ಒಂದು ಲೋಟ ಹಾಲಿನಲ್ಲಿ ಇಷ್ಟೊಂದು ಪ್ರಯೋಜನಗಳು ಸಿಗುತ್ತಾ?

• ಹಾಲಿನಲ್ಲಿ ನಿಮ್ಮ ದೇಹಕ್ಕೆ ಅಗತ್ಯವಾಗಿ ಬೇಕಾದ ವಿಟಮಿನ್ ಅಂಶಗಳು ಮತ್ತು ಖನಿಜಾಂಶಗಳು ಅಪಾರ ಪ್ರಮಾಣದಲ್ಲಿ ಲಭ್ಯವಿದ್ದು ನಿಮ್ಮನ್ನು ಆರೋಗ್ಯವಂತರನ್ನಾಗಿ ಮತ್ತು ಸದೃಢರಾಗಿ ಮಾಡುವಲ್ಲಿ ಇದರ ವಿಶೇಷವಾದ ಪಾತ್ರವನ್ನು ಮರೆಯುವ ಹಾಗಿಲ್ಲ.
• ಹಾಲಿನಲ್ಲಿ ವಿಟಮಿನ್ 'ಎ' ಅಂಶ ಮತ್ತು ವಿಟಮಿನ್ 'ಬಿ' ಅಂಶ ಸಿಗುವ ಕಾರಣದಿಂದ ಕಣ್ಣುಗಳ ದೃಷ್ಟಿ ಹೆಚ್ಚಾಗುವುದರಲ್ಲಿ ಮತ್ತು ದೇಹದಲ್ಲಿ ಕೆಂಪು ರಕ್ತ ಕಣಗಳ ಸಂಖ್ಯೆ ಕೂಡ ಹೆಚ್ಚಾಗಲಿದೆ ಎಂದು ಹೇಳುತ್ತಾರೆ. ದೀರ್ಘ ಕಾಲ ಯೌವನವನ್ನು ಉಳಿಸಿಕೊಳ್ಳಲು ಪ್ರತಿ ದಿನ ಹಾಲು ಕುಡಿಯುವ ಅಭ್ಯಾಸವನ್ನು ಮಾಡಿಕೊಳ್ಳಬಹುದು.

• ಒಂದು ವೇಳೆ ನಿಮಗೆ ಲ್ಯಾಕ್ಟೋಸ್ ಅಂಶಕ್ಕೆ ಅಲರ್ಜಿ ಇದ್ದರೆ ಬೆಳಗಿನ ಸಮಯದಲ್ಲಿ ಖಾಲಿ ಹೊಟ್ಟೆಯಲ್ಲಿ ಹಾಲು ಕುಡಿಯಬೇಡಿ. ನಿಮ್ಮ ದೇಹದ ಆಮ್ಲೀಯತೆಯನ್ನು ದೂರ ಮಾಡುವಲ್ಲಿ ತಂಪಾದ ಹಾಲು ಸಹಾಯ ಮಾಡುತ್ತದೆ ಎಂಬುದನ್ನು ಮರೆಯಬೇಡಿ.
• ಬೇಕಿದ್ದರೆ ಹಸುವಿನ ಹಾಲಿನ ಜೊತೆಗೆ ಗೋಡಂಬಿ ಹಾಲು, ಸೋಯಾ ಹಾಲು, ಬಾದಾಮಿ ಹಾಲು, ಹಸಿ ಕಡಲೆ ಬೀಜಗಳಿಂದ ತಯಾರು ಮಾಡಿದ ಹಾಲು ಕೂಡ ಆರೋಗ್ಯದ ದೃಷ್ಟಿಯಿಂದ ಸೇವನೆ ಮಾಡಬಹುದು. ಹಾಲು ಸೇವನೆಯಿಂದ ಉಂಟಾಗುವ ಆರೋಗ್ಯ ಪ್ರಯೋಜನಗಳು

• ಹಾಲಿನಲ್ಲಿ ಅತ್ಯಧಿಕ ಪ್ರಮಾಣದ ಕ್ಯಾಲ್ಶಿಯಂ ಅಂಶ ಇರುವ ಕಾರಣದಿಂದ ವಯಸ್ಸಾದಂತೆ ದೇಹದಲ್ಲಿ ಕಂಡುಬರುವ ಮೂಳೆಗಳ ಸವೆತ ಸಮಸ್ಯೆ ಕಡಿಮೆಯಾಗುತ್ತದೆ.
• ಪ್ರತಿದಿನ ಇಂತಿಷ್ಟು ಪ್ರಮಾಣದ ಕ್ಯಾಲ್ಸಿಯಂ ಅಂಶ ಸೇವನೆ ಮಾಡುವುದರಿಂದ ಸಾಕಷ್ಟು ಬಗೆಯ ಆರೋಗ್ಯ ಪ್ರಯೋಜನಗಳನ್ನು ಹೊಂದುವುದರ ಜೊತೆಗೆ ಅನಾರೋಗ್ಯ ಸಮಸ್ಯೆಗಳಿಂದ ದೂರವಾಗಬಹುದು.
• ಒಂದು ಲೆಕ್ಕದಲ್ಲಿ ಹೇಳುವುದಾದರೆ ಕೆಲವೊಂದು ಆರೋಗ್ಯ ಸಮಸ್ಯೆಗಳಿಗೆ ಹಾಲಿಗಿಂತ ಮತ್ತೊಂದು ಔಷಧಿ ಇಲ್ಲ ಎಂದು ತಿಳಿದುಕೊಳ್ಳಬಹುದು.

• ಹಾಲಿನಲ್ಲಿ ಹೇರಳ ಪ್ರಮಾಣದ ವಿಟಮಿನ್ ಡಿ ಅಂಶ ಅಡಗಿದೆ. ಇದು ಮೂಳೆಗಳ ಗಟ್ಟಿತನವನ್ನು ಹೆಚ್ಚು ಮಾಡುತ್ತದೆ ಎಂದು ಹೇಳಬಹುದು.
• ನಮ್ಮ ದೇಹದಲ್ಲಿ ಅತ್ಯುತ್ತಮವಾದ ರೋಗ ನಿರೋಧಕ ವ್ಯವಸ್ಥೆಯನ್ನು ರೂಪುಗೊಳಿಸುವಲ್ಲಿ ಇದು ಸಹಾಯಕ. ಸೇರೋಟೋನಿನ್ ಎಂಬ ಹಾರ್ಮೋನಿನ ಉತ್ಪತ್ತಿಯಲ್ಲಿ ಕೂಡ ಹಾಲು ಸಹಾಯ ಮಾಡಲಿದೆ.
• ಇದರಿಂದ ಮಾನಸಿಕ ಸ್ಥಿತಿ ಅತ್ಯುತ್ತಮವಾಗಿ ಬದಲಾಗಲಿದ್ದು, ಹೊಟ್ಟೆ ಹಸಿವು ನಿಯಂತ್ರಣವಾಗಿ ಅತ್ಯುತ್ತಮ ನಿದ್ರೆ ನಿಮ್ಮದಾಗಲಿದೆ.
• ವಿಟಮಿನ್ ಡಿ ಅಂಶ ಹಾಲಿನಲ್ಲಿ ಸಿಗುವ ಕಾರಣ ಸಂಪೂರ್ಣವಾದ ಆರೋಗ್ಯ ರಕ್ಷಣೆ ನಿಮ್ಮದಾಗಲಿದೆ ಎಂದು ಹೇಳಬಹುದು. ಇದರ ಜೊತೆಗೆ ಪ್ರೋಟೀನ್ ಅಂಶದ ಪ್ರಮಾಣ ಕೂಡ ನಿಮಗೆ ಸಿಗುತ್ತದೆ ಎಂಬ ನಿರೀಕ್ಷೆಯನ್ನು ನೀವು ಇಟ್ಟುಕೊಳ್ಳಬಹುದು.

ವಿಟಮಿನ್ ಡಿ ಕೊರತೆಯ ಲಕ್ಷಣಗಳು ಹಾಗೂ ವಿಟಮಿನ್ ಡಿ ಇರುವ ಆಹಾರಗಳು

ಲ್ಯಾಕ್ಟೋಸ್ ಅಂಶದ ಅಲರ್ಜಿ ಇರುವವರ ಹೊರತಾಗಿ ಪ್ರತಿ ವ್ಯಕ್ತಿ ಒಂದು ದಿನಕ್ಕೆ ಮೂರು ಬಾರಿಯಂತೆ ಸುಮಾರು ಒಟ್ಟು 300 ಎಂಎಲ್ ನಷ್ಟು ಹಾಲು ಸೇವನೆ ಮಾಡುವುದು ಒಳ್ಳೆಯದು.