ಮೌತ್ ವಾಶ್ (ಬಾಯಿ ಮುಕ್ಕಳಿಸುವಿಕೆ)
ನಿಮ್ಮ ಟೂತ್ ಬ್ರಷ್ ಹಲ್ಲಿನ ಮೂಲೆ ಮೂಲೆಗೂ ತಲುಪದ ಕಾರಣ, ಇದರಿಂದಾಗಿ ಬಾಯಿಯಲ್ಲಿ ಬ್ಯಾಕ್ಟೀರಿಯಾದ ಬೆಳವಣಿಗೆಯಾಗಿ ಸಮಸ್ಯೆ ಉಂಟಾಗುತ್ತದೆ. ಇದಕ್ಕೆ ಒಂದು ಸುಲಭ ವಿಧಾನ ಅಂದರೆ ಅಡುಗೆ ಸೋಡಾ. ಇದು ಬ್ಯಾಕ್ಟೀರಿಯಾ ವಿರೋಧಿ ಗುಣಲಕ್ಷಣಗಳನ್ನು ಹೊಂದಿರುವುದರಿಂದ, ಕೇವಲ ಅರ್ಧ ಚಮಚ ಅಡಿಗೆ ಸೋಡಾವನ್ನು ಬೆಚ್ಚಗಿನ ನೀರಿನಲ್ಲಿ ಬೆರೆಸಿ, ಬಾಯಿ ಮುಕ್ಕಳಿಸುವುದರಿಂದ, ಬಾಯಿಯ ದುರ್ವಾಸನೆಯಿಂದ ಪಾರಾಗಬಹುದು.
ಹಣ್ಣು ಮತ್ತು ತರಕಾರಿಗಳನ್ನು ಸ್ವಚ್ಚಗೊಳಿಸಲು
ಹಣ್ಣುಗಳನ್ನು ಮತ್ತು ತರಕಾರಿಗಳನ್ನು ಉಪಯೋಗಿಸುವ ಮೊದಲು, ಅವುಗಳನ್ನು ತೊಳೆಯಬೇಕು. ಅವುಗಳನ್ನು ಕೇವಲ ನೀರಿನಿಂದ ತೊಳೆಯುವ ಬದಲು, 2 ಕಪ್ ನೀರಿಗೆ 1 ಟೀಸ್ಪೂನ್ ಅಡುಗೆ ಸೋಡಾ ಹಾಕಿ, ಈ ಮಿಶ್ರಣದಲ್ಲಿ ಹಣ್ಣು ತರಕಾರಿಗಳನ್ನು ಹಾಕಿ ನೆನೆಸಿ ಅಥವಾ ಈ ಮಿಶ್ರಣದ ಒದ್ದೆ ಬಟ್ಟೆಯಿಂದ ಉಜ್ಜಿ ಸ್ವಚ್ಚಗೊಳಿಸಿ.
ನಿಮ್ಮ ಕುತ್ತಿಗೆ ಭಾಗ ಕಪ್ಪಾಗಿದ್ದರೆ ಇಲ್ಲಿವೆ ಕಲೆಗಳನ್ನು ಹೋಗಿಸಲು ಸಿಂಪಲ್ ಟಿಪ್ಸ್
ಸ್ನಾನಗೃಹದ ಕ್ಲೀನರ್ ಆಗಿ ಉಪಯೋಗಿಸಿ
ಸ್ನಾನಗೃಹದ ಪ್ರತಿ ಮೂಲೆಯನ್ನು ಸ್ವಚ್ಚ ಗೊಳಿಸಲು ಪ್ರಯತ್ನಿಸುವುದು ಅತ್ಯಂತ ತ್ರಾಸದಾಯಕ. ಮಾರುಕಟ್ಟೆಯಲ್ಲಿ ಅಸಂಖ್ಯಾತ ಉತ್ಪನ್ನಗಳಿದ್ದರೂ ಅವು ಅಡುಗೆ ಸೋಡಾದಷ್ಟು ಪರಿಣಾಮಕಾರಿಯಾಗಿಲ್ಲ. ಅಡುಗೆ ಸೋಡಾ, ನೆಲದ ಮೇಲ್ಮೈಗಳಿಗೆ ಸೋಂಕುನಿವಾರಕವಾಗಿ ಕಾರ್ಯನಿರ್ವಹಿಸುತ್ತದೆ. ಆದ್ದರಿಂದ, ಇದನ್ನು ನೀರಿನ ಜೊತೆ ಮಿಶ್ರಣ ಮಾಡಿ, 20 ನಿಮಿಷಗಳ ನಂತರ ಉಜ್ಜಿ ತೊಳೆಯಿರಿ.
ನಿಮ್ಮ ಬಟ್ಟೆಯನ್ನು ಸ್ವಚ್ಚಗೊಳಿಸಿ
ಒಂದು ಕಪ್ ಅಡುಗೆ ಸೋಡಾವನ್ನು ನೀವು ಬಟ್ಟೆ ಒಗೆಯುವಾಗ ಉಪಯೋಗಿಸುವುದರಿಂದ, ಕಠಿಣ ಕಲೆಗಳನ್ನು ತೆಗೆದುಹಾಕಬಹುದು.
ನಿಮ್ಮ ಟೂತ್ ಬ್ರಷ್ ಅನ್ನು ಸ್ವಚ್ಚಗೊಳಿಸಿ
ಜನರು ತಮ್ಮ ಟೂತ್ ಬ್ರಷ್ ಗಳಿಂದ ಹಲ್ಲುಗಳನ್ನು ಸ್ವಚ್ಚಗೊಳಿಸುತ್ತಾರೆ. ಆದರೆ, ಟೂತ್ ಬ್ರಷ್ ಅನ್ನು ಸ್ವಚ್ಚಗೊಳಿಸುವ ಬಗ್ಗೆ ಬಹಳಷ್ಟು ಮಂದಿ ಯೋಚಿಸಿರುವುದಿಲ್ಲ. ನೀರು, ವಿನೆಗರ್ ಮತ್ತು ಅಡುಗೆ ಸೋಡಾವನ್ನು ಮಿಶ್ರಣ ಮಾಡಿ, ನಿಮ್ಮ ಟೂತ್ ಬ್ರಷ್ ಅನ್ನು 30 ನಿಮಿಷಗಳ ಕಾಲ ಇದರಲ್ಲಿ ನೆನೆಸಿ. ಇದರಿಂದ ನಿಮ್ಮ ಟೂತ್ ಬ್ರಷ್ ಸ್ವಚ್ಚಗೊಳ್ಳುತ್ತದೆ.
ರಾತ್ರಿ ಮಲಗಿದ್ದಾಗಲೂ ತೂಕ ಇಳಿಸಿಕೊಳ್ಳಬಹುದಂತೆ ಹೇಗೆ ಗೊತ್ತಾ?
ಮನೆಯಲ್ಲೇ ಪೆಡಿಕ್ಯೂರ್ ಮಾಡಿಕೊಳ್ಳಿ
ಬಾತ್ ಟಬ್ಬಿನಲ್ಲಿ ಸ್ವಲ್ಪ ಬಿಸಿ ನೀರಿಗೆ ಅಡುಗೆ ಸೋಡಾವನ್ನು ಬೆರೆಸಿ, ನಿಮ್ಮ ಪಾದಗಳನ್ನು ನೆನೆಸಿಡಿ. ಹಣವನ್ನು ಖರ್ಚು ಮಾಡದೇ, ನಿಮ್ಮ ಮನೆಯಲ್ಲೇ ನೀವು ಪೆಡಿಕ್ಯೂರ್ ಮಾಡಿಕೊಳ್ಳಬಹುದು.
ತಿಗಣೆ ಕಾಟದಿಂದ ಮುಕ್ತಿ ಪಡೆಯಿರಿ
ಪ್ರತಿದಿನ ನಿಮ್ಮ ಚರ್ಮಕ್ಕೆ ಅಡುಗೆ ಸೋಡಾವನ್ನು ಹಚ್ಚುವುದು ಸುರಕ್ಷಿತವಲ್ಲದಿದ್ದರೂ, ತಿಗಣೆ ಕಚ್ಚಿದ ನಂತರ ಆಗುವ ತುರಿಕೆಯನ್ನು ಕಡಿಮೆ ಮಾಡಲು ಇದು ಉಪಯುಕ್ತ. ಅಡುಗೆ ಸೋಡಾದೊಂದಿಗೆ ಸ್ವಲ್ಪ ನೀರನ್ನು ಬೆರೆಸಿ ಬಳಸುವುದರಿಂದ, ನೀವು ಅಂಗಡಿಯಲ್ಲಿ ಖರೀದಿಸುವ ದುಬಾರಿ ಕ್ರೀಮ್ಗಳ ಬಳಕೆಯನ್ನು ಕಡಿಮೆ ಮಾಡಬಹುದು.