ಹಾಲು ಸಾರ್ವತ್ರಿಕ ಆಹಾರವಾಗಿದೆ ಆದರೆ ಇದು ಮಧುಮೇಹಿಗಳಿಗೆ ಒಳ್ಳೆಯದೋ ಅಲ್ಲವೋ ಎಂಬುದಕ್ಕೆ ಈ ವಿಷಯದಲ್ಲಿ ತಜ್ಞರ ಅಭಿಪ್ರಾಯವೇ ಬೇರೆ. ಮಧುಮೇಹ ರೋಗಿಗಳು ಹಾಲು ಕುಡಿಯುವುದು ಎಷ್ಟು ಪ್ರಯೋಜನಕಾರಿ . ಇದು ನಿಜವಾಗಿಯೂ ರಕ್ತದಲ್ಲಿನ ಸಕ್ಕರೆಯ ಮಟ್ಟವನ್ನು ಹೆಚ್ಚಿಸುತ್ತದೆಯೇ ಮತ್ತು ಮಧುಮೇಹ ರೋಗಿಯು ದಿನಕ್ಕೆ ಎಷ್ಟು ಹಾಲು ಕುಡಿಯಬೇಕು ಎನ್ನುವುದನ್ನು ತಿಳಿಯೋಣ.
ರಾತ್ರಿ ಹಾಲು ಕುಡಿಯದಿರಿ
ಮಧುಮೇಹಿಗಳು ಯಾವ ಪದಾರ್ಥಗಳನ್ನು ತಿನ್ನಬೇಕು ಮತ್ತು ಯಾವ ಪದಾರ್ಥಗಳನ್ನು ತಪ್ಪಿಸಬೇಕು ಎಂಬುದನ್ನು ನೀವು ತಿಳಿದಿರಬೇಕು. ಹೆಚ್ಚಿನ ಜನರು ಮಧುಮೇಹಿಗಳಾಗಿದ್ದರೂ ರಾತ್ರಿ ಹಾಲು ಸೇವಿಸುತ್ತಾರೆ, ಆದರೆ ಮಧುಮೇಹ ರೋಗಿಗಳು ರಾತ್ರಿ ಹೊತ್ತಲ್ಲಿ ಹಾಲು ಕುಡಿಯುವುದು ತೊಂದರೆಯನ್ನುಂಟು ಮಾಡಬಹುದು.
ಮಧುಮೇಹಿಗಳು ತಮ್ಮಮ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಸಮಯಕ್ಕೆ ಸರಿಯಾಗಿ ಆಹಾರವನ್ನು ಸೇವಿಸಬೇಕು. ಅದೇ ರಾತ್ರಿ ಹೊತ್ತಲ್ಲಿ ಹಾಲು ಕುಡಿಯುವುದನ್ನು ಶಿಫಾರಾಸು ಮಾಡಲಾಗುವುದಿಲ್ಲ. ಹಾಲಿನಲ್ಲಿರುವ ಕ್ಯಾಲೋರಿಯ ಪ್ರಮಾಣವು ಆರೋಗ್ಯಕ್ಕೆ ಅಪಾಯವನ್ನುಂಟು ಮಾಡುತ್ತದೆ.
ಮಧುಮೇಹ ರೋಗಿಗಳು ಯಾವ ಸಮಯದಲ್ಲಿ ಹಾಲು ಕುಡಿಯಬೇಕು?
ಮಧುಮೇಹಿಗಳು ರಾತ್ರಿ ಹಾಲು ಕುಡಿಯುವುದನ್ನು ತಪ್ಪಿಸಬೇಕು. ಹಾಲನ್ನು ಕುಡಿಯಲು ಬಯಸುವುದಾದರೆ ಬೆಳಗ್ಗೆ ಅಥವಾ ಬೆಳಗ್ಗಿನ ಉಪಹಾರದ ಸಂದರ್ಭದಲ್ಲಿ ಹಾಲು ಕುಡಿಯಬೇಕು. ಹಾಲು ಕಾರ್ಬೋಹೈಡ್ರೇಟ್‌ಗಳ ಜೀರ್ಣಕ್ರಿಯೆಯನ್ನು ಕಡಿಮೆ ಮಾಡುತ್ತದೆ ಮತ್ತು ಹೆಚ್ಚಿದ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಿಸುತ್ತದೆ. ಈ ಕಾರಣಕ್ಕಾಗಿಯೇ ಮಧುಮೇಹ ರೋಗಿಗಳಿಗೆ ಬೆಳಗಿನ ಉಪಾಹಾರಕ್ಕಾಗಿ ಹಾಲು ಕುಡಿಯಲು ಸಲಹೆ ನೀಡಲಾಗುತ್ತದೆ.
ಹಾಲಿಗೆ ಪರ್ಯಾಯವನ್ನು ಹುಡುಕಿ
ಮಧುಮೇಹಿಗಳು ಹಾಲಿಗೆ ಪರ್ಯಾಯವನ್ನು ಕಂಡುಕೊಳ್ಳಬಹುದು. ಇಲ್ಲವಾದರೆ ಕಡಿಮೆ ಫ್ಯಾಟ್‌ ಹಾಗೂ ಕ್ಯಾಲೋರಿಗಳಿರುವ ಹಾಲನ್ನು ಕುಡಿಯಬಹುದು. ಹೆಚ್ಚು ಫ್ಯಾಟ್‌ ಇರುವ ಹಾಲಿನಲ್ಲಿ ಸಕ್ಕರೆಯಾಂಶ ಹೆಚ್ಚು ಇರುತ್ತದೆ. ಅದಕ್ಕಾಗಿ ಕಡಿಮೆ ಫ್ಯಾಟ್‌ನ ಹಾಲನ್ನು ಸೇವಿಸುವುದು ಒಳ್ಳೆಯದು.
ಅರಿಶಿನ ಹಾಲು
ಅರಿಶಿನ ಹಾಲು ಎಲ್ಲರಿಗೂ ಪ್ರಯೋಜನಕಾರಿ. ಬಹಳ ಹಿಂದಿನಿಂದಲೂ ಅರಿಶಿನದ ಹಾಲನ್ನು ಗಾಯಗುಣವಾಗಲು ನೀಡಲಾಗುತ್ತದೆ. ಅರಿಶಿನವು ಉತ್ಕರ್ಷಣ ನಿರೋಧಕ ಮತ್ತು ಉರಿಯೂತದ ಗುಣಲಕ್ಷಣಗಳನ್ನು ಹೊಂದಿದೆ. ಇದು ಮಧುಮೇಹ ರೋಗಿಗಳಿಗೆ ಪ್ರಯೋಜನಕಾರಿಯಾಗಿದೆ. ಅರಿಶಿನ ಹಾಲು ಕುಡಿಯುವುದರಿಂದ ಇನ್ಸುಲಿನ್ ಮಟ್ಟವು ಉತ್ತಮವಾಗಿರುತ್ತದೆ. ಅದಕ್ಕಾಗಿಯೇ ನೀವು ಅರಿಶಿನ ಹಾಲನ್ನು ಕುಡಿಯಬೇಕು.
ದಾಲ್ಚಿನ್ನಿ ಹಾಲು
ಮಧುಮೇಹ ರೋಗಿಯು ದಾಲ್ಚಿನ್ನಿ ಹಾಲನ್ನು ಕುಡಿಯುವುದು ಆರೋಗ್ಯಕ್ಕೆ ಪ್ರಯೋಜನಕಾರಿ ಎಂದು ಸಾಬೀತಾಗಿದೆ. ಮಧುಮೇಹಿಗಳಿಗೆ ದಾಲ್ಚಿನ್ನಿ ಬಹಳ ಪ್ರಯೋಜನಕಾರಿ ಎಂದು ಪರಿಗಣಿಸಲಾಗಿದೆ. ಇದು ಉತ್ಕರ್ಷಣ ನಿರೋಧಕ ಮತ್ತು ಉರಿಯೂತದ ಗುಣಲಕ್ಷಣಗಳನ್ನು ಹೊಂದಿದ್ದು ಅದು ಸಕ್ಕರೆ ಮಟ್ಟವನ್ನು ನಿಯಂತ್ರಣದಲ್ಲಿಡುತ್ತದೆ.
ಬಾದಾಮಿ ಹಾಲು
ಮಧುಮೇಹಿಗಳು ಬಾದಾಮಿ ಹಾಲು ಕುಡಿಯಬೇಕು. ಬಾದಾಮಿಯು ಪೋಷಕಾಂಶಗಳಿಂದ ಸಮೃದ್ಧವಾಗಿದೆ. ಇದು ವಿಟಮಿನ್ ಇ, ವಿಟಮಿನ್ ಡಿ, ಪ್ರೋಟೀನ್ ಮತ್ತು ಫೈಬರ್ ಅನ್ನು ಹೊಂದಿರುತ್ತದೆ. ಬಾದಾಮಿ ಹಾಲು ಕಡಿಮೆ ಕ್ಯಾಲೋರಿಗಳನ್ನು ಹೊಂದಿದೆ, ಇದು ಸಕ್ಕರೆಯನ್ನು ನಿಯಂತ್ರಣದಲ್ಲಿಡುತ್ತದೆ.