ಹೊಸ ವರ್ಷದ ಸ್ವಾಗತಕ್ಕೆ ಮನೆಯ ಅಲಂಕಾರ ಹೀಗಿರಲಿ...

ಹೊಸ ವರುಷವು ನಮಗೆಲ್ಲರಿಗೂ ಹೊಸ ಹುರುಪು, ಹೊಸತನ ಹಾಗೂ ಆರೋಗ್ಯವನ್ನು ಕರುಣಿಸಲಿ ಎಂದು ಪ್ರಾರ್ಥಿಸುತ್ತಾ ಈ ಲೇಖನವನ್ನು ಆರಂಭಿಸುತ್ತಿದ್ದೇವೆ. ಕಳೆದ ಒಂದೆರಡು ವರ್ಷಗಳಲ್ಲಿ ಸಾಂಕ್ರಾಮಿಕದಿಂದಾಗಿ ನಾವೆಲ್ಲರೂ ತುಂಬಾ ಕಷ್ಟಪಟ್ಟಿದ್ದು, ಇನ್ನು ಕೂಡ ಅದರಿಂದ ಸಂಪೂರ್ಣವಾಗಿ ಹೊರಗೆ ಬಂದಿಲ್ಲ.

ಆದರೂ ನಾವೆಲ್ಲರೂ ಹೊಸ ವರ್ಷವನ್ನು ತುಂಬಾ ಖುಷಿ ಹಾಗೂ ಸಂತೋಷದಿಂದ ಸ್ವಾಗತಿಸುವುದು ಅಗತ್ಯ. ಹೊರಗಡೆ ಹೋಗಲು ಕೆಲವೊಂದು ನಿರ್ಬಂಧಗಳಿದ್ದರೂ ಮನೆಯಲ್ಲೇ ಸ್ನೇಹಿತರು ಹಾಗೂ ಸಂಬಂಧಿಕರ ಜತೆಗೆ ಹೊಸ ವರ್ಷವನ್ನು ಸ್ವಾಗತಿಸಬಹುದು.

ಅದು ಕೂಡ ಹೊಸ ವರ್ಷವು ವಾರಾಂತ್ಯಕ್ಕೆ ಬರುತ್ತಲಿದ್ದು, ಇನ್ನಷ್ಟು ಸಂಭ್ರಮವನ್ನು ಹೆಚ್ಚಿಸಿದೆ. ಮನೆಯಲ್ಲೇ ಹೊಸ ವರ್ಷವನ್ನು ಆಚರಣೆ ಮಾಡುವುದಾದರೆ ಆಗ ಮನೆಯನ್ನು ಯಾವ ರೀತಿಯಿಂದ ಶೃಂಗಾರ ಮಾಡಬಹುದು ಎಂದು ನಾವು ನಿಮಗೆ ತಿಳಿಸಿಕೊಡಲಿದ್ದೇವೆ. ನೀವು ಹಳೆ ವರ್ಷದ ಕಹಿ ನೆನಪು ಮರೆತು, ಹೊಸ ವರ್ಷವನ್ನು ಸ್ವಾಗತಿಸಲು ಮುಂದಾಗಿ.