ಹಣ್ಣಿಗೆ ಮುತ್ತುವ ನೊಣಗಳನ್ನು ಓಡಿಸಲು ಇಲ್ಲಿವೆ ಸುಲಭ ಟಿಪ್ಸ್

• ಒಂದು ಪಾರದರ್ಶಕವಾದ ಪ್ಲಾಸ್ಟಿಕ್ ಕವರ್ ತೆಗೆದುಕೊಳ್ಳಿ. ಅದಕ್ಕೆ ನೀರು ತುಂಬಿ ಜೊತೆಗೆ ಸ್ವಲ್ಪ ಆಪಲ್ ಸೈಡರ್ ವಿನೆಗರ್ ಮಿಶ್ರಣ ಮಾಡಿ.
• ಇದನ್ನು ನಿಮ್ಮ ಅಡುಗೆ ಮನೆಯ ಕಿಟಕಿಯ ಭಾಗದಲ್ಲಿ ನೇತುಹಾಕಿ. ಮಳೆಗಾಲದ ಸಂದರ್ಭದಲ್ಲಿ ನೊಣಗಳನ್ನು ದೂರ ಮಾಡಲು ಇದೊಂದು ಅತ್ಯದ್ಭುತ ಟಿಪ್ಸ್.
• ಪ್ರತಿ ಬಾರಿ ಮಳೆಗಾಲ ಬಂದಾಗ ಹೀಗೆ ಮಾಡುವುದರಿಂದ ನಿಮಗೆ ಸಾಕಷ್ಟು ಅನುಕೂಲವಿದೆ. ಕೆಲವರು ನೀರು ತುಂಬಿದ ಪ್ಲಾಸ್ಟಿಕ್ ಕವರ್ನಲ್ಲಿ ನಾಣ್ಯವನ್ನು ಕೂಡ ಹಾಕುತ್ತಾರೆ.

ರಾತ್ರಿ ಮಲಗುವ ಮೊದಲು ಒಂದು ಚಮಚ ಆಪಲ್ ಸೈಡರ್ ವಿನೆಗರ್ ಸೇವಿಸಿ ನೋಡಿ!

• ಕರ್ಪೂರವನ್ನು ದಿನದಲ್ಲಿ ಮೂರು ಬಾರಿ ಮನೆಯ ಯಾವುದಾದರೂ ಒಂದು ಮೂಲೆಯಲ್ಲಿ ಹಚ್ಚುವುದರಿಂದ ಸೊಳ್ಳೆ ಮತ್ತು ನೊಣಗಳನ್ನು ದೂರ ಮಾಡಬಹುದು.
• ಒಂದು ಬೌಲ್ ನಲ್ಲಿ ನೀರು ತೆಗೆದುಕೊಂಡು ಅದಕ್ಕೆ ಕರ್ಪೂರವನ್ನು ಹಾಕಿ ಅದನ್ನು ಅಡುಗೆ ಮನೆಯ ಯಾವುದಾದರೂ ಒಂದು ಮೂಲೆಯಲ್ಲಿ ಇಡುವುದರಿಂದ ಕೂಡ ನೊಣಗಳಿಂದ ಮುಕ್ತಿ ಪಡೆದುಕೊಳ್ಳಬಹುದು.

ಇರುವೆ, ತಿಗಣೆ, ಜಿರಳೆಗಳ ಕಾಟ ಜಾಸ್ತಿ ಆದರೆ, ಮನೆಯಲ್ಲಿ ಕರ್ಪೂರ ಹಚ್ಚಿ ನೋಡಿ...

• ನಿಮ್ಮ ಅಡುಗೆ ಮನೆಯ ಸೆಲ್ಫ್, ಕೌಂಟರ್ ಗಳು, ಡೈನಿಂಗ್ ಟೇಬಲ್, ಕಿಟಕಿಗಳ ಸರಳುಗಳು ಇತ್ಯಾದಿಗಳನ್ನು ವಿನೆಗರ್ ಮಿಶ್ರಣ ಮಾಡಿದ ನೀರನ್ನು ಬಳಕೆ ಮಾಡಿಕೊಂಡು ಅದರಿಂದ ಸ್ವಚ್ಛ ಮಾಡುವುದರಿಂದಲೂ ಕೂಡ ನೊಣಗಳಿಂದ ಮುಕ್ತಿ ಪಡೆದುಕೊಳ್ಳಬಹುದು.
• ಇದಕ್ಕಾಗಿ ಸುಮಾರು ಅರ್ಧ ಬಕೆಟ್ ನೀರಿಗೆ ಎರಡರಿಂದ ಮೂರು ಕ್ಯಾಪ್ ಆಪಲ್ ಸೈಡರ್ ವಿನೆಗರ್ ಮಿಶ್ರಣ ಮಾಡುವುದು ಒಳ್ಳೆಯದು.

• ನೀವು ಅಡುಗೆ ಮನೆಯಲ್ಲಿ ಹಣ್ಣುಗಳನ್ನು ಇಟ್ಟಿರುವ ಬ್ಯಾಸ್ಕೆಟ್ ಜಾಗದಲ್ಲಿ ಅಥವಾ ನಿಮ್ಮ ಅಡುಗೆ ಮನೆಯ ಸಿಂಕ್ ಇರುವ ಜಾಗದಲ್ಲಿ ತಾಜಾ ಪುದೀನಾ ಎಲೆಗಳ ಒಂದು ಕಟ್ಟನ್ನು ನೇತು ಹಾಕಿದರೆ ಸಾಕಷ್ಟು ಪ್ರಯೋಜನಕಾರಿ ಆಗಿರಲಿದೆ.
• ಪುದೀನಾ ಎಲೆಗಳ ಗಾಢವಾದ ವಾಸನೆ ನೊಣಗಳನ್ನು ಹತ್ತಿರ ಬರದಂತೆ ತಡೆಯುತ್ತದೆ. ನಿಮ್ಮ ರೆಫ್ರಿಜರೇಟರ್ ನಲ್ಲಿ ಕೂಡ ಪುದೀನಾ ಎಲೆಗಳನ್ನು ಇಡುವುದರಿಂದ ಕೇವಲ ನೊಣಗಳನ್ನು ದೂರ ಮಾಡುವುದು ಮಾತ್ರವಲ್ಲದೆ ರೆಫ್ರಿಜರೇಟರ್‌ನಲ್ಲಿ ಕಂಡುಬರುವ ಕೆಟ್ಟ ವಾಸನೆಯನ್ನು ಸಹ ದೂರ ಮಾಡಬಹುದು.
• ಪ್ರತಿ ಎರಡು ದಿನಗಳಿಗೊಮ್ಮೆ ಹೊಸ ಪುದಿನ ಎಲೆಗಳನ್ನು ಇರಿಸುವುದರಿಂದ ತಾಜಾತನ ಕಂಡುಬರುತ್ತದೆ ಎಂದು ಹೇಳಬಹುದು.

• ಒಂದು ಗಾಜಿನ ಬಟ್ಟಲು ತೆಗೆದುಕೊಂಡು ಅದರಲ್ಲಿ ವಿನೆಗರ್ ಹಾಕಿ ಜೊತೆಗೆ ಒಂದು ಚೂರು ಸೇಬು ಹಣ್ಣು ಅದರಲ್ಲಿಟ್ಟು ಸುತ್ತಲು ಪಾರದರ್ಶಕವಾದ ಪ್ಲಾಸ್ಟಿಕ್ ಕವರ್ ನಿಂದ ಮುಚ್ಚಿ ಗಾಳಿ ಹೋಗದಂತೆ ರಬ್ಬರ್ ಬ್ಯಾಂಡ್ ಹಾಕಿ ಒಂದು ಕಡೆ ಇಡಿ.
• ಈಗ ಪ್ಲಾಸ್ಟಿಕ್ ಕವರ್ ಮೇಲೆ ಸಣ್ಣ ಸಣ್ಣ ಹೋಲ್‌ಗಳನ್ನು ಮಾಡುವುದರಿಂದ ನೊಣಗಳು ಬಟ್ಟಲಿನಲ್ಲಿ ಬಂದು ಬೀಳುತ್ತವೆ. ಈ ನೀರನ್ನು ದಿನ ಬಿಟ್ಟು ದಿನ ಬದಲಿಸಿದರೆ ಸಾಕು. ಮನೆಯಿಂದ ನೊಣಗಳನ್ನು ಈ ರೀತಿ ಪರಿಣಾಮಕಾರಿಯಾಗಿ ದೂರ ಮಾಡಬಹುದು.

ಮನೆಯಲ್ಲಿ ಸೊಳ್ಳೆಗಳ ಕಾಟ ಜಾಸ್ತಿ ಆಗಿದೆಯೇ? ಹಾಗಾದ್ರೆ ಹೀಗೆ ಮಾಡಿ