮಾಡುವುದರಿಂದ ದೇಹಕ್ಕೆ ವ್ಯಾಯಾಮ ಸಿಗುತ್ತದೆ. ಕ್ಯಾಲೋರಿ ಬರ್ನ್‌ ಮಾಡಬಹುದು. ರಿಲ್ಯಾಕ್ಸ್‌ ಆಗಬಹುದು. ಆದರ ಜತೆಗೆ ಇದು ನಿಮ್ಮ ಮಿದುಳಿನ ಕ್ರಿಯಾಶೀಲತೆಯನ್ನು ಹೆಚ್ಚಿಸುವ ಕೆಲಸವನ್ನು ಕೂಡ ಇದು ಮಾಡುತ್ತದೆ ಅಂದರೆ ನಂಬುತ್ತೀರ? ಹೌದು, ಇತ್ತೀಚಿನ ಸಂಶೋಧನೆಯೊಂದು ಇಂಥದ್ದೊಂದು ಅಂಶವನ್ನು ಬಹಿರಂಗ ಪಡಿಸಿದೆ.

ನಡೆದಾಡಿ, ಓಡಾಡಿ ಅಥವಾ ಟ್ರೆಕ್ಕಿಂಗ್‌ ಹೋಗಿ. ಒಟ್ಟಾರೆ ನಿಸರ್ಗದೊಂದಿಗೆ ನೀವು ಕಳೆಯುವ ಸಮಯವು ನಿಮ್ಮ ದೇಹಕ್ಕೆ ವ್ಯಾಯಾಮ, ಮನಸ್ಸಿಗೆ ಉಲ್ಲಾಸ ನೀಡುವುದಷ್ಟೆ ಅಲ್ಲ, ಮಿದುಳಿನ ಚಟುವಟಿಕೆಯಲ್ಲಿ ಸಾಕಷ್ಟು ಅಭಿವೃದ್ಧಿ ಕಂಡು ಬರುತ್ತದೆ. ಒತ್ತಡವನ್ನು ಕಡಿಮೆ ಮಾಡಿ ನಿಮ್ಮನ್ನು ಚೇತೋಹಾರಿಯನ್ನಾಗಿಸುತ್ತದೆ. ಖಿನ್ನತೆ ಸೇರಿದಂತೆ ಇತರ ಮಾನಸಿಕ ಆರೋಗ್ಯ ಸಮಸ್ಯೆ ಕೂಡ ಹತ್ತಿರ ಸುಳಿಯುವುದಿಲ್ಲವಂತೆ.

ಹೀಗಾಗಿ ಪ್ರತಿದಿನ ಮುಂಜಾನೆ ಮತ್ತು ಸಂಜೆ 15ರಿಂದ 30 ನಿಮಿಷ ತಪ್ಪದೇ ವಾಕ್ ಮಾಡಿ. ಫಿಟ್ ಆಗಿರಿ.