ಬಾಯಿ ಹುಣ್ಣು ನಿವಾರಣೆಗೆ ಈ ಸಿಂಪಲ್‌ ಮನೆಮದ್ದು ಬಳಸಿ

ಬಾಯಿ ಹುಣ್ಣಿನ ನಿವಾರಣೆಗೆ ಅತ್ತಿಮರದ ತೊಗಟೆ ಉತ್ತಮ ಮನೆಮದ್ದಾಗಿದೆ. ಅತ್ತಿ ಮರದ ತಾಜಾ ತೊಗಟೆಯನ್ನು ತಂದು ಚೆನ್ನಾಗಿ ಸ್ವಚ್ಛಗೊಳಿಸಿ ನೀರಿನಲ್ಲಿ ಹಾಕಿ ಚೆನ್ನಾಗಿ ಕುದಿಸಬೇಕು. 2 ಲೋಟ ನೀರು ಒಂದು ಲೋಟಕ್ಕೆ ಇಳಿಯುವಷ್ಟು ಕುದಿಸಿದ ನಂತರ ಅದನ್ನು ಸೋಸಿಕೊಳ್ಳಿ. ನಂತರ ಅರ್ಧ ಲೋಟ ಅತ್ತಿ ತೊಟಗೆಯನ್ನು ಕುದಿಸಿದ ನೀರಿಗೆ ಚಿಟಿಕೆ ಸಕ್ಕರೆ ಬೆರೆಸಿ ಸೇವನೆ ಮಾಡಿ. ಡಾ. ಅರುಣಾ ಅವರು ಹೇಳುವ ಪ್ರಕಾರ ಅತ್ತಿ ಮರದ ತೊಗಟೆಯ ಬಳಕೆಯಿಂದ ಒಂದೇ ದಿನದಲ್ಲಿ ಬಾಯಿಯಲ್ಲಾದ ನೋವಿನ ಗುಳ್ಳೆಗಳನ್ನು ಕಡಿಮೆ ಮಾಡಬಹುದು.

ದೇಹವನ್ನು ತಂಪುಗೊಳಿಸಿ ಬಾಯಿ ಹುಣ್ಣುಗಳನ್ನು ನಿವಾರಿಸಲು ಕೊತ್ತಂಬರಿ ಕಾಳುಗಳು ಅತ್ಯುತ್ತಮ ಪದಾರ್ಥವಾಗಿದೆ. ಕೊತ್ತಂಬರಿ ಕಾಳುಗಳನ್ನು ರಾತ್ರಿಯಿಡಿ ನೀರಿನಲ್ಲಿ ನೆನೆಸಿಟ್ಟು ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ಸೇವನೆ ಮಾಡಬಹುದು.

ಅಥವಾ ಕೊತ್ತಂಬರಿ ಬೀಜದ ಕಷಾಯವನ್ನು ಕೂಡ ಮಾಡಿ ಸೇವಿಸುವುದು, ಹಾಗೆಯೇ ತಿನ್ನುವುದರಿಂದಲೂ ಕೂಡ ಬಾಯಿ ಹುಣ್ಣು ನಿವಾರಣೆಯಾಗುತ್ತದೆ.

ಬಾಯಿ ಹುಣ್ಣನ್ನು ನಿವಾರಿಸಲು ತುಪ್ಪದ ಸೇವನೆ ಒಳ್ಳೆಯದು. ಆಹಾರದಲ್ಲಿ ತುಪ್ಪವನ್ನು ಸೇವನೆ ಮಾಡುವುದಿರಬಹುದು ಅಥವಾ ಬಾಯಿ ಹುಣ್ಣಿನ ಮೇಲೆ ತುಪ್ಪವನ್ನು ಹಚ್ಚುವುದರಿಂದಲೂ ಬಾಯಿಯಲ್ಲಾದ ನೋವಿನ ಹುಣ್ಣು ಕಡಿಮೆಯಾಗುತ್ತದೆ.

ತುಪ್ಪದ ಸೇವನೆಯಿಂದ ದೇಹದಲ್ಲಿ ಉಷ್ಣತೆಯಾಗುವುದನ್ನು ತಡೆಯಬಹುದಾಗಿದೆ. ಆದರೆ ನೆನಪಿಡಿ ಶುದ್ಧ ದೇಸಿ ಹಸುವಿನ ತುಪ್ಪವನ್ನೇ ಸೇವನೆ ಮಾಡಿ. ಉತ್ತಮ ಫಲಿತಾಂಶವನ್ನು ಪಡೆಯಬಹುದು ಎನ್ನುತ್ತಾರೆ ವೈದ್ಯರು.

ಬಾಯಿ ಹುಣ್ಣಿನ ನಿವಾರಣೆಗೆ ಅಲೋವೇರಾವನ್ನು ಬಳಸುವುದು ಒಳ್ಳೆಯದು. ಅಲೋವೆರಾ ಜ್ಯೂಸ್‌ನ್ನು ಸೇವನೆ ಮಾಡುವುದರಿಂದ ಬಾಯಿ ಹುಣ್ಣನ್ನು ನಿವಾರಿಸಬಹುದಾಗಿದೆ. ಅಲ್ಲದೆ ಅಲೋವೇರಾವನ್ನು ನೆತ್ತಿಯ ಮೇಲೆ ಹಾಕಿಕೊಳ್ಳುವುದರಿಂದಲೂ ದೇಹ ತಂಪಾಗಿ ಬಾಯಿ ಹುಣ್ಣನ್ನು ಗುಣಪಡಿಸಬಹುದಾಗಿದೆ.

ಅಥವಾ ಬಾಯಿಯಲ್ಲಿ ಹುಣ್ಣುಗಳಿದ್ದರೆ, ದಿನವಿಡೀ ಸ್ವಲ್ಪ ಸ್ವಲ್ಪ ಪ್ರಮಾಣದಲ್ಲಿ ಅಲೋವೆರಾ ರಸವನ್ನು ಸೇವಿಸಿದರೆ ಪರಿಹಾರ ಸಿಗುತ್ತದೆ. ಅಲೋವೆರಾ ಉರಿಯೂತದ ಗುಣಲಕ್ಷಣಗಳನ್ನು ಸಹ ಹೊಂದಿದೆ ಮತ್ತು ಅಲೋವೆರಾ ಜ್ಯೂಸ್ ಹೊಟ್ಟೆಯ ಹುಣ್ಣುಗಳಿಗೆ ಚಿಕಿತ್ಸೆ ನೀಡಲು ಸಹ ಪ್ರಯೋಜನಕಾರಿಯಾಗಿದೆ.

ಬಾಯಿಯ ಹುಣ್ಣಿನ ನಿವಾರಣೆಗೆ ಪೇರಳೆ ಮರದ ಎಳೆಯ ಎಲೆಗಳು ಸಹಾಯಕವಾಗಿದೆ. ಪೇರಳೆ ಎಲೆಯ ಚಿಗುರನ್ನು ತಂದು ನೀರಿನಲ್ಲಿ ಕುದಿಸಿ, ಕಷಾಯದ ರೀತಿಯಲ್ಲಿ ಸೇವನೆ ಮಾಡುವುದರಿಂದ ಒಂದೇ ದಿನದಲ್ಲಿ ಬಾಯಿ ಹುಣ್ಣನ್ನು ನಿವಾರಣೆ ಮಾಡಬಹುದಾಗಿದೆ.

ಪೇರಳೆ ಎಲೆಗಳು ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಕೂಡ ನೆರವಾಗುತ್ತದೆ. ಹೀಗಾಗಿ ನಿಮ್ಮ ಬಾಯಿ ಹುಣ್ಣಿನ ನಿವಾರಣೆಗೆ ಪೇರಳೆ ಎಲೆಗಳ ಚಿಗುರು ಉತ್ತಮ ಮನೆಮದ್ದಾಗಲಿದೆ.

Dr. Aruna

Ayurvedic

Kochi

ಇದನ್ನೂ ಓದಿ: ಪುರುಷರ ಪ್ರಾಸ್ಟೇಟ್‌ ಗ್ರಂಥಿಯ ಸಮಸ್ಯೆಗೆ ಆಯುರ್ವೇದ ವೈದ್ಯರ ಮನೆಮದ್ದು ಇಲ್ಲಿದೆ