ಗಾಢವಾದ ಟೀ
ಪ್ರತಿ ಪ್ರದೇಶದಲ್ಲಿಯೂ ತನ್ನದೇ ಆದ ವಿಶಿಷ್ಟ ರುಚಿಯ ಖಾದ್ಯವಿದ್ದು ಆ ಪ್ರದೇಶದ ಸ್ಥಳೀಯರೊಬ್ಬರು ಈ ರುಚಿಯ ಖಾದ್ಯವನ್ನು ಅತ್ಯುತ್ತಮವಾಗಿ ತಯಾರಿಸಿ ಜನಪ್ರಿಯರಾಗಿರುವಂತೆಯೇ ಲಡಾಖ್ ನಲ್ಲಿರುವ ಹೆಮಿಸ್ ಗೊಂಪಾ (Hemis Gompa) ಎಂಬ ಬೌದ್ಧ ಮಠದಲ್ಲಿ (monastery) ಅತ್ಯಂತ ರುಚಿಕರ ಮತ್ತು ಗಾಢವಾದ ಟೀ ತಯಾರಿಸಿ ಪ್ರವಾಸಿಗರಿಗೆ ನೀಡಲಾಗುತ್ತದೆ. ಈ ಟೀಯನ್ನು ತಯಾರಿಸಲು ಬೇಕಾದ ಸಾಮಾಗ್ರಿಗಳು ನಮಗಿಲ್ಲಿ ಅಷ್ಟು ಸುಲಭವಾಗಿ ದೊರಕದ ಕಾರಣ, ಇದರ ಪರ್ಯಾಯ ವಿಧಾನವನ್ನು ಅನುಸರಿಸಿ ಸರಿಸುಮಾರು ಇದರ ರುಚಿಗೆ ಹತ್ತಿರ ಬರುವಂತಹ ಟೀಯನ್ನು ತಯಾರಿಸಬಹುದು. ಬನ್ನಿ, ಈ ಟೀ ತಯಾರಿಸುವ ಅತಿ ಸರಳ ವಿಧಾನವನ್ನು ಅರಿಯೋಣ.
ಒಂದು ಲೋಟ ಟೀ ತಯಾರಿಸಲು ಅಗತ್ಯವಿರುವ ಸಾಮಾಗ್ರಿಗಳು
- ಎರಡು ಕಪ್ ನೀರು,
- ಎರಡು ಟೀ ಬ್ಯಾಗ್
- ಕಾಲು ಚಿಕ್ಕ ಚಮಚ ಉಪ್ಪು
- ಎರಡು ದೊಡ್ಡ ಚಮಚ ಉಪ್ಪುರಹಿತ ಬೆಣ್ಣೆ
- ಒಂದು ಕಪ್ ಹಾಲು
ತಯಾರಿಸುವ ವಿಧಾನ
ಮೊದಲು ನೀರನ್ನು ಕುದಿಸಿ. ಇದಕ್ಕೆ ಎರಡು ಟೀ ಬ್ಯಾಗ್ ಹಾಕಿ ನೀರು ಕುದಿಯುತ್ತಲೇ ಇರುವಂತೆ ಟೀ ಬ್ಯಾಗ್ ನಲ್ಲಿರುವ ಟೀ ಪುಡಿ ತನ್ನ ಬಣ್ಣವನ್ನು ಬಿಡುವಂತೆ ಸುಮಾರು ಎರಡು ನಿಮಿಷ ಕುದಿಸುವುದನ್ನು ಮುಂದುವರೆಸಿ. ಬಳಿಕ ಉಪ್ಪು ಹಾಕಿ ಕಲಕಿ ಟೀ ಬ್ಯಾಗ್ ಗಳನ್ನು ನಿವಾರಿಸಿ. ಈಗ ಹಾಲು ಹಾಕಿ ಕಲಸುತ್ತಾ ಮತ್ತೊಮ್ಮೆ ಹಾಲು ಕುದಿಯುವವರೆಗೂ ಮುಂದುವರೆಸಿ. ಹಾಲು ಕುದಿದ ಬಳಿಕ ಬೆಣ್ಣೆಯನ್ನು ಬೆರೆಸಿ. ಈಗ ಹಾಲು ಕುದಿಯುತ್ತಿದ್ದಂತೆಯೇ ಉಕ್ಕುತ್ತದೆ. ತಕ್ಷಣ ಉರಿಯನ್ನು ಚಿಕ್ಕದಾಗಿಸಿ ಮುಂದಿನ ಒಂದು ನಿಮಿಷದ ಕಾಲ ಹಾಗೇ ಕುದಿಯುವಂತೆ, ಆದರೆ ಉಕ್ಕಿ ಚೆಲ್ಲದಂತೆ ಮಾಡಿ. ಬಳಿಕ ಸಿರಾಮಿಕ್ ಮಗ್ ನಲ್ಲಿ ಹಾಕಿ ಬಿಸಿ ಬಿಸಿಯಾಗಿ ಕುಡಿಯಲು ನೀಡಿ. ಸಿರಾಮಿಕ್ ಏಕೆಂದರೆ, ಇದು ಹೆಚ್ಚು ಹೊತ್ತು ಬಿಸಿಯನ್ನು ಹಿಡಿದಿಟ್ಟುಕೊಳ್ಳುತ್ತದೆ. ಗಾಜಿನ ಅಥವಾ ಲೋಹದ ಲೋಟಗಳು ದ್ರವವನ್ನು ಶೀಘ್ರವೇ ತಣ್ಣಗಾಗಿಸಿ ಬಿಡುತ್ತವೆ.
ಈ ಪದಾರ್ಥಗಳನ್ನು ಎಂದಿಗೂ ಏರ್ಫ್ರೈಯರ್‌ನಲ್ಲಿ ಬೇಯಿಸಬೇಡಿ
ಬೆಣ್ಣೆಯ ಟೀ ಕುಡಿಯುವ ಪ್ರಯೋಜನಗಳು
ಆರೋಗ್ಯ ತಜ್ಞರ ಪ್ರಕಾರ, ಚಳಿಗಾಲದಲ್ಲಿ ಬೆಣ್ಣೆಯ ಚಹಾ ಕುಡಿಯುವ ಮೂಲಕ ತುಟಿಗಳು ಪೋಷಣೆ ಪಡೆಯುತ್ತವೆ ಹಾಗೂ ಚಳಿಗಾಲದಲ್ಲಿ ತುಟಿಗಳು ಬಿರಿಯುವುದರಿಂದ ಕಾಪಾಡುತ್ತವೆ. ಚಳಿಗಾಲದಲ್ಲಿ ಗಾಳಿಯಲ್ಲಿ ಆರ್ದ್ರತೆ ಕಡಿಮೆಯಾಗುವ ಕಾರಣ ವಿಶೇಷವಾಗಿ ತುಟಿಯ ಚರ್ಮ ಅತಿ ಶೀಘ್ರವಾಗಿ ಒಣಗುತ್ತದೆ ಹಾಗೂ ಬಿರುಕು ಬಿಡುತ್ತದೆ. ಬೆಣ್ಣೆಯ ಟೀ ಹೀಗಾಗುವುದರಿಂದ ರಕ್ಷಣೆ ನೀಡುತ್ತದೆ.
To Read in English Click: Tibetan Butter Tea is the best thing to enjoy this winter