ಮಧುಮೇಹ ಸಮಸ್ಯೆ ಹೊಂದಿರುವವರಿಗೆ ಕಿಡ್ನಿ, ಹೃದಯ, ಕಣ್ಣು ಇತರೇ ಅಂಗಗಳಿಗೂ ಹಾನಿ ಆಗುವ ಸಾಧ್ಯತೆ ಇರುತ್ತದೆ. ಆದರೆ ಇತ್ತೀಚಿನ ಅಧ್ಯಯನವೊಂದರ ಪ್ರಕಾರ, ಕಿಡ್ನಿ ಸಮಸ್ಯೆ ಹೊಂದಿರುವವರಲ್ಲಿ ಮಧುಮೇಹ ಸಾಧ್ಯತೆ ಇದೆ ಎಂದಿದೆ. ಈ ಸಂಬಂಧ ಪ್ರಯೋಗ ನಡೆದಿದ್ದು, ಕಿಡ್ನಿ ಸಮಸ್ಯೆ ವ್ಯಾಪಕವಾಗಿದ್ದರೆ ಅವರಲ್ಲಿ ಮಧುಮೇಹ ಬರುತ್ತದೆ ಎಂದು ಅಭಿಪ್ರಾಯ ಪಡಲಾಗಿದೆ.
ಡಿಮೆನ್ಷಿಯಾ: ಪದೇಪದೆ ಪುನರಾವರ್ತನೆಯಾಗುವ ವರ್ತನೆ ಡಿಮೆನ್ಷಿಯಾ ಸಮಸ್ಯೆ ಆರಂಭಿಕ ಹಂತದ ಲಕ್ಷ ಣವಿರಬಹುದು ಎಂದು ಎಚ್ಚರಿಸಿದೆ ಸಂಶೋಧನೆ. ಮಾಡಿದ್ದೇ ಕೆಲಸ ಮಾಡುವ, ಹೇಳಿದ್ದನ್ನೇ ಹೇಳುವ, ಒಂದೇ ಬಗೆಯ ವರ್ತನೆ ಆಗಾಗ ಪುನರಾವರ್ತನೆ ಆದರೆ ಅದು ಡಿಮೆನ್ಷಿಯಾ ಸಮಸ್ಯೆಗೆ ಒಳಗಾಗುವ ಸಾಧ್ಯತೆ ಇದೆ ಎಂದು ತಜ್ಞರು ಎಚ್ಚರಿಸಿದ್ದಾರೆ. ಇತ್ತೀಚೆಗೆ ಇದರ ಪ್ರಮಾಣ ಹೆಚ್ಚುತ್ತಿದ್ದು, ಜಗತ್ತಿನಾದ್ಯಂತ 47 ಮಿಲಿಯನ್‌ ಮಂದಿ ಈ ಸಮಸ್ಯೆಯಿಂದ ನರಳುತ್ತಿದ್ದಾರೆ ಎಂದು ಅಂದಾಜಿಸಲಾಗಿದೆ. ಡಿಮೆನ್ಷಿಯಾ ಮಾನಸಿಕ ಸಮಸ್ಯೆಯಾಗಿದ್ದು, ಇದು ಮಿದುಳಿನ ಸಾಮರ್ಥ್ಯ‌ದ ಮೇಲೆ ಪ್ರಭಾವ ಬೀರುತ್ತದೆ. ಖಿನ್ನತೆ ಕೂಡ ಇದರ ಮೇಲೆ ಪ್ರಭಾವ ಬೀರುತ್ತದೆ. ಆದ್ದರಿಂದ ಮೂಡಿನಲ್ಲಾಗುವ ಬದಲಾವಣೆಯೆಲ್ಲವೂ ಸಮಸ್ಯೆಯ ಸಾಧ್ಯತೆ ಹೆಚ್ಚಿಸಲಿದೆ ಎಂದಿದ್ದಾರೆ ತಜ್ಞರು.