ಆರೋಗ್ಯಕರ ಜೀವನಶೈಲಿ ನಮ್ಮದಾಗಲಿ ಎನ್ನುವ ಕಾರಣಕ್ಕೆ ಮತ್ತು ದೀರ್ಘಕಾಲ ನಮ್ಮ ಆರೋಗ್ಯ ಯಾವುದೇ ಸಮಸ್ಯೆಗಳಿಂದ ಬಾಧಿತವಾಗಿರದೆ ಇರಲಿ ಎಂಬ ಕಾರಣಕ್ಕೆ ಅವರ ಸಲಹೆ ಇದಾಗಿರುತ್ತದೆ.
ಸಾವಯವ ಆಹಾರ ಪದಾರ್ಥಗಳನ್ನು ಆಯ್ಕೆ ಮಾಡಿಕೊಂಡು ಆರೋಗ್ಯದ ಲಾಭಗಳನ್ನು ಹೆಚ್ಚು ಮಾಡಿಕೊಳ್ಳಲು ನಾವು ಪ್ರಯತ್ನ ಪಡುವುದಾದರೆ, ಅಂತಹ ಹಣ್ಣು ಮತ್ತು ತರಕಾರಿಗಳನ್ನು ಖರೀದಿ ಮಾಡುವಾಗ ಕೆಲವೊಂದು ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳಬೇಕು.
ಇಲ್ಲವೆಂದರೆ ಅಂಗಡಿಯವನ ಮಾತಿಗೆ ಮರುಳಾಗಿ ಟೋಪಿ ಹಾಕಿಸಿಕೊಳ್ಳಬೇಕಾಗುತ್ತದೆ ಮತ್ತು ನಮ್ಮ ಆರೋಗ್ಯವನ್ನು ಇದರಿಂದ ನಾವೇ ಕೈಯಾರೆ ಹಾಳು ಮಾಡಿಕೊಳ್ಳುತ್ತೇವೆ ಎಂಬುದರಲ್ಲಿ ಯಾವುದೇ ಅನುಮಾನವಿಲ್ಲ. ಹಾಗಾಗಿ ಈ ಲೇಖನದಲ್ಲಿ ನಿಮಗಾಗಿ ಕೆಲವೊಂದು ಟಿಪ್ಸ್ ಗಳನ್ನು ನೀಡಲಾಗಿದೆ. ದಯವಿಟ್ಟು ಗಮನಿಸಿ.
ಸೀಸನಲ್ ಹಣ್ಣುಗಳನ್ನು ಹೆಚ್ಚಾಗಿ ಖರೀದಿ ಮಾಡಿ ಸೇವನೆ ಮಾಡಿ
- ನಾವು ಸೇವನೆ ಮಾಡುವ ಯಾವುದೇ ಆಹಾರ ಹೆಚ್ಚು ತಾಜಾ ಆಗಿದ್ದಷ್ಟು ನಮ್ಮ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಏಕೆಂದರೆ ನಾವು ಮಾರುಕಟ್ಟೆಯಲ್ಲಿ ಇಂದು ಗಮನಿಸುತ್ತಿರುವ ಹಾಗೆ ನಮ್ಮ ದೇಶದಲ್ಲಿ ಬೆಳೆದ ಹಣ್ಣುಗಳ ಜೊತೆಗೆ ಬೇರೆ ದೇಶಗಳಿಂದ ತರಿಸಿದ ಹಣ್ಣುಗಳನ್ನು ಸಹ ಇಟ್ಟಿರುತ್ತಾರೆ.
- ಬೇರೆ ದೇಶಗಳಿಂದ ತಂದಂತಹ ಹಣ್ಣುಗಳಿಗೆ ಬೆಲೆ ಸ್ವಲ್ಪ ಜಾಸ್ತಿಯೇ ಇರುತ್ತದೆ. ಆದರೆ ನಮಗೆಲ್ಲ ಬೇರೆ ದೇಶದ ಆಹಾರ ಪದಾರ್ಥಗಳ ಮೇಲೆ ಅದೇನೋ ಒಂದು ರೀತಿಯ ವ್ಯಾಮೋಹ.
- ಹಾಗಾಗಿ ನಾವು ನಮ್ಮ ದೇಶದ ಆರೋಗ್ಯಕರ ಹಣ್ಣುಗಳನ್ನು ಬಿಟ್ಟು ಹೆಚ್ಚಿನ ಬೆಲೆ ಕೊಟ್ಟು ಅವುಗಳನ್ನು ಮನೆಗೆ ತಂದು ತಿನ್ನುತ್ತೇವೆ. ಆದರೆ ನಿಜ ಹೇಳಬೇಕು ಎಂದರೆ ಬೇರೆ ದೇಶದ ಹಣ್ಣುಗಳನ್ನು ನಮ್ಮ ಆರೋಗ್ಯಕ್ಕೆ ಪೂರಕ ಆಹಾರ ಪದಾರ್ಥಗಳು ಎಂದು ನಾವು ನಿರ್ಧಾರ ಮಾಡಲು ಬರುವುದಿಲ್ಲ.
- ಅಲ್ಲಿನವರು ಅವುಗಳನ್ನು ಬೆಳೆದು ಎಷ್ಟು ದಿನಗಳು ಕಳೆದಿರುತ್ತವೆ ಎಂಬ ವಿಷಯ ನಮಗೆ ತಿಳಿದಿರುವುದಿಲ್ಲ. ಹಾಗಾಗಿ ಇಂತಹ ಆಹಾರ ಪದಾರ್ಥಗಳು ತಾಜಾ ಎಂದು ಹೇಳಲು ಬರುವುದಿಲ್ಲ.
- ಹಾಗಾಗಿ ನಾವು ಸಾಧ್ಯವಾದಷ್ಟು ಸೀಸನಲ್ ಹಣ್ಣುಗಳಿಗೆ ಅದರಲ್ಲೂ ವಿಶೇಷವಾಗಿ ನಮ್ಮ ಭಾರತದಲ್ಲಿ ಬೆಳೆದ, ಅಕ್ಕಪಕ್ಕದ ಪ್ರದೇಶಗಳಲ್ಲಿ ಬೆಳೆದ ಹಣ್ಣುಗಳಿಗೆ ಮತ್ತು ತರಕಾರಿಗಳಿಗೆ ಹೆಚ್ಚಿನ ಪ್ರಾಧಾನ್ಯತೆ ಕೊಟ್ಟು ಅವುಗಳನ್ನು ಸೇವನೆ ಮಾಡುವುದರಿಂದ ನಮ್ಮ ಆರೋಗ್ಯ ವ್ಯವಸ್ಥೆಯಲ್ಲಿ ಯಾವುದೇ ತೊಂದರೆ ಇಲ್ಲದಂತೆ ಸಮತೋಲನವಾದ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಅನುಕೂಲವಾಗುತ್ತದೆ.
ರೋಗಗ್ರಸ್ತ ಹಣ್ಣು ಮತ್ತು ತರಕಾರಿಗಳ ಖರೀದಿ ಬೇಡ
- ಹಣ್ಣು ಮತ್ತು ತರಕಾರಿಗಳ ಮೇಲೆ ಕಪ್ಪು ಬಣ್ಣದ ಚುಕ್ಕಿಗಳು ಕಂಡು ಬಂದರೆ ಅವುಗಳನ್ನು ನೀವು ದುಡ್ಡು ಕೊಟ್ಟು ಖರೀದಿ ಮಾಡುವುದು ನಿಮ್ಮ ಆರೋಗ್ಯಕ್ಕೆ ಅಷ್ಟು ಸಮಂಜಸವಲ್ಲ ಎಂದು ಹೇಳಬಹುದು.
- ಹೆಚ್ಚಾಗಿ ನೀವು ಹಸಿರು ಎಲೆ-ತರಕಾರಿಗಳನ್ನು ಖರೀದಿ ಮಾಡುವಾಗ ಅಥವಾ ಹಣ್ಣುಗಳನ್ನು ಖರೀದಿ ಮಾಡಿದ ಸಂದರ್ಭದಲ್ಲಿ ಈ ರೀತಿಯ ಅನುಭವ ನಿಮಗೆ ಉಂಟಾಗಬಹುದು.
- ಸಾಮಾನ್ಯವಾಗಿ ಹಣ್ಣುಗಳು ತಾವಾಗಿಯೇ ಕಾಯಿಯ ರೂಪದಿಂದ ಹಣ್ಣಿನ ರೂಪಕ್ಕೆ ಬದಲಾಗುವುದು ತುಂಬಾ ಒಳ್ಳೆಯದು. ಆದರೆ ಕೆಲವರು ರಾಸಾಯನಿಕಗಳನ್ನು ಸಿಂಪಡಿಸಿ ಅವುಗಳ ಒತ್ತಡದಿಂದ ಅಥವಾ ಪ್ರಭಾವದಿಂದ ಕಾಯಿ ಹಣ್ಣಾಗುವಂತೆ ಮಾಡಿರುತ್ತಾರೆ.
- ಇದರ ಕಾರಣದಿಂದ ಹಣ್ಣುಗಳ ಮೇಲ್ಭಾಗದಲ್ಲಿ ಕಪ್ಪು ಬಣ್ಣದ ಚುಕ್ಕೆಗಳು ಮೂಡಿ ಬಂದಿರುತ್ತವೆ. ಕೆಲವೊಮ್ಮೆ ಪಾಲಕ್ ಸೊಪ್ಪು ಖರೀದಿಸುವಾಗ ಕೂಡ ಅವುಗಳ ಎಲೆಗಳ ಮೇಲ್ಭಾಗದಲ್ಲಿ ಹಳದಿ ಬಣ್ಣದ ಚುಕ್ಕೆಗಳು ಗೋಚರಿಸುತ್ತವೆ. ಆದ್ದರಿಂದ ಇಂತಹವುಗಳನ್ನು ಖರೀದಿ ಮಾಡಿ ನಿಮ್ಮ ಆರೋಗ್ಯವನ್ನು ಹಾಳು ಮಾಡಿಕೊಳ್ಳಬೇಡಿ.
ಹಣ್ಣು ಮತ್ತು ತರಕಾರಿಗಳ ಸಿಪ್ಪೆಯನ್ನು ಈ ರೀತಿ ಏಕೆ ಬಳಸಬಾರದು?
ಹಣ್ಣಾಗದ ಹಣ್ಣನ್ನು ಖರೀದಿ ಮಾಡಲೇಬೇಡಿ
ಸಾಮಾನ್ಯವಾಗಿ ಟೊಮೆಟೊ ಹಣ್ಣುಗಳಿಂದ ಹಿಡಿದು ನಾವು ಖರೀದಿ ಮಾಡುವ ಬಹುತೇಕ ಹಣ್ಣುಗಳು ಮುಟ್ಟಲು ಸ್ವಲ್ಪ ಮೆತ್ತಗೆ ಎನಿಸುತ್ತವೆ.
ಅಂದರೆ ಇವುಗಳು ಕಾಯಿಯ ರೂಪದಲ್ಲಿ ಇದ್ದರೂ ಸಹ ಮುಂಬರುವ ದಿನಗಳಲ್ಲಿ ಹಣ್ಣಾಗುತ್ತವೆ ಎಂಬ ಭರವಸೆ ನಮಗೆ ಇರುತ್ತದೆ. ಆದರೆ ಕೆಲವೊಂದು ಹಣ್ಣುಗಳು ಮುಟ್ಟಲು ತುಂಬಾ ಗಟ್ಟಿ ಇದ್ದು, ಅವುಗಳನ್ನು ಎಷ್ಟು ದಿನಗಳ ಕಾಲ ಶೇಖರಣೆ ಮಾಡಿ ಇಟ್ಟರು ಸಹ ಹಣ್ಣಾಗುವುದಿಲ್ಲ.
ಅಂತಹ ಹಣ್ಣುಗಳಿಗೆ ನೀವು ದುಡ್ಡು ಹಾಕಿ ತೆಗೆದುಕೊಂಡರೂ ಸಹ ಯಾವುದೇ ಪ್ರಯೋಜನ ಇರುವುದಿಲ್ಲ. ನೀವು ಹಣ್ಣುಗಳನ್ನು ಖರೀದಿ ಮಾಡುವ ಸಂದರ್ಭದಲ್ಲಿ ಅವುಗಳಿಂದ ಸ್ವಲ್ಪ ಹಣ್ಣಿನ ಸುವಾಸನೆ ಬರುವಂತಿದ್ದರೆ ಸಾಕು. ಅಂತಹ ಹಣ್ಣುಗಳನ್ನು ಹೆಚ್ಚಾಗಿ ಖರೀದಿ ಮಾಡಿ ನೀವು ಆಡುವ ದಿನಗಳ ಕಾಲ ನಿಮ್ಮ ಮನೆಯಲ್ಲಿ ಸಿಕರಣೆ ಮಾಡಿ ಮುಂದಿನ ಬಳಕೆಗಾಗಿ ಇರಿಸಿಕೊಳ್ಳಬಹುದು.
ಅಂಗಡಿಯಿಂದ ಹಣ್ಣುಗಳನ್ನು ಖರೀದಿ ಮಾಡುವುದು
ನಾವು ಸಾಧ್ಯವಾದಷ್ಟು ಹಣ್ಣು ಮತ್ತು ತರಕಾರಿಗಳನ್ನು ನೇರವಾಗಿ ರೈತರಿಂದ ಖರೀದಿ ಮಾಡುವುದು ತುಂಬಾ ಒಳ್ಳೆಯದು. ಏಕೆಂದರೆ ಅವರು ಬೆಳೆದ ಹಣ್ಣು ಮತ್ತು ತರಕಾರಿಗಳನ್ನು ಯಾವುದೇ ರಾಸಾಯನಿಕಗಳನ್ನು ಸಿಂಪಡಿಸದೆ ನಮಗೆ ಕೊಡುತ್ತಾರೆ.
ಆದರೆ ಅಂಗಡಿಯವರ ಬಳಿ ಖರೀದಿ ಮಾಡಲು ಹೋದರೆ, ಅವರು ರೈತರಿಂದ ಹಣ್ಣುಗಳನ್ನು ಖರೀದಿ ಮಾಡಿ ಎಷ್ಟು ದಿನಗಳು ಕಳೆದಿರುತ್ತದೆ ಎಂದು ನಮಗೆ ತಿಳಿದಿರುವುದಿಲ್ಲ.
ಹಾಗಾಗಿ ಹಣ್ಣುಗಳು ಕೆಡಬಾರದು ಎಂಬ ಕಾರಣಕ್ಕೆ ಅವುಗಳ ಮೇಲೆ ರಾಸಾಯನಿಕಗಳನ್ನು ಸಿಂಪಡಣೆ ಮಾಡಿರುತ್ತಾರೆ. ನೀವುಗಳು ನೋಡಲು ತಾಜಾ ಹಣ್ಣುಗಳಂತೆ ಕಂಡರೂ ಸಹ ನಮ್ಮ ದೇಹಕ್ಕೆ ಅನಾರೋಗ್ಯವನ್ನು ಉಂಟು ಮಾಡುವುದರಲ್ಲಿ ಯಾವುದೇ ಅನುಮಾನವಿಲ್ಲ.
ಒಮ್ಮೆಲೆ ಹೆಚ್ಚಿನ ಪ್ರಮಾಣದಲ್ಲಿ ಖರೀದಿ ಮಾಡುವುದು ಬೇಡ
ನಮಗೆಲ್ಲರಿಗೂ ಒಂದು ಹವ್ಯಾಸವಿರುತ್ತದೆ. ಸಮಯದ ಅಭಾವದಿಂದ ನಾವು ಮಾರುಕಟ್ಟೆಯ ಕಡೆಗೆ ಹೋಗುವುದೇ ಕಡಿಮೆ. ಅದರಲ್ಲೂ ಒಂದು ವೇಳೆ ಹೋದರೆ, ವಾರಕ್ಕೆ ಆಗುವಷ್ಟು ಅಥವಾ ತಿಂಗಳಿಗೆ ಆಗುವಷ್ಟು ದಿನಸಿ ಪದಾರ್ಥಗಳು ಮತ್ತು ಸರಂಜಾಮುಗಳನ್ನು ತೆಗೆದುಕೊಂಡು ಬಂದು ಬಿಡುತ್ತೇವೆ. ಆದರೆ ಹಣ್ಣು-ತರಕಾರಿಗಳ ವಿಷಯದಲ್ಲಿ ಹಾಗೆ ಆಗುವುದಿಲ್ಲ.
ಒಂದು ವೇಳೆ ನಾವು ಇವುಗಳನ್ನು ಹೆಚ್ಚಾಗಿ ಖರೀದಿ ಮಾಡಿ ರೆಫ್ರಿಜರೇಟರ್ ನಲ್ಲಿ ದೀರ್ಘಕಾಲ ಇಟ್ಟರೆ, ಖಂಡಿತವಾಗಿ ಅವುಗಳ ಪೌಷ್ಟಿಕ ಸತ್ವಗಳು ಹಾಳಾಗಿರುತ್ತವೆ. ಮತ್ತು ರೆಫ್ರಿಜರೇಟರ್ ನಲ್ಲಿ ಇಟ್ಟಂತಹ ಆಹಾರ ಪದಾರ್ಥಗಳನ್ನು ನಾವು ಹೆಚ್ಚಿನ ಪ್ರಮಾಣದಲ್ಲಿ ಸೇವನೆ ಮಾಡಲು ಕೂಡ ಸಾಧ್ಯವಿಲ್ಲ.
ಹೀಗಾಗಿ ಹೆಚ್ಚಿನ ಪ್ರಮಾಣದ ದುಡ್ಡು ಖರ್ಚು ಮಾಡಿ ತೆಗೆದುಕೊಂಡು ಬಂದ ಹಣ್ಣು ಮತ್ತು ತರಕಾರಿಗಳು ಪ್ರಯೋಜನಕ್ಕೆ ಬಾರದ ರೀತಿ ಆಗುತ್ತದೆ ಮತ್ತು ನಮ್ಮ ಆರೋಗ್ಯಕ್ಕೆ ತೊಂದರೆ ಉಂಟು ಮಾಡುತ್ತವೆ. ಹಾಗಾಗಿ ಈ ಬಗ್ಗೆ ಎಚ್ಚರ ವಹಿಸುವುದು ತುಂಬಾ ಒಳ್ಳೆಯದು.