ಪಪ್ಪಾಯಿ ಹಾಲು ಎಂದರೇನು? ಅದರಿಂದ ಲಾಭಗಳು ಇದೆಯಾ?

ಹಸಿ ಪಪ್ಪಾಯಿಯಿಂದ ಪಡೆಯುವಂತ ಹಾಲನ್ನು ಲ್ಯಾಟೆಕ್ಸ್ ಎಂದು ಕರೆಯಲಾಗುತ್ತದೆ. ಇದನ್ನು ಪ್ರೋಟಿಯೋಲೈಟಿಕ್ ಕಿಣ್ವ ಪಪೈನ್ ಎಂದು ಕರೆಯಲಾಗುತ್ತದೆ. ಔಷಧೀಯ ಗುಣಗಳನ್ನು ಹೊಂದಿರುವಂತಹ ಈ ಕಿಣ್ವವು ಉರಿಯೂ, ಜೀರ್ಣಕ್ರಿಯೆ ಇತ್ಯಾದಿಗಳಿಗೆ ಬಳಕೆ ಮಾಡಲಾಗುತ್ತದೆ.

ಗಿಡದಲ್ಲಿ ಇರುವಂತಹ ಹಸಿ ಪಪ್ಪಾಯಿಗಳಿಗೆ ಉದ್ದವಾಗಿ ಗೆರೆಗಳನ್ನು ಎಳೆದು, ಅಲ್ಯೂಮಿನಿಯಂ ಟ್ರೇ ಮೂಲಕ ಹಾಲನ್ನು ಸಂಗ್ರಹಿಸಲಾಗುತ್ತದೆ. ಇದನ್ನು ಸಂಗ್ರಹಿಸಿದ ಬಳಿಕ ಅದನ್ನು ಸಮರ್ಪಕ ರೀತಿಯಲ್ಲಿ ಸಂಸ್ಕರಿಸಿಕೊಂಡು ಬಳಿಕ ಹಲವಾರು ಚಿಕಿತ್ಸೆಗೆ ಬಳಸಲಾಗುತ್ತದೆ.

ಇದನ್ನೂ ಓದಿ: ಹೆಸರು ಕಾಳು ಸೇವಿಸೋದ್ರಿಂದ ಶುಗರ್‌, ಕೊಲೆಸ್ಟ್ರಾಲ್, ತೂಕ ಕಂಟ್ರೋಲ್‌ನಲ್ಲಿರುತ್ತೆ​

ಪಪ್ಪಾಯಿ ಹಣ್ಣಿನಲ್ಲಿ ಇರುವಂತೆ ಇದರ ಹಾಲಿನಲ್ಲಿ ಕೂಡ ಹಲವಾರು ಬಗೆಯ ಪೋಷಕಾಂಶಗಳು ಇವೆ. ವಿಟಮಿನ್ ಸಿ ಇದರಲ್ಲಿ ಪ್ರಮುಖವಾಗಿದ್ದು, ಇದು ಪ್ರತಿರೋಧಕ ಶಕ್ತಿ ವೃದ್ಧಿ ಮಾಡುವುದು ಮತ್ತು ಚರ್ಮದ ಆರೋಗ್ಯವನ್ನು ಕಾಪಾಡುವುದು. ಅದೇ ರೀತಿಯಲ್ಲಿ ವಿಟಮಿನ್ ಎ ಅಂಶವು ದೃಷ್ಟಿಯನ್ನು ಸುಧಾರಿಸುವುದು.

ಪಪ್ಪಾಯದಲ್ಲಿ ವಿಟಮಿನ್ ಎ, ಸಿ ಮಾತ್ರವಲ್ಲದೆ, ಇ, ಫಾಲಟೆ, ಪೊಟಾಶಿಯಂ ಮತ್ತು ಡಯಟರಿ ಫೈಬರ್ ಅಂಶವು ಇದೆ. ಡಯಟರಿ ಫೈಬರ್ ಜೀರ್ಣಕ್ರಿಯೆ ಆರೋಗ್ಯವನ್ನು ಸುಧಾರಣೆ ಮಾಡುವುದು. ಪೊಟಾಶಿಯಂ ದೇಹದಲ್ಲಿ ದ್ರವಾಂಶವನ್ನು ಸಮತೋಲನದಲ್ಲಿ ಇಡುವುದು ಮತ್ತು ಪಪೈನ್ ಕಿಣ್ವವು ಜೀರ್ಣಕ್ರಿಯೆ ಸುಧಾರಣೆ ಮಾಡುವುದು ಮತ್ತು ಸಂಪೂರ್ಣ ಆರೋಗ್ಯವನ್ನು ಕಾಪಾಡುವುದು.

ಪಪ್ಪಾಯಿಯಲ್ಲಿ ಇರುವ ಪಪೈನ್ ಎನ್ನುವ ಅಂಶವು ಜೀರ್ಣಕ್ರಿಯೆ ವೃದ್ಧಿ ಮಾಡುವುದು. ಪಪ್ಪಾಯಿ ಹಾಲನ್ನು ಕುಡಿದರೆ ಅದರಿಂದ ಜೀರ್ಣಕ್ರಿಯೆ ಸಮಸ್ಯೆಗಳಾಗಿರುವ ಹೊಟ್ಟೆ ಉಬ್ಬರ ಮತ್ತು ಮಲಬದ್ಧತೆ ದೂರ ಮಾಡಬಹುದು

ರೋಗಗಳ ವಿರುದ್ಧ ಹೋರಾಡಲು ಪ್ರತಿರೋಧಕ ಶಕ್ತಿಯು ಪ್ರಬಲವಾಗಿರಬೇಕು. ಪಪ್ಪಾಯಿಯಲ್ಲಿ ಇರುವ ವಿಟಮಿನ್ ಸಿ ಅಂಶವು ಪ್ರತಿರೋಧಕ ಶಕ್ತಿ ವೃದ್ಧಿ ಮಾಡುವುದು. ಇದು ಸೋಂಕು ನಿವಾರಣೆಗೆ ಸಹಕಾರಿ.

ಇದನ್ನೂ ಓದಿ: ನೀವು ಮೊಸರಿಗೆ ಉಪ್ಪು ಸೇರಿಸಿ ತಿನ್ತೀರಾ? ಸಕ್ಕರೆ ಸೇರಿಸಿ ತಿನ್ತೀರಾ?​

ಕೆಲವರಿಗೆ ಪಪ್ಪಾಯಿ ಮತ್ತು ಲ್ಯಾಕ್ಟೋಸ್ ನಿಂದ ಅಸಹಿಷ್ಣುತೆ ಉಂಟಾಗುವುದು ಇದೆ. ಇದರಿಂದ ಪಪ್ಪಾಯಿ ಹಾಲನ್ನು ಸೇವನೆ ಮಾಡುವ ಮೊದಲು ಅದರ ಗ್ಗೆ ತಿಳಿದುಕೊಳ್ಳುವುದು ಒಳ್ಳೆಯದು. ಅಲರ್ಜಿ ಅಥವಾ ಅಸಹಿಷ್ಣುತೆ ಇದ್ದರೆ ಆಗ ಇದನ್ನು ಸೇವನೆ ಮಾಡದೆ ಇದ್ದರೆ ಒಳ್ಳೆಯದು.

ಯಾವುದೇ ಮನೆಮದ್ದು ಅಥವಾ ಆಹಾರವಾದರೂ ಅದನ್ನು ಮಿತವಾಗಿ ಸೇವನೆ ಮಾಡಿದರೆ ಒಳ್ಳೆಯದು. ಪಪ್ಪಾಯಿ ಹಾಲನ್ನು ಕೂಡ ಸಮತೋಲಿತ ಆಹಾರ ಕ್ರಮದಲ್ಲಿ ಮಿತ ಪ್ರಮಾಣದಲ್ಲಿ ಸೇವನೆ ಮಾಡಬೇಕು. ಅತಿಯಾಗಿ ಸೇವನೆ ಮಾಡಿದರೆ ಅದರಿಂದ ಹೆಚ್ಚಿನ ಕ್ಯಾಲರಿ ಮತ್ತು ಪೋಷಕಾಂಶಗಳು ಸೇವನೆ ಮಾಡಿದಂತೆ ಆಗುವುದು.