ನಿಂಬೆಯಿಂದ ರಸ ಹಿಂಡಿದ ಬಳಿಕ, ತಪ್ಪಿಯೂ ಇದರ ಸಿಪ್ಪೆಯನ್ನು ಬಿಸಾಡಬೇಡಿ!

ನೀವು ಅಡುಗೆ ಕೋಣೆಯಲ್ಲಿ ಲಿಂಬೆಯ ರಸ ಬಳಸಿಕೊಂಡು ಅದರ ಸಿಪ್ಪೆ ಎಸೆಯುತ್ತಿದ್ದರೆ ಎಚ್ಚರ!

Vijaya Karnataka Web 27 Nov 2021, 3:53 pm

ಲಿಂಬೆಯನ್ನು ನಾವು ಯಾವ್ಯಾವ ರೀತಿಯಲ್ಲಿ ಬಳಸಿಕೊಂಡರೂ ಅದರಲ್ಲಿ ಇರುವಂತಹ ಔಷಧೀಯ ಗುಣಗಳು ಹಾಗೂ ಪೋಷಕಾಂಶಗಳು ದೇಹಕ್ಕೆ ಲಭ್ಯವಾಗುವುದು. ವ್ಯಂಜನದಿಂದ ಹಿಡಿದು ಪಾನೀಯಗಳ ತನಕ ಪ್ರತಿಯೊಂದಕ್ಕೂ ಲಿಂಬೆಯನ್ನು ಬಳಸಲಾಗುತ್ತದೆ. ಅದೇ ರೀತಿ ಅಡುಗೆ ಮನೆಯಲ್ಲಿ ಇದು ವಿವಿಧ ರೀತಿಯಿಂದ ನೆರವಿಗೆ ಬರುವುದು.

genius ways to use lemons peels youve probably never know — ನಿಂಬೆಯಿಂದ ರಸ ಹಿಂಡಿದ ಬಳಿಕ, ತಪ್ಪಿಯೂ ಇದರ ಸಿಪ್ಪೆಯನ್ನು ಬಿಸಾಡಬೇಡಿ!

ನಾವು ಲಿಂಬೆಯ ರಸವನ್ನು ಮಾತ್ರ ಬಳಸಿ ಅದರ ಸಿಪ್ಪೆಯನ್ನು ಹಾಗೆ ಕಸದ ಬುಟ್ಟಿಗೆ ಎಸೆಯುತ್ತೇವೆ. ಆದರೆ ಲಿಂಬೆಯ ಸಿಪ್ಪೆಯನ್ನು ಕೂಡ ಹಲವಾರು ವಿಧದಿಂದ ಬಳಸಿಕೊಳ್ಳಬಹುದು. ಇದು ಅಡುಗೆ ಮನೆಯಲ್ಲೇ ತುಂಬಾ ಪ್ರಯೋಜನಕಾರಿ ಆಗಿದೆ. ಮುಂದಿನ ಸಲ ನೀವು ಲಿಂಬೆಯನ್ನು ಬಳಸಿದ ಬಳಿಕ ಅದರ ಸಿಪ್ಪೆಯನ್ನು ಎಸೆಯದೆ ಬಳಸಿಕೊಳ್ಳಿ.

ಕೈಯ ದುರ್ವಾಸನೆ ತೆಗೆಯುವುದು

ನೀವು ಈರುಳ್ಳಿ ಅಥವಾ ಬೆಳ್ಳುಳ್ಳಿಯ ಸಿಪ್ಪೆ ತೆಗೆದರೆ ಆಗ ಅದರಿಂದ ಕೈಯಲ್ಲಿ ಘಾಟು ಹಾಗೆ ಉಳಿಯುವುದು. ಅದೇ ರೀತಿಯಲ್ಲಿ ಮೀನು ಮತ್ತು ಮಾಂಸದ ವಾಸನೆ ಕೂಡ.
ಇಂತಹ ವಾಸನೆ ದೂರ ಮಾಡಲು ಬೆರಳುಗಳು ಮತ್ತು ಅಂಗೈಗೆ ಸರಿಯಾಗಿ ಲಿಂಬೆಯ ಸಿಪ್ಪೆಯನ್ನು ಉಜ್ಜಬೇಕು. ಇದರಿಂದ ವಾಸನೆಯು ದೂರವಾಗುವುದು ಮತ್ತು ಕೈಗಳು ಸುವಾಸನೆಯಿಂದ ಕೂಡುವುದು.

ಬಟ್ಟೆಯಿಂದ ಕಲೆಗಳ ನಿವಾರಣೆ

ಊಟ ಮಾಡುವ ವೇಳೆ ನೀವು ತಿನ್ನುವಂತಹ ಆಹಾರವು ಬಟ್ಟೆ ಮೇಲೆ ಬೀಳಬಹುದು. ಅದಕ್ಕೆ ಬಳಸಿರುವಂತಹ ಅರಶಿನವು ತುಂಬಾ ಗಾಢ ಕಲೆ ಉಂಟು ಮಾಡುವುದು. ಇದನ್ನು ಸೋಪ್ ಹಾಕಿ ತೆಗೆಯುವುದು ತುಂಬಾ ಕಷ್ಟ.
ಅದಕ್ಕಾಗಿ ಕೆಲವು ಹನಿ ಲಿಂಬೆಯನ್ನು ಕಲೆ ಇರುವ ಭಾಗಕ್ಕೆ ಹಿಂಡಿ, ಸ್ವಲ್ಪ ಉಪ್ಪು ಹಾಕಿಕೊಂಡು ಲಿಂಬೆಯ ಸಿಪ್ಪೆಯಿಂದ ಉಜ್ಜಬೇಕು. ಲಿಂಬೆಯ ಸಿಪ್ಪೆಯ ಒಳಗಿನ ಭಾಗದಿಂದ ಉಜ್ಜಿರಿ. ಸ್ಕ್ರಬ್ ಮಾಡಿದ ಬಳಿಕ ಬಿಸಿಲಿಗೆ ಹಾಕಿ. ಹೀಗೆ 2-3 ಸಲ ಮಾಡಿದರೆ ಆಗ ಕಲೆಯು ದೂರವಾಗುವುದು.

ಮನೆಯ ಸುವಾಸನೆಗೆ

ಮನೆಯಲ್ಲಿ ಸುವಾಸನೆಯು ಬರುತ್ತಿರಬೇಕು ಎನ್ನುವ ಆಸೆಯು ಪ್ರತಿಯೊಬ್ಬರಲ್ಲೂ ಇದ್ದೇ ಇರುವುದು. ಲಿಂಬೆಯ ಸಿಪ್ಪೆಯನ್ನು ಬಳಸಿಕೊಂಡು ಮನೆಯಲ್ಲಿ ಹರಡುವಂತಹ ಸುವಾಸನೆಯನ್ನು ತಯಾರಿಸಬಹುದು.
2-3 ಲಿಂಬೆ ಸಿಪ್ಪೆಯನ್ನು ಒಂದು ಪಿಂಗಾಣಿಗೆ ಹಾಕಿ ಹಾಗೆ ಮನೆಯ ಒಂದು ಭಾಗದಲ್ಲಿ ಇಡಿ. ಇದರಿಂದ ಮನೆಯು ತುಂಬಾ ಸುವಾಸನೆಯನ್ನು ನೀಡುವುದು. ಕೃತಕ ಸುವಾಸನೆಗಿಂತಲೂ ಇದು ಒಳ್ಳೆಯದು.

ಮೂರ್ತಿಗಳ ಹೊಳಪಿಗೆ

ಕೆಲವೊಂದು ಲೋಹದ ಮೂರ್ತಿಗಳಲ್ಲಿ ಕಲೆಯು ಉಂಟಾಗುವುದು ಮತ್ತು ಇದನ್ನು ತೆಗೆಯುವುದು ತುಂಬಾ ಕಷ್ಟ. ಮನೆಯಲ್ಲಿ ಇಂತಹ ಮೂರ್ತಿಗಳು ಇದ್ದರೆ ಆಗ ಇದರ ಕಾಂತಿಯು ಕಳೆಗುಂದಿರಬಹುದು.
ಇದನ್ನು ನಿವಾರಣೆ ಮಾಡಲು ನೀವು ಲಿಂಬೆ ಸಿಪ್ಪೆಯ ಒಳಗಿನ ಭಾಗದಿಂದ ಮೂರ್ತಿಯನ್ನು ಉಜ್ಜಿರಿ. ಇದರ ಬಳಿಕ 3-4 ಗಂಟೆಗಳ ಕಾಲ ಇದನ್ನು ಬಿಸಿಲಿನಲ್ಲಿ ಇಡಬೇಕು. ಲಿಂಬೆಯು ಬಿಸಿಲಿಗೆ ಪ್ರತಿಕ್ರಿಯಿಸಿ ಲೋಹಕ್ಕೆ ಕಾಂತಿಯು ಬರುವುದು.

ಚರ್ಮಕ್ಕೆ ಸ್ಕ್ರಬ್

ಮನೆಯಲ್ಲಿ ಲಿಂಬೆಯ ಸಿಪ್ಪೆಯಿಂದ ಸ್ಕ್ರಬ್ ಮಾಡಬಹುದು. ಲಿಂಬೆಯನ್ನು ತುರಿದುಕೊಂಡು ಅದರ ಸಿಪ್ಪೆಯನ್ನು ಒಂದು ಪಿಂಗಾಣಿಗೆ ಹಾಕಿ. ಇದಕ್ಕೆ 3-4 ಚಮಚ ತೆಂಗಿನ ಎಣ್ಣೆ, ½ ಚಮಚ ಉಪ್ಪು ಹಾಕಿ.
ಎಲ್ಲವನ್ನು ಸರಿಯಾಗಿ ಮಿಶ್ರಣ ಮಾಡಿಕೊಂಡ ಬಳಿಕ ಚರ್ಮಕ್ಕೆ ಇದರಿಂದ ಸ್ಕ್ರಬ್ ಮಾಡಿ. ಕೈಗಳು, ಕಾಲಿಗೆ ಸರಿಯಾಗಿ ಸ್ಕ್ರಬ್ ಮಾಡಿ. ಸೂಕ್ಷ್ಮ ಚರ್ಮವಿದ್ದರೆ ಆಗ ನೀವು ಇದನ್ನು ಬಳಸಬೇಡಿ. ಕೆಲವರ ಚರ್ಮದಲ್ಲಿ ಇದು ಕಿರಿಕಿರಿ ಉಂಟು ಮಾಡಬಹುದು.

ಪಾತ್ರೆಗಳನ್ನು ಶುಚಿ ಮಾಡಿ

ಕೆಲವೊಮ್ಮೆ ಗಾಜಿನ ಬಣ್ಣದ ಪಾತ್ರೆಗಳು ಕಾಂತಿ ಕಳೆದುಕೊಳ್ಳುವುದು. ಇದನ್ನು ನಿವಾರಣೆ ಮಾಡಲು ಲಿಂಬೆಯು ತುಂಬಾ ಪರಿಣಾಮಕಾರಿ ಆಗಿ ಕೆಲಸ ಮಾಡುವುದು.
ಲಿಂಬೆಯ ಸಿಪ್ಪೆ, ½ ಚಮಚ ಅಡುಗೆ ಸೋಡಾ ಹಾಕಿಕೊಂಡು ಪಾತ್ರೆಗಳನ್ನು ಉಜ್ಜಿರಿ. ಇದು ಸರಿಯಾಗಿ ಸ್ಕ್ರಬ್ ಆದ ಬಳಿಕ 30 ನಿಮಿಷ ಕಾಲ ಹಾಗೆ ಬದಿಗೆ ತೆಗೆದಿಡಿ. 30 ನಿಮಿಷ ಬಳಿಕ ಇದನ್ನು ಸೋಪ್ ಹಾಕಿಕೊಂಡು ತೊಳೆಯಿರಿ. ಈಗ ಪಾತ್ರೆಗಳು ನವನವೀನವಾಗಿ ಕಾಣುವುದು.

ನಿಂಬೆಯಿಂದ ರಸ ಹಿಂಡಿದ ಬಳಿಕ, ತಪ್ಪಿಯೂ ಇದರ ಸಿಪ್ಪೆಯನ್ನು ಬಿಸಾಡಬೇಡಿ!

ನೀವು ಅಡುಗೆ ಕೋಣೆಯಲ್ಲಿ ಲಿಂಬೆಯ ರಸ ಬಳಸಿಕೊಂಡು ಅದರ ಸಿಪ್ಪೆ ಎಸೆಯುತ್ತಿದ್ದರೆ ಎಚ್ಚರ!

​ಕೈಯ ದುರ್ವಾಸನೆ ತೆಗೆಯುವುದು

​ಬಟ್ಟೆಯಿಂದ ಕಲೆಗಳ ನಿವಾರಣೆ

​ಮನೆಯ ಸುವಾಸನೆಗೆ

​ಮೂರ್ತಿಗಳ ಹೊಳಪಿಗೆ

​ಚರ್ಮಕ್ಕೆ ಸ್ಕ್ರಬ್

​ಪಾತ್ರೆಗಳನ್ನು ಶುಚಿ ಮಾಡಿ

ಮುಂದಿನ ಲೇಖನ