ನೀವು ಯಾವಾಗಲೂ ಬಳಸುವ ಹೆಂಚನ್ನು ಬಳಸಿ
ಮೊಟ್ಟೆಯನ್ನು ಆಮ್ಲೆಟ್, ಅಥವಾ ಬುರ್ಜಿ ಮಾಡುವಾಗ ನೀವು ನಿತ್ಯ ಬಳಸುವ ಹೆಂಚನ್ನು ಬಳಸುವುದು ಸೂಕ್ತ. ಏಕೆಂದರೆ ಯಾವ ಹದದಲ್ಲಿ ಬೇಯಿಸಿದರೆ ಹೇಗೆ ಫ್ರೈ ಆಗುತ್ತದೆ ಎಂಬುದು ನಿಮಗೆ ತಿಳಿದಿರುತ್ತದೆ. ಮಾರುಕಟ್ಟೆಯಲ್ಲಿ ವಿವಿಧ ಬಗೆಯ ಕಬ್ಬಿಣದ ಹೆಂಚುಗಳು ಲಭ್ಯವಿವೆ. ಹಾಗಾಗಿ ನಿಮಗೆ ಸೂಕ್ತ ಎನಿಸಿದ್ದನ್ನು ಆಯ್ದುಕೊಳ್ಳಿ.
ಎಣ್ಣೆ ಹಾಕದೆ ಹೆಂಚನ್ನು ಬಿಸಿ ಮಾಡಿ
ಕಬ್ಬಿಣದ ಹೆಚ್ಚು ಹೆಚ್ಚು ಭಾರವಾಗಿರುತ್ತದೆ. ಇದರಲ್ಲಿ ದೊಡ್ಡ ಮಟ್ಟದ ಆಹಾರವನ್ನು ಬೇಯಿಸಬಹುದು. ಕಬ್ಬಿಣದ ಹೆಂಚು ಸಂಪೂರ್ಣವಾಗಿ ಬಿಸಿಯಾಗಲು ಹೆಚ್ಚು ಸಮಯ ಬೇಕಾಗುತ್ತದೆ. ಒಂದು ಸಾರಿ ಬಿಸಿಯಾದರೆ ದೀರ್ಘಕಾಲದವರೆಗೆ ಅದರ ಮೇಲೆ ಕುಕ್ ಮಾಡಬಹುದು. ಹಾಗಾಗಿ ಹೆಂಚನ್ನು ಬಿಸಿ ಮಾಡುವ ಮೊದಲು ಎಣ್ಣೆ ಇಲ್ಲದೆ ಹೆಚ್ಚು ಕಾಲ ಒಲೆ ಮೇಲೆ ಇಡಿ.
ನಿಮ್ಮ ಆಹಾರದ ರುಚಿಯನ್ನು ಹೆಚ್ಚಿಸಲು ಐದು ಸುಲಭ ಟಿಪ್ಸ್
ಎಣ್ಣೆ ಹಾಕಿದ ತಕ್ಷಣವೇ ಕುಕ್ ಮಾಡಬೇಡಿ
ನೀವು ಬಿಸಿಯಾದ ಕಬ್ಬಿಣದ ತವಾ ಮೇಲೆ ಎಣ್ಣೆ ಹಾಕಿದ ತಕ್ಷಣವೇ ಅಂಟಿಲ್ಲದ ಮೇಲ್ಪದರ ಲಭ್ಯವಾಗುತ್ತದೆ. ಬಿಸಿಯಾದ ನಂತರ ಎಣ್ಣೆ ಹಾಕುವುದರಿಂದ ಯಾವುದೇ ಲೋದ ಹೆಂಚಾದರೂ ಈ ರೀತಿ ಅಂಟಿಲ್ಲದ ಮೇಲ್ಪದರ ಸಿಗುತ್ತದೆ. ಹೆಂಚು ಬಿಸಿಯಾದ ಮೇಲೆ ಬೆಣ್ಣೆ, ಸೂರ್ಯಕಾಂತಿ ಎಣ್ಣೆ, ತೆಂಗಿನೆಣ್ಣೆ, ತುಪ್ಪ ಮೊದಲಾದವುಗಳನ್ನು ಹಾಕಬಹುದು. ಆದರೆ, ಹೆಂಚಿನ ಮೇಲೆ ಎಣ್ಣೆ ಪದಾರ್ಥ ಹಾಕಿದ ನಂತರ ಸ್ವಲ್ಪ ಕಾಲ ಹಾಗೇ ಬಿಡುವುದು ಉತ್ತಮ.
ಮೊಟ್ಟೆ ಹಾಕಿದ ಮೇಲೆ ಸ್ಟೌನ ಕಾವು ಕಡಿಮೆ ಮಾಡಿ
ಕಬ್ಬಿಣದ ಹೆಂಚು ಹೆಚ್ಚು ಕಾಲ ಕಾವನ್ನು ಹಾಗೇ ಕಾಪಾಡುತ್ತದೆ. ಮೊದಲೇ ಬಿಸಿಯಾಗಿರುವ ಹೆಂಚಿನ ಮೇಲೆ ಮೊಟ್ಟೆ ಹಾಕುವುದಿರಿಂದ ಅದು ಹೆಚ್ಚು ಬೇಯಬಹುದು. ಫ್ರೈ, ಆಮ್ಲೆಟ್ ಏನೇ ಮಾಡಿದರೂ ಮೊಟ್ಟೆಯನ್ನು ತವಾ ಮೇಲೆ ಹಾಕಿದ ತಕ್ಷಣವೇ ಕಾವನ್ನು ಕಡಿಮೆ ಮಾಡಿ ಆಗ ಒಂದು ಹದವಾಗಿ ಮೊಟ್ಟೆಯು ಬೇಯುತ್ತದೆ. ಮೊಟ್ಟೆಯಲ್ಲಿರುವ ಪ್ರೋಟೀನ್ ಅಂಶವೂ ಹಾಗೇ ಉಳಿಯುತ್ತದೆ. ಇದು ಹೆಂಚಿಗೆ ಮೊಟ್ಟೆಯು ಕಚ್ಚಿಕೊಳ್ಳುವುದನ್ನೂ ತಪ್ಪಿಸುತ್ತದೆ.
To Read in English Click: Must follow steps while cooking eggs in cast iron