ವೀಕೆಂಡ್‌ನಲ್ಲಿ ನಿದ್ರಿಸಿ ರೆಸ್ಟ್‌ ಮಾಡುವುದನ್ನು ಇಂದೇ ಕೊನೆಯಾಗಿಸಿ!

[This story originally published in Times of India on March 30,2019]
ವಾರವಿಡೀ ಕೆಲಸ ಮಾಡಿ ದಣಿದ ದೇಹಕ್ಕೆ ವೀಕೆಂಡ್‌ನಲ್ಲಿ ಸಂಪೂರ್ಣ ರೆಸ್ಟ್‌ ನೀಡುವ ಆಲೋಚನೆಯಲ್ಲೇ ಶುಕ್ರವಾರ ಸಂಜೆ ಆಫಿಸ್‌ನಿಂದ ಹೊರಡುತ್ತಾರೆ!

ಶುಕ್ರವಾರ ರಾತ್ರಿ ಮಲಗಿದರೆ, ಮತ್ತೆ ಏಳೋದು ಶನಿವಾರ ಮಧ್ಯಾಹ್. ಅದೂ ಗ್ಯಾರೆಂಟಿಯ ಸಂಗತಿ ಅಲ್ಲ. ಆದರೆ ಇಂತಹ ಹವ್ಯಾಸ ನಿಮ್ಮ ಆರೋಗ್ಯಕ್ಕೆ ಹೆಚ್ಚು ಹಾನಿಯುಂಟು ಮಾಡುತ್ತದೆ.

ವೀಕೆಂಡ್‌ನಲ್ಲಿ ದೈನಂದಿನ ದಿನದಿಂದ ಹೆಚ್ಚು ಕಾಲ ನಿದ್ರಿಸುವುದು ಅತ್ಯಂತ ಅಪಾಯಕಾರಿ. ನಿಯಮಿತವಾದ ನಿದ್ರೆಯಿಂದ ಹೆಚ್ಚು ದೇಹಕ್ಕೆ ಒಳ್ಳೆಯದಲ್ಲ.ಇದರಿಂದ ಸಿಟ್ಟು, ಹೃದ್ರೋಗ, ರಕ್ತದೊತ್ತಡ, ಸ್ಟ್ರೋಕ್‌ನಂತಹ ಅಪಾಯಕಾರಿ ಆರೋಗ್ಯ ಸಮಸ್ಯೆಗೆ ಗುರಿಯಾಗುವ ಸಾಧ್ಯತೆ ಹೆಚ್ಚಿರುತ್ತದೆ. ಅಷ್ಟೇ ಅಲ್ಲ, ವೀಕೆಂಡ್‌ನಲ್ಲಿಯೇ ಅತಿಯಾಗಿ ನಿದ್ರೆ ಮಾಡುವುದು ಸ್ಥೂಲಕಾಯ ಹಾಗೂ ಹೃದ್ರೋಗವನ್ನು ಉಂಟು ಮಾಡುವ ಸಾಧ್ಯತೆಗಳಿವೆ ಎಂದು ತಿಳಿದು ಬಂದಿದೆ.

ಇತ್ತೀಚೆಗೆ ಕೊಲೊರಡೊ ಬುಲ್ಡೆರ್‌ ವಿಶ್ವವಿದ್ಯಾಲಯ ನಿದ್ರೆಗೆ ಸಂಬಂಧಿಸಿದಂತೆ ನಡೆಸಿದ ಸಂಶೋಧನೆಯಲ್ಲಿ ಈ ಅಂಶ ಬೆಳಕಿಗೆ ಬಂದಿದೆ. ಈ ಸಂಶೋಧನೆಗೆ ಯುವ ಸಮುದಾಯವನ್ನೇ ಆಯ್ಕೆ ಮಾಡಿಕೊಳ್ಳಲಾಗಿತ್ತು. ಸಂಶೋಧನೆಯಲ್ಲಿ ಭಾಗವಹಿಸಿದವರನ್ನು ಮೂರು ಗುಂಪುಗಳಲ್ಲಿ ವಿಂಗಡಿಸಲಾಗಿದೆ. ಮೊದಲ ಗುಂಪಿನ ಸದಸ್ಯರನ್ನು ಪ್ರತಿ ದಿನ ಒಂಭತ್ತು ಗಂಟೆ ನಿದ್ರಿಸಲು ತಿಳಿಸಲಾಗಿತ್ತು. ಅಂತೆಯೇ 2ನೇ ಹಾಗೂ 3 ಗುಂಪಿನ ಸದಸ್ಯರಿಗೆ ಪ್ರತಿದಿನ ರಾತ್ರಿ ಕೇವಲ ಐದು ಗಂಟೆ ನಿದ್ರಿಸಲು ಹೇಳಲಾಗಿತ್ತು. 3ನೇ ಗುಂಪಿಗೆ ಶನಿವಾರ ಹಾಗೂ ಭಾನುವಾರ ದೀರ್ಘಾವಧಿ ವರೆಗೆ ನಿದ್ರಿಸುವಂತೆ ತಿಳಿಸಲಾಯಿತು.

2 ಹಾಗೂ 3ನೇ ಗುಂಪಿನ ಸದಸ್ಯರಿಗೆ ವಾರದ ದಿನಗಳಲ್ಲಿ ಸರಿಯಾದ ಪ್ರಮಾಣದಲ್ಲಿ ನಿದ್ರೆ ಆಗುತ್ತಿಲಿಲ್ಲ. ಇದರಿಂದ ಅವರ ದೇಹ ಅನಿಮಿಯತವಾಗಿ ತೂಕ ಪಡೆದುಕೊಳ್ಳುತ್ತಿರುವುದು ಗೊತ್ತಾಗಿದೆ. ಅಷ್ಟೇ ಅಲ್ಲ, ನಿದ್ರೆ ಸರಿಯಾದ ಪ್ರಮಾಣದಲ್ಲಿ ಸಿಕ್ಕದಿದ್ದರೂ, ಹಸಿವೆ ಹೆಚ್ಚಾಗುತ್ತಿದ್ದರಿಂದ ರಾತ್ರಿ ಊಟವೂ ಅಧಿಕ ಪ್ರಮಾಣದಲ್ಲಿ ಮಾಡುತ್ತಿದ್ದರು. ಮೂರನೇ ಗುಂಪಿನ ಸದಸ್ಯರಿಗೂ ಅಗತ್ಯ ಪ್ರಮಾಣದ ನಿದ್ರೆ ಆಗುತ್ತಿರಲಿಲ್ಲ. ಊಟ ಕಡಿಮೆ ಮಾಡುತ್ತಿದ್ದ ಅವರಲ್ಲೂ ತೂಕ ಹೆಚ್ಚಳವಾಗುವುದು ಕಂಡು ಬಂದಿದೆ.

ವೀಕೆಂಡ್‌ನಲ್ಲಿ ಹೆಚ್ಚು ಹೊತ್ತು ಮಲಗುವುದರಿಂದ ತೂಕ ಹೆಚ್ಚುವುದು ಮಾತ್ರವಲ್ಲದೆ ಹೃದಯ ಸಂಬಂಧಿ ಕಾಯಿಲೆಗಳು ಬರುವ ಆತಂಕವೂ ಇದೆ. ನಿದ್ರೆಯ ಆವೃತ್ತಿ ಸರಿಯಾಗಿರದೇ ಇದ್ದರೆ ದೇಹದ ಆರೋಗ್ಯಕ್ಕೆ ಮಾರಕ ಎಂದು ತಿಳಿದುಕೊಳ್ಳಲಾಗಿದೆ. ಮೂರನೇ ಗುಂಪಿನ ಸದಸ್ಯರ ಪಿತ್ತಕೋಶದಲ್ಲಿ ಬಿಡುಗಡೆಯಾಗುವ ಇನ್‌ಸುಲಿನ್‌ ಸೆನ್ಸಿಟಿವಿಟಿಯನ್ನು ಪರೀಕ್ಷೆ ಮಾಡಲಾಗಿದ್ದು, ಅತ್ಯಂತ ಕೆಟ್ಟ ವೈದ್ಯಕೀಯ ಪರಿಮಾಣಗಳನ್ನು ಹೊಂದಿತ್ತು. ದಿನ ನಿತ್ಯ ಕಡಿಮೆ ನಿದ್ರೆ ಮಾಡಿ, ವಾರಾಂತ್ಯದಲ್ಲಿ ದೀರ್ಘಕಾಲದ ವರೆಗೆ ಮಲಗಿರುವುದು ಕೆಟ್ಟ ಪರಿಣಾಮವನ್ನು ಬೀರುತ್ತದೆ ಎಂದು ಸಂಶೋಧಕ ಕ್ರಿಸ್ಟೋಓರ್ ಡೀಪ್ನೆರ್‌ ತಿಳಿಸಿದ್ದಾರೆ.

ವಾರದ ದಿನದಲ್ಲಿ ನಿದ್ರೆ ಕಡಿಮೆಯಾದಲ್ಲಿ ವಾರಾಂತ್ಯದ ದಿನಗಳಲ್ಲಿ ಬೆಳಗ್ಗೆ ಏಳದೇ ಇರುವ ಅಭ್ಯಾಸವನ್ನು ಬಿಡಬೇಕು. ಬದಲಾಗಿ ಬೆಳಗ್ಗೆ ಎದ್ದು, ಆಹಾರ ಸೇವಿಸಿ ದೈನಂದಿನ ಚಟುವಟಿಕೆಯಲ್ಲಿ ತೊಡಗಿಸಿಕೊಳ್ಳುವುದು ಮುಖ್ಯ. ಮಧ್ಯಾಹ್ನದ ವೇಳೆ ಅರ್ಧ-ಮುಕ್ಕಾಲು ಗಂಟೆಗಳ ನಿದ್ರಿಸುವುದು ದೇಹಕ್ಕೆ ಹೆಚ್ಚು ಆರಾಮವನ್ನು ನೀಡುತ್ತದೆ ಎಂದು ಸಂಶೋಧನೆ ಹೇಳಿದೆ.