ನಿಮಗೂ ಇದೆಯಾ ವೈಟ್‌ ಕೋಟ್‌ ಸಿಂಡ್ರೋಮ್‌ ?

ಅನೇಕರು ವೈದ್ಯರ ಭೇಟಿಗೆ ಆಸ್ಪತ್ರೆಗೆ ಹೋಗುವುದನ್ನು ಅವಾಯ್ಡ್‌ ಮಾಡುತ್ತಾರೆ. ಆಸ್ಪತ್ರೆ ವಾಸನೆ ತನಗಾಗುವುದಿಲ್ಲ ಅನ್ನುವವರೂ ಉಂಟು. ಅವರು ಹಾಗೆನ್ನುವುದರಲ್ಲಿ ಅಚ್ಚರಿಯೇನಿಲ್ಲ. ಡಾಕ್ಟರ್‌ ಭೇಟಿ ಮಾಡುವ ವೇಳೆ ಅದರಿಂದಾಗಿಯೇ ಕೆಲವರ ರಕ್ತದೊತ್ತಡವೂ ಹೆಚ್ಚಬಹುದು ಎಂಬುದಾಗಿ ತಿಳಿದುಬಂದಿದೆ. ಇದಕ್ಕೆ 'ವೈಟ್‌ ಕೋಟ್‌ ಸಿಂಡ್ರೋಮ್‌' ಎನ್ನುತ್ತಾರೆ.

ಸಾಮಾನ್ಯವಾಗಿ ಬಿಳಿ ಕೋಟ್ ಧರಿಸಿರುವ ವೈದ್ಯರು ಸುತ್ತಮುತ್ತ ಇದ್ದಾಗ ಕಾಡುವ ಸಮಸ್ಯೆ ಇದು.

ಎಲ್ಲರಲ್ಲಿಯೂ ಜನರಲ್‌ ಹೈಪರ್‌ ಟೆನ್ಶನ್‌ ಆಗಿರಬೇಕಿಲ್ಲ . ಆದರೆ, ಮುಂದೆ ಅವರನ್ನು ಬಿಪಿ ಕಾಡುವುದಕ್ಕೆ ಇದುವೇ ಪೂರ್ವಭಾವಿ ಮುನ್ಸೂಚನೆ ಆಗಿರಬಹುದು ಎನ್ನುತ್ತಾರೆ ವೈದ್ಯರು.

ವೈದ್ಯರ ಕ್ಲಿನಿಕ್‌ನಲ್ಲಿ ಬಿಪಿ ಕಂಡುಬರುವವರಲ್ಲಿ ಮಾಡಿದ ಸಂಶೋಧನೆಯ ಪ್ರಕಾರ ಶೇ.15ರಿಂದ 30ರಷ್ಟು ಜನರಲ್ಲಿ ಈ ಸಿಂಡ್ರೋಮ್‌ ಇರುವುದು ಕಂಡು ಬಂದಿದೆ. ಕ್ಲಿನಿಕ್‌ಗೆ ಹೋಗುವ ಮುನ್ನ ದೀರ್ಘ ಉಸಿರಾಡುವುದು, ಯೋಗ, ಧ್ಯಾನ ಮಾಡುವುದು ಉತ್ತಮ. ಹೋದ ಬಳಿಕವೂ ಹದಿನೈದು ನಿಮಿಷಗಳ ಸಮಯ ತೆಗೆದುಕೊಂಡು ರಿಲ್ಯಾಕ್ಸ್‌ ಆಗಿ ವೈದ್ಯರನ್ನು ಭೇಟಿ ಮಾಡಬಹುದು.