ರೋಗ ರುಜಿನ ದೂರವಾಗಲು ಮನೆಯ ಸ್ವಚ್ಛತೆ ಹೀಗಿರಲಿ...

ದೊಡ್ಡ ಮನೆಯಾಗಿದ್ದರೆ, ಆಗ ಒಬ್ಬರೇ ಎಲ್ಲಾ ಕೋಣೆಗಳನ್ನು ಶುಚಿ ಮಾಡುವುದು ತುಂಬಾ ಕಷ್ಟ. ಇದಕ್ಕಾಗಿ ಒಂದು ಸಲ ಒಂದೇ ಕೋಣೆಯನ್ನು ಶುಚಿ ಮಾಡಿ. ಪ್ರತಿಯೊಂದು ಕೋಣೆಯನ್ನು ಶುಚಿ ಮಾಡಲು ಮುಂದಾಲೋಚನೆ ಮಾಡಿಕೊಳ್ಳಬೇಕು. ಸರಳವಾಗಿ ಹೇಗೆ ಮಾಡುವುದು ಎಂದು ಯೋಚಿಸಿ.

• ಅಡುಗೆ ಮನೆಯ ನೆಲದಲ್ಲಿ ಹೆಚ್ಚಿನ ಅಂಟು ಪದಾರ್ಥಗಳು ನೆಲವನ್ನು ಸೇರಿರಬಹುದು. ಇದನ್ನು ತೆಗೆಯುವುದು ತುಂಬಾ ಕಷ್ಟವಾಗಬಹುದು. ಅಡುಗೆ ಮನೆಯ ನೆಲವನ್ನು ಶುಚಿ ಮಾಡಲು ನೀವು ಅದನ್ನು ಗಂಟೆಗಟ್ಟಲೆ ಉಜ್ಜಬೇಖಾಗಿಲ್ಲ.
• ಇದಕ್ಕಾಗಿ ನೀವು ಬ್ಲೀಚ್ ನ್ನು ನೀರಿಗೆ ಹಾಕಿಕೊಂಡು ಬಳಸಿ. ಈ ಮಿಶ್ರಣವನ್ನು ಟೈಲ್ಸ್ ಮೇಲೆ ಹಾಕಿ ಮತ್ತು 20 ನಿಮಿಷ ಕಾಲ ಹಾಗೆ ಇರಲಿ. ಇದರ ಬಳಿಕ ಒದ್ದೆ ಬಟ್ಟೆಯಿಂದ ಒರೆಸಿ. ಇದರಿಂದ ಜಿಡ್ಡು, ಕಲೆ ಮತ್ತು ಶಿಲೀಂಧ್ರಗಳು ದೂರವಾಗುವುದು.

ಅಡುಗೆ ಮನೆಯ ಸ್ವಚ್ಛತೆಯ ಜೊತೆಗೆ, ಕೈಗಳನ್ನು ಸಹ ಸರಿಯಾಗಿ ತೊಳೆಯಬೇಕು!

ನೀರಿಗೆ ಸ್ವಲ್ಪ ವಿನೇಗರ್ ಹಾಕಿಕೊಂಡು ಅದನ್ನು ಸ್ಪ್ರೇ ಬಾಟಲಿಗೆ ಹಾಕಿಕೊಳ್ಳಿ ಮತ್ತು ಇದನ್ನು ಕಿಟಕಿಯ ಗಾಜುಗಳಿಗೆ ಸ್ಪ್ರೇ ಮಾಡಿ. 2-3 ನಿಮಿಷ ಕಾಲ ಹಾಗೆ ಇರಲಿ. ಇದರ ಬಳಿಕ ಒಣ ಬಟ್ಟೆಯಿಂದ ನೀವು ಇದನ್ನು ಒರೆಸಿಕೊಳ್ಳಿ.

ಕರ್ಟೈನ್ ತುಂಬಾ ನಿಸ್ತೇಜ ಮತ್ತು ಧೂಳಿನಿಂದ ಕೂಡಿದ್ದರೆ, ಆಗ ನೀವು ಇದನ್ನು ತೆಗೆದು, ಒದ್ದೆ ಟವೆಲ್ ನೊಂದಿಗೆ ಅದನ್ನು ವಾಷಿಂಗ್ ಮೆಷಿನ್ ಗೆ ಹಾಕಿ. ಮೆಷಿನ್ ನಲ್ಲಿ ನೀರು ಹಾಕದೆ ಹಾಗೆ ಚಲಾಯಿಸಿ, ಈಗ ಧೂಳು ಸುಲಭವಾಗಿ ದೂರವಾಗುವುದು.

• ಬಳಸದೆ ಇರುವಂತಹ ಸಾಮಗ್ರಿಗಳು ಮನೆಯಲ್ಲಿ ಶೇಖರಣೆ ಆಗಿದ್ದರೆ, ಅದರಿಂದ ಹೆಚ್ಚಿನ ಜಾಗವು ವ್ಯರ್ಥವಾಗುವುದು ಮತ್ತು ಇದರಲ್ಲಿ ಧೂಳು ಶೇಖರಣೆ ಆಗಿ ಅಲರ್ಜಿ ಕೂಡ ಕಾಡಬಹುದು.
• ಇದನ್ನು ನಿವಾರಣೆ ಮಾಡಲು ಈ ಜಾಗವನ್ನು ಸರಿಯಾಗಿ ಶುಚಿ ಮಾಡಿ. ಬಳಸದೆ ಇರುವಂತಹ ವಸ್ತುಗಳನ್ನು ನೀವು ಆದಷ್ಟು ಹೊರಗೆ ಬಿಸಾಕಿ.