ಮನೆಯಲ್ಲಿ ಮಾಡಿದ ಪೀನಟ್ ಬಟರ್ ಸೇವನೆಯಿಂದ ಆರೋಗ್ಯಕ್ಕೆ ಇಷ್ಟೆಲ್ಲಾ ಪ್ರಯೋಜನಗಳಿವೆ!

• 500 ಗ್ರಾಂ ಹುರಿದ ಕಡಲೆಕಾಯಿ
• 2 ಟೇಬಲ್ ಸ್ಪೂನ್ ಜೇನುತುಪ್ಪ
• ಒಂದು ಟೇಬಲ್ ಸ್ಪೂನ್ ಆಲಿವ್ ಎಣ್ಣೆ
• ಒಂದು ಚಿಟಿಕೆ ಉಪ್ಪು

ಸಾಮಾನ್ಯ ಲಿಂಬೆಯ ಅಸಾಮಾನ್ಯ ಪ್ರಯೋಜನಗಳು ನಿಮಗೆ ತಿಳಿದಿದೆಯೇ?

*ಮೊದಲನೆಯದಾಗಿ ಹುರಿದ ಕಡಲೆಕಾಯಿಯನ್ನು 4-5 ನಿಮಿಷಗಳ ಕಾಲ ಮಿಕ್ಸಿಯಲ್ಲಿ ಪುಡಿ ಮಾಡಿಟ್ಟುಕೊಳ್ಳಿ.

* ಈಗ ತರಿತರಿಯಾಗಿದ್ದ ಕಡಲೆಕಾಯಿಗಳು ನಯವಾಗಿ ಕೆನೆ ಬಣ್ಣಕ್ಕೆ ತಿರುಗುವುದನ್ನು ನೀವು ನೋಡಿರುತ್ತೀರಿ. ನಂತರ ಇದಕ್ಕೆ ಸ್ವಲ್ಪ ಜೇನುತುಪ್ಪ ಮತ್ತು ಆಲಿವ್ ಎಣ್ಣೆ ಬೆರೆಸಿ. ಒಂದು ಚಿಟಿಕೆ ಉಪ್ಪು ಕೂಡ ಸೇರಿಸಿ.

* ಈ ಬಟರ್ ಅನ್ನು ಫ್ರಿಜ್ ಅಥವಾ ಕೋಣೆಯ ಉಷ್ಣಾಂಶದಲ್ಲಿ ಸಂಗ್ರಹಿಸಿ.

* ನೀವು ಪೀನಟ್ ಬಟರ್ ಕುರುಕುಲಾಗಿ ಇರಬೇಕೆಂದು ಬಯಸಿದರೆ, ಸುಮಾರು 50 ಗ್ರಾಂ ಹುರಿದ ಕಡಲೆಕಾಯಿಯನ್ನು ಪಕ್ಕಕ್ಕೆ ಇರಿಸಿ ಮತ್ತು ರಫ್ ಆಗಿ ಪುಡಿ ಮಾಡಿ. ನೀವು ಇದನ್ನು ಬೇಕಾದರೆ ಕುಟ್ನಿ ಬಳಸಿ ಪುಡಿ ಮಾಡಬಹುದು. ಆ ನಂತರ ಇದನ್ನು ಸಂಗ್ರಹಿಸುವ ಮೊದಲು ಅದನ್ನು ಪೀನಟ್ ಬಟರ್’ಗೆ ಸೇರಿಸಿ.

ವ್ಯಾಯಾಮ ಮಾತ್ರ ನಿಮ್ಮ ತೂಕವನ್ನು ಕಡಿಮೆ ಮಾಡಲು ಸಾಧ್ಯವಿಲ್ಲ ಎಂದು ನಿಮಗೆ ಖಂಡಿತವಾಗಿ ತಿಳಿದಿರುತ್ತದೆ. ನೀವು ನಿಯಮಿತ ಆಹಾರವನ್ನು ಕೆಲವು ಆರೋಗ್ಯಕರ ಪರ್ಯಾಯಗಳೊಂದಿಗೆ ಬದಲಾಯಿಸುವುದರಿಂದಲೂ ತೂಕ ಕಡಿಮೆ ಮಾಡಿಕೊಳ್ಳಬಹುದು. ಹಾಗಾಗಿ ನೀವು ಪೀನಟ್ ಬಟರ್ ಸೇವಿಸುವುದರಿಂದ ಕೇವಲ ತೂಕವನ್ನು ಮಾತ್ರ ಕಳೆದುಕೊಳ್ಳುವುದಿಲ್ಲ, ಅದರ ಇತರ ಆರೋಗ್ಯ ಪ್ರಯೋಜನಗಳನ್ನು ಪಡೆಯುತ್ತೀರಿ. ಇದಲ್ಲದೆ, ಇದು ನಿಮ್ಮನ್ನು ಹೆಚ್ಚು ಸಂತೃಪ್ತಿಗೊಳಿಸಲು ಸಹಾಯ ಮಾಡುತ್ತದೆ. ಏಕೆಂದರೆ ಪೀನಟ್ ಬಟರ್ ಮೊನೊಸಾಚುರೇಟೆಡ್ ಕೊಬ್ಬು ಮತ್ತು ಪ್ರೋಟೀನ್’ನಿಂದ ಕೂಡಿರುತ್ತದೆ.

ಮನೆಯಲ್ಲಿಯೇ ಬೇಕಿಂಗ್ ಮಾಡುವವರಿಗೆ ಅವಶ್ಯಕವಿರುವ ಅಡುಗೆ ಸಾಮಗ್ರಿಗಳು

*ಪೀನಟ್ ಬಟರ್ ಶಕ್ತಿ ವರ್ಧಕ

* ಇದು ವ್ಯಕ್ತಿಯ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ. ಅಮೇರಿಕನ್ ಮೆಡಿಕಲ್ ಅಸೋಸಿಯೇಷನ್‌’ನ ಜರ್ನಲ್‌’ನಲ್ಲಿ ಪ್ರಕಟವಾದ ಅಧ್ಯಯನದ ಪ್ರಕಾರ, ಒಂದು ಟೇಬಲ್ ಸ್ಪೂನ್ ಪೀನಟ್ ಬಟರ್ ತಿನ್ನುವುದು ಮಧುಮೇಹದ ಅಪಾಯವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

*ನ್ಯೂಟ್ರಿಷನ್ ಅಂಡ್ ಕ್ಯಾನ್ಸರ್ ಜರ್ನಲ್’ನಲ್ಲಿ ಪ್ರಕಟವಾದ ಅಧ್ಯಯನದ ಪ್ರಕಾರ, ಪೀನಟ್ ಬಟರ್ ಸಹ ಒತ್ತಡವನ್ನು ನಿವಾರಿಸಲು ಸಹಾಯ ಮಾಡುತ್ತದೆ. ಇದರಲ್ಲಿ ಬೀಟಾ-ಸಿಟೊಸ್ಟೆರಾಲ್ ಇರುವಿಕೆಯು ಒಂದು ದೊಡ್ಡ ಪ್ರಯೋಜನವಾಗಿದೆ. ಏಕೆಂದರೆ ಇದು ನಿಮ್ಮ ದೇಹದಲ್ಲಿ ಕಾರ್ಟಿಸೋಲ್ ಉತ್ಪಾದನೆಯನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ.

* ಪೀನಟ್ ಬಟರ್ ನಿಮ್ಮ ಚರ್ಮ, ಕೂದಲು, ಕಣ್ಣು ಮತ್ತು ಮೆದುಳಿಗೆ ಒಳ್ಳೆಯದು. ಏಕೆಂದರೆ ಇದರಲ್ಲಿ ವಿಟಮಿನ್ ಇ ಇದೆ.

* ನೀವು ಫಿಟ್‌’ನೆಸ್ ಫ್ರೀಕ್ ಅಥವಾ ಕ್ರೀಡಾಪಟುವಾಗಿದ್ದರೆ, ನೀವು ಪೀನಟ್ ಬಟರ್ ಸೇವಿಸಬೇಕು, ಏಕೆಂದರೆ ಇದು ವೇಗವಾಗಿ ಸ್ನಾಯುಗಳ ಚೇತರಿಕೆಗೆ ಸಹಾಯ ಮಾಡುತ್ತದೆ.

* ಮೂಳೆಯ ಆರೋಗ್ಯವನ್ನು ಸುಧಾರಿಸಲು ಕ್ಯಾಲ್ಸಿಯಂ ನಿಮಗೆ ಸಹಾಯ ಮಾಡದಿದ್ದರೆ, ನಿಮ್ಮ ಆಹಾರದಲ್ಲಿ ಒಂದು ಚಮಚ ಪೀನಟ್ ಬಟರ್ ಸೇರಿಸಲು ಪ್ರಯತ್ನಿಸಿ. ಏಕೆಂದರೆ ಇದು ವಿಟಮಿನ್ ಕೆ ಅನ್ನು ಹೊಂದಿದ್ದು ಅದು ಕ್ಯಾಲ್ಸಿಯಂ ಅನ್ನು ಉತ್ತಮವಾಗಿ ಹೀರಿಕೊಳ್ಳಲು ಸಹಾಯ ಮಾಡುತ್ತದೆ.

ಹೀಗೆ ಈ 5 ನಿಮಿಷದ ರೆಸಿಪಿ ತಯಾರಿಸುವುದರಿಂದ ನಿಮ್ಮ ಆರೋಗ್ಯದಲ್ಲಿ ಎಂಥಹ ಸಕಾರಾತ್ಮಕ ಬದಲಾವಣೆಯನ್ನು ತರಬಹುದು ಅಲ್ಲವೇ? ಆದ್ದರಿಂದ, ಮತ್ತೇಕೆ ತಡ, ಇನ್ನು ಮುಂದೆ ಫಟಾ ಫಟ್ ಎಂದು ತಯಾರಿಸುವ ಈ ಪೀನಟ್ ಬಟರ್ ಸೇವಿಸಲು ಪ್ರಯತ್ನಿಸಿ.