ಪುರುಷರಲ್ಲಿ ಈ ಸಮಸ್ಯೆ ಹೆಚ್ಚು
ಈ ಕ್ಯಾನ್ಸರ್ ಕೆಲವು ಆನುವಂಶಿಕ ಇತಿಹಾಸ ಹಾಗೂ ಜೀವನ ಶೈಲಿಯನ್ನು ಅವಲಂಬಿಸಿರುತ್ತದೆ. ವಿಶೇಷವಾಗಿ ಅನುಚಿತ ಆಹಾರ, ಆಲ್ಕೋಹಾಲ್ ಸೇವನೆ, ಧೂಮಪಾನ ಮತ್ತು ಕರುಳಿನ ಉರಿಯೂತದಿಂದ ಈ ಸಮಸ್ಯೆ ಕಾಣಿಸಿಕೊಳ್ಳುವುದು. ನ್ಯಾಷನಲ್ ಸೆಂಟರ್ ಫಾರ್ ಬಯೋಟೆಕ್ನಾಲಜಿ ಇನ್ಫಾರ್ಮೇಶನ್ (ಎನ್‍ಸಿಬಿಐ) ನಡೆಸಿದ ಅಧ್ಯಯನದ ಪ್ರಕಾರ ಕೊಲೊನ್ ಕ್ಯಾನ್ಸರ್‍ನಿಂದ ಮರಣ ಪ್ರಮಾಣವು ಪುರುಷರಲ್ಲಿಯೇ ಅಧಿಕ ಎಂದು ಹೇಳಲಾಗೊದೆ. ಪುರುಷರು ಮತ್ತು ಮಹಿಳೆಯರಲ್ಲಿ ಈ ಸಮಸ್ಯೆ ಕಂಡುಬಂದಿದ್ದರೂ ಪುರುಷರು ಗುದನಾಳದ ಕ್ಯಾನ್ಸರ್ಗೆ ಹೆಚ್ಚು ಬಲಿಯಾಗುತ್ತಾರೆ.
ಭಾರತದಲ್ಲಿ ಕರುಳಿನ ಕ್ಯಾನ್ಸರ್ ಎಷ್ಟು ಸಾಮಾನ್ಯವಾಗಿದೆ?
ಇಂಡಿಯನ್ ಕೌನ್ಸಿಲ್ ಆಫ್ ಮೆಡಿಕಲ್ ರಿಸರ್ಚ್ ಪ್ರಕಾರ, ವಿಶ್ವದಾದ್ಯಂತ ಪುರುಷರಲ್ಲಿ ಕೊಲೊನ್ ಕ್ಯಾನ್ಸರ್ ಮೂರನೆಯ ಸಮಾನ್ಯ ಕಾನ್ಯರ್ ಆಗಿದೆ. ಪುರುಷರಲ್ಲಿ ಕೊಲೊನ್ ಮತ್ತು ಗುದನಾಳದ ಕ್ಯಾನ್ಸರ್ ವಾರ್ಷಿಕ ಪ್ರಮಾಣದಲ್ಲಿ ಕ್ರಮವಾಗಿ 1,00,000ಕ್ಕೆ 4.4 ಮತ್ತು 4.1 ರಷ್ಟಾಗಿದೆ. ಮಹಿಳೆಯರಲ್ಲಿ ಕರುಳಿನ ಕ್ಯಾನ್ಸರ್ ವಾರ್ಷಿಕ ಪ್ರಮಾಣವು 1,00,000 ಕ್ಕೆ 3.9 ರಷ್ಟು ಆಗುವುದು ಎಂದು ಹೇಳಿದೆ.
ಕೆಂಪು ನವಣೆ, ಕಪ್ಪು ನವಣೆ ಮತ್ತು ಬಿಳಿ ನವಣೆ ಇದರಲ್ಲಿ ಯಾವುದು ಹೆಚ್ಚು ಆರೋಗ್ಯಕರ?
ಚಿಕಿತ್ಸೆಯ ವಿಧಾನ
ಕರುಳಿನ ಕ್ಯಾನ್ಸರ್ಗೆ ಚಿಕಿತ್ಸೆಯು ಅದು ಯಾವ ಹಂತದಲ್ಲಿ ಇದೆ ಎನ್ನುವುದನ್ನು ಪರಿಶೀಲಿಸಿ ನಂತರ ವಿಕಿರಣ ಚಿಕಿತ್ಸೆ ಅಥವಾ ಕೀಮೋಥೆರಪಿಯನ್ನು ನೀಡಲಾಗುವುದು. ಕೊಲೊನ್ ಇನ್ನೊಂದು ಚಿಕಿತ್ಸೆ ಎಂದರೆ ಆಸ್ಟೋಮಿ. ಇದು ಹೊಟ್ಟೆಯ ಗೋಡೆಯ ಮೇಲೆ ಉಳಿದ ಕರುಳಿನ ಒಂದು ಭಾಗದಿಂದ ಮಲವನ್ನು ಹೊರಹಾಕಲು ಚೀಲವನ್ನು ಜೋಡಿಸಲಾಗುವುದು. ಮೊದಲೇ ಹೇಳಿದ ಹಾಗೆ ಕ್ಯಾನ್ಸರ್‍ನ ಕೋಶಗಳನ್ನು ಕೊಲ್ಲಲು ಎಕ್ಸರೆ ಮತ್ತು ಪ್ರೋಟಾನ್‍ಗಳನ್ನು ಸಹ ಬಳಸಲಾಗುವುದು.
ತಡೆಗಟ್ಟುವ ವಿಧಾನ
ಆರೋಗ್ಯಕರ ಆಹಾರ-ಕೊಲೊನ್ ಕ್ಯಾನ್ಸರ್ ಉಂಟಾಗದಂತೆ ನೋಡಿಕೊಳ್ಳಲು ಆರೋಗ್ಯಕರವಾದ ಆಹಾರವನ್ನು ಸೇವಿಸಬೇಕು. ಜೀವಸತ್ವ, ಖನಿಜಾಂಶ, ಫೈಬರ್, ಉತ್ಕರ್ಷಣ ನಿರೋಧಕಗಳನ್ನು ಒಳಗೊಂಡಿರುವ ತರಕಾರಿಗಳನ್ನು ಮತ್ತು ಧಾನ್ಯಗಳನ್ನು ಸೇವಿಸಬೇಕು. ಇವು ಕೊಲೊನ್ ಅನ್ನು ಆರೋಗ್ಯವಾಗಿ ಇಡಲು ಸಹಾಯ ಮಾಡುತ್ತವೆ.
ಆಲ್ಕೋಹಾಲ್ ಪಾನೀಯವನ್ನು ಕುಡಿಯದಿರುವುದು-ಆಲ್ಕೋಹಾಲ್ ಸೇವನೆ ಕ್ಯಾನ್ಸರ್ ಜೊತೆಗೆ ಅನೇಕ ಆರೋಗ್ಯ ಸಮಸ್ಯೆಯನ್ನು ಹುಟ್ಟಿಸುತ್ತದೆ. ಹಾಗಾಗಿ ಅದನ್ನು ತ್ಯಜಿಸುವುದು ಉತ್ತಮ. ಹಾಗೊಮ್ಮೆ ತ್ಯಜಿಸಲು ಕಷ್ಟವಾದರೆ ಅದರ ಪ್ರಮಾಣವನ್ನು ಕಡಿಮೆ ಗೊಳಿಸಬೇಕು.
ಧೂಮಪಾನ ಮತ್ತು ತಂಬಾಕು ಸೇವನೆಯನ್ನು ತ್ಯಜಿಸಬೇಕು. ಆರೋಗ್ಯಕರ ದೇಹದ ತೂಕವನ್ನು ಹೊಂದಿರಬೇಕು. ಕೊಲೊನ್ ಕ್ಯಾನ್ಸರ್ಗೆ 45 ವರ್ಷ ವಯಸ್ಸಿನ ಅಥವಾ ಅದಕ್ಕಿಂತ ಮೊದಲು ರೋಗ ಹೊಂದಿರುವ ಕುಟುಂಬದ ಇತಿಹಾಸ ಹೊಂದಿದ್ದರೆ ತಪಾಸಣೆಗೆ ತಪ್ಪದೆ ಒಳಗಾಗಬೇಕು.
ಯಾವ್ಯಾವ ರೋಗಗಳಿಗೆ ಯಾವ್ಯಾವ ಚುಚ್ಚುಮದ್ದುಗಳಿವೆ ಗೊತ್ತಾ?
ಚಿಕ್ಕ ವಯಸ್ಸಿನವರಲ್ಲಿ ಹೆಚ್ಚಳ
ಇತ್ತೀಚಿನ ದಿನಗಳಲ್ಲಿ ಚಿಕ್ಕವಯಸ್ಸಿನವರಿಗೆ ಕೊಲೊನ್ ಕ್ಯಾನ್ಸರ್ ಕಾಣಿಸಿಕೊಳ್ಳುತ್ತಿದೆ. 45 ವರ್ಷ ಒಳಗಿನವರಲ್ಲಿ ಹೆಚ್ಚಾಗಿ ಕಾಣಿಸಿಕೊಳ್ಳುತ್ತಿದೆ ಎಂದು ಹೇಳಲಾಗಿದೆ. ಯುವಕರು ಆದಷ್ಟು ಆರೋಗ್ಯಕರ ಜೀವನ ಶೈಲಿ ಹಾಗೂ ಆಹಾರ ಕ್ರಮವನ್ನು ಅನುಸರಿಸಿದರೆ ಇಂತಹ ಅಪಾಯಗಳಿಂದ ಪಾರಾಗಬಹುದು. ಸೂಕ್ತ ವ್ಯಾಯಾಮ ಮತ್ತು ದೇಹದ ತೂಕವನ್ನು ಅನುಸರಿಸುವುದರಿಂದ ಸಾಕಷ್ಟು ಅನಾರೋಗ್ಯ ಸಮಸ್ಯೆಯನ್ನು ತಡೆಯಬಹುದು. ಚಿಕ್ಕವಯಸ್ಸಿನವರಲ್ಲಿ ಈ ಆರೋಗ್ಯ ಸಮಸ್ಯೆಗೆ ಕಾರಣ ಏನು ಎನ್ನುವುದಕ್ಕೆ ಯಾವುದೇ ನಿರ್ದಿಷ್ಟ ಪುರಾವೆಗಳು ದೊರೆತಿಲ್ಲ. ಚಿಕ್ಕವಯಸ್ಸಿನವರು ಆಗಾಗ ಸ್ಕ್ರೀನಿಂಗ್ ರಕ್ತ ಪರೀಕ್ಷೆಗಳು, ಮಲ ಪರೀಕ್ಷೆ ಮತ್ತು ಕೊಲೊನೋಸ್ಕೊಪಿಗಳ ಸಂಯೋಜನೆಯ ಮೂಲಕ ತಪಾಸಣೆಯನ್ನು ಮಾಡಿಸುತ್ತಲೇ ಇರಬೇಕು.
To Read in English Click: When should you get screened for colon cancer? Expert talks