ತೂಕ ಇಳಿಕೆಗೆ ಶುಂಠಿ ಬಳಸುವ 4 ವಿಧಾನ

ತೂಕ ಇಳಿಕೆಯ ಪ್ರಯತ್ನದಲ್ಲಿದ್ದೀರಾ? ಬೊಜ್ಜು ಕರಗಿಸುವ ಈ ಶುಂಠಿ ಮನೆಮದ್ದು ಮಾಡಿ.
ಇಲ್ಲಿ ನಾವು ಬೊಜ್ಜು ಕರಗಿಸಲು ಶುಂಠಿಯನ್ನು 4 ರೀತಿಯಲ್ಲಿ ಬಳಸುವ ವಿಧಾನ ತಿಳಿಸಲಾಗಿದೆ:

ತೂಕ ಇಳಿಕೆಗೆ ಶುಂಠಿ ಹೇಗೆ ಸಹಕಾರಿ?
ಶುಂಠಿಯಲ್ಲಿ shogaols ಮತ್ತು gingerols ಎಂಬ ಎರಡು ಅಂಶವಿರುತ್ತದೆ. ಈ ಆ್ಯಂಟಿಆಕ್ಸಿಡೆಂಟ್‌ ಅಂಶ ದೇಹದಲ್ಲಿ ಕಶ್ಮಲಗಳನ್ನು ಹೊರಹಾಕುತ್ತದೆ. ಅಲ್ಲದೆ ಸೊಂಟದ ಸುತ್ತ ಕೊಬ್ಬು ಸಂಗ್ರಹವಾಗುವುದನ್ನು ನಿಯಂತ್ರಿಸುತ್ತದೆ. ಇನ್ನು ಜಿಂಜರೋಲ್ಸ್ ಅಂಶ ದೇಹದಲ್ಲಿ ಸಕ್ಕರೆಯಂಶವನ್ನು ನಿಯಂತ್ರಣದಲ್ಲಿಡುತ್ತದೆ.

ಶುಂಠಿ, ನಿಂಬೆರಸ
ಶುಂಠಿ ಹಾಗೂ ನಿಂಬೆಯನ್ನು ಜತೆಗೆ ತಿಂದರೆ ಜೀರ್ಣಕ್ರಿಯೆಗೆ ತುಂಬಾ ಸಹಕಾರಿ. ಇವೆರಡೂ ತೂಕ ಇಳಿಸುವಲ್ಲಿ ಪರಿಣಾಮಕಾರಿ.

ಬಳಸುವುದು ಹೇಗೆ?
ಶುಂಠಿ ಟೀಗೆ ನಿಂಬೆರಸ ಹಾಕಿ ಕುಡಿಯಬಹುದು. ದಿನದಲ್ಲಿ 2 ಲೋಟ ಕುಡಿಯಬಹುದು.

ಆ್ಯಪಲ್‌ ಸಿಡರ್‌ ವಿನಿಗರ್‌ ಮತ್ತು ಶುಂಠಿ
ಶುಂಠಿ ಟೀ ತಣ್ಣಗಾದ ಮೇಲೆ ಆ್ಯಪಲ್‌ ಸಿಡರ್‌ ವಿನಿಗರ್‌ ಸೇರಿಸಿ ಕುಡಿಯಿರಿ. ತುಂಬಾ ಬಿಸಿ ಇರುವಾಗ ಹಾಕಿದರೆ ರುಚಿ ಹಾಳಾಗುವುದು.

ಗ್ರೀನ್‌ ಟೀ ಹಾಗೂ ಶುಂಠಿ
ಗ್ರೀನ್‌ ಟೀ ತೂಕ ಇಳಿಕೆಯಲ್ಲಿ ಸಹಕಾರಿ ಅದಕ್ಕೆ ಸ್ವಲ್ಪ ಶುಂಠಿ ಸೇರಿಸಿದರೆ ಬೊಜ್ಜು ಬೇಗನೆ ಕರಗುವುದು. ಗ್ರೀನ್‌ ಟೀ ಮಾಡುವಾಗ ಶುಂಠಿ ಹಾಕಿ ಕುದಿಸಿ ಕುಡಿಯಿರಿ.

ಶುಂಠಿ ಜ್ಯೂಸ್‌
ಜೇನು, ನಿಂಬೆರಸ, ನೀರು, ಶುಂಠಿ ಹಾಕಿ ಮಾಡುವ ಶುಂಠಿ ಜ್ಯೂಸ್‌ ಕೂಡ ತೂಕ ಇಳಿಕೆಗೆ ಸಹಕಾರಿ.