ಈರುಳ್ಳಿ
ಈರುಳ್ಳಿಯನ್ನು ತಂಪಾದ ಒಣಗಿದ ಸ್ಥಳದಲ್ಲಿ ಸಂಗ್ರಹಿಸುವುದರಿಂದ ಅವು ದೀರ್ಘಕಾಲ ಬಾಳಿಕೆ ಬರುತ್ತವೆ. ಅವುಗಳನ್ನು ನ್ಯೂಸ್ ಪೇಪರ್ ನಲ್ಲಿ ಸುತ್ತಿ ಅಥವಾ ಪೇಪರ್ ಬ್ಯಾಗ್ ನಲ್ಲಿಟ್ಟು ಚಿಕ್ಕ ರಂಧ್ರಗಳನ್ನು ಮಾಡಿ ಸಂಗ್ರಹಿಸಿ. ಆಲೂಗೆಡ್ಡೆ ಮತ್ತು ಈರುಳ್ಳಿಯನ್ನು ಎಂದಿಗೂ ಒಟ್ಟಾಗಿಡಬೇಡಿ, ಏಕೆಂದರೆ ಆಲೂಗೆಡ್ಡೆಯಿಂದ ಹೊರಸೂಸುವ ಅನಿಲಗಳು ಈರುಳ್ಳಿಯನ್ನು ಹಾಳುಮಾಡಬಹುದು.
ಬೆರ್ರಿಗಳು
ಯಾವಾಗಲೂ ಬೆರ್ರಿಗಳನ್ನು ಒಂದು ಭಾಗ ವಿನೆಗರ್ ಮತ್ತು ಮೂರು ಭಾಗ ನೀರು ಸೇರಿಸಿದ ದ್ರಾವಣದಲ್ಲಿ ತೊಳೆಯಿರಿ. ಸ್ಟ್ರಾಬೆರಿ, ಬ್ಲೂಬೆರಿ, ಅಥವಾ ರಾಸ್ಪ್ ಬೆರಿ ಹಣ್ಣುಗಳನ್ನು ಈ ದ್ರಾವಣದಲ್ಲಿ ತೊಳೆಯುವುದರಿಂದ ಅದು ಹಣ್ಣಿನಲ್ಲಿರುವ ಯಾವುದೇ ಬ್ಯಾಕ್ಟೀರಿಯಾವನ್ನು ಕೊಲ್ಲುತ್ತದೆ. ಇದು ಬೆರ್ರಿಗಳನ್ನು ಫ್ರಿಡ್ಜ್ ನಲ್ಲಿಟ್ಟಾಗ ಅವು ದೀರ್ಘಕಾಲ ತಾಜಾ ಆಗಿರಲು ನೆರವಾಗುತ್ತದೆ.
ಬ್ರೊಕೊಲಿ
ತಿಂಗಳವರೆಗೆ ಬ್ರೊಕೊಲಿಯನ್ನು ತಾಜಾ ಆಗಿಡಬೇಕೇ? ನಿಮಗಾಗಿ ಇಲ್ಲಿ ಸುಲಭವಾದ ಉಪಾಯ ನೀಡಲಾಗಿದೆ. ಬ್ರೊಕೊಲಿಯನ್ನು ಅಲ್ಯೂಮಿನಿಯಂ ಫಾಯಿಲ್ ನಲ್ಲಿ ಬಿಗಿಯಾಗಿ ಸುತ್ತಿ. ಅದನ್ನು ಫ್ರಿಡ್ಜ್ ನಲ್ಲಿಡಿ, ನಿಮ್ಮ ತರಕಾರಿ ಕಡಿಮೆ ಎಂದರೂ ನಾಲ್ಕು ವಾರಗಳವರೆಗೆ ತಾಜಾ ಇರುತ್ತದೆ ಮತ್ತು ಹೊಸದರಂತಿರುತ್ತದೆ.
ಉಳಿದ ಕುಂಬಳಕಾಯಿ ಪೇಸ್ಟ್ ಅನ್ನು ಹೇಗೆಲ್ಲಾ ವಿವಿಧ ಆಹಾರಗಳಾಗಿ ಬಳಸಬಹುದು
ಬಾಳೆಹಣ್ಣುಗಳು
ಬಾಳೆಹಣ್ಣು ಕಂದುಬಣ್ಣವಾಗುವುದನ್ನು ತಡೆಯಲು ಸುಲಭ ಉಪಾಯವೆಂದರೆ ಪ್ಲಾಸ್ಟಿಕ್ ನಿಂದ ಅದರ ಕಾಂಡವನ್ನು ಸುತ್ತಿ. ಪ್ಲಾಸ್ಟಿಕ್ ಹಾಳೆ ತೆಗೆದುಕೊಂಡು, ಅದನ್ನು ಬಾಳೆಹಣ್ಣುಗಳು ಒಂದಕ್ಕೊಂದು ಸೇರಿರುವ ತೊಟ್ಟಿನ ಭಾಗದ ಸುತ್ತ ಸುತ್ತಿ. ಬಾಳೆಹಣ್ಣು ಎಥಿಲೀನ್ ಎನ್ನುವ ಅನಿಲವನ್ನು ಹೊರಸೂಸುತ್ತದೆ, ಇದು ಹಣ್ಣು ಪಕ್ವವಾಗಲು ಕಾರಣವಾಗುತ್ತದೆ. ಇದರಲ್ಲಿ ಹೆಚ್ಚಿನ ಅನಿಲ ತೊಟ್ಟಿನಿಂದ ಬಿಡುಗಡೆಯಾಗುವುದರಿಂದ, ತೊಟ್ಟನ್ನು ಮುಚ್ಚಿದಾಗ, ಪಕ್ವವಾಗುವ ಪ್ರಕ್ರಿಯೆ ನಿಧಾನವಾಗುತ್ತದೆ.
ನಿಂಬೆಹಣ್ಣು
ನಿಂಬೆಹಣ್ನನ್ನು ಶೆಲ್ಫ್ ನಲ್ಲಿಡುವುದು ಅಥವಾ ಅವುಗಳನ್ನು ನೇರವಾಗಿ ಫ್ರಿಡ್ಜ್ ನಲ್ಲಿಡುವುದರಿಂದ ಹೆಚ್ಚಿನ ಸಮಯ ಅವು ತಾಜಾ ಆಗಿರುವುದಿಲ್ಲ. ನಿಮಗೆ ತಾಜಾ ನಿಂಬೆಹಣ್ಣು ಬೇಕಿದ್ದರೆ, ನಿಂಬೆಹಣ್ಣುಗಳನ್ನು ಜ಼ಿಪ್ ಲಾಕ್ ಇರುವ ಬ್ಯಾಗ್ ನಲ್ಲಿಟ್ಟು ಫ್ರಿಡ್ಜ್ ನಲ್ಲಿಡಿ. ನೀವು ಅದನ್ನು ಬಳಸುವ ಕೆಲವು ನಿಮಿಷಗಳ ಮೊದಲು ಬಿಸಿನೀರಿನಲ್ಲಿ ಅದ್ದಿ ನಂತರ ಬಳಸುವುದರಿಂದ ಹೆಚ್ಚಿನ ರಸ ಪಡೆಯಬಹುದು.
ವೈಯಕ್ತಿಕವಾಗಿ ಖರೀದಿಸಬೇಕಾದ ದಿನಸಿ ಸಾಮಾಗ್ರಿಗಳು ಏನು ಗೊತ್ತಾ?
ಶುಂಠಿ
ಶುಂಠಿಯನ್ನು ಸಂಗ್ರಹಿಸಲು ಉತ್ತಮ ವಿಧಾನವೆಂದರೆ ಅದನ್ನು ಬಟ್ಟೆ ಅಥವಾ ಪೇಪರ್ ಬ್ಯಾಗ್ ನಲ್ಲಿ ಸುತ್ತಿ ನಂತರ ರೆಫ್ರಿಜರೇಟರ್ ನಲ್ಲಿ ಸಂಗ್ರಹಿಸಬೇಕು. ಇದು ಗಾಳಿ ಹಾಗೂ ತೇವ ಶುಂಠಿಗೆ ತಲುಪದಂತೆ ತಡೆಯುತ್ತದೆ. ನೀವು ಅದರ ಸಿಪ್ಪೆ ತೆಗೆದು ಅಥವಾ ಕತ್ತರಿಸಿ, ಫ್ರಿಡ್ಜ್ ನಲ್ಲಿ ಗಾಳಿಯಾಡದ ಕಂಟೈನರ್ ನಲ್ಲಿಯೂ ಇಡಬಹುದು.