ಸ್ವಾತಂತ್ರ್ಯೋತ್ಸವಕ್ಕೆ ಮಾಡಬಹುದಾದ ಐದು ಬಗೆಯ ಅಲಂಕಾರಗಳು

ಸ್ವಾತಂತ್ರ್ಯೋತ್ಸವ ಬಂದಾಗ ಮೈ ಮನವು ಉಲ್ಲಾಸಿತಗೊಂಡು, ದೇಶವು ಬ್ರಿಟಿಷರ ಕಪಿಮುಷ್ಠಿಯಿಂದ ಬಂಧಮುಕ್ತವಾದ ದಿನವನ್ನು ಆಚರಿಸುವಂತಹದ್ದು. ಇದಕ್ಕಾಗಿ ನಾವು ಅದೆಷ್ಟು ತಯಾರಿ ಮಾಡಿದರೂ ಕಡಿಮೆಯೇ. ಸ್ವಾತಂತ್ರ್ಯ ಸಂಗ್ರಾಮದಲ್ಲಿ ವೀರ ಮರಣವನ್ನಪ್ಪಿದವರನ್ನು ಈ ವೇಳೆ ಸ್ಮರಿಸಲೇಬೇಕು.

ನಮ್ಮ ದೇಶಕ್ಕೆ ಸ್ವಾತಂತ್ರ್ಯ ದೊರಕಿಸಿಕೊಡಲು ಹಲವಾರು ಮಂದಿ ಪ್ರಾಣ ಬಲಿ ಕೊಟ್ಟಿರುವುದು. ಅವರ ಬಲಿದಾನದಿಂದಾಗಿಯೇ ನಾವು ಇಂದು ಸ್ವತಂತ್ರ ಬದುಕು ಸಾಧಿಸಲು ಸಾಧ್ಯವಾಗಿದೆ.ಸ್ವಾತಂತ್ರ್ಯೋತ್ಸವ ಎಂದರೆ ಅದೊಂದು ಹಬ್ಬದಂತೆ. ನಾವು ಎಲ್ಲರು ತುಂಬಾ ಸಂಭ್ರಮದಿಂದ ಅದನ್ನು ಆಚರಿಸಬೇಕು.

ಮನೆಯನ್ನು ಕೂಡ ಹಬ್ಬದಂತೆ ಅಲಂಕಾರ ಮಾಡಿ ಸಂಭ್ರಮಿಸಬೇಕು. ಅದೇ ರೀತಿಯಾಗಿ ಕಚೇರಿಯಲ್ಲೂ ನೀವು ಈ ದಿನವನ್ನು ತುಂಬಾ ವಿಜೃಂಭಣೆಯಿಂದ ಆಚರಿಸಬಹುದು. ಅಂತಹ ಕೆಲವೊಂದು ಅಲಂಕಾರಿಕ ಸಲಹೆಗಳನ್ನು ನಾವಿಲ್ಲಿ ನಿಮಗೆ ನೀಡಲಿದ್ದೇವೆ. ಸ್ಕ್ರೋಲ್ ಡೌನ್ ಮಾಡುತ್ತಾ ಹೋಗಿ.


ಎಲ್ ಇಡಿ ಲೈಟ್ ಗಳನ್ನು ಹಚ್ಚಿ
ದೀಪಾವಳಿ, ಕ್ರಿಸ್ಮಸ್ ಅಥವಾ ರಂಜಾನ್ ಆಗಿರಬಹುದು. ಆಗ ನಾವು ಹೆಚ್ಚಾಗಿ ಎಲ್ ಇಡಿ ಲೈಟ್ ಗಳನ್ನು ಹಾಕಿ ಮನೆ ಹಾಗೂ ನಮ್ಮ ಪ್ರಾರ್ಥನಾ ಸ್ಥಳಗಳನ್ನು ಶೃಂಗಾರ ಮಾಡುತ್ತೇವೆ.

ಈ ಆಗಸ್ಟ್ 15ರಂದು ನೀವು ತುಂಬಾ ಸರಳವಾಗಿ ಮಾಡಬಹುದಾದ ಅಲಂಕಾರವೆಂದರೆ ಅದು ಎಲ್ ಇಡಿ ಲೈಟ್ ಗಳಿಂದ ಮಾಡಬಹುದಾದ ಅಲಂಕಾರ. ಕೆಂಪು ಹಾಗೂ ಬಿಳಿ ಲೈಟ್ ಗಳನ್ನು ಹಾಕಿ. ಹೊರಾಂಡ, ಮನೆಯ ಕೋಣೆ ಮತ್ತು ಹಾಲ್ ಗೆ ಲೈಟ್ ಗಳನ್ನು ಹಾಕಿ.

ನೀವೇ ಮನೆಯಲ್ಲಿ ಮಾಡಿ ತರಕಾರಿ ಬಾವುಟ


ಮಲಗುವ ಕೋಣೆ
ಮಲಗುವ ಕೋಣೆಯ ಅಲಂಕಾರವು ಚೆನ್ನಾಗಿದ್ದರೆ ಸುಖ ನಿದ್ರೆ ಹಾಗೂ ದಂಪತಿ ನಡುವಿನ ಅನ್ಯೋನ್ಯತೆಯು ಹೆಚ್ಚಾಗುವುದು ಎಂದು ಹೇಳಲಾಗುತ್ತದೆ. ಮಲಗುವ ಕೋಣೆಯ ಅಲಂಕಾರವು ಹೇಗಿರಬೇಕು ಎನ್ನುವ ಗೊಂದಲವು ಕೆಲವರಲ್ಲಿ ಇರುವುದು ಸಹಜ.

ಜನರು ಹೆಚ್ಚಾಗಿ ಹಾಲ್, ಕೋಣೆ ಇತ್ಯಾದಿಗಳ ಕಡೆಗೆ ಗಮನಹರಿಸುವರು. ಆದರೆ ಮಲಗುವ ಕೋಣೆ ಕಡೆಗಣಿಸುವರು. ಇದಕ್ಕಾಗಿ ನೀವು ಧನಾತ್ಮಕ ಶಕ್ತಿ ಪಡೆಯಲು ಮಲಗುವ ಕೋಣೆಗೆ ಪ್ರಾಮುಖ್ಯತೆ ನೀಡಿ. ಇದಕ್ಕಾಗಿ ನೀವು ಬಿಳಿ ಹಾಗೂ ಕೆಂಪು ಬಣ್ಣದ ಬೆಡ್ ಶೀಟ್ ಗಳನ್ನು ತಂದು ಅಲಂಕಾರ ಮಾಡಿ. ಇದು ಒಳ್ಳೆಯ ಸ್ಪೂರ್ತಿ, ಸಂಭ್ರಮ ಮತ್ತು ಧನಾತ್ಮಕತೆ ನೀಡುವುದು.


ಗುಲಾಬಿ ನೀನೇ ಚಂದ
ಮನೆಯ ಒಳಗಡೆ ಇಡುವಂತಹ ಅಲಂಕಾರಿಕ ಹೂ ಕುಂಡದಲ್ಲಿ ತಾಜಾ ಗುಲಾಬಿಗಳನ್ನು ಅಲಂಕರಿಸಿಕೊಂಡರೆ ಅದರಿಂದ ಬರುವಂತಹ ಸುವಾಸನೆಯು ನಿಮ್ಮ ಮನಸ್ಥಿತಿ ಸುಧಾರಣೆ ಮಾಡುವುದು ಮಾತ್ರವಲ್ಲದೆ, ಕೋಣೆಗೆ ಸೌಂದರ್ಯ ನೀಡುವುದು.

ಸ್ವಾತಂತ್ರ್ಯೋತ್ಸವ ಸಂಭ್ರಮದಲ್ಲಿ ನೀವು ಕೆಂಪು ಹಾಗೂ ಬಿಳಿ ಗುಲಾಬಿಯನ್ನು ಅಲಂಕಾರಕ್ಕೆ ಬಳಸಬಹುದು. ಗುಲಾಬಿಗಳನ್ನು ತಾಜಾವಾಗಿಡಲು ಏನು ಮಾಡಬೇಕು ಎಂದು ನೀವು ಇಂಟರ್ನೆಟ್ ನಲ್ಲಿ ಹುಡುಕಬಹುದು. ಇಲ್ಲವಾದಲ್ಲಿ ಪ್ಲಾಸ್ಟಿಕ್ ಗುಲಾಬಿಗಳನ್ನು ಕೂಡ ಅಳವಡಿಸಿದರೆ ಅದರಿಂದ ಸೌಂದರ್ಯವು ಸಿಗುವುದು.

ಉಣ್ಣೆಯ ಬಟ್ಟೆಯಿಂದ ಅಲಂಕಾರ
ಮನೆಯಲ್ಲಿ ಕೆಂಪು ಹಾಗೂ ಬಿಳಿ ಬಣ್ಣದ ಉಣ್ಣೆಯ ಬಟ್ಟೆಯಿದ್ದರೆ ಆಗ ನೀವು ಅದನ್ನು ಟೇಬಲ್ ಗೆ ಹಾಸಲು ಬಳಸಿಕೊಳ್ಳಿ. ಇದು ಸ್ವಾತಂತ್ರ್ಯೋತ್ಸವ ಸಂಭ್ರಮದಲ್ಲಿ ತುಂಬಾ ಹೊಂದಿಕೊಳ್ಳುವುದು. ಇದರಿಂದ ಊಟ ಮಾಡುವಂತಹ ಕೋಣೆಯು ತುಂಬಾ ಶೃಂಗಾರಮಯವಾಗಿ ಕಾಣುವುದು. ನೀವು ಇದೇ ವೇಳೆ ಒಂದು ಸಣ್ಣ ತಿಂಡಿ ಸ್ಟಾಲ್ ನ್ನು ಕೂಡ ಮಾಡಬಹುದು.

ಕೆಂಪು ಹಾಗೂ ಬಿಳಿ ತಿಂಡಿಯ ರೆಸಿಪಿ
ಸ್ವಾತಂತ್ರ್ಯೋತ್ಸವ ಸಂಭ್ರಮದಲ್ಲಿ ನೀವು ಬಿಳಿ ಹಾಗೂ ಕೆಂಪು ಬಣ್ಣದ ತಿಂಡಿಗಳನ್ನು ತಯಾರಿಸಿಕೊಂಡು ತಿನ್ನಿ ಮತ್ತು ಅದನ್ನು ವಿವಿಧ ರೀತಿಯಲ್ಲಿ ಅಲಂಕಾರ ಮಾಡಿಕೊಳ್ಳಿ.

ಇದು ಮನೆಯ ಅಲಂಕಾರವಲ್ಲದೆ ಇದ್ದರೂ ಇದು ನಿಮ್ಮ ತಿಂಡಿಯ ಪಟ್ಟಿಯಲ್ಲಿ ವಿಶೇಷ ಸ್ಥಾನ ಪಡೆಯುವುದು ಖಚಿತ. ಕೆಂಪು ಮತ್ತು ಬಿಳಿ ತಿಂಡಿಗಳನ್ನು ತಯಾರಿ ಮಾಡುವುದು ತುಂಬಾ ಸುಲಭ. ಹಾಲು, ವೆನಿಲ್ಲಾ ಮತ್ತು ಕೆಂಪು ಬಣ್ಣ, ಕ್ರೀಮ್ ಬಳಸಿಕೊಂಡು ನೀವು ಇದನ್ನು ತಯಾರಿಸಬಹುದು.

ಕೆಂಪು ಚೆರ್ರಿಯಂತಹ ಕೆಂಪು ಹಣ್ಣುಗಳನ್ನು ಬಳಸಿಕೊಂಡು ನೀವು ಯಾವುದೇ ರೀತಿಯ ಸಿಹಿ ಖಾದ್ಯಗಳನ್ನು ತಯಾರಿಸಬಹುದು. ಇದು ನೋಡಲು ತುಂಬಾ ಸುಂದರ ಹಾಗೂ ತಿನ್ನಲು ಅದ್ಭುತ ರುಚಿ ಹೊಂದಿರುವುದು.