ಭಾರತದ ಎಫ್ ಎಸ್ ಎಸ್ ಐ ಐ ಅಥವಾ ಫುಡ್ ಸೇಫ್ಟಿ ಅಂಡ್ ಸ್ಟಾಂಡರ್ಡ್ಸ್ ಆಥಾರಿಟಿ ಆಫ್ ಇಂಡಿಯಾ (ಭಾರತದ ಆಹಾರ ಸುರಕ್ಶತೆ ಮತ್ತು ಗುಣಮಟ್ಟ ಪ್ರಾಧಿಕಾರ) ವಿಭಾಗ ಸಾರ್ವಜನಿಕರಲ್ಲಿ ಕಳಪೆ ಮತ್ತು ಕಲಬೆರಕೆ ಹಾಗೂ ನಕಲಿ ಉತ್ಪನ್ನಗಳನ್ನು ಗುರುತಿಸಲು ಸೂಕ್ತ ತಿಳಿವಳಿಕಾ ಮಾಲಿಕೆಗಳನ್ನು ಪ್ರಕಟಿಸಿ ಅರಿವು ಮೂಡಿಸುತ್ತಿದೆ. ಕಲಬೆರೆಕೆ ಆಗಿದ್ದರೆ, ಇದಕ್ಕೆ ಯಾವ ರಾಸಾಯನಿಕವನ್ನು ಬಳಸುತ್ತಾರೆ ಹಾಗೂ ಇದನ್ನು ಪರೀಕ್ಷಿಸುವುದು ಹೇಗೆ ಎಂಬುದನ್ನೂ ಪ್ರಾತಕ್ಷಿಕೆಯ ಮೂಲಕ ವಿವರಿಸುತ್ತಾರೆ.
ಕೃತಕ ಬಣ್ಣ
ಜನಹಿತದ ದೃಷ್ಟಿಯಿಂದ ಈ ಕಾರ್ಯಕ್ರಮಗಳು ಅತ್ಯಂತ ಶ್ಲಾಘನೀಯವಾಗಿವೆ ಹಾಗೂ ಪ್ರತಿ ವಾರವೂ ಈ ವಿಭಾಗ ಹೊಸ ಹೊಸ ವಿಷಯಗಳನ್ನು ಪ್ರಕಟಿಸುತ್ತಿದೆ. ಇಂದಿನ ವಾರ ನಾವು ಬಳಸುತ್ತಿರುವ ಅಡುಗೆ ಎಣ್ಣೆಯಲ್ಲಿ ಕಲಬೆರೆಕೆಯಾದರೆ ಇದನ್ನು ಹೇಗೆ ಕಂಡುಕೊಳ್ಳುವುದು ಎಂಬುದನ್ನು ವೀಡಿಯೋ ಪ್ರಾತ್ಯಕ್ಷಿಕೆಯ ಮೂಲಕ ವಿವರಿಸಲಾಗಿದೆ. ನೀವು ಕೊಂಡಿರುವ ಅಡುಗೆ ಎಣ್ಣೆ ಹೊಂಬಣ್ಣ ಪಡೆದು ಅತ್ಯಂತ ನೈಸರ್ಗಿಕ ಎಂಬ ಭಾವನೆ ಮೂಡಿಸಿದ್ದರೆ, ಇದಕ್ಕೆ ಇದರಲ್ಲಿ ಬೆರೆಸಿರುವ 'ಮೆಟಾನಿಲ್ ಎಲ್ಲೋ' ಎಂಬ ಕೃತಕ ಬಣ್ಣ ಕಾರಣವಾಗಿರಬಹುದು. ಈ ರಾಸಾಯನಿಕವನ್ನು ಭಾರತ ಸರ್ಕಾರ ಈಗಾಗಲೇ ನಿಷೇಧಿಸಿದ್ದು, ಇದನ್ನು ಬೆರೆಸಿರುವ ಉತ್ಪನ್ನಗಳೂ ಕಾನೂನು ಪ್ರಕಾರ ನಿಷೇಧಿಸಲ್ಪಡುತ್ತವೆ. ಆದರೆ, ಕಾನೂನಿನ ಕಣ್ಣು ತಪ್ಪಿಸಿ ಮಾರುಕಟ್ಟೆಗೆ ಅಗ್ಗದ ಬೆಲೆ ಮತ್ತು ಹೊಂಬಣ್ಣ ಪಡೆದು ಬಂದಿರುವ ಈ ಎಣ್ಣೆಗಳನ್ನೇನಾದರೂ ನೀವು ಕೊಂಡು ತಂದಿದ್ದರೆ, ಈ ಸರಳ ಕ್ರಮದಿಂದ ಕಲಬೆರಕೆ ಆಗಿದೆಯೇ ಇಲ್ಲವೇ ಎಂಬುದನ್ನು ಪರೀಕ್ಷಿಸಬಹುದು.
ಈ ಪರೀಕ್ಷೆಯ ಹಂತಗಳನ್ನು ಗಮನಿಸೋಣ
1. ಒಂದು ಪ್ರಣಾಳದಲ್ಲಿ ಒಂದು ಮಿಲಿ ಲೀಟರ್ ಎಣ್ಣೆಯನ್ನು ಸಂಗ್ರಹಿಸಿ.
2. ಇದಕ್ಕೆ ನಾಲ್ಕು ಮಿಲಿಲೀಟರ್ ಭಟ್ಟಿ ಇಳಿಸಿದ (ಡಿಸ್ಟಿಲ್ಡ್) ನೀರನ್ನು ಬೆರೆಸಿ ಪ್ರಣಾಣವನ್ನು ಚೆನ್ನಾಗಿ ಅಲುಗಿಸಿ ಮಿಶ್ರಣ ಮಾಡಿ.
3. ಇದರಲ್ಲಿ ಎರಡು ಮಿಲಿ ಲೀಟರ್ ನಷ್ಟು ದ್ರವವನ್ನು ಇನ್ನೊಂದು ಪ್ರಣಾಳಕ್ಕೆ ಹಾಕಿ. ಇದಕ್ಕೆ ಎರಡು ಮಿಲಿ ಲೀಟರ್ ನಷ್ಟು ಸಾಂದ್ರೀಕೃತ ಹೈಡ್ರೋಕ್ಲೋರೈಡ್ ಆಮ್ಲವನ್ನು (ಕಾನ್ಸನ್ಟ್ರೇಟೆಡ್ ಹೆಚ್ ಸಿ ಎಲ್) ಹಾಕಿ ಕಲಕಿ.
4. ಒಂದು ವೇಳೆ ಎಣ್ಣೆಯಲ್ಲಿ ಕಲಬೆರಕೆ ಆಗದೇ ಇದ್ದಿದ್ದರೆ, ಮೇಲ್ಭಾಗದಲ್ಲಿ ತೇಲುತ್ತಿರುವ ಎಣ್ಣೆಯ ಪದರದಲ್ಲಿ ಯಾವುದೇ ಬದಲಾಣವೆ ಇರುವುದಿಲ್ಲ
5. ಒಂದು ವೇಳೆ ಕಲಬೆರಕೆ ಆಗಿದ್ದರೆ ಮೇಲಿನ ಪದರದ ಬಣ್ಣ ಬದಲಾಗುತ್ತದೆ, ಚಿತ್ರ ಗಮನಿಸಿ.
ನೀವು ಕೊಳ್ಳುವ ಬೆಲ್ಲ ಶುದ್ಧ ಬೆಲ್ಲವೋ ಅಲ್ಲವೋ ಕಂಡುಹಿಡಿಯುವುದು ಹೇಗೆ?
ಮೆಟಾನಿಲ್ ಎಲ್ಲೋ ಕೃತಕ ಬಣ್ಣದ ಅಡ್ಡ ಪರಿಣಾಮಗಳು)
ತಜ್ಞರ ಪ್ರಕಾರ, ಮೆಟಾನಿಲ್ ಎಲ್ಲೋ ಎಂಬುದು ಹಿಂದೆ ಭಾರತದಲ್ಲಿ ವ್ಯಾಪಕವಾಗಿ ಅಡುಗೆಗೆ ಹೊಂಬಣ್ಣ ಬರಲೆಂದು ಬಳಸಲಾಗುತ್ತಿದ್ದ ಕೃತಕ ಬಣ್ಣಕಾರಕವಾಗಿದೆ. ಈಗ ಇದನ್ನು ನಿಷೇಧಿಸಲಾಗಿದೆ. ರಾಷ್ಟ್ರೀಯ ಔಷಧೀಯ ಗ್ರಂಥಾಲಯ (ನ್ಯಾಶನಲ್ ಲೈಬ್ರರಿ ಆಫ್ ಮೆಡಿಸಿನ್) ಪ್ರಕಾರ, ಈ ರಾಸಾಯನಿಕ ಮಾನವರ ಸೇವೆಗೆ ಅರ್ಹವಲ್ಲ.
ಜನವರಿ 1993 ರಲ್ಲಿ ಫುಡ್ ಕೆಮಿಸ್ಟ್ರಿ ಅಂಡ್ ಟಾಕ್ಸಿಕಾಲಜಿ ಎಂಬ ವೈದ್ಯಕೀಯ ಮಾಧ್ಯಮದಲ್ಲಿ ಪ್ರಕಟವಾದ ಅಧ್ಯಯನ ವರದಿಯ ಪ್ರಕಾರ, ಪ್ರಾಣಿಗಳ ಮೇಲೆ ನಡೆಸಿದ ಪ್ರಯೋಗಗಳಿಂದ ದೀರ್ಘಕಾಲೀನ ಸೇವನೆ ಹಾಗೂ ದೇಹದಲ್ಲಿ ಸೆರೋಟೋನಿನ್, ಡೋಪಮೈನ್ ಹಾಗೂ ನೋರಾಡ್ರಿನಲಿನ್ ಎಂಬ ರಸದೂತಗಳು ಮೆದುಳಿನಲ್ಲಿ ಸ್ರವಿಸುವ ಪ್ರಮಾಣದಲ್ಲಿ ಏರುಪೇರಾಗುತ್ತದೆ. ತನ್ಮೂಲಕ ಮೆದುಳಿನ ಕ್ಷಮತೆ ಕುಗ್ಗುತ್ತದೆ ಹಾಗೂ ಕಲಿಯುವಿಕೆ ಮತ್ತು ಅರಿವಿನ ಶಕ್ತಿ ಕುಂದುತ್ತದೆ.
ಅಂತಿಮ ತೀರ್ಮಾನ:
ಎಫ್ ಎಸ್ ಎಸ್ ಎ ಐ ಟ್ವಿಟರ್ ನಲ್ಲಿ ನೀಡಿರುವ ಹೇಳಿಕೆಯಪ್ರಕಾರ, ಹೈಡ್ರೋಕ್ಲೋರಿಕ್ ಆಮ್ಲ, ಈ ಎಣ್ಣೆಯಲ್ಲಿ ಬೆರೆತಿರುವ ಕೃತಕ ಬಣ್ಣವನ್ನು ಹೊರತೆಗೆಯುತ್ತದೆ ಹಾಗೂ ಇದು ಅಮ್ಲದಲ್ಲಿ ಬೆರೆಯುವ ಕಾರಣ ಮೇಲೆ ತೇಲುವ ಆಮ್ಲದ ಪದರದ ಬಣ್ಣ ಹಳದಿಯಾಗುತ್ತದೆ. ಆದರೆ, ಅಪ್ಪಟ ಎಣ್ಣೆಯಿಂದ ಯಾವುದೇ ಬಣ್ಣದ ಬದಲಾವಣೆಯಾಗುವುದಿಲ್ಲ.
ಅಡುಗೆ ಎಣ್ಣೆ ಅತಿ ಮಹತ್ವದ ಆಹಾರ ಪದಾರ್ಥವಾಗಿದ್ದು ಇದನ್ನು ಆಯ್ದುಕೊಳ್ಳುವಾಗ ಉತ್ತಮ ಗುಣಮಟ್ಟದ್ದನ್ನೇ ಕೊಳ್ಳಿ. ಆರೋಗ್ಯವನ್ನು ಪರಿಗಣಿಸಿದರೆ ಇವುಗಳು ಕೊಂಚ ದುಬಾರಿಯಾಗಿದ್ದರೂ ಸರಿ, ಆರೋಗ್ಯವೆಂಬ ಭಾಗ್ಯವನ್ನು ಉಳಿಸಿಕೊಳ್ಳುವ ಮೂಲಕ ಅಗ್ಗವೇ ಆಗಿರುತ್ತವೆ.
To Read in English Click: Is your cooking oil adulterated with dangerous metanil yellow colour?