ಹೀಗಾಗಿ ಸ್ಟೌವ್ ಅಥವಾ ಒವೆನ್ ನ್ನು ಸರಿಯಾದ ರೀತಿಯಲ್ಲಿ ಹೇಗೆ ಬಳಕೆ ಮಾಡಬೇಕು ಎನ್ನುವುದನ್ನು ನೀವು ಈ ಲೇಖನದ ಮೂಲಕ ತಿಳಿಯಿರಿ.
ಮುನ್ನೆಚ್ಚರಿಕೆಯಿಂದ ಅಡುಗೆ ಮಾಡಿ
ಸ್ಟೌವ್ ಮತ್ತು ಒವೆನ್ ಸರಿಯಾಗಿ ಇದೆಯಾ ಎಂದು ಮೊದಲಿಗೆ ನೋಡಿ. ಸಡಿಲ ಬಟ್ಟೆ ಮತ್ತು ಕೂದಲನ್ನು ಉದ್ದಗೆ ಬಿಟ್ಟು ಅಡುಗೆ ಮನೆಗೆ ಹೋಗಬೇಡಿ. ಜಾರದೆ ಇರುವಂತಹ ಶೂ ಧರಿಸಿ. ಬಿಸಿ ಪಾತ್ರೆ ಮತ್ತು ತವಾಗಳನ್ನು ಹಿಡಿಯುವ ಸಂದರ್ಭದಲ್ಲಿ ಬಿಸಿಯಿಂದ ರಕ್ಷಣೆ ನೀಡುವ ಸಾಮಗ್ರಿ ಬಳಸಿ.
ಬಿಸಿ ಎಣ್ಣೆಯು ಚೆಲ್ಲದೆ ಇರುವ ಹಾಗೆ ಎಚ್ಚರ ವಹಿಸಿ. ಸ್ಟೌವ್ ಮತ್ತು ಒವೆನ್ ಶುಚಿಯಾಗಿ ಇಡಬೇಕು. ಇಲ್ಲವಾದಲ್ಲಿ ಅಡುಗೆ ಮಾಡುವ ವೇಳೆ ಜಿಡ್ಡು ಮತ್ತು ಕಲ್ಮಶದಿಂದ ಬೆಂಕಿ ಹತ್ತಿಕೊಳ್ಳಬಹುದು. ಸ್ಟೌವ್ ಅನ್ನು ಆಗಾಗ ಒರೆಸುತ್ತಾ ಶುಚಿ ಮಾಡಿ.
ಸ್ಟೌವ್ ಹತ್ತಿರ ಬೆಂಕಿ ಹತ್ತಬಲ್ಲ ವಸ್ತುಗಳನ್ನು ಇಡಬೇಡಿ
ಸ್ಟೌವ್ ಹತ್ತಿರ ಯಾವುದೇ ಟವೆಲ್ ಇಡಬೇಡಿ. ಇದರಿಂದ ಬೇಗನೆ ಬೆಂಕಿ ಹತ್ತಿಕೊಳ್ಳಬಹುದು. ಸ್ಟೌವ್ ಬದಿಯ ಜಾಗವನ್ನು ಸರಿಯಾಗಿ ಶುಚಿ ಮಾಡಿ ಮತ್ತು ಕೊಳೆ ನಿರ್ಮಾಣವಾಗದಂತೆ ನೋಡಿಕೊಳ್ಳಿ. ಕಸಕಡ್ಡಿಗಳು ಇದ್ದರೆ ಆಗ ಬೇಗನೆ ಬೆಂಕಿಯು ಹತ್ತಿಕೊಳ್ಳುವುದು.
ಮಕ್ಕಳ, ಪ್ರಾಣಿ ಸುರಕ್ಷಿತ ಉತ್ಪನ್ನಗಳನ್ನು ಬಳಸಿ
ಮನೆಯಲ್ಲಿ ಮಕ್ಕಳು ಅಥವಾ ಸಾಕು ಪ್ರಾಣಿಗಳು ಇದ್ದರೆ ಆಗ ತುಂಬಾ ಎಚ್ಚರಿಕೆ ವಹಿಸಬೇಕು. ಸ್ಟೌವ್ ಮತ್ತು ಒವೆನ್ ನ್ನು ಮಕ್ಕಳಿಗೆ ಎಟುಕದ ಹಾಗೆ ಇಡಬೇಕು. ಅಡುಗೆ ಮನೆಯಿಂದ ಮಕ್ಕಳು ಮತ್ತು ಪ್ರಾಣಿಗಳನ್ನು ದೂರವಿಡಿ.
ಮಕ್ಕಳು ಮತ್ತು ಪ್ರಾಣಿಗಳನ್ನು ಸುರಕ್ಷಿತವಾಗಿ ಇಡುವಂತಹ ಹಲವಾರು ಬಗೆಯ ಸಾಮಗ್ರಿಗಳು ಸಿಗುವುದು. ಒವೆನ್ ನಾಬ್ ಕವರ್ ಮತ್ತು ಸ್ಟ್ರಾಪ್ ಲಾಕ್ ಬಗ್ಗೆ ಗಮನಹರಿಸಿ. ಗ್ಯಾಸ್ ಸೋರಿಕೆ ಇದ್ದರೆ ಆಗ ಕೂಡಲೇ ಕಿಟಕಿ ಬಾಗಿಲು ಮತ್ತು ಮನೆಯ ಬಾಗಿಲು ತೆರೆಯಿರಿ.
ಅಗ್ನಿ ಶಮನಕವು ಹತ್ತಿರಲ್ಲೇ ಇರಲಿ
ಅಡುಗೆ ಮನೆಯಲ್ಲಿ ಒಂದು ಅಗ್ನಿ ಶಮನಕವನ್ನು ಇಡುವುದು ಅತೀ ಅಗತ್ಯ. ಎಣ್ಣೆಗೆ ಬೆಂಕಿ ಹತ್ತಿಕೊಂಡರೆ ಆಗ ನೀವು ಅದಕ್ಕೆ ನೀರು ಬಳಕೆ ಮಾಡಬೇಡಿ. ಇದರಿಂದ ಬೆಂಕಿ ಮತ್ತಷ್ಟು ಹೆಚ್ಚಾಗಬಹುದು. ಅಗ್ನಿ ಶಮನಕವು ಇದ್ದರೆ ಆಗ ಖಂಡಿತವಾಗಿಯೂ ಅದನ್ನು ಬಳಕೆ ಮಾಡಿ.
ಗ್ಯಾಸ್ ಸ್ಟೌವ್ ಹಾಗೂ ಇದರ ಬರ್ನರ್ ಸ್ವಚ್ಛತೆಗೆ ಸಿಂಪಲ್ ಟಿಪ್ಸ್
ಮನೆಯಲ್ಲಿ ಅಲರಾಂ ಅಳವಡಿಸಿ
ಮನೆಯನ್ನು ಸುರಕ್ಷಿತವಾಗಿ ಇಡುವಂತಹ ಸಾಧನವನ್ನು ಅಳವಡಿಸಿದರೆ, ಆಗ ತುಂಬಾ ಶಾಂತಿಯಿಂದ ಇರಬಹುದು. ಮನೆಯಲ್ಲಿ ಅಲರಾಂ ಅಳವಡಿಸಿದರೆ ಆಗ ಬೆಂಕಿ ಅವಘಡ ಸಂಭವಿಸಿದ ಕೂಡಲೇ ಅದು ಶಬ್ದ ಮಾಡುವುದು. ಇದರಿಂದ ಬೇಗನೆ ಬೆಂಕಿ ನಂದಿಸಲು ಸಾಧ್ಯವಾಗಲಿದೆ.