ಮಿತವಾಗಿರಲಿ ಸಿಹಿ ಸೇವನೆ

ಸಿಹಿ ಸೇವನೆ ವಿಷಯದಲ್ಲಿ ಬಹಳಷ್ಟು ಗೊಂದಲಗಳಿವೆ. ಡಯಟ್ ಮಾಡುವವರು ಸಿಹಿ ಆಹಾರ ಸೇವನೆ ಬಗ್ಗೆ ಚಾರ್ಟ್ ಹಾಕಿಕೊಂಡಿರುತ್ತಾರೆ. ಇದಕ್ಕೆ ಮುನ್ನ ಡಯಟಿಶಿಯನ್‌ಗಳ ಸಲಹೆ ಪಡೆದು ಮುಂದುವರೆಯಬೇಕು ಎನ್ನುತ್ತಾರೆ ಎಕ್ಸ್‌ಪರ್ಟ್.

ಸಿಹಿ ಪದಾರ್ಥಗಳ ಪಾತ್ರ

ಸಿಹಿ ಪದಾರ್ಥಗಳನ್ನು ಯಾವುದೇ ಜಿಡ್ಡಿನ ಪದಾರ್ಥಗಳೊಂದಿಗೆ ಮಾಡಿದ ಸಿಹಿತಿಂಡಿಯಲ್ಲಿ ಸೇವಿಸಿದರೆ ಚರ್ಮಕ್ಕೆ ಹಾನಿಕಾರಕ ಎನ್ನುತ್ತಾರೆ ಡಯಟೀಶಿಯನ್ಸ್. ಸಕ್ಕರೆಗಿಂತ ಬೆಲ್ಲದಿಂದ ತಯಾರಾದ ಸಿಹಿ ಪದಾರ್ಥಗಳು ಆರೋಗ್ಯಕ್ಕೆ ಒಳ್ಳೆಯದು. ಕಲ್ಲಸಕ್ಕರೆ ಕೂಡ ಸೌಂದರ್ಯ ವರ್ಧನೆಗೆ ಸಹಾಯ ಮಾಡುವುದು. ಸಿಹಿ ತಿಂದ ನಂತರ ಬಿಸಿನೀರು ಕುಡಿಯುವುದು ಆರೋಗ್ಯಕ್ಕೆ ಮತ್ತು ಹಲ್ಲುಗಳ ರಕ್ಷಣೆಗೆ ಒಳ್ಳೆಯದು. ಫುಡ್ ಕಲರ್‌ಗಳನ್ನು ಬಳಸಿದ ಬಳಿಕ ಸಿಹಿ ಸೇವನೆ ಆರೋಗ್ಯಕ್ಕೆ ಒಳ್ಳೆಯದಲ್ಲ.

ಪೌಷ್ಟಿಕಾಂಶಯುಕ್ತ ಆಹಾರ ಸೇವನೆಯಿಂದ ಬುದ್ಧಿಶಕ್ತಿ ಹೆಚ್ಚುವುದು ಮಾತ್ರವಲ್ಲ. ದೇಹದಲ್ಲಿ ಉತ್ಸಾಹ ಮೂಡುತ್ತದೆ. ಸೌಂದರ್ಯ ಹೆಚ್ಚುತ್ತದೆ ಎಂಬುದು ಡಯಟಿಶಿಯನ್‌ಗಳ ಸಲಹೆ.