ಅಜ್ವೈನ್ ಈ 8 ಸಮಸ್ಯೆಗಳಿಗೆ ಬೆಸ್ಟ್ ಮನೆಮದ್ದು

ಅಡುಗೆ ಮನೆ ಎಂದ ಮೇಲೆ ಅಲ್ಲಿ ಅಜ್ವೈನ್‌ ಇಡುವುದನ್ನು ಮರೆಯಬೇಡಿ. ಮನೆಯಲ್ಲಿ ಅಜ್ವೈನ್‌ ಇದ್ದರೆ ಹಲವಾರು ಸಣ್ಣ-ಪುಟ್ಟ ಕಾಯಿಲೆಗಳನ್ನು ಗುಣ ಪಡಿಸಲು ಮನೆಮದ್ದಾಗಿ ಬಳಸಬಹುದು.

ಅಜ್ವೈನ್‌ಯನ್ನು ಆಯುರ್ವೇದ ಚಿಕಿತ್ಸೆ ವಿಧಾನದಲ್ಲಿ ಕೂಡ ಹಲವಾರು ಕಾಯಿಲೆಗಳನ್ನು ಗುಣ ಪಡಿಸಲು ಬಳಸುತ್ತಾರೆ. ಇಲ್ಲಿ ಅಜ್ವೈನ್‌ ಯಾವ ಕಾಯಿಲೆ ಗುಣ ಪಡಿಸಲು ಮನೆಮದ್ದಾಗಿ ಬಳಸಬಹುದೆಂಬ ಟಿಪ್ಸ್ ನೀಡಿದ್ದೇವೆ ನೋಡಿ:

1. ಗಾಯಕ್ಕೆ ಮನೆಮದ್ದು
ಚಿಕ್ಕ ಗಾಯವಾಗಿದ್ದರೆ, ತ್ವಚೆ ಸೋಂಕು ಉಂಟಾಗಿದ್ದರೆ ಅಜ್ವೈನ್‌ ಎಣ್ಣೆಯನ್ನು ಆ ಭಾಗಕ್ಕೆ ಹಚ್ಚಿ ಸ್ವಚ್ಛ ಮಾಡಬೇಕು. ಇದರಿಂದ ಸೋಂಕು ಹರಡುವುದನ್ನು ತಡೆಗಟ್ಟಬಹುದು.

2. ಹಲ್ಲಿನ ಸಮಸ್ಯೆಗೆ
ಹಲ್ಲು ನೋವು ಉಂಟಾದಾಗ ಅಜ್ವೈನ್‌ ಜಗಿದರೆ ನೋವು ಕಡಿಮೆಯಾಗುವುದು. ನೀರಿಗೆ 1 ಚಮಚ ಅಜ್ವೈನ್‌ ಹಾಗೂ ಉಪ್ಪು ಹಾಕಿ ಕುದಿಸಿ, ಆ ಬಿಸಿ ನೀರಿನಿಂದ ಬಾಯಿ ಮುಕ್ಕಿಸಿದರೆ ಹಲ್ಲು ನೋವು ಕಡಿಮೆಯಾಗುವುದು.

3. ಸೊಳ್ಳೆ ಬರದಂತೆ ತಡೆಗಟ್ಟಲು
ಸಾಸಿವೆ ಎಣ್ಣೆಗೆ ಅಜ್ವೈನ್‌ ಹಾಕಿ ಮಿಕ್ಸ್ ಮಾಡಿ ಒಂದು ಬೌಲ್‌ನಲ್ಲಿ ಹಾಕಿ ಮನೆಯ ಮೂಲೆ-ಮೂಲೆಯಲ್ಲಿಟ್ಟರೆ ಸೊಳ್ಳೆ ಬರುವುದಿಲ್ಲ.
ಅಕಾಲಿಕ ನೆರೆ ಕೂದಲು ತಡೆಗಟ್ಟಲು

4. ಅಕಾಲಿಕ ನೆರೆಕೂದಲು ತಡೆಗಟ್ಟಲು
ಒಂದು ಕಪ್ ಬಿಸಿ ನೀರಿಗೆ 4-5 ಎಸಳು ಕರಿಬೇವು, ಒಣ ದ್ರಾಕ್ಷಿ, ಚಿಟಿಕೆಯಷ್ಟು ಸಕ್ಕರೆ, ಅಜ್ವೈನ್ ಹಾಕಿ ಆ ನೀರನ್ನು 5 ನಿಮಿಷದ ಬಳಿಕ ಕುಡಿಯಬೇಕು. ಈ ರೀತಿ ಪ್ರತಿದಿನ ಕುಡಿದರೆ ಅಕಾಲಿಕ ನೆರೆ ಕೂದಲು ಮಾಯವಾಗಿ ಪುನಃ ಕಪ್ಪು ಕೂದಲಿನ ಸೌಂದರ್ಯ ಪಡೆಯಬಹುದು.

5. ಕೆಮ್ಮಿಗೆ ಮನೆಮದ್ದು
ಒಂದು ಚಮಚ ಅಜ್ವೈನ್ ಅನ್ನು ನೀರಿಗೆ ಹಾಕಿ ಕುದಿಸಿ ಕುಡಿದರೆ ಕೆಮ್ಮು, ಜ್ವರ ಕಡಿಮೆಯಾಗುವುದು.

6. ಕೊಲೆಸ್ಟ್ರಾಲ್‌ ನಿಯಂತ್ರಿಸುವುದು
ಸ್ವಲ್ಪ ಅಜ್ವೈನ್‌ ಅನ್ನು ದಿನನಿತ್ಯ ತಿಂದರೆ ಕೊಲೆಸ್ಟ್ರಾಲ್‌ ನಿಯಂತ್ರಣದಲ್ಲಿರುವುದು.

7. ಮಂಡಿ ನೋವಿಗೆ ಮನೆಮದ್ದು
ಅಜ್ವೈನ್‌ ಅನ್ನು ಪೇಸ್ಟ್‌ ಮಾಡಿ ನೋವಿರುವ ಭಾಗಕ್ಕೆ ಹಚ್ಚಿದರೆ ನೋವು ಕಡಿಮೆಯಾಗುವುದು.

8. ಅಸಿಡಿಟಿ ಕಡಿಮೆ ಮಾಡುತ್ತದೆ
ದಿನನಿತ್ಯ ಡಯಟ್‌ನಲ್ಲಿ ಅಜ್ವೈನ್‌ ಸೇರಿಸಿದರೆ ಅಸಿಡಿಟಿ ಸಮಸ್ಯೆ ಕಡಿಮೆಯಾಗುವುದು.