ಹಾಳಾದ ಚೀಸ್
ಹಾಳಾದ ಅಥವಾ ಅತ್ಯಂತ ಹಳೆಯ ಚೀಸ್ ಅನ್ನು ಅದರ ಮೇಲೆ ಕಾಣುವ ಬಿಳಿಯ ಶಿಲೀಂಧ್ರಗಳ ಆಧಾರದ ಮೇಲೆ ಹಾಳಾಗಿದೆ ಎಂದು ಹೇಳಲಾಗುವುದು. ಅದು ಸುಲಭವಾಗಿ ಕಂಡುಹಿಡಿಯುವ ಒಂದು ವಿಧಾನ. ಆದರೆ ಈ ಹಂತವು ಅತಿಯಾಗಿ ಹಾಳಾಗಿರುವ ಚೀಸ್ ಅನ್ನು ಗುರುತಿಸುವ ವಿಧಾನ ಅಷ್ಟೆ. ಈ ಹಂತಕ್ಕೂ ಮೊದಲೇ ಹಾಳಾದ ಚೀಸ್ ಅನ್ನು ಗುರುತಿಸಿ, ಅದರ ಬಳಕೆಯನ್ನು ಮಾಡಬಾರದು. ಹಾಳಾದ ಚೀಸ್ ಆರೋಗ್ಯಕ್ಕೆ ಉತ್ತಮವಾದುದ್ದಲ್ಲ. ಅದರಿಂದ ಕೆಲವು ಅನಾರೋಗ್ಯ ಉಂಟಾಗುವ ಸಾಧ್ಯತೆಗಳು ಇರುತ್ತವೆ.
ವಾಸನೆಯನ್ನು ಗಮನಿಸುವುದು
ಹಾಳಾದ ವಸ್ತುವು ತಮ್ಮ ಮೂಲ ಪರಿಮಳವನ್ನು ಕಳೆದುಕೊಂಡಿರುತ್ತವೆ. ಅಂತೆಯೇ ತಾಜಾತನದಿಂದ ಕೂಡಿರುವ ಚೀಸ್ ವಿಶೇಷ ಪರಿಮಳದಿಂದ ಕೂಡಿರುತ್ತದೆ. ಅಂತಹ ಪರಿಮಳವನ್ನು ಹೊಂದಿಲ್ಲ ಎಂದಾದರೆ ಚೀಸ್ ಹಾಳಾಗಿರುತ್ತದೆ ಎನ್ನುವುದನ್ನು ನಿರ್ಧರಿಸಬಹುದು. ಕೆಲವೊಮ್ಮೆ ಫ್ರಿಜ್ ಅಥವಾ ಡಬ್ಬದಲ್ಲಿ ಇರಿಸಿದಾಗ ಆ ಪಾತ್ರೆಯ ಪರಿಮಳವು ಚೀಸ್ಗೆ ಹಿಡಿದುಕೊಳ್ಳಬಹುದು. ಆದರೆ ತಾಜಾತನದಿಂದ ಇರುವಾಗ ಚೀಸ್ನ ನೈಜ ಪರಿಮಳ ಹಾಳಾಗದೆ ಇರುತ್ತದೆ. ಅದರ ಆಧಾರದ ಮೇಲೆ ಸುಲಭವಾಗಿ ಚೀಸ್ ಹಾಳಾಗಿದೆಯೇ? ಇಲ್ಲವೇ ಎನ್ನುವುದನ್ನು ಪರಿಶೀಲಿಸಬಹುದು.
ಬೆಣ್ಣೆಯ ಪ್ರಯೋಜನಗಳು ಯಾವುವು? ಮನೆಯಲ್ಲಿ ತಯಾರಿಸುವುದು ಹೇಗೆ ?
ಬಣ್ಣವನ್ನು ಗಮನಿಸುವುದು
ಚೀಸ್ನ ತಾಜಾತನವನ್ನು ಅದರ ಬಣ್ಣದ ಮೇಲೆಯೂ ನಿರ್ಧರಿಸಬಹುದು. ಚೀಸ್ನ ಬಣ್ಣವು ಕಪ್ಪಾಗಿದ್ದರೆ ಅಥವಾ ನೈಜ ಬಣ್ಣವನ್ನು ಕಳೆದುಕೊಳ್ಳುತ್ತಿದ್ದರೆ, ಚೀಸ್ನ ಕೆಲವು ಭಾಗದಲ್ಲಿ ಬಣ್ಣಗಳು ಮರೆಯಾಗುತ್ತಿದೆ ಎಂದು ಕಂಡು ಬಂದರೆ ಅದು ಹಾಳಾಗಿದೆ ಎಂದು ತಿಳಿಯಬಹುದು. ಅಂತೆಯೇ ಚೀಸ್ನ ಮೇಲ್ಭಾಗ ತೆಳ್ಳಗಾಗಿರುವುದು ಅಥವಾ ಹಾಳಾಗಿ ಉಬ್ಬಿರುವಂತೆ ಕಂಡು ಬಂದರೆ ಅದನ್ನು ಬಳಸಬಾರದು. ಚೀಸ್ ಕತ್ತರಿಸಿದಾಗ ಅದರ ಒಳ ಭಾಗದಲ್ಲಿ ಬಣ್ಣ ಬದಲಾಗಿರುವುದು ಅಥವಾ ಹಾಳಾಗಿರುವಂತೆ ಕಂಡು ಬಂದರೆ ಅದನ್ನು ಬಳಸದೆ ಇರುವುದು ಉತ್ತಮ.
ಶುಂಠಿಯನ್ನು ಕೆಡದಂತೆ ದೀರ್ಘಕಾಲದವರೆಗೂ ಇರಿಸುವ ಟಿಪ್ಸ್
ರುಚಿಯನ್ನು ನೋಡುವುದು
ಕೆಲವು ಚೀಸ್ಗಳ ಮೇಲ್ಮೈ ಮೇಲೆ ಬೇರೆ ಬೇರೆ ಬಣ್ಣಗಳನ್ನು ಲೇಪನ ಮಾಡಲಾಗಿರುತ್ತದೆ. ಅಂತಹ ಸಮಯದಲ್ಲಿ ಈ ಮೇಲೆ ಹೇಳಿರುವ ಮಾದರಿಯಲ್ಲಿ ಅಥವಾ ಕ್ರಮದಲ್ಲಿ ಚೀಸ್ ಹಾಳಾಗಿದೆಯೇ ಎನ್ನುವುದನ್ನು ತಿಳಿಯಲು ಸ್ವಲ್ಪ ಕಷ್ಟವಾಗುವುದು. ಹಾಗಾಗಿ ಚೀಸ್ನ ಸಣ್ಣ ತುಂಡನ್ನು ತಿಂದು ತಾಜಾತನದಿಂದ ಕೂಡಿದೆಯೇ? ಇಲ್ಲವೇ? ಎನ್ನುವುದನ್ನು ತಿಳಿಯಬೇಕು. ಹಾಗಂತ ದೊಡ್ಡ ತುಂಡನ್ನು ತಿಂದು ನೋಡಬಾರದು. ಹಾಳಾದ ಚೀಸ್ ಜೀರ್ಣ ಕ್ರಿಯೆ ಹಾಗೂ ಆರೋಗ್ಯದ ಮೇಲೆ ಗಂಭೀರ ಸಮಸ್ಯೆಯನ್ನು ಉಂಟುಮಾಡುವುದು. ಚೀಸ್ ರುಚಿಯಲ್ಲಿ ಹುಳಿ, ಕಹಿ ಅಥವಾ ಇನ್ಯಾವುದೇ ಒಗರು ರುಚಿಯನ್ನು ಹೊಂದಿದ್ದರೆ ಅದನ್ನು ಯಾವುದೇ ಕಾರಣಕ್ಕೂ ಬಳಸಬಾರದು. ಅಂತಹ ಚೀಸ್ ಹಾಳಾಗಿದೆ ಎನ್ನುವುದನ್ನು ತೋರುತ್ತದೆ.
ಚೀಸ್ ಬಗ್ಗೆ ತಿಳಿಯಬೇಕಾದ ಸಂಗತಿ
ಹಿತ-ಮಿತವಾಗಿ ಚೀಸ್ ಸೇವಿಸಿದರೆ ದೇಹಕ್ಕೆ ಅಗತ್ಯವಾದ ಕೊಬ್ಬು ಹಾಗೂ ಪೋಷಣೆ ದೊರೆಯುವುದು. ಚೀಸ್ ಅನ್ನು ಬಳಸುವಾಗ ಅದನ್ನು ತಾಯಾರಿಸಿದ ಅವಧಿ ಹಾಗೂ ಅದರ ತಾಜಾತನ ಇರುವ ಸಮಯವನ್ನು ಮೊದಲು ತಿಳಿಯಬೇಕು. ತಾಜತನದಿಂದ ಕೂಡಿರುವಾಗಲೇ ಚೀಸ್ ಸವಿಯುವುದನ್ನು ಮರೆಯಬಾರದು. ದೀರ್ಘ ಸಮಯಗಳ ಕಾಲ ಶೇಖರಿಸಿ ಇಡುವುದು, ನಂತರ ಬಳಕೆ ಮಾಡುವುದು ನಿಮ್ಮ ಆರೋಗ್ಯಕ್ಕೆ ಹಾನಿಯನ್ನು ಉಂಟುಮಾಡುವುದು. ಡೈರಿ ಉತ್ಪನ್ನಗಳು ಬಹುಬೇಗ ಕೆಡುವುದರಿಂದ ಆದಷ್ಟು ಅದು ಸಿದ್ಧವಾದ ಅವಧಿಯಲ್ಲಿಯೇ ಬಳಸುವುದನ್ನು ರೂಢಿಸಿಕೊಳ್ಳಬೇಕು. ಅದು ಉತ್ತಮವಾಗಿದೆಯೇ ಎನ್ನುವುದನ್ನು ತಿಳಿಯಲು ಕೆಲವು ಸಂಯೋಜನೆ ಹಾಗೂ ಕ್ರಮಗಳ ಮೂಲಕ ಸ್ವಯಂ ಪರೀಕ್ಷೆ ಮಾಡಿಕೊಳ್ಳಬೇಕು. ಆಗ ನಿಮ್ಮ ಚೀಸ್ನ ಆಯ್ಕೆ ಹಾಗೂ ಅದರ ಬಳಕೆಯ ಮಾರ್ಗವು ಉತ್ತಮವಾಗಿ ಇರುತ್ತದೆ.
To read in English Click: How to know if cheese is stale?