ಕ್ಯಾಲೆಂಡರ್ ಪ್ರಕಾರ ಹೊಸ ವರ್ಷದಲ್ಲಿ ಬರುವ ಮೊದಲ ಹಬ್ಬ ಸಂಕ್ರಾಂತಿ. ರೈತರು ಬೆಳೆದ ಬೆಳೆಯ ಫಸಲನ್ನು ಮನೆಗೆ ತರುವ ಸುಂದರ ಘಳಿಗೆ. ಈ ವಿಶೇಷ ಸಮಯವನ್ನು ರೈತರು ಅತ್ಯಂತ ಶುಭ ಹಾಗೂ ಸಂಭ್ರಮದ ಸಮಯ ಎಂದು ಪರಿಗಣಿಸುತ್ತಾರೆ. ಮನೆಯಲ್ಲಿ ವಿಶೇಷವಾದ ಹಬ್ಬದ ಸಂಭ್ರಮವನ್ನು ಆಚರಿಸುವುದರ ಮೂಲಕ ಫಸಲನ್ನು ಮನೆಗೆ ತರುತ್ತಾರೆ.
ಈ ವಿಶೇಷ ಆಚರಣೆಯೇ ಸಂಕ್ರಾಂತಿ ಹಬ್ಬ. ಸಂತೋಷದ ಸಮಯವನ್ನು ಅತ್ಯಂತ ಸಡಗರ ಹಾಗೂ ಸಂಭ್ರಮದಿಂದ ಆಚರಿಸಲಾಗುವುದು. ಈ ಹಬ್ಬದ ಸಮಯದಲ್ಲಿ ಮನೆಯ ಮುಂದೆ ಹಾಕುವ ವರ್ಣ ರಂಜಿತ ರಂಗೋಲಿಯು ಮನೆಗೆ ಶುಭವನ್ನು ತರುವುದು ಎನ್ನುವ ನಂಬಿಕೆಯಿದೆ.
ಸಂಕ್ರಾಂತಿಯ ಆಚರಣೆಯಲ್ಲಿ ರಂಗೋಲಿಯು ಅತ್ಯಂತ ಪ್ರಮುಖ ಸ್ಥಾನವನ್ನು ಪಡೆದುಕೊಂಡಿದೆ. ರಂಗೋಲಿಯ ಚಿತ್ತಾರವು ರೈತನ ಸಮೃದ್ಧಿಯನ್ನು ತೋರುವುದು. ಮನೆಗೆ ಧನಾತ್ಮಕ ಶಕ್ತಿ ಮತ್ತು ಧಾನ್ಯ ಲಕ್ಷ್ಮಿಯ ಆಗಮನವಾಗುವುದು ಎಂದು ಹೇಳಲಾಗುತ್ತದೆ. ಹಬ್ಬದ ಸಂಭ್ರಮಕ್ಕೆ ಆಧ್ಯಾತ್ಮಿಕವಾಗಿ ಸಾಕಷ್ಟು ಆಚರಣೆಯನ್ನು ಮಾಡಲಾಗುತ್ತದೆ.
ಮನೆಯ ಮುಂದೆ, ದೇವರ ಮನೆಯ ಮುಂದೆ ಹಾಗೂ ಬೆಳೆದ ಫಸಲಿನ ರಾಶಿಯ ಎದುರು ಹೀಗೆ ವಿವಿಧ ಪವಿತ್ರ ಸ್ಥಳಗಳಲ್ಲಿ ವಿಶೇಷವಾದ ವರ್ಣರಂಜಿತ ರಂಗೋಲಿಯನ್ನು ಹಾಕುತ್ತಾರೆ. ಅದು ದೇವತೆಗಳ ಆಹ್ವಾನಕ್ಕೆ ಕೈಗೊಳ್ಳುವ ಒಂದು ಕ್ರಮ ಎಂದು ಸಹ ಹೇಳಲಾಗುವುದು. ಮನೆಯ ಮುಂದೆ ಹಾಕುವ ರಂಗೋಲಿಯಲ್ಲಿ ಕೆಲವು ವಿಶೇಷ ರಂಗೋಲಿಯ ಆಯ್ಕೆ ಮಾಡಬೇಕು. ಅದು ಉತ್ತಮ ಆಕರ್ಷಣೆಯನ್ನು ನೀಡುವುದರ ಜೊತೆಗೆ ಮನೆಗೆ ಧನಾತ್ಮಕ ಶಕ್ತಿಯನ್ನು ಆಹ್ವಾನಿಸುವುದು...
ಸೂರ್ಯ ಕೋಲಂ:
ಸೂರ್ಯ ಕೋಲಂ ಎನ್ನುವ ರಂಗೋಲಿಯ ಶೈಲಿಯು ಸೂರ್ಯ ದೇವನಿಗೆ ಸರ್ಮಿಸುವ ರಂಗೋಲಿ. ಸಂಕ್ರಾಂತಿ ಹಬ್ಬವೆಂದರೆ ಎಲ್ಲರ ಬಾಳನ್ನು ಬೆಳಗುವ ಸೂರ್ಯ ದೇವನಿಗೆ ಧನ್ಯವಾದ ಹೇಳುವುದು ಹಾಗೂ ಪೂಜೆ ಗೈಯುವುದು ಎನ್ನುವ ಅರ್ಧವನ್ನು ನೀಡುತ್ತದೆ. ಈ ಸುಸಂದರ್ಭದಲ್ಲಿ ಸೂರ್ಯ ಕೋಲಂ ಎನ್ನುವ ರಂಗೋಲಿಯನ್ನು ಹಾಕುವುದರಿಂದ ಸಂಕ್ರಾಂತಿಯ ಸಂಭ್ರಮವು ಹೆಚ್ಚುವುದು. ಈ ರಂಗೋಲಿಯು ಸೂರ್ಯನ ವ್ಯಕ್ತಿತ್ವವನ್ನು ಪ್ರತಿಬಿಂಬಿಸುವುದು. ಈ ರಂಗೋಲಿಗೆ ಅಕ್ಕಿ ಹಿಟ್ಟು ಅಥವಾ ಪುಡಿಯನ್ನು ಹಾಕಿ ವಿನ್ಯಾಸ ಮಾಡಬೇಕು. ಸಂಕ್ರಾಂತಿಯ ಹಬ್ಬಕ್ಕೆ ಈ ರಂಗೋಲಿಯು ಅತ್ಯಂತ ಶ್ರೇಷ್ಠವಾದ ಆಯ್ಕೆ ಎನಿಸಿಕೊಳ್ಳುವುದು.
ಹೂವಿನ ರಂಗೋಲಿ
ಹೂವು ಅತ್ಯಂತ ಶ್ರೇಷ್ಠವಾದದ್ದು. ಹೂವುಗಳಿಲ್ಲದೆ ಪೂಜಾ ಕ್ರಮಗಳು ಹಾಗೂ ಹಬ್ಬದ ಸಂಭ್ರಮವು ಅಪೂರ್ಣವಾಗುತ್ತದೆ. ಹೂವಿನ ತೋರಣ, ಹೂವಿನಿಂದ ಕೂಡಿರುವ ಅಲಂಕಾರ ಹಾಗೂ ಹೂವಿನ ರಂಗೋಲಿಯು ಧನಾತ್ಮಕ ಶಕ್ತಿಯನ್ನು ಆಕರ್ಷಿಸುವುದು. ಜೊತೆಗೆ ಹಬ್ಬದ ಸಂಭ್ರಮ ಹಾಗೂ ಆಚರಣೆಯ ಸೌಂದರ್ಯವನ್ನು ಹೆಚ್ಚಿಸುವುದು. ವಿವಿಧ ಬಣ್ಣದ ಹೂವುಗಳನ್ನು ಬಳಸಿ, ವರ್ಣ ರಂಜಿತ ರಂಗೋಲಿಯನ್ನು ಹಾಕಿದರೆ ವಿಶೇಷ ಆಕರ್ಷಣೆಯನ್ನು ನೀಡುವುದು. ಪವಿತ್ರ ಬಣ್ಣಗಳು ಹಾಗೂ ದೇವತೆಗಳಿಗೆ ಇಷ್ಟವಾಗುವಂತಹ ಹೂವುಗಳನ್ನು ಬಳಸುವುದರಿಂದ ರಂಗೋಲಿಯು ವಿಭಿನ್ನತೆಯಿಂದ ಕೂಡಿರುತ್ತದೆ.
ಹೊಸ ವರ್ಷಕ್ಕೆ ಮನೆಯ ಅಲಂಕಾರ ಹೀಗಿರಲಿ
ಪೊಂಗಲ್ ಪಾಟ್ ರಂಗೋಲಿ ವಿನ್ಯಾಸ
ಸುಗ್ಗಿ ಹಬ್ಬದ ಸಂಕೇತವನ್ನು ಪ್ರತಿಬಿಂಬಿಸುವುದು ಪೊಂಗಲ್ ಮಡಿಕೆ. ಅಕ್ಕಿ ಮತ್ತು ಬೇಳೆಯ ಮಿಶ್ರಣದಲ್ಲಿ ವಿಶೇಷವಾದ ಸಿಹಿಯನ್ನು ಮಾಡುವುದು ಸಂಕ್ರಾಂತಿ ಹಬ್ಬದ ವಿಶೇಷತೆ. ಧಾರ್ಮಿಕ ವಿಷಯವನ್ನು ಸೂಚಿಸುವ ಪೊಂಗಲ್ ಪಾಟ್ ರಂಗೋಲಿಯು ಹಬ್ಬದ ವಿಶೇಷತೆಯನ್ನು ಹೆಚ್ಚಿಸುವುದು. ಜೊತೆಗೆ ವಿಶೇಷ ಆಕರ್ಷಣೆಯನ್ನು ನೀಡುವುದರ ಮೂಲಕ ವಿಭಿನ್ನತೆಯನ್ನು ಪ್ರದರ್ಶಿಸುತ್ತದೆ. ಸಂಕ್ರಾಂತಿ ಹಬ್ಬದಲ್ಲಿ ಹಾಲು, ಅಕ್ಕಿ ಮತ್ತು ಹೂವನ್ನು ಪ್ರತಿಬಿಂಬಿಸುವ ಈ ರಂಗೋಲಿಯು ಹಬ್ಬದ ಶ್ರೇಷ್ಠತೆಯನ್ನು ಹೆಚ್ಚಿಸುತ್ತದೆ.
ಚುಝೀ ಕೋಲಂ ರಂಗೋಲಿ
ಸುಂದರವಾದ ಮತ್ತು ಅರ್ಥಪೂರ್ಣವಾದ ವಿನ್ಯಾಸವನ್ನು ಹೊಂದಿರುವ ರಂಗೋಲಿ ಚುಝೀ ಕೋಲಂ ರಂಗೋಲಿ. ತಿರುಚಿದ ವಿನ್ಯಾಸವನ್ನು ಪ್ರತಿಬಿಂಬಿಸುವ ಈ ರಂಗೋಲಿಯು ವಿಶೇಷ ಆಕರ್ಷಣೆಯನ್ನು ನೀಡುವುದು. ಹಬ್ಬದ ದಿನ ವಿವಿಧ ಬಣ್ಣಗಳ ಬಳಸುವುದರ ಮೂಲಕ ಈ ರಂಗೋಲಿಯನ್ನು ಹಾಕಬೇಕು. ಮನೆಯ ಮುಂದೆ ಹಾಗೂ ಫಸಲುಗಳ ಮುಂದೆ ಬಿಡಿಸಲು ಈ ರಂಗೋಲಿಯನ್ನು ಆಯ್ಕೆ ಮಾಡಿಕೊಳ್ಳುವುದು ಸೂಕ್ತ. ಧಾರ್ಮಿಕ ನೋಟವನ್ನು ನೀಡುವುದರ ಜೊತೆಗೆ ಹಬ್ಬದ ವಾತಾವರಣಕ್ಕೆ ಹೊಂದಿಕೊಳ್ಳುವುದು.
ಮಟ್ಟು ಪೊಂಗಲ್ ರಂಗೋಲಿ
ಮಟ್ಟು ಪೊಂಗಲ್ ಮಾದರಿಯ ರಂಗೋಲಿಯು ಹಬ್ಬದ ಮೂರನೇ ದಿನದ ಸಂಭ್ರವನ್ನು ಪ್ರತಿಬಿಂಬಿಸುವುದು. ಹಬ್ಬದ ಮೂರನೆ ದಿನ ಕೃಷಿಗೆ ಸಹಾಯ ಮಾಡುವ ಜಾನುವಾರುಗಳನ್ನು ಮತ್ತು ಸೂರ್ಯ ದೇವನನ್ನು ಆರಾಧಿಸಲಾಗುವುದು. ಸುಗ್ಗಿಯ ಸಂಭ್ರಮವನ್ನು ಬಿಂಬಿಸುವ ಫಸಲು ಹಾಗೂ ಕಬ್ಬುಗಳು ಸಮೃದ್ಧೀಯನ್ನು ಸೂಚಿಸುತ್ತವೆ. ಈ ಎಲ್ಲಾ ಸಂಗತಿಗಳನ್ನು ಒಳಗೊಂಡಿರುವ ರಂಗೋಲಿಯ ವಿನ್ಯಾಸವೇ ಮಟ್ಟು ಪೊಂಗಲ್ ರಂಗೋಲಿ. ಈ ರಂಗೋಲಿಯನ್ನು ಹಬ್ಬದ ಸಮಯಲ್ಲಿ ಮನೆಯ ಮುಂದೆ ಹಾಕುವುದರಿಂದ ಹಬ್ಬದ ಶ್ರೇಷ್ಠತೆಯನ್ನು ಹೆಚ್ಚಿಸುವುದು. ಜೊತೆಗೆ ಹಬ್ಬದ ವೈಭವವನ್ನು ಸುಂದರವಾಗಿ ಪ್ರಿಬಿಂಬಿಸುವುದು.
ಫ್ರೀ ಹ್ಯಾಂಡ್ ಹೂವಿನ ರಂಗೋಲಿ
ಫ್ರೀ ಹ್ಯಾಂಡ್ ಹೂವಿನ ರಂಗೋಲಿಯು ವಿಶೇಷ ಆಕರ್ಷಣೆ ಹಾಗೂ ಕಲೆಯನ್ನು ಪ್ರತಿಬಿಂಬಿಸುತ್ತದೆ. ಇದರಲ್ಲಿ ಬಳಸುವ ಬಣ್ಣಗಳ ಆಯ್ಕೆಯು ಸೂಕ್ತವಾಗಿ ಇರಬೇಕು. ವಿವಿಧ ವರ್ಣಗಳನ್ನು ಬಳಸಿ ರಂಗೋಲಿಯನ್ನು ಹಾಕಿದಾಗ ಹಬ್ಬದ ಸಂಭ್ರಮ ಹೆಚ್ಚುವುದು. ಹಬ್ಬಕ್ಕೆ ಅಗತ್ಯ ಹಾಗೂ ಶ್ರೇಷ್ಠವಾದ ಹೂವಿನ ಚಿತ್ತಾರ ಮನೆಯ ಮುಂದೆ ಇದ್ದಾಗ ಮನೆ ಮಂದಿಯ ಮನಸ್ಸು ನಿರಾಳತೆಯನ್ನು ಹೊಂದಿರುವಂತೆ ಮಾಡುತ್ತದೆ. ಜೊತೆಗೆ ಧನಾತ್ಮಕ ಶಕ್ತಿಯು ಮನೆಯ ಒಳಗೆ ಆಹ್ವಾನ ಪಡೆದುಕೊಳ್ಳುವುದು.
ಸಾಂಪ್ರದಾಯಿಕ ಮಂಡಲ ರಂಗೋಲಿ
ಸಾಂಪ್ರದಾಯಿಕವಾದ ಕಲಾ ಕೌಶಲ್ಯ ಹಾಗೂ ಧಾರ್ಮಿಕ ಸಂಕೇತವನ್ನು ಪ್ರತಿಬಿಂಬಿಸುವುದು ಮಂಡಲ ರಂಗೋಲಿ. ಈ ರಂಗೋಲಿಗೆ ಹಳದಿ ಬಣ್ಣ ಹಾಘೂ ಚಂಡು ಹೂವಿನ ಅಲಂಕಾರ ಮಾಡಲಾಗುವುದು. ರಂಗೋಲಿಗೆ ಬಳಸುವ ಬಣ್ಣ ಹಾಗೂ ಹೂವುಗಳು ಈ ರಂಗೋಲಿಯ ಶ್ರೇಷ್ಠತೆಯನ್ನು ಹೆಚ್ಚಿಸುತ್ತದೆ. ಸಂಕ್ರಾಂತಿ ಹಬ್ಬದ ಸಂಭ್ರಮಕ್ಕೆ ಹಾಗೂ ಧಾರ್ಮಿಕ ಆಚರಣೆಗೆ ಈ ಸಾಂಪ್ರದಾಯಿಕ ರಂಗೋಲಿಯು ಉತ್ತಮ ಆಯ್ಕೆ ಎನಿಸಿಕೊಳ್ಳುವುದು.
ಹಬ್ಬಕ್ಕೆ ಮನೆ ಅಲಂಕಾರ ಹೀಗಿರಲಿ-ಮನಸ್ಸಿಗೂ ನೆಮ್ಮದಿ ದೇವರಿಗೂ ಪ್ರೀತಿ
ಪೊಂಗಲ್ ಹಬ್ಬದ ರಂಗೋಲಿ ವಿನ್ಯಾಸ
ಪೊಂಗಲ್ ಅಥವಾ ಸಂಕ್ರಾಂತಿ ಹಬ್ಬದ ಸಂಭ್ರಮ ಹಾಗೂ ಸ್ಫರ್ಧೆಗೆ ಪೊಂಗಲ್ ರಂಗೋಲಿ ಅತ್ಯುತ್ತಮ ಆಯ್ಕೆ ಆಗುವುದು. ಈ ರಂಗೋಲಿಯ ಹೊರ ವಲಯವನ್ನು ಬಿಳಿ ಅಕ್ಕಿ ಹಿಟ್ಟಿನಿಂದ ಚಿತ್ರಿಸಲಾಗುವುದು. ಒಳಗಿನ ವೃತ್ತಾಕೃತಿಯಲ್ಲಿ ಹೂವಿನ ಎಸಳುಗಳ ಅಲಂಕಾರ ಮಾಡಲಾಗುತ್ತದೆ. ಇದು ಭವ್ಯವಾದ ನೋಟ ಹಾಗೂ ಶ್ರೇಷ್ಠತೆಯನ್ನು ನೀಡುವುದು. ನಿಮ್ಮ ಹಬ್ಬದ ಸಂಭ್ರಮಕ್ಕೆ ಇದು ಉತ್ತೇಜನ ನೀಡುವುದು.
ಸೂರ್ಯನನ್ನು ಪ್ರತಿಬಿಂಬಿಸುವ ರಂಗೋಲಿ
ಈ ರಂಗೋಲಿಯು ಸೂರ್ಯನನ್ನು ಪ್ರತಿಬಿಂಬಿಸುವ ಇನ್ನೊಂದು ರಂಗೋಲಿ. ಈ ರಂಗೋಲಿಯನ್ನು ಹಬ್ಬದ ದಿನ ಮನೆಯ ಎದುರು ಹಾಕುವುದರಿಂದ ಸೂರ್ಯ ದೇವರಿಗೆ ಗೌರವ ನೀಡಿದಂತಾಗುವುದು. ಜೊತೆಗೆ ಹಬ್ಬದ ಸಂಭ್ರಮಕ್ಕೆ ಪವಿತ್ರವಾದ ಆಯ್ಕೆಯಾಗುವುದು. ಈ ರಂಗೋಲಿಯಲ್ಲಿ ಹಳದಿ, ಬಿಳಿ, ಕೇಸರಿ, ಹಸಿರು ಹಾಗೂ ಕೆಂಪು ಬಣ್ಣದ ಹೂವುಗಳನ್ನು ಬಳಸ ಲಾಗುತ್ತದೆ. ಅದು ಹಬ್ಬದ ಆಕರ್ಷಣೆಯನ್ನು ಹೆಚ್ಚಿಸುವುದು. ಜೊತೆಗೆ ಉತ್ತಮ ಶಕ್ತಿಯನ್ನು ಆಕರ್ಷಿಸುವುದು.