ಈ ಸಂದರ್ಭದಲ್ಲಿ ಪ್ರತಿಯೊಬ್ಬರಲ್ಲಿ ಸ್ವಾತಂತ್ರ್ಯದ ಭಾವನೆ ಮೂಡುವುದು ಬಹಳ ಅಗತ್ಯವಾಗಿದೆ. ಅದಕ್ಕಾಗಿ ನಮ್ಮ ಮನೆಯ ಅಲಂಕಾರ ವನ್ನು ನಾವು ನಮ್ಮ ಭಾರತದ ಬಾವುಟದ ಪ್ರತೀಕವಾಗಿ ಮಾಡಬಹುದು. ಬಾವುಟದಲ್ಲಿರುವ ಒಂದೊಂದು ಬಣ್ಣ ಕೂಡ ಒಂದೊಂದು ವಿಚಾರವನ್ನು ಸಾರಿ ಹೇಳುತ್ತದೆ.
ಮೂರು ಬಣ್ಣದ ಹೂವುಗಳ ಅಲಂಕಾರ
ನಮ್ಮ ಭಾರತದ ಸ್ವಾತಂತ್ರ್ಯೋತ್ಸವವನ್ನು 15ನೇ ಆಗಸ್ಟ್ ರಂದು ಅದ್ದೂರಿಯಾಗಿ ಆಚರಿಸುತ್ತೇವೆ. ನಾವು ನಮ್ಮ ಮನೆಯಲ್ಲಿ ಕೂಡ ಇದೇ ರೀತಿ ಆಚರಣೆ ಮಾಡಲು ಮತ್ತು ಮನೆಮಂದಿಗೆ ಸ್ವಾತಂತ್ರ್ಯೋತ್ಸವದ ನೆನಪಿಗಾಗಿ ಮತ್ತು ಮನಸ್ಸಿನಲ್ಲಿ ಆ ಭಾವನೆ ಮೂಡುವ ಸಲುವಾಗಿ ಮೂರು ಬಣ್ಣಗಳ ಹೂವಿನ ಮೂಲಕ ಅಲಂಕಾರ ಮಾಡಿ ಸಂಭ್ರಮಿಸಬಹುದು. ಆದರೆ ಕೇಸರಿ, ಬಿಳಿ ಹಾಗೂ ಹಸಿರು ಬಣ್ಣದ ಹೂವುಗಳ ಆಯ್ಕೆ ನಿಮ್ಮದು.
ನೀವು ವಾಸ ಮಾಡುವ ಕೊಠಡಿ
ಮನೆಯಲ್ಲಿ ಸ್ವಾತಂತ್ರ್ಯೋತ್ಸವದ ಭಾವನೆ ಬಂದರೆ ಅದು ಮನೆಯವರೆಲ್ಲರ ಹೆಮ್ಮೆ. ಹೀಗಾಗಿ ನಿಮ್ಮ ಮನೆಯ ಪ್ರತಿ ಕೊಠಡಿಯಲ್ಲಿ ಅಲ್ಲಲ್ಲಿ ನಮ್ಮ ಭಾರತದ ಬಾವುಟವನ್ನು ಅಂಟಿಸುವುದು ಅಥವಾ ಅದರಂತೆ ಪೇಂಟ್ ಮಾಡುವುದು ಮಾಡಬಹುದು. ಮನೆಯಲ್ಲಿ ಸ್ವಾತಂತ್ರ್ಯದ ಭಾವನೆ ಮೂಡುವುದು ಮಾತ್ರವಲ್ಲದೆ ಶಾಂತಿ ಸಮೃದ್ಧತೆ ಸಹ ಹೆಚ್ಚಾಗುತ್ತದೆ.
ಮನೆ ಮುಂದೆ ರಂಗೋಲಿ
- ಸ್ವಾತಂತ್ರದ ದಿನದಂದು ನೀವು ವಾಸ ಮಾಡುವ ಮನೆಯ ಸಂಪೂರ್ಣ ರೋಡ್ ತಿರಂಗ ಬಣ್ಣದಿಂದ ತುಂಬಿದ್ದರೆ ಎಷ್ಟು ಚೆನ್ನಾಗಿರುತ್ತದೆ ಅಲ್ಲವೇ?
- ಅದಕ್ಕೆ ಪ್ರತಿಯೊಬ್ಬರ ಮನೆಯ ಮುಂದೆ ಮೂರು ಬಣ್ಣಗಳಿಂದ ಕೂಡಿದ ರಂಗೋಲಿಯನ್ನು ಹಾಕಿದರೆ ಇಡೀ ಏರಿಯಾ ಸ್ವಾತಂತ್ರ್ಯದ ಹಬ್ಬದ ವಾತಾವರಣ ದಿಂದ ಕೂಡಿರುತ್ತದೆ. ಯಾರು ಹಾಕಲಿ ಅಥವಾ ಬಿಡಲಿ ನೀವಂತು ರಂಗೋಲಿ ಹಾಕುತ್ತೀರಾ ಅಲ್ಲವೇ?
ಗೋಡೆಯ ಅಲಂಕಾರ
ಎದ್ದು ಕಾಣುವ ಬಣ್ಣದಿಂದ ತುಂಬಿದ ಗೋಡೆಗಳು ಎಂತಹವರನ್ನು ಬೇಕಾದರೂ ಆಕರ್ಷಿಸುತ್ತವೆ. ಸ್ವಾತಂತ್ರ್ಯ ದಿನದ ಈ ಸಂದರ್ಭದಲ್ಲಿ ನಿಮ್ಮ ಮನೆಯ ಗೋಡೆಗಳನ್ನು ಸಹ ಮೂರು ಬಣ್ಣಗಳಿಂದ ಅಲಂಕಾರ ಮಾಡಬಹುದು ಅಥವಾ ಮೂರು ಬಣ್ಣಗಳಿಂದ ಇರುವಂತಹ ಸ್ಟಿಕ್ಕರ್ ತಂದು ಹಾಕ ಬಹುದು. ಮನೆಗೆ ಬಂದು ಹೋಗುವವರಿಗೆ ಕೂಡ ಇದು ಸ್ವಾತಂತ್ರ್ಯದ ಭಾವನೆಯನ್ನು ಸುಲಭವಾಗಿ ಮೂಡಿಸುತ್ತದೆ.