ಮಲಬದ್ದತೆಯೇ? ಈ ಐದು ರುಚಿಕರ ಹಣ್ಣಿನ ರಸಗಳು ತೊಂದರೆಯನ್ನು ನಿವಾರಿಸಬಲ್ಲವು

ಕೆಲವೊಮ್ಮೆ ಗಟ್ಟಿಯಾದ ಮಲದ ದೃಢವಾದ ಅಂಚು ಒಳಗೋಡೆಯನ್ನು ಹರಿದು ಗಾಯ ಮಾಡಬಹುದು. ಇದನ್ನು anal fissures ಎಂದು ಕರೆಯಲಾಗುತ್ತದೆ. ಅಲ್ಲದೇ ಕರುಳಿನಿಂದ ಮಲ ಹೆಚ್ಚು ಹೊತ್ತು ಹೊರಹೋಗದೇ ಇರುವ ಕಾರಣ ಹಿಂದೆ, ಅಂದರೆ ಸಣ್ಣಕರುಳಿನಲ್ಲಿಯೂ ಮಲದ ಸಂಗ್ರಹ ಹೆಚ್ಚುತ್ತಾ ಸೋಂಕು, ವ್ರಣ ಮೊದಲಾದವು ಎದುರಾಗಬಹುದು ಈ ಎಲ್ಲಾ ತೊಂದರೆಗಳನ್ನು ಸಾಮೂಹಿಕವಾಗಿ colonic conditions ಎಂದು ಕರೆಯಲಾಗುತ್ತದೆ. ಅಷ್ಟೇ ಅಲ್ಲ, ಮೂತ್ರವ್ಯವಸ್ಥೆಯ ಮೇಲೂ ಈ ತೊಂದರೆಗಳು ಪರೋಕ್ಷವಾಗಿ ಪ್ರಭಾವ ಬೀರಬಹುದು. ಇವನ್ನು urologic disorders ಎಂದು ಕರೆಯಲಾಗುತ್ತದೆ. ಇದಕ್ಕೆ ಅತಿ ಸರಳ ಪರಿಹಾರ ಎಂದರೆ ನಮ್ಮ ಆಹಾರದಲ್ಲಿ ಸಾಕಷ್ಟು ಕರಗದ ಮತ್ತು ಕರಗುವ ನಾರುಗಳು ಇರುವಂತೆ ನೋಡಿಕೊಳ್ಳುವುದು.

ಈ ಕೆಲಸವನ್ನು ಉತ್ತಮವಾಗಿ ನಿರ್ವಹಿಸುವ ಐದು ಬಗೆಯ ಹಣ್ಣಿನ ರಸಗಳನ್ನು ಇಂದಿನ ಲೇಖನದಲ್ಲಿ ವಿವರಿಸಲಾಗಿದೆ. ಅದರೆ ಇವು ಸರಳ ಮನೆಮದ್ದುಗಳೇ ಹೊರತು ತಜ್ಞರು ನೀಡಿರುವ ಔಷಧಿಗಳಿಗೆ ಹಾಗೂ ವೃತ್ತಿಪರ ಚಿಕಿತ್ಸೆಗೆ ಎಂದೂ ಸಾಟಿಯಾಗಲಾರವು. ಅಲ್ಲದೇ ಇದು ಆಗಾಗ ಎದುರಾಗುವ ಸರಳ ಮಲಬದ್ದತೆಗೆ ಮಾತ್ರವೇ ಅನ್ವಯವಾಗುತ್ತವೆಯೇ ವಿನಃ ಗಂಭೀರ ಸ್ಥಿತಿಯ ಮಲಬದ್ದತೆ ಹಾಗೂ ಇದಕ್ಕೆ ಸಂಬಂಧಿಸಿದ ಕಾಯಿಲೆಗಳಿಗೆ ಸೂಕ್ತವಲ್ಲ. ಕೇವಲ ವೈದ್ಯರು ಮಾತ್ರವೇ ಈ ಸ್ಥಿತಿಯ ನಿಜವಾದ ಸ್ಥಿತಿಯನ್ನು ಪರಿಗಣಿಸಿ ಸೂಕ್ತ ಔಷಧಿ ಮತ್ತು ಚಿಕಿತ್ಸೆಯನ್ನು ನೀಡಬಲ್ಲರು.

ಹೊಟ್ಟೆಯನ್ನು ಕರಗಿಸಲು ತೆಂಗಿನೆಣ್ಣೆಯನ್ನು ಬಳಸುವುದು ಉತ್ತಮ

ಮಲಬದ್ಧತೆಗೆ ಸಾಮಾನ್ಯ ಕಾರಣಗಳಲ್ಲಿ ದಿನದ ಅವಧಿಯಲ್ಲಿ ಸಾಕಷ್ಟು ನೀರು ಕುಡಿಯದಿರುವುದು, ಆಹಾರದಲ್ಲಿ ಸಾಕಷ್ಟು ನಾರಿನಂಶ ಇಲ್ಲದಿರುವುದು. ಉರಿಯೂತ ಉಂಟು ಮಾಡುವ ಕರುಳಿನ ಸಹಲಕ್ಷಣಗಳು, ಜಡತನದ ಅಥವಾ ದೈಹಿಕ ಚಲನೆ ಇಲ್ಲದ ಜೀವನಶೈಲಿ, ಗರ್ಭಧಾರಣೆ, ಕೆಲವು ಔಷಧಿಗಳು, ಪಾರ್ಶ್ವವಾಯು, ಮಧುಮೇಹ ಮತ್ತು ಇತರ ಕಾರಣಗಳಿರಬಹುದು.

ಅನಾನಾಸ್ ಹಣ್ಣಿನಲ್ಲಿ ನಮ್ಮ ಜೀರ್ಣವ್ಯವಸ್ಥೆಯ ಆರೋಗ್ಯವನ್ನು ಉತ್ತಮಗೊಳಿಸಲು ಸಹಾಯ ಮಾಡುವ ಹಲವಾರು ಗುಣಗಳಿವೆ. ಇವು ಬ್ರೊಮಿಲೈನ್ (bromelain) ಎಂಬ ಕಿಣ್ವವನ್ನು ಹೊಂದಿರುತ್ತದೆ, ಇದು ಕರುಳಿನಲ್ಲಿ ಆಹಾರದ ಚಲನೆಯನ್ನು ಸುಲಭವಾಗಿಸಲು ಸಹಾಯ ಮಾಡುತ್ತದೆ. ಇದರಲ್ಲಿ ದ್ರವಗಳು ಮತ್ತು ನೀರು ಸಹಾ ಇರುವ ಕಾರಣ, ಅದು ಮಲವನ್ನು ಸರಿಯಾಗಿ ಹಾದುಹೋಗಲು ಮೃದುವಾದ ಮಾರ್ಗವನ್ನು ರಚಿಸಲು ಸಹಾಯ ಮಾಡುತ್ತದೆ.

ದಿನಕ್ಕೊಂದು ಸೇಬು ಮಲಬದ್ದತೆಯನ್ನೂ ದೂರವಿರಿಸುತ್ತದೆ ಎಂದು ಹೇಳಬಹುದು. ಈ ಅದ್ಭುತ ಹಣ್ಣಿನಲ್ಲಿ ಸಾಕಷ್ಟು ಪ್ರಮಾಣದ ಕರಗದ ನಾರು, ಕರಗುವ ನಾರು, ಖನಿಜಗಳು ಮತ್ತು ವಿಟಮಿನ್ನುಗಳಿವೆ ಹಾಗೂ ಇವೆಲ್ಲವೂ ಮಲಬದ್ದತೆಯಾಗದೇ ಇರಲು ನೆರವಾಗುತ್ತವೆ. ಇದಕ್ಕಾಗಿ ಒಂದು ಸೇಬಿನ ತಿರುಳಿನಿಂದ ಬೀಜ ನಿವಾರಿಸಿ ಅರ್ಧ ಚಿಕ್ಕ ಚಮಚ ದೊಡ್ಡ ಜೀರಿಗೆ ಅಥವಾ ಸೌಂಫ್ ಪುಡಿ ಮತ್ತು ಅರ್ಧ ಕಪ್ ನೀರು ಹಾಕಿ ಮಿಕ್ಸಿಯ ಬ್ಲೆಂಡರಿನಲ್ಲಿ ನುಣ್ಣಗೆ ಅರೆಯಿರಿ. ಈ ರಸವನ್ನು ಕುಡಿಯುವ ಮೂಲಕ ಮಲಬದ್ದತೆಗೆ ಶೀಘ್ರವೇ ಪರಿಹಾರ ಸಿಗುತ್ತದೆ. ಸೌಂಫ್ ನಲ್ಲಿಯೂ ಉತ್ತಮ ಪ್ರಮಾಣದ ಕರಗದ ನಾರಿನಂಶವಿದೆ ಹಾಗೂ ಮಲದಲ್ಲಿ ನೀರಿನಂಶವನ್ನು ಹಿಡಿದಿಟ್ಟುಕೊಳ್ಳಲು ನೆರವಾಗುತ್ತದೆ ಹಾಗೂ ಸುಖವಾದ ವಿಸರ್ಜನೆಗೆ ನೆರವಾಗುತ್ತದೆ.

ಕೊಂಚ ತಾಜಾ ದ್ರಾಕ್ಷಿಗಳನ್ನು ಅರ್ಧಕ್ಕೆ ಕತ್ತರಿಸಿ ಬೀಜಗಳನ್ನು ನಿವಾರಿಸಿ ಇದಕ್ಕೆ ಕೊಂಚ ಹಸಿಶುಂಠಿ ಬೆರೆಸಿ ಕೊಂಚ ನೀರಿನೊಂದಿಗೆ ಇನ್ನಷ್ತು ಅರೆಯಿರಿ. ಈ ರಸವನ್ನು ಕುಡಿದರೆ ಮಲಬದ್ದತೆ ಶೀಘ್ರವೇ ಇಲ್ಲವಾಗುತ್ತದೆ. ದ್ರಾಕ್ಷಿಯಲ್ಲಿರುವ ಕರಗದ ನಾರು ಮತ್ತು ನೀರಿನಂಶ ದೇಹಕ್ಕೆ ಅಗತ್ಯ ಆರ್ದ್ರತೆಯನ್ನು ಒದಗಿಸುವ ಜೊತೆಗೇ ಮಲವನ್ನು ಸುಲಭವಾಗಿ ವಿಸರ್ಜಿಸಲು ನೆರವಾಗುತ್ತದೆ.

ಊದಿರುವ ವಸಡಿನ ಸಮಸ್ಯೆಯೇ ಹಾಗಾದ್ರೆ ಈ ಮನೆ ಮದ್ದುಗಳನ್ನು ಬಳಸಿ

ಈ ರುಚಿಕರ ಹಣ್ಣಿನಲ್ಲಿ ವಿಟಮಿನ್ ಸಿ, ಖನಿಜಗಳು ಮತ್ತು ಆಹಾರದ ನಾರಿನಂಶಗಳು ಉತ್ತಮ ಪ್ರಮಾಣದಲ್ಲಿವೆ. ಇವೆಲ್ಲವೂ ದೇಹದಲ್ಲಿ ನೀರಿನಂಶವನ್ನು ಉಳಿಸಿಕೊಳ್ಳಲು ಸಹಾಯ ಮಾಡುತ್ತದೆ ಮತ್ತು ಕರುಳಿನಲ್ಲಿ ಆಹಾರದ ಚಲನೆಯನ್ನು ಉತ್ತೇಜಿಸಲು ಸಹಾಯ ಮಾಡುತ್ತದೆ. ಇದಕ್ಕಾಗಿ ಸಿಪ್ಪೆ ಸುಲಿದು ಬೀಜ ನಿವಾರಿಸಿದ ಕಿತ್ತಳೆ ಹಣ್ಣಿನ ತೊಳೆಗಳನ್ನು ಮಿಕ್ಸಿಯ ಬ್ಲೆಂಡರಿನಲ್ಲಿ ಕೊಂಚ ಕಪ್ಪು ಉಪ್ಪನ್ನು ರಸಕ್ಕೆ ಸೇರಿಸಿ ನುಣ್ಣಗೆ ಅರೆಯಿರಿ. ಈ ರಸವನ್ನು ಸೇವಿಸುವ ಮೂಲಕ ಮಲಬದ್ದತೆ ಶೀಘ್ರವೇ ಇಲ್ಲವಾಗುತ್ತದೆ.

ನಿಂಬೆಹಣ್ಣಿನಲ್ಲಿ ವಿಟಮಿನ್ ಸಿ ಮತ್ತು ಕರಗುವ ನಾರು ಉತ್ತಮ ಪ್ರಮಾಣದಲ್ಲಿವೆ, ಇವೆರಡೂ ಮಲಬದ್ಧತೆಗೆ ಅದ್ಭುತವಾದ ಪರಿಹಾರವನ್ನು ಒದಗಿಸುತ್ತವೆ. ಇದಲ್ಲದೆ, ಇದು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಬಳಸಬಹುದಾದ ಅತ್ಯುತ್ತಮ ಪರಿಹಾರವಾಗಿದೆ. ಒಂದು ಲೋಟದಲ್ಲಿ ಅರ್ಧ ಲಿಂಬೆಯ ರಸವನ್ನು ಹಿಂಡಿ ಕೊಂಚ ಜೇನು ಮತ್ತು ಜೀರಿಗೆ ಪುಡಿಯನ್ನು ಬೆರೆಸಿ ಅರ್ಧ ಲೋಟ ಉಗುರುಬೆಚ್ಚನೆಯ ನೀರು ಬೆರೆಸಿ ಕುಡಿಯಿರಿ. ಜೀರಿಗೆ ಪುಡಿಯೂ ಜೀರ್ಣಕ್ರಿಯೆಯನ್ನು ಇನ್ನಷ್ಟು ಸುಲಭಗೊಳಿಸಲು ನೆರವಾಗುತ್ತದೆ.