ಡೆಂಗೆ ಜ್ವರದಿಂದ ಚೇತರಿಕೆಗೆ ಆಹಾರಕ್ರಮ ಹೀಗಿರಲಿ

ಈಗ ಎಲ್ಲಾ ಕಡೆ ಡೆಂಗೆ ಜ್ವರದ್ದೇ ಆರ್ಭಟ. ಈ ಜ್ವರ ಬಂದವರು ಚಿಕಿತ್ಸೆ ಪಡೆಯುವುದರ ಜತೆಗೆ ತಿನ್ನುವ ಆಹಾರದ ಕಡೆಗೂ ಗಮನ ಕೊಟ್ಟರೆ ಬೇಗನೆ ಗುಣಮುಖರಾಗಬಹುದು.

ಡೆಂಗೆ ಜ್ವರಕ್ಕೆ ಇಂಥದ್ದೇ ಪಥ್ಯ ಅಂತ ಇಲ್ಲ, ಆದರೆ ಬೇಗನೆ ಜೀರ್ಣವಾಗುವ ಆಹಾರಗಳನ್ನು ತಿಂದರೆ ಒಳ್ಳೆಯದೆಂದು ವೈದ್ಯರು ಸಲಹೆ ನೀಡುತ್ತಾರೆ.

ಡೆಂಗೆ ಜ್ವರ ಬಂದವರು ವೈದ್ಯರ ಸಲಹೆ ಮೇರೆಗೆ ಈ ಟಿಪ್ಸ್ ಪಾಲಿಸಿದರೆ ಬೇಗನೆ ಗುಣಮುಖರಾಗಬಹುದು:

* ಸಾಕಷ್ಟು ನೀರು ಕುಡಿಯಬೇಕು (ಬಿಸಿ ನೀರು ಅಥವಾ ಕುದಿಸಿ ಆರಿಸಿದ ನೀರನ್ನು ಕುಡಿಯಿರಿ).
* ತಾಜಾ ಕಿತ್ತಳೆ ತಿನ್ನಿ. ಇದು ದೇಹಕ್ಕೆ ಶಕ್ತಿಯನ್ನು ತುಂಬುವುದು.
*ಖಾರ ಹಾಗೂ ಎಣ್ಣೆ ಪದಾರ್ಥಗಳನ್ನು ಮುಟ್ಟಲೇಬೇಡಿ.
* ದಿನಾ ಎರಡು ಚಮಚ ಪಪ್ಪಾಯಿ ಎಲೆ ರಸ ಕುಡಿಯಿರಿ. ಇದು ಡೆಂಗೆಯಿಂದ ಗುಣಮುಖ ಮಾಡುವ ಅತ್ಯುತ್ತಮ ಮನೆ ಮದ್ದಾಗಿದೆ.
*ಎಳನೀರು ಕುಡಿಯುವುದು ಕೂಡ ಒಳ್ಳೆಯದು.
* ಡೆಂಗೆ ಜ್ವರ ಬಂದರೆ ಇತರ ಕಾಯಿಲೆ ಬರುವ ಸಾಧ್ಯತೆ ಹೆಚ್ಚು. ಆದ್ದರಿಂದ ದೇಹದಲ್ಲಿ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸಬೇಕು. ವೆಜಿಟೆಬಲ್ ಸೂಪ್‌ ರೋಗ ನಿರೋಧಕ ಶಕ್ತಿ ಹೆಚ್ಚಿಸುವುದು.
* ಡೆಂಗೆ ಜ್ವರ ಬಂದರೆ ಕೈ ಕಾಲುಗಳಲ್ಲಿ ತುಂಬಾ ನೋವು ಇರುತ್ತದೆ. ಪಪ್ಪಾಯಿ, ಸೀಬೆಕಾಯಿ, ಕಿವಿ ಹಣ್ಣು, ವಿಟಮಿನ್‌ ಸಿ ಇರುವ ಆಹಾರಗಳನ್ನು ತಿನ್ನುವುದರಿಂದ ಮೈಗೆ ಶಕ್ತಿ ಬರುವುದು.