ಹೊಸ ವರ್ಷದ ಸ್ವಾಗತಕ್ಕೆ ವಿಶೇಷವಾದ ಅಲಂಕಾರದ ಸಲಹೆಗಳು

ಪಾರ್ಟಿ ಎಂದರೆ ಸಾಮಾನ್ಯವಾಗಿ ಉತ್ಸಾಹ ಹಾಗೂ ವಿಶೇಷ ಬಗೆಯ ಹುಮ್ಮಸ್ಸು ಇರುತ್ತದೆ. ಅದರಲ್ಲೂ ಹೊಸ ವರ್ಷದ ಪಾರ್ಟಿ ಎಂದರೆ ಅದರ ಸಂಭ್ರಮ ಹಾಗೂ ಸಡಗರವೇ ಬೇರೆ. ವಿವಿಧ ಬಗೆಯ ಭಕ್ಷಗಳು, ಪಾನೀಯ ಗಳನ್ನು ಸೇವಿಸುವುದು, ಮೊಬ್ಬು ಬೆಳಕಿನಲ್ಲಿ ನೃತ್ಯ ಮಾಡುವುದು, ಪರಸ್ಪರ ಸ್ನೇಹಿತರು ಉಡುಗೊರೆಯನ್ನು ಬದಲಿಸಿಕೊಳ್ಳುವುದು, ಹೀಗೆ ವಿವಿಧ ವಿನೋದಗಳು ಮನಸ್ಸಿಗೆ ಮುದವನ್ನು ನೀಡುತ್ತವೆ.

ಪಾರ್ಟಿ ಎನ್ನುವುದನ್ನು ಸೃಜನ ಶೀಲತೆಯಿಂದ ಹಾಗೂ ಕಡಿಮೆ ಬಜೆಟ್‍ನ ಅಡಿಯಲ್ಲಿ ಪಾರ್ಟಿ ಮಾಡಬೇಕು ಎನ್ನುವ ಚಿಂತನೆ ಹೊಂದಿದವರು ಮನೆಯಲ್ಲಿ ಕೈಗೊಳ್ಳಬಹುದು. ಮನೆಯಲ್ಲಿಯೇ ಕೆಲವು ಅಲಂಕಾರಗಳನ್ನು ಮಾಡುವುದರ ಮೂಲಕ ಪಾರ್ಟಿ ಹಾಲ್ ಅಥವಾ ಡಿಸ್ಕೋ ಟೆಕ್‍ನ ವಾತಾವರಣವನ್ನು ಸೃಷ್ಟಿಸಬಹುದು. ಆಗ ಮನೆಯಲ್ಲಿಯೇ ಅಪ್ತರನ್ನು ಮತ್ತು ಸ್ನೇಹಿತರನ್ನು ಆಮಂತ್ರಿಸಿ ಪಾರ್ಟಿಯನ್ನು ಮಾಡಬಹುದು.

ನೀವು ಈರೀತಿಯ ಹವಣಿಕೆಯಲ್ಲಿ ಇದ್ದೀರಿ ಎಂದರೆ ಮೊದಲು ಮನೆಯ ಅಲಂಕಾರಗಳನ್ನು ಈ ರೀತಿ ಮಾಡಿ. ನಂತರ ಸ್ನೇಹಿತರನ್ನು ಹಾಗೂ ಸಂಬಂಧಿಕರನ್ನು ಆಮಂತ್ರಿಸಿ, ಹೊಸ ವರ್ಷದ ಸ್ವಾಗತವನ್ನು ಮಾಡಿ. ಅದು ನಿಮ್ಮನ್ನು ವರ್ಷ ಪೂರ್ತಿ ಸಂತೋಷವಾಗಿರುವಂತೆ ಮಾಡುವುದು. ಹಾಗಾದರೆ ನೀವು ಮನೆಯಲ್ಲಿ ಪಾರ್ಟಿಯ ನೋಟವನ್ನು ತರಲು ಯಾವ ರೀತಿಯ ಅಲಂಕಾರ ಮಾಡಬಹುದು? ಎನ್ನುವುದನ್ನು ಮುಂದಿನ ವಿವರಣೆಯಲ್ಲಿ ಪರಿಶೀಲಿಸಿ.

ಹೊಸ ವರ್ಷಕ್ಕೆ ಮನೆಯ ಅಲಂಕಾರ ಹೀಗಿರಲಿ

ಸಂಗೀತಗಳು
ಸಂಗೀತಗಳಿಲ್ಲದೆ ಪಾರ್ಟಿಯು ಅಪೂರ್ಣವಾಗುವುದು. ಮನೆಯಲ್ಲಿಯೇ ವಿಶೇಷವಾದ ಸ್ಪೀಕರ್ ಮತ್ತು ಹಾಡಿನ ವ್ಯವಸ್ಥೆಯನ್ನು ಮಾಡಿ. ಸಾದ್ಯವಾದರೆ ಡಿಜೆ ಸ್ನೇಹಿತರನ್ನು ಮನೆಗೆ ಕರೆಯಿಸಿ. ನಂತರ ಅವರು ಮನೆಯಲ್ಲಿ ಸಂಗೀತ ನುಡಿಸುವಂತೆ ಮಾಡಿ. ಪಾರ್ಟಿಯಲ್ಲಿ ಸಂಗೀತದ ಜೊತೆಗೆ ನೃತ್ಯ ಮಾಡಲು ಮನೆಯ ಒಳಗೆ ಅಥವಾ ಹೊರಗೆ ವ್ಯವಸ್ಥೆಯನ್ನು ಮಾಡಿಕೊಳ್ಳಿ.

ಬಣ್ಣದ ಮೇಣದ ಬತ್ತಿಗಳು
ವಿಂಟೇಜ್ ಕ್ಯಾಂಡಲ್ ಸ್ಟ್ಯಾಂಡ್‍ಗಳು ಹೊರಾಂಗಣಕ್ಕೆ ಸುಂದರವಾಗಿ ಕಾಣುವುದು. ಜೊತೆಗೆ ವರ್ಷದ ಸ್ವಾಗತಕ್ಕೆ ಬಣ್ಣದ ಮೇಣದ ಬತ್ತಿಗಳು ಹೊಸ ನೋಟವನ್ನು ನೀಡುತ್ತವೆ. ಮನೆಯ ಸುತ್ತ ಹಾಗೂ ಕೆಲವು ವಿಶೇಷ ಸ್ಥಳಗಳಲ್ಲಿ ಮೇಣದ ಬತ್ತಿಯ ಬೆಳಕನ್ನು ಬೆಳಗುವುದರಿಂದ ಪಾರ್ಟಿಯು ಅತ್ಯಂತ ಆಕರ್ಷಣೆಯಿಂದ ಕಂಗೊಳಿಸುವುದು.

ವರ್ಣರಂಜಿತ ಅಲಂಕಾರಿಕ ವಸ್ತುಗಳು
ಕೋಣೆಗಳನ್ನು ವಿವಿಧ ಅಲಂಕಾರಿ ವಸ್ತುಗಳಿಂದ ಅಲಂಕಾರ ಗೊಳಿಸಿದರೆ ಪ್ರತಿಯೊಬ್ಬರ ಮನಸ್ಸು ನೃತ್ಯಮಾಡುವ ಮನೋಭಾವವನ್ನು ಹೊಂದುತ್ತಾರೆ. ಜೊತೆಗೆ ಸಂತೋಷವನ್ನು ವ್ಯಕ್ತಪಡಿಸುತ್ತಾರೆ. ಪಾರ್ಟಿಗೆ ನೀವು ಯಾವುದೇ ಬಗೆ ವರ್ಣಗಳನ್ನು ಒಳಗೊಂಡಿರುವ ಅಲಂಕಾರಿ ವಸ್ತುಗಳನ್ನು ಬಳಸಬಹುದು.

ವರ್ಣ ರಂಜಿತ ಆಕಾಶ ಬುಟ್ಟಿಗಳು
ವರ್ಣ ರಂಜಿತ ಹಾಗೂ ಆಕರ್ಷಣೆಯನ್ನು ಹೊಂದಿರುವ ಆಕಾಶ ಬುಟ್ಟಿಯನ್ನು ಮನೆಯಲ್ಲಿ ಇರಿಸಿದರೆ ಅದು ವಿಶೇಷ ಆಕರ್ಷಣೆಯನ್ನು ನಡುವುದು. ಹೊಸ ವರ್ಷದ ಪಾರ್ಟಿಗೆ ಆಕಾಶ ಬುಟ್ಟಿಯ ಅಲಂಕಾರವು ಅತ್ಯುತ್ತಮವಾದ ಆಯ್ಕೆಯೂ ಆಗಿರುತ್ತದೆ.

ಹೊಸ ವರ್ಷಕ್ಕೆ ಬಂತು ಗ್ರಾಫಿಕ್‌ ಡಿಸೈನ್‌ನ ಇ-ಗ್ರೀಟಿಂಗ್‌ ಕಾರ್ಡ್‌

ಬಣ್ಣ ಬಣ್ಣದ ದೀಪಗಳು
ಒಳಾಂಗಣ ಅಥವಾ ಹೊರಾಂಗಣದ ಪರ್ಟಿ ಅಲಂಕಾರಕ್ಕೆ ಬಣ್ಣ ಬಣ್ಣದ ದೀಪಗಳು ಹೆಚ್ಚಿನ ಆಕರ್ಷಣೆ ಹಾಗೂ ಹೊಸತನವನ್ನು ನೀಡುತ್ತವೆ. ದೀಪಗಳಿಲ್ಲದ ಪಾರ್ಟಿಯು ಕಳೆಗುಂದಿದಂತಿರುತ್ತದೆ. ನಿಮ್ಮ ಪಾರ್ಟಿ ಯೋಜನೆಗೆ ಅನುಗುಣವಾಗಿ ಬಣ್ಣ ಬಣ್ಣದ ದೀಪಗಳನ್ನು ಆಯ್ಕೆ ಮಾಡಿ. ನಂತರ ಅವುಗಳಿಂದ ಮನೆಯ ಒಳಗಾಂಗಣ ಹಾಗೂ ಹೊರಾಂಗಣವನ್ನು ಸಿಂಗರಿಸಿ.

ಹೊರಾಂಗಣದ ಅಲಂಕಾರಹೊರಾಂಗಣದ ಅಲಂಕಾರಗಳಿಗಾಗಿ ವಿವಿಧ ಹೂವಿನ ಕುಂಡಗಳು, ಬಫೆಟ್ ಕೋಷ್ಟಕಗಳು, ದೀಪಗಳು ಹಾಗೂ ಕೃತಕ ಹೂವುಗಳನ್ನು ಬಳಸಬಹುದು. ಪರಿಪೂರ್ಣವಾದ ನೋಟವನ್ನು ನೀಡಲು ವರ್ಣರಂಜಿತ ಟೇಬಲ್ ಬಟ್ಟೆ, ಪ್ಲಾಸ್ಟಿಕ್ ಅಥವಾ ಫೈಬರ್ ಗ್ಲಾಸ್ ಹಾಗೂ ಕೆಲವು ದೀಪಗಳ ಛಾಯೆಯನ್ನು ಬಳಸಬಹುದು.