ಸೌತೆಕಾಯಿ ಏಕೆ ಕಹಿಯಾಗಿರುತ್ತದೆ ಮತ್ತು ಅದರ ಕಹಿಯನ್ನು ತೆಗೆಯುವುದು ಹೇಗೆ ?

ಆಹಾರ ತಜ್ಞರ ಪ್ರಕಾರ, ಸೌತೆಕಾಯಿಯಲ್ಲಿ ಕೂಕು ಬಿಟಸಿನ್ ಗಳನ್ನು ಸೌತೆಕಾಯಿಯಿಂದ ತೆಗೆದು ಹಾಕಬೇಕು ಎಂದು ಸೂಚಿಸಲಾಗಿದೆ. ಏಕೆಂದರೆ ಇದರ ಸೇವನೆಯು ವ್ಯಕ್ತಿಯನ್ನು ಅನಾರೋಗ್ಯಕ್ಕೆ ದೂಡುತ್ತದೆ.ಆದ ಕಾರಣದಿಂದಲೇ ಸೌತೆಕಾಯಿಯ ಕಹಿಯನ್ನು ತೆಗೆದು ಸೇವಿಸುವುದು. ಸೌತೆಕಾಯಿಯಲ್ಲಿರುವ ಉತ್ತಮ ಅಂಶಗಳು ದೇಹದಲ್ಲಿನ ವಿಷಕಾರಿ ಅಂಶಗಳನ್ನು ತೆಗೆದು ಹಾಕಿ ಅನಾರೋಗ್ಯ ಸಮಸ್ಯೆಗಳನ್ನು ಕಡಿಮೆ ಮಾಡುತ್ತದೆ.

ಸಾಮಾನ್ಯವಾಗಿ ಸೌತೆಕಾಯಿಯಲ್ಲಿನ ಕಹಿಯನ್ನು ತೆಗೆದುಹಾಕುವ ಸಾಮಾನ್ಯ ವಿಧಾನವೆಂದರೆ ಅದರ ತುದಿಗಳನ್ನು ಉಜ್ಜಿ ತದನಂತರ ಅದನ್ನು ಹೊರಹಾಕುವುದು. ಈ ವಿಧಾನವನ್ನು ಮಾಡಲೂ ಸಾಮಾನ್ಯವಾಗಿ ನೀವು ಸೌತೆಕಾಯಿಯ ಎರಡು ಅಂಚುಗಳನ್ನು ಕತ್ತರಿಸಬೇಕು. ಸೌತೆಕಾಯಿಯ ಎರಡು ಬದಿಯಲ್ಲಿನ ಅಂಚುಗಳನ್ನು ಕತ್ತರಿಸಿದ ನಂತರ ಎರಡು ಬದಿಗಳಲ್ಲಿ ವೃತ್ತಾಕಾರವಾದ ಚಲನೆಯಲ್ಲಿ ಉಜ್ಜಿ. ನೀವು ಕೆಲವು ಸೆಕೆಂಡುಗಳ ಕಾಲ ಉಜ್ಜುವಿಕೆಯನ್ನು ಮುಂದುವರಿಸಿದಾಗ, ಸೌತೆಕಾಯಿಯ ಸುತ್ತಳತೆಯ ಮೇಲೆ ನೀವು ಬಿಳಿ ನೊರೆ ಪದಾರ್ಥವನ್ನು ನೋಡಿರುತ್ತೇವೆ. ಇದೇ ಪ್ರಕ್ರಿಯೆಯನ್ನು 30ರಿಂದ 50 ಸೆಕೆಂಡ್ಗಳ ಕಾಲ ಪುನರಾವರ್ತಿಸಿ.ನಿರಂತರ ಸೌತೆಕಾಯಿಯನ್ನು ಒಂದು ಬಾರಿ ಸ್ವಚ್ಛಗೊಳಿಸಿ ಅನಂತರದಲ್ಲಿ ಕತ್ತರಿಸಿ.

ಬಾಳೆಹಣ್ಣುಗಳು ಹಾಳಾಗದಂತೆ ನೋಡಿಕೊಳ್ಳಲು ಕೆಲವು ಟಿಪ್ಸ್‌ ಇಲ್ಲಿವೆ

ಉಪ್ಪು ಚಿಮುಕಿಸು ವಿಧಾನ ಪ್ರಮುಖವಾಗಿದೆ. ಕೆಲವರು ಉಪ್ಪಿಲ್ಲದೆ ಸೌತೆಕಾಯಿಯನ್ನು ಸೇವಿಸುವುದಿಲ್ಲ. ಇನ್ನು ಕೆಲವರು ಸೌತೆಕಾಯಿಯನ್ನು ಬರಿದಾಗಿಯೇ ಸೇವಿಸುವುದಕ್ಕೆ ಇಷ್ಟಪಡುತ್ತಾರೆ. ಈ ವಿಧಾನದಲ್ಲಿ, ನೀವು ಸೌತೆಕಾಯಿಯನ್ನು ಎರಡು ಭಾಗಗಳಾಗಿ ಉದ್ದವಾಗಿ ಕತ್ತರಿಸಬೇಕು. ನಂತರ, ಎರಡು ಭಾಗಗಳಲ್ಲಿ ಸ್ವಲ್ಪ ಉಪ್ಪು ಸಿಂಪಡಿಸಿ. ಉಪ್ಪನ್ನು ಸಿಂಪಡಿಸಿದ ನಂತರ ಸೌತೆಕಾಯಿಯ ಎರಡು ತುಂಡುಗಳನ್ನು ಪರಸ್ಪರ ವಿರುದ್ಧ ದಿಕ್ಕಿನಲ್ಲಿ ಉಜ್ಜಿರಿ.ಸೌತೆಕಾಯಿ ಗೆ ಉಪ್ಪನ್ನು ಸಿಂಪಡಿಸುವ ಸಂದರ್ಭದಲ್ಲಿ ನೀವು ಸ್ವಲ್ಪ ಎಚ್ಚರಿಕೆಯಿಂದ ಸಿಂಪಡಿಸುವುದು ಉತ್ತಮ. ಏಕೆಂದರೆ ಸೌತೆಕಾಯಿ ಗಾತ್ರದಲ್ಲಿ ಚಿಕ್ಕದಾಗಿರುವುರಿಂದ ಹೆಚ್ಚಿನ ಉಪ್ಪನ್ನು ಸಿಂಪಡಿಸಿದರೆ ಅದನ್ನು ಸೇವಿಸಲು ಯೋಗ್ಯವಾಗಿರುವುದಿಲ್ಲ. ಆದ್ದರಿಂದ ಅದಕ್ಕೆ ಎಷ್ಟು ಉಪ್ಪು ಸಾಧ್ಯವೋ ಅಷ್ಟನ್ನು ಬಳಸುವುದರಿಂದ ಅದರ ರುಚಿ ಮತ್ತಷ್ಟು ಹೆಚ್ಚಾಗುತ್ತದೆ.

ಇದು ಹೆಚ್ಚು ಜನಪ್ರಿಯವಲ್ಲದ ವಿಧಾನವಾಗಿದೆ.ಇದರಲ್ಲಿ ನೀವು ಸೌತೆಕಾಯಿಯ ತುದಿಗಳನ್ನು ಕತ್ತರಿಸಿ ಸುತ್ತಲೂ ಇರುವ ಸಿಪ್ಪೆಯನ್ನು ತೆಗೆಯಬೇಕು. ನೀವು ಸೌತೆಕಾಯಿಯನ್ನು ತುಂಡು ಮಾಡುವ ಮೊದಲು, ಒಂದು ಫೋರ್ಕ್ ಬಳಸಿ ಸೌತೆಕಾಯಿಯ ಸುತ್ತಲೂ, ಮೇಲೆ ಉದ್ದವಾಗಿ ಚುಚ್ಚಿ.ಈ ರೀತಿಯ ವಿಧಾನವನ್ನು ನೀವು ಅನುಸರಿಸಿದರೆ ರಾಸಾಯನಿಕ ಸಂಯುಕ್ತಗಳನ್ನು ಬಿಡುಗಡೆ ಮಾಡಲು ಸಹಾಯ ಮಾಡುತ್ತದೆ. ಸೌತೆಕಾಯಿಯನ್ನು ಸೇವಿಸುವ ಮೊದಲು ನೀವು ಈ ಪ್ರಕ್ರಿಯೆಯನ್ನು ಎರಡರಿಂದ ಮೂರು ಬಾರಿ ಪುನರಾವರ್ತಿಸಬೇಕು. ಎರಡರಿಂದ ಮೂರು ಬಾರಿ ಪುನರಾವರ್ತಿಸಿದಾಗ ಇದರಲ್ಲಿರುವ ಕಹಿ ಪ್ರಮಾಣ ಕಡಿಮೆಯಾಗುತ್ತದೆ.

ಮಸಾಲ ಪುಡಿಯನ್ನು ದೀರ್ಘಕಾಲ ಸಂಗ್ರಹಿಸುವುದು ಹೇಗೆ?

• ಸೌತೆಕಾಯಿಯಲ್ಲಿ ಶೇಕಡ 95ರಷ್ಟು ನೀರಿನ ಅಂಶವಿದ್ದು ಇದು ನಿಮ್ಮ ದೇಹವನ್ನು ನಿರ್ಜಲೀಕರಣವಾಗದಂತೆ ನೋಡಿಕೊಳ್ಳುತ್ತದೆ. ಇದು ನಮ್ಮ ದೇಹದಲ್ಲಿ ನೀರಿನಂಶ ಹೆಚ್ಚಾಗಿರುವಂತೆ ನೋಡಿಕೊಳ್ಳುತ್ತದೆ.
• ಅಜೀರ್ಣ ಸಮಸ್ಯೆ ನಿವಾರಣೆಗೆ ಸೌತೆಕಾಯಿ ಉತ್ತಮವಾದ ಆಹಾರವಾಗಿದೆ.ಅಜೀರ್ಣದ ಸಮಸ್ಯೆ ಇರುವವರು ಸೌತೆಕಾಯಿಯನ್ನು ಪ್ರತಿನಿತ್ಯ ಸೇವಿಸುವುದರಿಂದ ಅಜೀರ್ಣದ ಸಮಸ್ಯೆ ನಿವಾರಣೆಯಾಗಿ ಜೀರ್ಣಕ್ರಿಯೆ ಸರಾಗವಾಗುತ್ತದೆ.
• ಸೌತೆಕಾಯಿಯನ್ನು ಸೇವಿಸುವುದರಿಂದ ಆರೋಗ್ಯ ಉತ್ತಮವಾಗಿ ಇರುವುದರ ಜೊತೆಗೆ, ಇದು ಸೌಂದರ್ಯವರ್ಧಕವಾಗಿ ಸಹ ಕೆಲಸ ಮಾಡುತ್ತದೆ.ಸೌತೆಕಾಯಿಯನ್ನು ಪೇಸ್ಟ್ ಮಾಡಿಕೊಂಡು ಮುಖಕ್ಕೆ ಲೇಪಿಸುವುದರಿಂದ ಸೂರ್ಯನ ಕಿರಣಗಳಿಗೆ ಮುಖದ ಚರ್ಮ ಕಪ್ಪಾಗಿದ್ದರೆ ಸೌತೆಕಾಯಿಯಲ್ಲಿ ಇರುವ ಗುಣವು ಕಲೆಗಳನ್ನು ಕಡಿಮೆ ಮಾಡುವ ಶಕ್ತಿಯನ್ನು ಹೊಂದಿದೆ.
• ಕಣ್ಣನ್ನು ತಂಪಾಗಿಸಲು ಸೌತೆಕಾಯಿಯನ್ನು ಬಳಸಬಹುದು.ಕಣ್ಣು ಉರಿಯಾದಾಗ ಸೌತೆಕಾಯಿಯನ್ನು ವೃತ್ತಾಕಾರವಾಗಿ ಕತ್ತರಿಸಿ ಕೊಂಡು ಕಣ್ಣಿನ ಮೇಲೆ ಅರ್ಧ ಗಂಟೆಗಳ ಕಾಲ ಇಟ್ಟುಕೊಳ್ಳುವುದರಿಂದ ಕಣ್ಣು ತಂಪಾಗುತ್ತದೆ.ಇದರ ಜೊತೆಗೆ ಕಣ್ಣಿನ ಸುತ್ತ ಇರುವ ಕಪ್ಪು ಕಲೆಗಳು ಕೂಡ ಮಾಯವಾಗುತ್ತದೆ.
• ದೇಹದ ತೂಕ ನಿಯಂತ್ರಿಸಲು ಸೌತೆಕಾಯಿ ಸಹಕಾರಿಯಾಗಿದೆ. ಸೌತೆಕಾಯಿಯಲ್ಲಿ ಹೆಚ್ಚಿನ ನೀರಿನ ಅಂಶವಿದೆ. ಇದು ಕಡಿಮೆ ಕ್ಯಾಲೋರಿಗಳನ್ನು ಹೊಂದಿರುವ ತರಕಾರಿಯಾಗಿದೆ.ಆದ್ದರಿಂದ ಸೌತೆಕಾಯಿಯ ಬಳಕೆ ಹೆಚ್ಚಿಸುವುದರಿಂದ ಇದು ದೇಹದಲ್ಲಿನ ಕೊಲೆಸ್ಟ್ರಾಲ್ ಪ್ರಮಾಣವನ್ನು ಕಡಿಮೆ ಮಾಡುತ್ತದೆ. ಇದರಿಂದ ನಿಮ್ಮ ದೇಹದ ತೂಕವೂ ಸಹ ಕಡಿಮೆಯಾಗುತ್ತದೆ.ತೂಕ ಇಳಿಸಬೇಕೆಂಬ ಪ್ರಯತ್ನದಲ್ಲಿರುವವರು ಸೌತೆಕಾಯಿಯನ್ನು ಸೇವಿಸುವುದರಿಂದ ತೂಕ ಕಡಿಮೆ ಮಾಡಿಕೊಳ್ಳಬಹುದು.

ಇಷ್ಟೆಲ್ಲಾ ಉತ್ತಮ ಗುಣಗಳನ್ನು ಹೊಂದಿರುವ ಸೌತೆಕಾಯಿಯನ್ನು ನಿಮ್ಮ ದಿನನಿತ್ಯದ ಆಹಾರದ ಜೊತೆ ಸೇವಿಸಿ ,ಉತ್ತಮ ಲಾಭಗಳನ್ನು ಪಡೆದುಕೊಳ್ಳಿ. ಕೆಲವರು ಸೌತೆಕಾಯಿಯನ್ನು ತಿನ್ನುವ ಅಭ್ಯಾಸವನ್ನು ಹೊಂದಿರುವುದಿಲ್ಲ.ಸೌತೆಕಾಯಿ ತಿನ್ನುವ ಅಭ್ಯಾಸ ವಿಲ್ಲದಿದ್ದರೆ ಈ ಲೇಖನವನ್ನು ಓದಿದ ನಂತರವಾದರೂ ಇದರಲ್ಲಿರುವ ಉತ್ತಮ ಗುಣಗಳನ್ನು ಪಡೆಯುವುದಕ್ಕೋಸ್ಕರ ಸೌತೆಕಾಯಿಯನ್ನು ತಿನ್ನುವುದನ್ನು ಅಭ್ಯಾಸ ಮಾಡಿಕೊಳ್ಳಿ. ಸೌತೆಕಾಯಿಯನ್ನು ಸೇವಿಸುವುದರಿಂದ ನಿಮ್ಮ ದೇಹವು ಹೈಡ್ರೀ ಕರಣದಲ್ಲಿ ಇರುವಂತೆ ಇದು ನೋಡಿಕೊಳ್ಳುತ್ತದೆ.ಏಕೆಂದರೆ ಸೌತೆಕಾಯಿಯಲ್ಲಿ ಶೇಕಡ 95ರಷ್ಟು ನೀರಿನ ಅಂಶವಿದೆ ಇದು ನಿಮ್ಮ ದೇಹವನ್ನು ಸಮಸ್ಥಿತಿಯಲ್ಲಿ ಇಡುತ್ತದೆ.

To Read in English Click: Why cucumber is bitter and how to remove its bitterness